ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
శ్రమయైనా బాధైనా – హింసలెన్ని ఎదురైనా / క్రీస్తు ప్రేమ నుండి నన్ను ఏదీ ఎడబాయదు / ఖడ్గమే ఎదురైనా – శోధనలు ఎదురైనా / క్రీస్తు ప్రేమ నుండి నన్ను ఏదీ ఎడబాయదు / నా రాజు వచ్చుచున్నాడు – భీకరుడై వచ్చుచున్నాడు – (2) / సర్వోన్నతుడు మేఘారూఢిగా – తీర్పును తీర్చ రానున్నాడు / ఎదురేలేని కొదమసింహం – మహా ఉగ్రతతో రానున్నాడు / ఎవరు? ఎవరు? ఎవరు? ఎవరు? / ఎవరు? ఎవరు?ఎవరు? ఎవరు? / శౌర్యుడు ధీరుడు వీరుడు శూరుడు / యోగ్యుడు శ్రేష్ఠుడు అర్హుడు ఘనుడు / అద్భుతకరుడు ఆశ్చర్యకరుడు – సర్వము చేసిన సృష్టికర్త / మహోన్నతుడు మహేశ్వరుడు – సర్వము గెలిచిన సర్వేశ్వరుడు / దేవాది దేవుడు రాజాధి రాజు – ప్రభువుల ప్రభువు నిత్య దేవుడు / విశ్వాసమే నా బలము – నిత్యజీవము చేపట్టుటే నా భాగ్యము / శ్రమలేలేని బాధేలేని – ఆ లోకంలో నిరంతరం జీవింతును / విమోచకుడు సజీవుడు – నా కనులారా నే చూచెదను / యుగయుగములకు మహారాజునితో – పాలించుటకే పోరాడెదను / ఓ క్రైస్తవా సోలిపోకుమా – తీర్పు నుండి నీ ఆత్మను తప్పించుకో / మోసపోకుమా జారిపోకుమా – నీ రక్షణన్ జాగ్రత్తగా కాపాడుకో / మంచి పోరాటం నువ్వు పోరాడు – నీ పరుగునే కడముట్టించు / విశ్వాసమును కాపాడుము – యేసుని చేర వెయ్యి ముందడుగు ||శ్రమయైనా||
నా జీవిత భాగస్వామివి నీవు / నా ప్రాణముతో పెనవేసుకున్నావు నీవు (2) / నాకే సమృద్దిగా నీ కృపను పంచావు / నా యేసురాజ కృపాసాగరా అనంత స్తోత్రార్హుడా (2) / నీ దయగల కనుసైగలే ధైర్యపరచినవి / నీ అడుగుజాడలే నాకు త్రోవను చూపినవి (2) / నీ రాజ్య పౌరునిగా నన్ను మార్చితివి / నీ సైన్యములో నన్ను చేర్చితివి (2) ||నా జీవిత|| / నీ దయగల మాటలే చేరదీసినవి / నీతి నియమాలలో నన్ను నడిపించుచున్నవి (2) / నీ కృపనే ధ్వజముగ నాపైన నిల్పితివి / నీ విందుశాలకు నను చేర్చితివి (2) ||నా జీవిత|| / నీ దయగల తలంపులే రూపునిచ్చినవి / నీదు హస్తములే నన్ను నిర్మించుచున్నవి (2) / నీ చిత్తమే నాలో నెరవేర్చుచున్నావు / నీ అంతఃపురములో నను చేర్చుదువు (2) ||నా జీవిత||
న్యాయాధిపతి అయిన దేవుడు / నిను తీర్పు తీర్చేటి వేళలో / ఏ గుంపులో నీవుందువో / యోచించుకో ఓ మానవా (2) ||న్యాయాధిపతి|| / ఆకలితో అలమటించగా / దాహముతో తపియించగా (2) / రోగముతో కృశియించగా (2) / నను చేర్చుకొనలేదు నీవెందుకు / అని యేసు నిన్నడిగిన ఏమందువు (2) ||న్యాయాధిపతి|| / గ్రహియించుకో నీదు గమ్యము / విడనాడు పాప గతమును (2) / లేదింక నీకు తరుణము (2) / ప్రభునాశ్రయించుటే బహు క్షేమము / ప్రభుని చేర్చుకో సరిదిద్దుకో (2) ||న్యాయాధిపతి||
