315 faith songs available. Lyrics in Roman and Telugu script.
ఎంత పెద్ద పోరాటమో / అంత పెద్ద విజయమో (2) / పోరాడతాను నిత్యము / విజయమనేది తథ్యము (2) / వాక్యమనే ఖడ్గమును ఎత్తి పట్టి / విశ్వాసమనే డాలుని చేత పట్టి (2) / ముందుకే దూసుకెళ్లెదన్ / యెహోవాదే యుద్ధమనుచు (2) ||ఎంత|| / ప్రార్థన యుద్ధములో కనిపెట్టి / సాతాను తంత్రములు తొక్కి పెట్టి (2) / ముందుకే దూసుకెళ్లెదన్ / యెహోవా నిస్సీ అనుచు (2) ||ఎంత|| / యేసు కాడిని భుజమున పెట్టి / వాగ్ధాన తలుపు విసుగక తట్టి (2) / ముందుకే దూసుకెళ్లెదన్ / సిలువలో సమాప్తమైనదనుచు (2) ||ఎంత||
ఆశపడకు ఈ లోకం కోసం చెల్లెమ్మా / ఆశించేది ఏదైనా అది మట్టేనమ్మా / మనిషి ఆశించేది ఏదైనా అది మట్టేనమ్మా ||ఆశపడకు|| / ఆశలు రేపే సుందర దేహం – మట్టి బొమ్మ ఓ చెల్లెమ్మా / దేహం కోరేదేదైనా – అది మట్టిలోనే పుట్టిందమ్మా (2) / వెండి బంగారు వెలగల వస్త్రం / పరిమళ పుష్ప సుగంధములు (2) / మట్టిలోనుండి వచ్చినవేనని / మరువబోకు నా చెల్లెమ్మా (2) ||ఆశపడకు|| / అందమైన ఓ సుందర స్త్రీకి – గుణములేక ఫలమేమమ్మా / పంది ముక్కున బంగారు కమ్మీ – పెట్టిన ఫలితం లేదమ్మా (2) / అందమైన ఆ దీనా షెకెములు / హద్దులేక ఏమయ్యిందమ్మా (2) / అంతరంగమున గుణముకలిగిన / శారా చరిత్రకెక్కిందమ్మా (2) ||ఆశపడకు|| / జాతి కొరకు ఉపవాస దీక్షతో – పోరాడిన ఎస్తేరు రాణిలా / నీతి కొరకు తన అత్తను విడువక – హత్తుకున్న రూతమ్మ ప్రేమలా (2) / కన్నీళ్లతో ప్రభు కాళ్ళు కడిగి / తన కురులతో తుడిచిన మగ్దలీనలా (2) / హన్నా వలె మన దోర్కా వలె / ప్రిస్కిల్ల వోలె విశ్వాస వనితలా (2) / వారి దీక్షయే వారసత్వమై / అనంత రాజ్యపు నిత్య స్వాస్థ్యమై (2) / పవిత్రమైన హృదయము కలిగి / ప్రభువు కొరకు జీవించాలమ్మా (2) ||ఆశపడకు||
భేదం ఏమి లేదు అందరును పాపం చేసియున్నారు / దేవాది దేవుడు ఇచ్ఛే ఉన్నత మహిమను పోగొట్టుకున్నారు (2) / ఏ కులమైనా మతమైనా జాతైనా రంగైనా / దేవుని దృష్టిలో అందరు పాపులే (2) ||భేదం|| / ఆస్తిపాస్థులు ఎన్నున్నా నిత్య రాజ్యము నీకివ్వవు / విద్యార్హతలు ఎన్నున్నా సంతోషాన్ని నీకివ్వవు / సమసిపోయే ఈ లోకము ఆశ్రయాన్ని నీకివ్వదు / కరిగిపోయే ఈ కాలము కలవరాన్ని తీర్చదు / నీవెవరైనా నీకెంతున్నా ఎవరున్నా లేకున్నా / యేసు లేకుంటే నీకున్నవన్ని సున్నా (2) ||భేదం|| / పుణ్య కార్యాలు చేసినా పవిత్రత నీకు రాదుగా / తీర్థ యాత్రలు తిరిగినా తరగదు నీ పాపము / పరమును వీడిన పరిశుద్ధుడేసు రక్తము కార్చెను కలువరిలో / కోరి కోరి నిను పిలిచెను పరమ రాజ్యము నీకివ్వగా / నీ స్థితి ఏదైనా గతి ఏడైన వృత్తేదైనా భృతి ఏదైనా / కలువరి నాథుడే రక్షణ మార్గము (2) ||భేదం||
