Songs sorted by number of likes. 1604 songs total.
కొంతసేపు కనబడి అంతలోనే మాయమయ్యే / ఆవిరి వంటిదిరా ఈ జీవితం / లోకాన కాదేది శాశ్వతం (2) / యేసే నిజ దేవుడు నిత్యజీవమిస్తాడు / మరణమైన జీవమైన నిన్ను విడువడు (2) ||కొంతసేపు|| / ఎదురౌతారెందరో నీ పయనంలో / నిలిచేది ఎందరు నీ అక్కరలో (2) / వచ్చేదెవరు నీతో మరణము వరకు (2) / ఇచ్చేదేవరు ఆపై నిత్య జీవము నీకు ||యేసే|| / చెమటోడ్చి సుఖము విడిచి కష్టమునోర్చి / ఆస్తులు సంపాదించిన శాంతి ఉన్నదా (2) / ఈ రాత్రే దేవుడు నీ ప్రాణమడిగితే (2) / సంపాదన ఎవరిదగును యోచించితివా ||యేసే|| / నీ శాపం తాను మోసి పాపం తీసి / రక్షణ భాగ్యము నీకై సిద్ధము చేసి (2) / విశ్రాంతినీయగ నిన్ను పిలువగా (2) / నిర్లక్ష్యము చేసిన తప్పించుకొందువా ||యేసే||
కృప కనికరముల / మా దేవా – కృతజ్ఞత నర్పింతు (2) / యెహోవా చేసిన ఉపకారములకై / ఆయనకేమి చెల్లింతును (2) / యెహోవా నామమున – ప్రార్ధన చేసెదను (2) / రక్షణ పాత్ర చేబూని ||కృప|| / నీదు కృపతో నాదు యేసు / నన్ను నీవు రక్షించితివి (2) / కాదు నాదు – క్రియల వలన (2) / ఇది దేవుని వరమే ||కృప|| / చెప్ప నశక్యము మహిమ యుక్తము / నీవొసంగిన సంతోషము (2) / తప్పకుండా – హల్లెలూయా (2) / పాట పాడెదన్ ||కృప||
యేసు నిన్ను నే స్తుతియించుట / మానను మానను మానను / కృతజ్ఞతలు నీకు చెల్లించుట / ఎన్నడూ మాననే మానను / ప్రతికూల పరిస్థితులు / వెంటాడు ఘడియలలో / నీ సిలువ తట్టు తిరిగి / నీ యాగమును తలచి ||యేసు నిన్ను|| / సిలువపై మరణించి మరాణాన్ని గెలిచి / వరముగా నిత్యజీవము నిచ్చితివి / నాకింక నిన్ను స్తుతియించకుండా / ఉండు కారణమేది లేకపోయెను ||యేసు నిన్ను|| / పరమందు ధనవంతుడు నేనగుటకు / దారిద్యములో నీవు జీవించితివి / ఈ లోక ధనము నను విడచిపోయి / దరిద్రునిగా నే మిగిలినను ||యేసు నిన్ను|| / నీ పరిశుద్ధ రక్తము నా కొరకు కార్చి / నా పాప రోగము కడిగితివి / ఈనాడు నీవు నా దేహరోగము / స్వస్థపరచినా లేకున్నా ||యేసు నిన్ను|| / అసాధ్యుడవు నీవు సర్వాధికారివి / సార్వభౌముడవు దయాలుడవు / నా జీవితములో నా మేలుకోరకే / సమస్తమును జరిగించు వాడవు ||యేసు నిన్ను||
మారిపోయెనే నా పాపపు మనసు – సిలువలో నిన్ను చూడ / కరిగిపోయెనే నా కఠిన హృదయం – కలువరిలో నిన్ను చేర / యేసయ్యా యేసయ్యా… నీ ప్రేమ నాకు చాలయ్యా (2) ||మారిపోయెనే|| / సొగసైన నీ మోము ఉమ్ములతో నిండిపోయెనా / దుర్మార్గపు కొరడాలు నీ వీపుపై నాట్యమాడెనా (2) / పరిశుద్ధ దేహం మాంసపు ముద్దాయెనా / విసుకలేదయ్యా నాకై విసికి పోలేదయ్యా / ఎందుకింత ప్రేమ నా పైన యేసయ్యా / ఎందుకింత త్యాగం నా కొరకు యేసయ్యా ||మారిపోయెనే|| / యెరూషలేము పుర వీధులు రక్తముతో తడిసిపోయెనా / స్వచ్చమైన నీ రూపం సిలువలో నలిగిపోయెనా (2) / యూదా కొదమ సింహం గొర్రెలా మౌని ఆయేనా / తెరువలేదయ్యా నీవు నోరు మెదపలేదయ్యా / ఎందుకింత ప్రేమ నా పైన యేసయ్యా / ఎందుకింత త్యాగం నా కొరకు యేసయ్యా ||మారిపోయెనే||
