Songs sorted by number of likes. 1604 songs total.
ఈ దినమెంతో శుభ దినము / నూతన జీవితం అతి మధురం / ఆగదు కాలం మన కోసం / గతించిపోయెను చెడు కాలం / వచ్చినది వసంత కాలం ||ఈ దినమెంతో|| / నీ హృదయం ఆశలమయము / కావాలి అది ప్రేమ నిండిన మందిరము (2) / యేసుని కొరకై తెరచిన హృదయం / ఆలయం అది దేవుని నిలయం ||ఈ దినమెంతో|| / జీవితమే దేవుని వరము / తెలియాలి అది ముగియక ముందే రక్షణ మార్గం (2) / నూతన జీవము నింపుకొని / నిలవాలి అది క్రీస్తుకు సాక్ష్యం ||ఈ దినమెంతో||
ఈ తరం యువతరం / ప్రభు యేసుకే అంకితం / నా బలం యవ్వనం / ప్రభు యేసుకే సొంతము / రా సోదరీ రారా సోదరా / ప్రభు యేసు వార్త చాటుదాం / రా సోదరీ రారా సోదరా / ప్రభు యేసు రాజ్యము స్థాపిద్దాం ||ఈ తరం|| / సువార్త సేవ నానాటికి చల్లారిపోయెగా / ఆత్మల సంపద మరి ఎందుకో అడుగంటిపోయెగా / దేవుని సేవ వ్యాపారమాయే / ఆత్మల రక్షణ నిర్లక్ష్యమాయే / నీవు కాకపోతే ఇంకెవ్వరు / నేడు కాకపోతే ఇంకెన్నడు ||రా సోదరీ|| / నశించిపోయే ఆత్మలు ఎన్నో అల్లాడుచుండెనుగా / యేసయ్య ప్రేమ చాటించే సైన్యం బహు తక్కువాయెగా / యేసయ్య రాకడ సామీపమాయే / ఆ వార్త చాటను వేగిర రావే / నీవు కాకపోతే ఇంకెవ్వరు / నేడు కాకపోతే ఇంకెన్నడు ||రా సోదరీ||
ఎంత కృపామయుడవు యేసయ్యా / (నీ) ప్రేమ చూపి నన్ను బ్రతికించినావయ్యా (2) / నలిగితివి వేసారితివి (2) / నాకై ప్రాణము నిచ్చితివి (2) ||ఎంత|| / బండలాంటిది నాదు మొండి హృదయం / ఎండిపోయిన నాదు పాత జీవితం (2) / మార్చినావు నీ స్వాస్థ్యముగా (2) / ఇచ్చినావు మెత్తనైన కొత్త జీవితము (2) ||ఎంత|| / కన్న తల్లి తండ్రి నన్ను మరచిననూ / ఈ లోకము నన్ను విడచిననూ (2) / మరువలేదు నన్ను విడువలేదు (2) / ప్రేమతో పిలచిన నాథుడవు (2) ||ఎంత|| / కరువులు కలతలు కలిగిననూ / లోకమంతా ఎదురై నిలచిననూ (2) / వీడను ఎన్నడు నీ సన్నిధి (2) / నీ త్యాగమునే ధ్యానించెదన్ (2) ||ఎంత||
ఫేస్బుక్.. యూట్యూబ్.. ఏదైనా కానీ / నీ ఆత్మకు మేలుకై వాడుకోమని / వాట్సాప్.. మెసెంజర్.. ఏదైనా కానీ / దేవుని మహిమకై వాడుకోమని / నీ చెవిలో అరచి చెప్పనా / రిమైండర్ లా గుర్తు చెయ్యనా / ఓ అన్నా ఓ అక్కా / ఓ తంబీ ఓ చెల్లి అంటూ రిక్వెస్ట్ చెయ్యనా / యేసయ్య ప్రేమను / మించిందేమి లేదంటూ చాటి చెప్పనా / మండే.. ట్యూస్డే.. ఏ రోజైనా కానీ / దేవుని సన్నిధిని వదలవద్దని / సమ్మర్.. వింటర్.. ఏదైనా కానీ / దేవుని పనికై ముందుండాలని / నీ చెవిలో అరచి చెప్పనా / రిమైండర్ లా గుర్తు చెయ్యనా / ఓ అంకుల్ ఓ ఆంటీ / ఓ తంబీ ఓ చెల్లి అంటూ రిక్వెస్ట్ చెయ్యనా / యేసయ్య ప్రేమను / మించిందేమి లేదంటూ చాటి చెప్పనా / కోపం.. ఆనందం.. ఏదైనా కానీ / దేవుని ప్రేమను మరువవద్దని / ఫీవర్.. కాఫ్ అండ్ కోల్డ్.. ఏదైనా కానీ / దేవుని స్తుతించడం మానవద్దని / నీ చెవిలో అరచి చెప్పనా / రిమైండర్ లా గుర్తు చెయ్యనా / ఓ అన్నా ఓ అక్కా / ఓ తంబీ ఓ చెల్లి అంటూ రిక్వెస్ట్ చెయ్యనా / యేసయ్య ప్రేమను / మించిందేమి లేదంటూ చాటి చెప్పనా / చాటి చెప్పనా – (2)