యేసే గొప్ప దేవుడు – మన యేసే శక్తిమంతుడు (2) / యేసే ప్రేమ పూర్ణుడు – యుగయుగములు స్తుతిపాత్రుడు (2) / స్తోత్రము మహిమ జ్ఞానము శక్తి / ఘనతా బలము కలుగును ఆమెన్ (2) ||యేసే|| / మహా శ్రమలలో వ్యాధి బాధలలో / సహనము చూపి స్థిరముగ నిలచిన / యోబు వలె నే జీవించెదను (2) / అద్వితీయుడు ఆదిసంభూతుడు / దీర్ఘ శాంతుడు మన ప్రభు యేసే (2) ||స్తోత్రము|| / ప్రార్థన శక్తితో ఆత్మ బలముతో / లోకమునకు ప్రభువును చాటిన / దానియేలు వలె జీవింతును (2) / మహోన్నతుడు మన రక్షకుడు / ఆశ్రయ దుర్గము మన ప్రభు యేసే (2) ||స్తోత్రము|| / జీవితమంతా ప్రభుతో నడచి / ఎంతో ఇష్టుడై సాక్ష్యము పొందిన / హనోకు వలె నే జీవించెదను (2) / అద్భుతకరుడు ఆశ్చర్యకరుడు / నీతి సూర్యుడు మన ప్రభు యేసే (2) ||స్తోత్రము||
వాడబారని విశ్వాసముతో / శుభప్రదమైన నిరీక్షణతో (2) / వేచియున్నానయ్యా కనిపెట్టుచున్నానయ్యా (2) యేసయ్యా / నీ రాక కోసమై – కడబూర శబ్దముకై / నీ మహిమ కోసమై – నిన్ను చేరుటకై (2) ||వాడబారని|| / మోకాళ్లపై వేచితి – కన్నీళ్ల పర్యంతమై / బీడు బారిన నేల వానకై – ఎదురు చూచినా సంఘమై (2) / సిద్ధపడియున్న వధువునై / ఆశతో వేచానయ్యా (2) యేసయ్యా ||నీ రాక|| / లేఖనములను చూచితి – గురుతులు గమనించితి / ప్రవచన నెరవేర్పులన్ని – జరుగుట గుర్తించితి (2) / రారాజువై నీవు రావాలని / ఎదురు చూచుచున్నానయ్యా (2) యేసయ్యా ||నీ రాక|| / నీటి కొరకై వేచిన – గూడ బాతును పోలిన / ఆత్మ దాహము తోడనిండి – అల్లాడుచున్నానయ్యా (2) / లోక బంధాల నుండి / నీ చెలిమి కోరానయ్యా (2) యేసయ్యా ||నీ రాక||
పరిశుద్ధుడు పరిశుద్ధుడు – రాజుల రాజు యేసు / బలవంతుడు బలమిచ్చును – ప్రభువుల ప్రభువు క్రీస్తు (2) / గాఢాంధకారపు లోయలలో నేను సంచరించిననూ / అగాధ జల ప్రవాహములో నేను సాగవలసిననూ (2) / ఎన్నటికీ భయపడను నీవు తోడుండగా / ఎన్నటికీ వెనుతిరుగను నాయందు నీవుండగా ||పరిశుద్ధుడు|| / నశించు ఆత్మల రక్షణకై నే ప్రయాసపడుదును / కష్టములెన్నొచ్చినా కృంగిపోకుందును (2) / ఎన్నటికీ వెనుతిరుగను అండ నీవుండగా / ఎన్నటికీ ఓడిపోను – జయశాలి నీవుండగా ||పరిశుద్ధుడు||
ఆశ్చర్య కార్యముల్ చేయును యేసు (2) / అద్భుతములతో నిన్ను నడుపును – ప్రార్థించుమా నిత్యము / నీ మార్గము నీ భారము సమర్పించుమా ప్రభుకు (2) ||ఆశ్చర్య|| / రాత్రంతా వాలా వేసినా ఫలితమేమి రాలేదుగా / యేసయ్యా చిన్న మాట చెప్పగా వలలు నిండెను / జాలరుల మదిలో ఆనందమే / యేసుతో పనిలో ఆశ్చర్యమే (2) / హోసన్నా జయము నీకే – రాజువు నీవేగా (2) ||ఆశ్చర్య|| / కనులతో చూసేవి ఉండలేవు చిరకాలం / యేసు మాట నిలుచును తరతరాలు / తండ్రిలా పోషించి దీవించును / తల్లిలా ఆదరించి ప్రేమించును (2) / హోసన్నా జయము నీకే – రాజువు నీవేగా (2) ||ఆశ్చర్య||
కనలేని కనులేలనయ్యా / వినలేని చెవులేలనయ్యా / నిను చూడ మనసాయెనయ్యా యేసయ్యా / ఆకలిగొన్న యేసయ్యా నాకై ఆహారముగా మారావు గదయ్యా (2) / అట్టి జీవాహారమైన నిన్ను చూడ లేనట్టి కనులేలనయ్యా ||కనలేని|| / దాహము గొన్న ఓ యేసయ్యా జీవ జలములు నాకిచ్చినావు గదయ్యా (2) / అట్టి జీవాధిపతివైన నిన్ను చూడలేనట్టి కనులేలనయ్యా ||కనలేని|| / మరణించావు యేసయ్యా మరణించి నన్ను లేపావుగదయ్యా (2) / అట్టి మరణాధిపతివైన నిన్ను చూడలేనట్టి కనులేలనయ్యా ||కనలేని|| / రాజ్యమును విడిచిన యేసయ్యా నిత్య రాజ్యము నాకిచ్చావుగదయ్యా (2) / అట్టి రాజులకు రాజైన నిన్ను చూడలేనట్టి కనులేలనయ్యా ||కనలేని|| / అభ్యంతర పరచేటి కన్ను కలిగి అగ్నిలో మండేకన్నా (2) / ఆ కన్నే లేకుండుటయే మేలు నాకు నిను చూసే కన్నియ్య వేసయ్యా ||కనలేని||