మహాఘనుడవు మహోన్నతుడవు / పరిశుద్ధ స్థలములోనే నివసించువాడవు (2) / కృపా సత్య సంపూర్ణమై / మా మధ్యలో నివసించుట న్యాయమా / నను పరిశుద్ధపరచుటే నీ ధర్మమా (2) / వినయముగల వారిని / తగిన సమయములో హెచ్చించువాడవని (2) / నీవు వాడు పాత్రనై నేనుండుటకై / నిలిచియుందును పవిత్రతతో (2) / హల్లెలూయా యేసయ్యా నీకే స్తోత్రమయా (2) ||మహా|| / దీన మనస్సు గలవారికే / సమృద్ధిగా కృపను దయచేయువాడవని (2) / నీ సముఖములో సజీవ సాక్షినై / కాపాడుకొందును మెళకువతో (2) / హల్లెలూయా యేసయ్యా నీకే స్తోత్రమయా (2) ||మహా|| / శోధింపబడు వారికి / మార్గము చూపించి తప్పించువాడవని (2) / నా సిలువ మోయుచు నీ సిలువ నీడను / విశ్రమింతును అంతము వరకు (2) / హల్లెలూయా యేసయ్యా నీకే స్తోత్రమయా (2) ||మహా||
మహోన్నతుడా నీ చాటున నే నివసించెదను / సర్వశక్తుడా నీ నీడలో నే విశ్రమించెదను / బలవంతుడా నీ సన్నిధినే / నే ఆశ్రయించెదా అనుదినము / యేసయ్యా యేసయ్యా / రాత్రివేళ కలుగు భయముకైనా / పగటిలో ఎగిరే బాణముకైనా / చీకటిలో సంచరించు తెగులుకైనా / దినమెల్లా వేధించు వ్యాధికైనా / నే భయపడను నే దిగులు చెందను / యెహోవా రాఫా నా తోడు నీవే / యేసయ్యా యేసయ్యా / వేయిమంది నా ప్రక్క పడిపోయినా / పదివేలు నా చుట్టు కాలినను / అంధకారమే నన్ను చుట్టుముట్టినా / మరణ భయమే నన్ను వేధించినా / నే భయపడను నే దిగులు చెందను / యెహోవా నిస్సి నా తోడు నీవే / యేసయ్యా యేసయ్యా / నిను ప్రేమించువారిని తప్పించువాడా / నిన్నెరిగిన వారిని ఘనపరచువాడా / నా యుద్ధము జయించి లేవనెత్తువాడా / కృప వెంబడి కృప చూపించువాడా / యేసయ్యా యేసయ్యా / నే భయపడను నే దిగులు చెందను / యెహోవా షాలోం నా తోడు నీవే
మరువగలనా మరలా – ఇలలో గనని కరుణా / ఈలాంటి ప్రేమను కలిగినను / క్షమించు నింతటి నేరమును / జీవిత కాలమంతా – యేసు ధ్యానము చేసెదను / ఆశయు అక్కరయు పాపమై / చిక్కితి శత్రువు చేతులలో / మరణపు టంచున చేరితిని / ఇంతలోనే యేసు కరుణింప వచ్చి / క్షమియించి విడిపించెను / ఈలాంటి ప్రేమను కలిగినను / క్షమించు నింతటి నేరమును / నిందను పొందినను – ప్రభు చెంతకు చేరెదను / ఏ పాపికి కడు భాగ్యమే / యేసుని చేరగ ధన్యమే / యేసుని ప్రేమ అనంతమే / నీ పాపమంతా తొలగించి / యేసు ప్రేమించి దీవించును / నీ భారమంతయు భరియించును / కన్నీరు తుడిచి ఓదార్చును / శాశ్వత ప్రేమ చూపి – తన కౌగిట దాచుకొనున్ / మరువగలనా మరలా – ఇలలో గనని కరుణా / ఆ సిల్వ ప్రేమను చూపెదను / నా క్రీస్తు వార్తను చాటెదను / జీవిత కాలమంత – యేసు ధ్యానము చేసెదను
మేలు చేయక నీవు ఉండలేవయ్యా / ఆరాధించక నేను ఉండలేనయ్యా (2) / యేసయ్యా.. యేసయ్యా.. యేసయ్యా..యేసయ్యా (2) ||మేలు చేయక|| / నిన్ను నమ్మినట్లు నేను వేరే ఎవరిని నమ్మలేదయ్యా / నీకు నాకు మధ్య దూరం తొలగించావు వదిలుండ లేక (2) / నా ఆనందం కోరేవాడా – నా ఆశలు తీర్చేవాడా (2) / క్రియలున్న ప్రేమ నీది నిజమైన ధన్యత నాది ||యేసయ్యా|| / ఆరాధించే వేళలందు నీదు హస్తములు తాకాయి నన్ను / పశ్చాత్తాపం కలిగే నాలో నేను పాపినని గ్రహియించగానే (2) / నీ మేళ్లకు అలవాటయ్యి నీ పాదముల్ వదలకుంటిన్ (2) / నీ కిష్టమైన దారి కనుగొంటిని నీతో చేరి ||యేసయ్యా|| / పాపములు చేసాను నేను నీ ముందర నా తల ఎత్తలేను / క్షమియించ గల్గె నీ మనసు ఓదార్చింది నా ఆరాధనలో (2) / నా హృదయము నీతో అంది నీకు వేరై మనలేనని (2) / అతిశయించెద నిత్యమూ నిన్నే కలిగి ఉన్నందుకు ||యేసయ్యా||
