ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
యేసయ్యా కనికరపూర్ణుడా / మనోహర ప్రేమకు నిలయుడా (2) / నీవే నా సంతోష గానము / సర్వ సంపదలకు ఆధారము (2) ||యేసయ్యా|| / నా వలన ఏదియు ఆశించకయే ప్రేమించితివి / నను రక్షించుటకు ఉన్నత భాగ్యము విడచితివి (2) / సిలువ మ్రానుపై రక్తము కార్చి రక్షించితివి / శాశ్వత కృప పొంది జీవింతును ఇల నీ కొరకే (2) ||యేసయ్యా|| / నా కొరకు సర్వము ధారాళముగా దయచేయువాడవు / దాహము తీర్చుటకు బండను చీల్చిన ఉపకారివి (2) / అలసిన వారి ఆశను తృప్తిపరచితివి / అనంత కృపపొంది ఆరాధింతును అనుక్షణము (2) ||యేసయ్యా|| / నీ వలన బలమునొందిన వారే ధన్యులు / నీ సన్నిధి అయిన సీయోనులో వారు నిలిచెదరు (2) / నిలువరమైన రాజ్యములో నిను చూచుటకు / నిత్యము కృపపొంది సేవించెదను తుదివరకు (2) ||యేసయ్యా|| / ఆరాధనకు యోగ్యుడవు ఎల్లవేళలా పూజ్యుడవు (4) / ఎల్లవేళలా పూజ్యుడవు ఆరాధనకు యోగ్యుడవు (4)
ఎవరూ సమీపించలేని / తేజస్సుతో నివసించు నా యేసయ్యా (2) / నీ మహిమను ధరించిన పరిశుద్ధులు / నా కంటబడగానే (2) / ఏమౌదునో నేనేమౌదునో (2) / ఇహలోక బంధాలు మరచి / నీ యెదుటే నేను నిలిచి (2) / నీవిచ్చు బహుమతులు నే స్వీకరించి / నిత్యానందముతో పరవశించు వేళ (2) ||ఏమౌదునో|| / పరలోక మహిమను తలచి / నీ పాద పద్మములపై ఒరిగి (2) / పరలోక సైన్య సమూహాలతో కలసి / నిత్యారాధన నే చేయు ప్రశాంత వేళ (2) ||ఏమౌదునో|| / జయించిన వారితో కలిసి / నీ సింహాసనము నే చేరగా (2) / ఎవరికి తెలియని ఓ క్రొత్త పేరుతో / నిత్య మహిమలో నను పిలిచే ఆ శుభ వేళ (2) ||ఏమౌదునో||
కొంతసేపు కనబడి అంతలోనే మాయమయ్యే / ఆవిరి వంటిదిరా ఈ జీవితం / లోకాన కాదేది శాశ్వతం (2) / యేసే నిజ దేవుడు నిత్యజీవమిస్తాడు / మరణమైన జీవమైన నిన్ను విడువడు (2) ||కొంతసేపు|| / ఎదురౌతారెందరో నీ పయనంలో / నిలిచేది ఎందరు నీ అక్కరలో (2) / వచ్చేదెవరు నీతో మరణము వరకు (2) / ఇచ్చేదేవరు ఆపై నిత్య జీవము నీకు ||యేసే|| / చెమటోడ్చి సుఖము విడిచి కష్టమునోర్చి / ఆస్తులు సంపాదించిన శాంతి ఉన్నదా (2) / ఈ రాత్రే దేవుడు నీ ప్రాణమడిగితే (2) / సంపాదన ఎవరిదగును యోచించితివా ||యేసే|| / నీ శాపం తాను మోసి పాపం తీసి / రక్షణ భాగ్యము నీకై సిద్ధము చేసి (2) / విశ్రాంతినీయగ నిన్ను పిలువగా (2) / నిర్లక్ష్యము చేసిన తప్పించుకొందువా ||యేసే||
పరిశుద్ధుడా పావనుడా / అత్యున్నతుడా నీవే (2) / నీ నామమునే స్తుతియించెదా / నీ నామమునే ఘనపరచెదా (2) / నీలోనే రక్షణ నీలోనే నిరీక్షణ / నీలోనే విజయము నీలోనే సంతోషం / ఆరాధన నీకే (6) / నా అడుగులో అడుగై – నా శ్వాసలో శ్వాసై / నే నడచిన వేళలో ప్రతి అడుగై (2) / నా ఊపిరి నా గానము / నా సర్వము నీవే నా యేసయ్యా / నీకేనయ్యా ఆరాధన ||ఆరాధన|| / నాపై నీ ఆత్మను కుమ్మరించుము యేసయ్యా / నీ శక్తితో నను నింపు బలవంతుడా (2) ||ఆరాధన||