గాయపడిన నీ చేయి చాపుము దేవా / నీ సిలువ రక్తమును ప్రోక్షించుము నా ప్రభువా (2) / సిలువే నాకు విలువైనది (2) / అదియే నా బ్రతుకున గమ్యమైనది / ఎంతో రమ్యమైనది ||గాయపడిన|| / ఎండిన భూమిలో మొలచిన లేత / మొక్క వలె నీవు ఎదిగితివి (2) / సురూపమైనా ఏ సొగసైనా (2) / లేనివానిగా నాకై మారితివి ||గాయపడిన|| / మనుషులందరు చూడనొల్లని / రూపముగా నాకై మారితివి (2) / మా రోగములు మా వ్యసనములు (2) / నిశ్చయముగా నీవు భరియించితివి ||గాయపడిన|| / నీవు పొందిన దెబ్బల వలన / స్వస్థత నాకు కలిగినది (2) / నీవు కార్చిన రక్తమే (2) / మా అందరికీ ఇల ప్రాణాధారము ||గాయపడిన||
తండ్రీ దేవా… తండ్రీ దేవా… / నా సర్వం నీవయ్యా / నీవుంటే నాకు చాలు (2) / నా ప్రియుడా నా ప్రాణమా – నిన్నారాధించెదన్ / నా జీవమా నా స్నేహమా – నిన్నారాధించెదన్ (2) ||తండ్రీ|| / నీ ప్రేమ వర్ణించుట – నా వల్ల కాదయ్యా / నీ కార్యము వివరించుట – నా బ్రతుకు చాలదయ్యా (2) / తండ్రీ దేవా… నా ఆనందమా… / నీ ఒడిలో నాకు సుఖము (2) / నా ప్రాణ స్నేహితుడా – నీ సన్నిధి పరిమళమే / జుంటె తేనె కన్నా – నీ ప్రేమ మధురమయ్యా (2) / తండ్రీ దేవా… నా ఆనందమా… / నీ ఒడిలో నాకు సుఖము (2)
యేసు యేసూ.. యేసూ.. యేసు / యేసు యేసూ.. యేసూ.. యేసు / నా ప్రియమైన యేసు నన్ను ప్రేమించినావు / నన్ను వెదకి రక్షించుటకై పరము వీడినావు / ప్రాణమైన నా యేసు నన్ను హత్తుకున్నావు / శాశ్వతా జీవమిచ్చి శ్వాస విడచినావు ||యేసు యేసూ|| / నా నీతికి ప్రతిగా నీవు పాపమయ్యావు / ఆశీర్వాదముగ నను చేయ – నీవు శాపమయ్యావు (2) / నా స్వస్థతకు ప్రతిగా వ్యాధిననుభవించావు / నాకు నీ రూపమిచ్చి నలుగగొట్టబడ్డావు ||యేసు యేసూ|| / ప్రాణానికి ప్రతిగా ప్రాణమే విడచినావు / అధిక విజయము నాకీయ మరణమే గెలచినావు (2) / పరమ పురములో నివసింప వారసత్వమిచ్చావు / నిన్ను నిత్యము ఆరాధింప – నన్ను ఎన్నుకున్నావు ||యేసు యేసూ||
దుష్టుల ఆలోచన చొప్పున నడువక (2) / పాపుల మార్గములయందు నిలిచి యుండక (2) / అపాహసించునట్టి ప్రజలు కూర్చుండెడు (2) / ఆ చోట కూర్చుండక యుండువాడే ధన్యుడు (2) / యెహోవా ధర్మశాస్త్రమందు ఆనందించుచు (2) / ఎల్లప్పుడు ధ్యానము చేయువాడే ధన్యుడు (2) / కాలువ నీటి యోర నతడు నాటబడి తన (2) / కాలమున ఫలించు చెట్టు వలె యుండును (2) / ఆకు వాడని చెట్టువలె నాతడుండును (2) / ఆయన చేయునదియెల్ల సఫలమగును (2) / దుష్ట జనులు ఆ విధముగా నుండక (2) / పొట్టువలె గాలికి చెదరగొట్టబడుదురు (2) / న్యాయ విమర్శ సభలయందు దుష్ట జనులు (2) / నీతిమంతుల సభలో పాపులును నిలువరు (2) / నీతిమంతుల మార్గము యెహోవ ఎరుగును (2) / నడుపును దుష్టుల దారి నాశనమునకు (2) ||దుష్టుల||