ముఖ దర్శనం చాలయ్యా / నాకు నీ ముఖ దర్శనం చాలయ్యా (2) / సమీపించని తేజస్సులో / నివసించు నా దైవమా (2) / నీ ముఖ దర్శనం చాలయ్యా (2) / యేసయ్యా యేసయ్యా యేసయ్యా యేసయ్యా (2) / అన్న పానములు మరచి నీతో గడుపుట / పరలోక అనుభవమే / నాకది ఉన్నత భాగ్యమే (2) / యేసయ్యా యేసయ్యా యేసయ్యా యేసయ్యా (2) / పరిశుద్ధ పరచబడి పరిపూర్ణత నొంది / మహిమలో చేరుటయే / అది నా హృదయ వాంఛయే (2) / యేసయ్యా యేసయ్యా యేసయ్యా యేసయ్యా (2) / కోట్లకొలది దేవ దూతల సమూహముతో కూడి / గానము చేసెదను / ప్రభువా నిత్యము స్తుతియింతును (2) / యేసయ్యా యేసయ్యా యేసయ్యా యేసయ్యా (2) ||ముఖ||
నా దేవుణ్ణి నేను ప్రేమిస్తున్నా / నా యేసయ్యను నేను ప్రేమిస్తున్నా (2) / రాసాను నేనొక లేఖని / పంపాను నేనొక పాటని (2) ||నా దేవుణ్ణి|| / నిను చూడక నాకు నిదుర ఏది / నీ స్వరము వినక నేనుంటినా (2) ||నా దేవుణ్ణి|| / నీ సేవకై నన్ను ఏర్పరచావు / నీ కొరకు మరణించే ప్రాణం ఉంది (2) ||నా దేవుణ్ణి||
నా యేసు రాజు / నాకై పుట్టిన రోజు (2) / క్రిస్మస్ పండుగా / హృదయం నిండుగా (2) / హ్యాపీ హ్యాపీ క్రిస్మస్ / మెర్రి మెర్రి క్రిస్మస్ (2) ||నా యేసు|| / పరలోకమునే విడిచెను / పాపిని నను కరుణించెను / పశు పాకలో పుట్టెను / పశువుల తొట్టిలో వింతగా (2) ||హ్యాపీ|| / నమ్మిన వారికి నెమ్మది / ఇమ్ముగనిచ్చి బ్రోవఁగా / ప్రతి వారిని పిలిచెను / రక్షణ భాగ్యమునివ్వగా (2) ||హ్యాపీ|| / సంబరకరమైన క్రిస్మస్ / ఆనందకరమైన క్రిస్మస్ / ఆహ్లాదకరమైన క్రిస్మస్ / సంతోషకరమైన క్రిస్మస్ (2) ||నా యేసు||
నడిపించు నా నావా నడి సంద్రమున దేవా / నవ జీవన మార్గమున నా జన్మ తరియింప ||నడిపించు|| / నా జీవిత తీరమున నా అపజయ భారమున / నలిగిన నా హృదయమును నడిపించుము లోతునకు / నా యాత్మ విరబూయ నా దీక్ష ఫలియింప / నా నావలో కాలిడుము నా సేవ చేకొనుము ||నడిపించు|| / రాత్రంతయు శ్రమపడినా రాలేదు ప్రభు జయము / రహదారులు వెదకిననూ రాదాయెను ప్రతిఫలము / రక్షించు నీ సిలువ రమణీయ లోతులలో / రతణాలను వెదకుటలో రాజిల్లు నా పడవ ||నడిపించు|| / ఆత్మార్పణ చేయకయే ఆశించితి నీ చెలిమి / అహమును ప్రేమించుచునే అరసితి ప్రభు నీ కలిమి / ఆశ నిరాశాయే ఆవేదనెదురాయే / ఆధ్యాత్మిక లేమిగని అల్లాడే నావలలు ||నడిపించు|| / ప్రభు మార్గము విడచితిని ప్రార్థించుట మానితిని / ప్రభు వాక్యము వదలితిని పరమార్థము మరచితిని / ప్రపంచ నటనలలో ప్రావీణ్యమును బొంది / ఫలహీనుడనై యిపుడు పాటింతు నీ మాట ||నడిపించు|| / లోతైన జలములలో లోతున వినబడు స్వరమా / లోబడుటను నేర్పించి లోపంబులు సవరించి / లోనున్న ఈవులలో లోటైన నా బ్రతుకు / లోపించని అర్పనగా లోకేష చేయుమయా ||నడిపించు|| / ప్రభు యేసుని శిష్యుడనై ప్రభు ప్రేమలో పాదుకొని / ప్రకటింతును లోకములో పరిశుద్ధుని ప్రేమ కథ / పరమాత్మ ప్రోక్షణతో పరిపూర్ణ సమర్పణతో / ప్రాణంబును ప్రభు కొరకు పానార్పణము చేతు ||నడిపించు||