సరిచేయుమో దేవా / నన్ను బలపరచుమో ప్రభువా (2) / నీ ఆత్మతో నను అభిషేకించి / సరి చేయుమో దేవా (2) ||సరి|| / దూరమైతి నీ సన్నిధి విడచి / పారిపోతి నీ గాయము రేపి / లోకమునే స్నేహించితి నేను / పాపము మదిలో నింపుకున్న / అది తప్పని తెలిసి తిరిగి వచ్చి / నీ సన్నిధిలో నే మోకరించి / బ్రతిమాలుచున్నాను / నన్ను సరి చేయుమో దేవా (2) ||సరి|| / నింపుము నీ వాక్యము మదిలో / పెంచుము నను నీ పాలనలో / శోధనను గెలిచే ప్రతి మార్గం / ఇవ్వుము నాకు ప్రతి క్షణము / నీ సన్నిధిలో ఒక దినమైనను / వేయి దినములకంటే బహుశ్రేష్టము.. అని / తెలుసుకున్నాను / నన్ను సరి చేయుమో దేవా (2) ||సరి||
నశియించెడి లోకంలో – వసియించవు కలకాలం / మేలైనది చేపట్టి – సాగించు నీ పయనం – (2) / అది నాదంటూ ఇది నాదంటూ – ఆనందం కోల్పోతూ / పరమార్ధం గ్రహియించకనే – గతియించిపోతావా ||నశియించెడి|| / కాలంతో పాటుగా కృశియించును శరీరం / మరణం కబళించును ఏ ఘడియలోనైనా (2) / క్రీస్తు దారిలో సాగి – నిత్య రాజ్యమే చేరి (2) / వసియించు కలకాలం – సత్యమైన లోకంలో ||నశియించెడి|| / నిలచిపోవును మహిలోన బంధాలన్ని / మట్టిలో కలియును దేహం రిక్త హస్తాలతో (2) / ఇకనైనా తేరుకొని – గ్రహియించు సత్యాన్ని (2) / యేసులోకి మళ్ళించు – నీ జీవిత గమనాన్ని ||నశియించెడి||
నీ నామం నా గానం / నీ స్మరణే నా సర్వం (2) / నా కాపరి నీవే యేసయ్యా / నా ఊపిరి నీవే మెస్సయ్యా (2) ||నీ నామం|| / నీ వాక్యపు వెలుగులో నడిచెదనయ్యా / నీ రక్షణ గూర్చి నేను పాడెదనయ్యా (2) / సంగీత స్వరములతో స్తుతియి౦తును (2) / స్తుతుల౦దుకో నా యేసురాజా (2) ||నీ నామం|| / ఈ ఊపిరి నీవిచ్చిన కృపాదానమే / నన్నిలలో కాపాడే కాపరి నీవే (2) / నీ ఆత్మతో నన్ను శృతి చేయుమయా (2) / బ్రతుకంత నీ సేవ చేసెదనయ్యా (2) ||నీ నామం||
నీతి న్యాయములు జరిగించు నా యేసయ్యా / నిత్య జీవార్థమైనవి నీ శాసనములు (2) / వృద్ధి చేసితివి పరిశుద్ధ జనముగా / నీ ప్రియమైన స్వాస్థ్యమును / రద్దు చేసితివి ప్రతివాది తంత్రములను / నీ రాజ్య దండముతో ||నీతి|| / ప్రతి వాగ్ధానము నా కొరకేనని / ప్రతి స్థలమందు – నా తోడై కాపాడుచున్నావు నీవు (2) / నిత్యమైన కృపతో నను బలపరచి / ఘనతను దీర్గాయువును దయచేయువాడవు (2) ||నీతి|| / పరిమళ వాసనగ నేనుండుటకు / పరిశుద్ధ తైలముతో – నన్నభిషేకించి యున్నావు నీవు (2) / ప్రగతి పథములో నను నడిపించి / ప్రఖ్యాతిని మంచి పేరును కలిగించువాడవు (2) ||నీతి|| / నిత్య సీయోనులో నీతో నిలుచుటకు / నిత్య నిబంధనను – నాతో స్థిరపరచుచున్నావు నీవు (2) / మహిమ కలిగిన పాత్రగ ఉండుటకు / ప్రజ్ఞ వివేకములతో నను నింపువాడవు (2) ||నీతి||
