315 faith songs available. Lyrics in Roman and Telugu script.
దేవుని వారసులం – ప్రేమ నివాసులము / జీవన యాత్రికులం – యేసుని దాసులము / నవ యుగ సైనికులం – పరలోక పౌరులము / హల్లెలూయ – నవ యుగ సైనికులం – పరలోక పౌరులము ||దేవుని|| / సజీవ సిలువ ప్రభు – సమాధి గెలుచుటకే / విజేత ప్రేమికులం – విధేయ బోధకులం / నిజముగ రక్షణ ప్రబలుటకై / ధ్వజముగ సిలువను నిలుపుదుము (2) ||దేవుని|| / ప్రభువును చూచుటకై ప్రజలందరు రాగా / విభు మహిమను గాంచ – విశ్వమే మేము గోల / శుభములు గూర్చుచు మాలోన / శోభిల్లు యేసుని చూపుదుము (2) ||దేవుని|| / దారుణ హింస లలో – దేవుని దూతలుగా / ఆరని జ్వాలలలో – ఆగని జయములతో / మారని ప్రేమ సమర్పణతో / సర్వత్ర యేసుని కీర్తింతుము (2) ||దేవుని|| / పరిశుద్దాత్మునికై – ప్రార్థన సలుపుదము / పరమాత్ముని రాక – బలము ప్రసాదింప / ధరణిలో ప్రభువును జూపుటకై / సర్వాంగ హోమము జేయుదము (2) ||దేవుని|| / అనుదిన కూటములు – అందరి గృహములలో / ఆనందముతోను – ఆరాధనలాయే / వీనుల విందగు పాటలతో / ధ్యానము చేయుచు మురియుదము (2) ||దేవుని|| / హత సాక్షుల కాలం – అవనిలో చెలరేగ / గతకాలపు సేవ – గొల్గొతా గిరి జేర / భీతులలో బహు రీతులలో / నూతన లోకము కాంక్షింతుము (2) ||దేవుని||
యెహోవా మా కాపరి / యేసయ్య మా ఊపిరి / మాకు లేనిది లేదు లేమి కలుగదు (2) ||యెహోవా|| / వాక్య పచ్చికలో ఆకలి తీర్చెను / ఆత్మ జలములో దప్పిక తీర్చెను (2) / మా ప్రాణములు సేదదీర్చేను / నీతి మార్గమున నడిపించెను ||యెహోవా|| / కారు చీకటిలో కన్నీరు తుడిచెను / మరణ పడకలో ఊపిరి పోసెను (2) / మా తోడు నీడై నిలిచి నడచెను / శత్రు పీఠమున విందు చేసెను ||యెహోవా|| / పరిశుద్ధాత్మలో ముంచి వేసెను / పరమానందము పొంగిపోయెను (2) / పరలోకములో గొరియపిల్లను / నిరతము మేము కీర్తింతుము ||యెహోవా||
ఆగక సాగుమా / సేవలో ఓ.. సేవకా / ఆగక సాగుమా / సేవలో సేవకా (2) / ప్రభువిచ్చిన పిలుపును / మరువక మానక (2) ||ఆగక|| / పిలిచినవాడు ప్రభు యేసుడు / ఎంతైనా నమ్మదగినవాడు (2) / విడువడు నిన్ను ఎడబాయడు / నాయకుడుగా నడిపిస్తాడు (2) ||ఆగక|| / తెల్లబారిన పొలములు చూడు / కోత కోయను సిద్ధపడుము (2) / ఆత్మల రక్షణ భారముతో / సిలువనెత్తుకొని సాగుము (2) ||ఆగక||
నీదు విశ్వాస్యత మా ప్రభు యేసు / అంతరిక్షము నధిగమించెను (2) / నిను ప్రేమించి నీ ఆజ్ఞలను / అనుసరించు మానుజావళికి (2) / నిబంధనను స్థిరముగ జేసి (2) / నిరతము నలరారెడు మా ప్రభువా (2) ||నీదు|| / వేయి తరముల వరకు సరిగా / విలసిల్లేటి వెలలేని మా (2) / వింతల కృపాంబుధి యగు దేవా (2) / యెంతయో నిను స్తుతియింతుము కోరి (2) ||నీదు|| / నీ సత్య సంధత్వ మహిమ / నిరతము నిలయం సంస్తుతులకు (2) / మెరసెను నా మదిలోన దేవా (2) / మరువగ లేమి మధుర ప్రేమ (2) ||నీదు|| / ఎంతైనను నమ్మదగిన / వింతైన నీ విశ్వాస్యత (2) / వాత్సల్యత వెలసెను మాపై (2) / క్రొత్తగా ప్రతి దినము యేసు ప్రభు (2) ||నీదు|| / మన ఆత్మను జీవము దేహమును / మన ప్రభు యేసు రాకడ వరకు (2) / వొనరుగ కాపాడును పదిలముగా (2) / దిన దినమును నిందారహితముగా (2) ||నీదు|| / తండ్రి కుమార శుద్ధాత్మకును / తర తరములకు మహిమ ఘనత (2) / పరిపూర్ణముగా ప్రబలును గాక (2) / పరి పరి విధముల ప్రభు సంఘములో (2) ||నీదు||