కూర్చుందును నీ సన్నిధిలో – దేవా ప్రతి దినం / ధ్యానింతును నీ వాక్యమును – దేవా ప్రతి క్షణం (2) / నిరంతరం నీ నామమునే గానము చేసెదను / ప్రతి క్షణం నీ సన్నిధినే అనుభవించెదను ||కూర్చుందును|| / ప్రతి విషయం నీకర్పించెదా / నీ చిత్తముకై నే వేచెదా (2) / నీ స్ఫూర్తిని పొంది నే సాగెదా (2) / నీ నామమునే హెచ్చించెదా (2) / నా అతిశయము నీవే – నా ఆశ్రయము నీవే / నా ఆనందము నీవే – నా ఆధారము నీవే / యేసూ యేసూ యేసూ యేసూ.. ||కూర్చుందును|| / ప్రతి దినము నీ ముఖ కాంతితో / నా హృదయ దీపం వెలిగించెదా (2) / నీ వాక్యానుసారము జీవించెదా (2) / నీ ఘన కీర్తిని వివరించెదా (2) / నా దుర్గము నీవే – నా ధ్వజము నీవే / నా ధైర్యము నీవే – నా దర్శనం నీవే / యేసూ యేసూ యేసూ యేసూ.. ||కూర్చుందును||
పరలోకము నా దేశము / పరదేశి నేనిల మాయలోకమేగ / నేను యాత్రికుడను (2) / ఎంతో అందమైనది పరలోకము / అసమానమైనది నా దేశము (2) / ఎల్లప్పుడు విశ్వాసముతో యాత్రను సాగింతును (2) ||పరలోకము|| / దూతలు పాడుచుందురు పరమందున / దీవా రాత్రమునందు పాడుచుందురు (2) / పావనుని చూచి నేను హర్షింతును నిత్యము (2) ||పరలోకము|| / రక్షకుని చెంతకు ఎప్పుడేగెదన్ / వీక్షించెద నెప్పుడు నాదు ప్రియుని (2) / కాంక్షించెద నా మదిలో ఆయన చెంతనుండ (2) ||పరలోకము|| / అద్దరికి ఎప్పుడు నేను వెళ్లెదన్ / అగుపడుచున్నది గమ్యస్థానము (2) / అచ్చటనే చూచెదను పరిశుద్ధులెల్లరిన్ (2) ||పరలోకము|| / నిత్యానందముండును పరమందున / నీతి సమాధానము ఉండునచ్చట (2) / పొందెదను విశ్రాంతిని శ్రమలన్నియు వీడి (2) ||పరలోకము||
క్షణమైన నీవు నను విడచి పోలేదుగా / కనురెప్ప పాటైనా నను మరచి పోలేదుగా (2) / కునుకక నిదురించక – కనుపాపలా నను కాచియుంటివి (2) ||క్షణమైన|| / పర్వతములు అన్ని తొలగిపోయినా / నాదు మెట్టలన్ని చెదరిపోయినా (2) / నా వెన్నంటి నా తట్టు నిలచి / కన్నీటినంతా తొలగించితివి (2) / నీ కృప నను విడిచిపోలేదు / నీ సన్నిధి నాకు దూరపరచలేదు (2) ||క్షణమైన|| / శోధనలు నన్ను చుట్టుముట్టినా / శ్రమలే నన్ను కృంగదీసినా (2) / నా తండ్రివై నా తోడుగా నిలచి / నా భారములన్ని తొలగించితివే (2) / నీ కృప నను విడిచిపోలేదు / నీ సన్నిధి నాకు దూరపరచలేదు (2) ||క్షణమైన||
గాలి సముద్రపు అలలకు నేను / కొట్టబడి నెట్టబడి ఉండినప్పుడు (2) / ఆదరించెనూ నీ వాక్యము / లేవనెత్తెనూ నీ హస్తము (2) ||గాలి|| / శ్రమలలో నాకు తోడుంటివి / మొర్రపెట్టగా నా మొర్ర వింటివి (2) / ఆదుకొంటివి నన్నాదుకొంటివి (2) / నీ కృపలో నను బ్రోచితివి (2) ||గాలి|| / వ్యాధులలో నీకు మొర్రపెట్టగా / ఆపదలలో నిన్ను ఆశ్రయించగా (2) / చూపితివి నీ మహిమన్ (2) / కొనియాడెదను ప్రభుయేసుని (2) ||గాలి||