స్తుతులపై ఆసీనుడా / అత్యున్నత నా దేవుడా (2) / నీ ప్రేమలో నీ ప్రేమలో / నను నేను మరిచాను నీ ప్రేమలో / నీ నీడలో నీ జాడలో / మైమరచిపోయాను నేను ||స్తుతులపై|| / నీవు చేసిన ఆశ్చర్య కార్యాలకు బదులు / నీవు పొందిన గాయాలకు బదులు (2) / బంగారం వజ్రాలు – మకుటాలు కిరీటాలు / వెండినడుగలేదు నీవు / విరిగి నలిగి – కరిగి వెలిగే / హృదయాన్నే కోరావు నీవు (2) / ఓ మాట సెలవియ్యి దేవా / నీ పాద ధూళిని కానా ప్రభువా / నీ పాదం స్పర్శించగానే / నా సంతోషానికి హద్దుండునా ||స్తుతులపై|| / నీవు లేచిన పునరుథ్తానా దినము మొదలు / మా బ్రతుకులో విజయము మొదలు (2) / మరణం అనేటి ముల్లును విరచి / తిరిగి లేచావు నీవు / చీకటి నిండిన మాదు బ్రతుకులో / వెలుగులు నింపావు నీవు (2) / నీకోసం ఏదైనా దేవా / నే వెచ్చింప సంసిద్ధమయ్యా / ఆఖరికి నా ప్రాణమైనా / చిందులు వేస్తూ అర్పిస్తా ||స్తుతులపై||
మహిమ నీకే ఘనత నీకే – నీతి సూర్యుడా (2) / న్యాయాధిపతియైన నా యేసయ్యా – నీకే ఆరాధన (2) / ధనవంతులను అణచేవాడవు / జ్ఞానులను సిగ్గుపరచువాడవు (2) / దరిద్రులను లేవనెత్తువాడవు – నీవే రాజువు (2) / యుద్ధవీరుడా శూరుడా / లోకాన్ని గెలిచిన యేసయ్యా (2) / మార్గమే తెలియని అబ్రహామును – అనేకులకు తండ్రిగా చేసినావు / నెట్టివేయబడిన యోసేపుచే – అనేకులను కాపాడినావు ||దరిద్రులను|| / గొఱ్ఱెలకాపరియైన దావీదును – అనేకులకు రాజుగా చేసినావు / నోటి మాంద్యముగల మోషేచే – అనేకులను నడిపించినావు ||దరిద్రులను||
ఆనందమే పరమానందమే / ఆశ్రయపురమైన యేసయ్యా నీలో (2) / ఆపత్కాలములన్నిటిలో ఆదరించిన / అక్షయుడా నీకే స్తోత్రము (2) ||ఆనందమే|| / పచ్చిక గల చోట్ల పరుండ జేసితివే / జీవ జలములు త్రాగనిచ్చితివే (2) / నా ప్రాణమునకు సేదదీర్చితివి / నీతియు శాంతియు నాకిచ్చితివే (2) ||ఆనందమే|| / గాఢాంధకారము లోయలలో నేను / సంచరించినా దేనికి భయపడను (2) / నీ దుడ్డు కఱ్ఱయు నీ దండమును / అనుదినం అనుక్షణం కాపాడునే (2) ||ఆనందమే|| / నా శత్రువుల ఎదుటే నీవు / నాకు విందును సిద్ధము చేసావు (2) / నీతో నేను నీ మందిరములో / నివాసము చేసెద చిరకాలము (2) ||ఆనందమే||
మన్నేగదయ్యా మన్నేగదయ్యా (2) / మహిలోని ఆత్మ జ్యోతియు తప్ప / మహిలోనిదంతా మన్నేగదయ్యా (2) ||మన్నేగదయ్యా|| / మంచిదంచు ఒకని యించు సంచిలోనే ఉంచినా / మించిన బంగారము మించిన నీ దేహము (2) / ఉంచుము ఎన్నాళ్ళకుండునో / మరణించగానే మన్నేగదయ్యా (2) ||మన్నేగదయ్యా|| / ఎన్ని నాళ్ళు లోకమందు ఉన్నతముగా నిలిచినా / నిన్ను చూచి లోకులంతా ధన్యుడవని పిలిచినా (2) / మెల్లని పుష్పంబు పోలినా / పుష్పంబుతోనే ఊడిపడినది (2) ||మన్నేగదయ్యా|| / మిక్కిలి సౌందర్యమగు చక్కని నీ దేహము / ఒక్కనాడు ఆరిపోగా నీలో ఆత్మ దీపము (2) / కుక్క శవంతో సమమేగా / నిక్కముగనదియు మన్నేగదయ్యా (2) ||మన్నేగదయ్యా|| / మానవునికి మరణమింత ఎంచనంత మన్నిల / మరణమును జయించుచున్న కాలమింత మన్నిల (2) / మరణ విజయుడేసు క్రీస్తుడే / మది నమ్ము నిత్య జీవమిచ్చ్చును (2) ||మన్నేగదయ్యా||