గూడు లేని గువ్వనై – కూడు లేని బిడ్డనై (2) / నీడ లేని మనిషినై – అందరిలో ఒంటరినై (2) / దారి తెలియని స్థితిలో నిలబడి ఉన్నాను / సహాయము కొరకు ఆర్జిస్తు ఉన్నాను (2) / అప్పుడొక మెల్లని స్వరము నాతో / మాట్లాడి చెప్పెను ప్రభువైన యేసుని (2) / ఎప్పుడైతే ఆ స్వరము విన్నానో నేను / నా జీవితమంత ప్రకాశింప సాగింది (2) ||గూడు|| / అప్పుడొక తియ్యని స్వరము నాతో / మాట్లాడి చెప్పెను ప్రియుడైన యేసుని (2) / ఎప్పుడైతే ఆ స్వరము విన్నానో నేను / నా పాప జీవితము పారిపో సాగింది (2) ||గూడు|| / అప్పుడొక అద్భుత స్వరము నాతో / మాట్లాడి చెప్పెను రాజైన యేసుని (2) / ఎప్పుడైతే ఆ స్వరము విన్నానో నేను / నా ప్రశ్నలన్నిటికి జవాబులు దొరికాయి (2) / గూడు ఉన్న గువ్వనై – కూడు ఉన్న బిడ్డనై (2) / నీడ ఉన్న మనిషినై – ఒక్కరిలో వెయ్యినై (2) / దారి తెలిసిన స్థితిలో నిలబడి ఉన్నాను / సేవలోని మాధుర్యము ననుభవిస్తున్నాను (2) / యేసుని నమ్ముకో – యేసుని చేరుకో / యేసుని కోరుకో – యేసుతో చేరిపో (4)
ఒక వరమడిగితిని యేసయ్యా / నీలా ఉండాలని – మండుచుండాలని / నీలా ఉండాలని – మండుచుండాలని (2) / యేసయ్యా యేసయ్యా యేసయ్యా యేసయ్యా (2) ||ఒక వరమడిగితిని|| / నాలో నేరము స్థాపించగలరా / ప్రతిధ్వని ఇచ్చెను నీ స్వరము ధరలో (2) / నన్ను పరిశుద్ధపరచి తుది శ్వాస వరకు / నీ మార్గములలో నడిపించవా (2) ||ఒక వరమడిగితిని|| / సర్వ సృష్టికి సర్వాధికారి / తల వాల్చుటకును స్థలమింత లేదా (2) / నేను లోకాశ విడచి పైనున్నవాటి / గురి కలిగి వెదకి పొందాలని (2) ||ఒక వరమడిగితిని|| / తండ్రిని విడచి పారమును వీడి / నన్ను సమీపించినావు (2) / నేను కలిగున్నదంత నీ పాదాల చెంత / అర్పించి నీ చెంత చేరాలని (2) ||ఒక వరమడిగితిని|| / దేవుని చిత్తము సంపూర్తి చేయగ / సిలువలో వ్రేళాడి శ్రమ నొందినావు (2) / నేను నీ సిలువ మోయుచు కడవరకు ఇలలో / నీ సాక్షిగా జీవించాలని (2) ||ఒక వరమడిగితిని||
కన్నీళ్లతో పగిలిన గుండెతో అలసిన నేస్తమా / మనసున్న మారాజేసుని మదిలో నిలుపుమా (2) / విడువడు నిన్ను ఎడబాయడు నిన్ను / కష్టాల కడలిలో గమ్యానికి చేర్చును (2) / విడువడు నిన్ను / రాతిరంత ఏడుపొచ్చినా – కంట నీరు ఆగకుండినా / కాలమింక మారకుండునా – వెలుగు నీకు కలగకుండునా / ప్రాణమిచ్చి ప్రేమ పంచినా – పేరు పెట్టి నిన్ను పిలచినా / నీ చేయి పట్టి విడచునా – అనాథగా నిన్ను చేయునా ||విడువడు|| / అంధకారమడ్డు వచ్చినా – సంద్రమెంత ఎత్తు లేచినా / నిరాశలే పలకరించినా – క్రీస్తు ప్రేమ నిన్ను మరచునా / బాధ కలుగు దేశమందునా – బంధకాలు ఊడకుండునా / శత్రువెంతో పగతో రగిలినా – గిన్నె నిండి పొర్లకుండునా ||విడువడు||