గగనము చీల్చుకొని ఘనులను తీసుకొని / నన్ను కొనిపోవ రానైయున్న / ప్రాణప్రియుడా యేసయ్యా (2) / నిన్ను చూడాలని… / నా హృదయమెంతో ఉల్లసించుచున్నది (2) / ఉల్లసించుచున్నది… ||గగనము|| / నీ దయా సంకల్పమే – నీ ప్రేమను పంచినది / నీ చిత్తమే నాలో నెరవేరుచున్నది (2) / పవిత్రురాలైన కన్యకగా – నీ యెదుట నేను నిలిచెదను (2) / నీ కౌగిలిలో నేను విశ్రమింతును (2) ||గగనము|| / నీ మహిమైశ్వర్యమే – జ్ఞాన సంపదనిచ్చినది / మర్మమైయున్న నీవలె రూపించుచున్నది (2) / కళంకములేని వధువునై – నిరీక్షణతో నిన్ను చేరెదను (2) / యుగయుగాలు నీతో ఏలెదను (2) ||గగనము|| / నీ కృపా బాహుళ్యమే – ఐశ్వర్యమునిచ్చినది / తేజోవాసుల స్వాస్థ్యం అనుగ్రహించినది (2) / అక్షయమైన దేహముతో – అనాది ప్రణాళికతో (2) / సీయోనులో నీతో నేనుందును (2) ||గగనము||
ఇది దేవుని నిర్ణయము / మనుష్యులకిది అసాధ్యము (2) / ఏదేను వనమందు / ప్రభు స్థిరపరచిన కార్యము (2) / ప్రభు స్థిరపరచిన కార్యము ||ఇది|| / ఈ జగతి కన్నా మునుపే / ప్రభు చేసెను ఈ కార్యము (2) / ఈ ఇరువురి హృదయాలలో / కలగాలి ఈ భావము (2) / నిండాలి సంతోషము ||ఇది|| / వరుడైన క్రీస్తు ప్రభువు / అతి త్వరలో రానుండెను (2) / పరలోక పరిణయమే / మనమెల్లరము భాగమే (2) / మనమెల్లరము భాగమే ||ఇది||
ఇదిగో దేవా ఈ హృదయం / ఇదిగో దేవా ఈ మనసు / ఇదిగో దేవా ఈ దేహం / ఈ నీ అగ్నితో కాల్చుమా / పరిశుద్ధ అగ్నితో కాల్చుమా (2) / పనికిరాని తీగలున్నవి / ఫలమివ్వ అడ్డుచున్నవి (2) / ఫలియించే ఆశ నాకుంది ||ఈ నీ|| / ఓ నా తోటమాలి / ఇంకో ఏడాది గడువు కావాలి (2) / ఫలియించే ఆశ నాకుంది ||ఈ నీ||
ఇదిగో నేనొక నూతన క్రియను చేయుచున్నాను (2) / ఈనాడే అది మొలచును దాని నాలోచింపరా (2) ||ఇదిగో|| / అడవిలో త్రోవనుజేసి – ఎడారిలో నదులను నేను (2) / ఎల్లప్పుడు సమృద్ధిగా – ప్రవహింప జేసెదను (2) ||ఇదిగో|| / నాదు ప్రజలు త్రాగుటకు – నేనరణ్యములో నదులు (2) / సమృద్ధిగా పారునట్లు – సృష్టించెదను నేను (2) ||ఇదిగో|| / అరణ్యములో జంతువులు – క్రూరపక్షులు సర్పములు (2) / ఘనపరచును స్తుతియించును – దీని నాలోచించుడి (2) ||ఇదిగో|| / నూతన సృష్టిగ నినుజేసి – నీ శాంతిని నదివలెజేసి (2) / ననుజూచి మహిమపరచి – స్తుతిబాడ జేసెదను (2) ||ఇదిగో|| / నేనే దేవుడనని దెలసి – నా కార్యములను నెరవేర్చి (2) / ముందున్న వాటికన్న – ఘనకార్యములను జేతున్ (2) ||ఇదిగో|| / మరుగైన మన్నానిచ్చి – మరితెల్లని రాతినిచ్చి (2) / చెక్కెదనా రాతిమీద – నొక క్రొత్త నామమును (2) ||ఇదిగో|| / పరలోక భాగ్యంబులు – నరలోకములో మనకొసగెన్ (2) / కరుణాసంపన్నుడగు – మన ప్రభువునకు హల్లెలూయ (2) ||ఇదిగో||