నీ వాక్యమే నన్ను బ్రతికించెను / బాధలలో నెమ్మదినిచ్చెను (2) / కృపా శక్తి దయా సత్య సంపూర్ణుడా / వాక్యమై ఉన్న యేసు వందనమయ్యా (2) ||నీ వాక్యమే|| / జిగటగల ఊభినుండి లేవనెత్తెను / సమతలమగు భూమిపై నన్ను నిలిపెను (2) / నా పాదములకు దీపమాయెను (2) / సత్యమైన మార్గములో నడుపుచుండెను (2) ||నీ వాక్యమే|| / శత్రువులను ఎదుర్కొనే సర్వాంగ కవచమై / యుద్ధమునకు సిద్ధ మనసు ఇచ్చుచున్నది (2) / అపవాది వేయుచున్న అగ్ని బాణములను (2) / ఖడ్గము వలె అడ్డుకొని ఆర్పి వేయుచున్నది (2) ||నీ వాక్యమే|| / పాలవంటిది జుంటి తేనె వంటిది / నా జిహ్వకు మహా మధురమైనది (2) / మేలిమి బంగారు కన్న మిన్న అయినది (2) / రత్న రాసులకన్నా కోరతగినది (2) ||నీ వాక్యమే||
నా జీవితకాలమంత నిను కీర్తించిన చాలునా / నా సమస్త సంపద నీకిచ్చిన చాలునా / యేసు నీదు మేలులకై నే బదులుగా ఏమిత్తును / నా దేహమే యాగముగా అర్పించిన చాలునా ||నా జీవిత|| / నా బాల్యమంతా నా తోడుగ నిలిచి / ప్రతి కీడు నుండి తప్పించినావు / యవ్వనకాలమున నే త్రోవ తొలగిన / మన్నించి నాతోనే కొనసాగినావు / ఎన్నో శ్రమలు ఆపదలన్నిటిలో / నను దైర్యపరిచి నను ఆదుకున్నావు / యేసు నీవే నీవే యేసు… నీవే నా సర్వస్వమూ ||నా జీవిత|| / కన్నీటి రాత్రులు నే గడిపిన వెంటనే / సంతోష ఉదయాలు నాకిచ్చినావు / హృదయాశలన్ని నెరవేర్చినావు / యోగ్యుడను కాకున్న హెచ్చించినావు / ఎంతో ప్రేమ మితిలేని కృపను / నాపై చూపించి నను హత్తుకున్నావు / యేసు నీవే నీవే యేసు… నీవే నా ఆనందమూ ||నా జీవిత||
నాలో ఉన్న ఆశలన్నియు / నాలో ఉన్న ఊహలన్నియు / నాలో ఉన్న ప్రాణమంతయు – నీవే యేసయ్యా (2) / యేసయ్యా నీవే నా మార్గం / యేసయ్యా నీవే నా సత్యం / యేసయ్యా నీవే నా జీవం / నీవే నా ప్రాణం / నాకున్నవన్ని నీకే యేసయ్యా / నాలోన నిన్ను దాచానేసయ్యా (2) / నీ చేతులలో నా రూపమునే ముద్రించితివి / నా పాపముల కొరకై నీవు బలి అయిపోతివి (2) / పరిశుద్ధమైన రక్తము ద్వారా / పాపాలన్ని కడిగివేసితివి ||యేసయ్యా|| / నా కోసమే ఈ భువికి వచ్చితివి / నా కోసమే నీ ప్రాణం ఇచ్చితివి (2) / నా హృదయములో నీ వాక్యమునే నే ఉంచితిని / నీ రాకకై నేను వేచి ఉంటిని (2) / పరిశుద్ధమైన నీ చేతులలో / నీ రూపములో నన్ను చేసితివి ||యేసయ్యా||
చింతెందుకు మీకు దిగులెందుకు / మన ప్రియులు లేరని బాధెందుకు (2) / కష్టాలు లేని కన్నీళ్లు లేని / పరదైసులోన తానుండగా (2) ||చింతెందుకు|| / శాశ్వతము కాదు ఈ లోకము / మన గమ్యస్థానము పరలోకము (2) / ఎన్నాళ్ళు బ్రతికినా మన ప్రభువు పిలుపుకు / తప్పక ఈ భువిని వీడాలిగా (2) ||చింతెందుకు|| / ఒకరోజు మన ప్రియుని చూస్తామనే / నిరీక్షణ ప్రభువు మనకొసగెగా (2) / ఆ రోజు వరకు పరదైసులోన / అబ్రహాము చెంతన తానుండగా (2) ||చింతెందుకు||
కృంగిన వేళలో – ఆపద సమయములో / నా శ్రమలన్నిటిలో – నా సహాయము నీవే / నిజమైన స్నేహితుడా – నను విడువక ప్రేమించితివి / యదార్థవంతుడనై – రాజ మార్గము పొందితిని / నిరీక్షణ నీవే – నా ఆశ్రయం నీవే (2) / నిన్నాశ్రయించగా – నే ధన్యుడనైతిని / నీవే తండ్రివై – నా త్రోవను నడిపించితివి / నిజమైన స్నేహితుడా – నను విడువక ప్రేమించితివి / యదార్థవంతుడనై – రాజ మార్గము పొందితిని / నిరీక్షణ నీవే – నా ఆశ్రయం నీవే (2)