ఇన్నాళ్లు తోడుగా మాతో నడిచావు / ఇమ్మానుయేలుగా వెన్నంటి నిలిచావు (2) / ఇశ్రాయేలు కాపరి నీకు స్తోత్రము / నిన్నే అనుసరింతుము జీవితాంతము (2) / ఘనులైన వారే గతియించగా / ధనమున్నవారే మరణించగా (2) / ఎన్నతగని వారమైనా మమ్ము కనికరించావు / మా దినములు పొడిగించి సజీవులుగా ఉంచావు (2) ||ఇశ్రాయేలు|| / మా కంట కన్నీరు జారకుండగా / ఏ కీడు మా దరికి చేరకుండగా (2) / కంటి రెప్పలా కాచి భద్రపరచియున్నావు / దుష్టుల ఆలోచనలు భంగపరచియున్నావు (2) ||ఇశ్రాయేలు||
జన్మించె జనంబులకు ఇమ్మానుయేలు / జన్మించె జనంబులను రక్షింపను (2) / జననమొందె బేత్లెహేము పురమున / జనంబులారా సంతసించుడి – సంతసించుడి ||జన్మించె|| / లేఖనములు తెల్పినట్లు దీనుడై / లోకేశుడు జన్మించెను ప్రసన్నుడై (2) / లాకమందు దూతలు బాక నాదంబుతో (2) / ఏక స్వరము తోడ పాడిరి (2) ||జన్మించె|| / నీతి సూర్యుడుదయించె నుర్విలో / పాతకంబులెల్ల వీడెను కాంతికి (2) / నీతి న్యాయ తీర్పును నూతన శక్తియు (2) / సంతసమప్పె దీన ప్రజలకు (2) ||జన్మించె||
జుంటె తేనె ధారల కన్నా / యేసు నామమే మధురం / యేసయ్య సన్నిధినే మరువజాలను (2) / జీవితకాలమంతా ఆనందించెదా / యేసయ్యనే ఆరాధించెదా (2) ||జుంటె తేనె|| / యేసయ్య నామమే బహు పూజనీయము / నాపై దృష్టి నిలిపి సంత్రుష్టిగా నను ఉంచి (2) / నన్నెంతగానో దీవించి / జీవజలపు ఊటలతో ఉజ్జీవింపజేసెనే (2) ||జుంటె తేనె|| / యేసయ్య నామమే బలమైన దుర్గము / నా తోడై నిలిచి క్షేమముగా నను దాచి (2) / నన్నెంతగానో కరుణించి / పవిత్ర లేఖనాలతో ఉత్తేజింపజేసెనే (2) ||జుంటె తేనె|| / యేసయ్య నామమే పరిమళ తైలము / నాలో నివసించే సువాసనగా నను మార్చి (2) / నన్నెంతగానో ప్రేమించి / విజయోత్సవాలతో ఊరేగింపజేసెనే (2) ||జుంటె తేనె||
కలువరి సిలువ సిలువలో విలువ / నాకు తెలిసెనుగా / కలుషము బాపి కరుణను చూపి / నన్ను వెదికెనుగా (2) / అజేయుడా విజేయుడా / సజీవుడా సంపూర్ణుడా (2) ||కలువరి|| / కష్టాలలోన నష్టాలలోన / నన్నాదుకొన్నావయ్యా / వ్యాధులలోన బాధలలోన / కన్నీరు తుడిచావయ్యా (2) / మధురమైన నీ ప్రేమ / మరువగలనా ఆ ప్రేమ (2) / అనుక్షణం నీ ఆలోచన / నిరంతరము నాకు నీవిచ్చిన ||కలువరి|| / పాపానికైనా శాపానికైనా / రక్తాన్ని కార్చావయ్యా / దోషానికైనా ద్వేషానికైనా / మరణించి లేచావయ్యా (2) / మధురమైన నీ ప్రేమ / మరువగలనా ఆ ప్రేమ (2) / అనుక్షణం నీ ఆలోచన / నిరంతరము నాకు నీవిచ్చిన ||కలువరి||