అన్యజనులేల లేచి / గల్లత్తు చేయు-చున్నారు – అన్యజనులేల / జనములేల వ్యర్థమైన / దాని తలంచుచున్నవి (2) ||అన్యజనులేల|| / భూలోక రాజులు లేచి / వారేకముగా ఆలోచించి – భూలోక రాజులు / వారి పాశములను తెంపి / పారవేయుద మనుచున్నారు (2) ||అన్యజనులేల|| / ఆకాశ వాసుండు వారిని / అపహసించుచున్నాడు నవ్వి – ఆకాశ వాసుండు / వారలతో పల్కి కోపముతో / వారిని తల్లడిల్ల చేయును (2) ||అన్యజనులేల|| / పరిశుద్ధమైన నాదు / పర్వతమగు సీయోను మీద – పరిశుద్ధమైన / నారాజు నాసీనునిగా జేసి / యున్నానని సెలవిచ్చెను (2) ||అన్యజనులేల|| / కట్టడ వివరింతు నాకు / యిట్లు చెప్పెను యెహోవాయందు – కట్టడ వివరింతు / నీవు నా కుమారుడవు / నిన్ను నేను కనియున్నాను (2) ||అన్యజనులేల|| / నన్ను అడుగుము నీకు / జనముల భూమిని స్వాస్థ్యముగా – నన్ను అడుగుము / దిగంతముల వరకు / స్వాస్థ్యముగా నొసంగెదను నీకు (2) ||అన్యజనులేల|| / ఇనుప దండముతో నీవు / వారిని నలుగగొట్టెదవు – ఇనుప దండముతో / కుండను పగులగొట్టునట్లు / వారిని పగులగొట్టెదవు (2) ||అన్యజనులేల|| / ఓ రాజులారా మీరు / జ్ఞానవంతులై యుండుడి – ఓ రాజులారా / ఓ భూపతులారా మీరు / నాభోద నొందుడి నేడే (2) ||అన్యజనులేల||
ఆకాశమందు నీవుండగా / నేను ఎవరికి భయపడను / నీవీ లోకములో నాకుండగా / నేను దేనికి భయపడను (2) / శత్రుసమూహము నన్ను చుట్టినా / సైతనుడు సంహరింపజూసినా (2) / నా సహవాసిగా నీవుండగా / నేను ఎవరికి భయపడను (2) ||ఆకాశమందు|| / వ్యాధులు కరువులు శోధనలు / బాధలు దుఃఖము వేదనలు (2) / మరణము మ్రింగగ కాంక్షించినా / నేను దేనికి భయపడను (2) ||ఆకాశమందు|| / పడిపోయిన వెనుకంజ వేయక / పశ్చాత్తాపము పడి అడుగు (2) / నిను క్షమియించును నీ ప్రభువే / నీవు ఎవరికి భయపడకు (2) ||ఆకాశమందు||
ఉదయకాలము మధ్యాహ్నము / సాయంకాలము చీకటి వేళలో (2) / చింత లేదు బాధ లేదు / భీతి లేదు భయము లేదు / యేసు ఉన్నాడు / నాలో యేసు ఉన్నాడు (2) / లోకమునకు వెలుగైన / ఆ యేసే దారి చూపును (2) / చింత లేదు బాధ లేదు / భీతి లేదు భయము లేదు / యేసు ఉన్నాడు / నాలో యేసు ఉన్నాడు (4)
దేవా నా మొరాలకించితివి / నాకభయము నిచ్చితివి / నాకెంత సంతోషము ||దేవా|| / కనికరించి నా మొరను – ఆలకించితివి / యేసు దేవా నిన్ను చేర – మార్గము చూపితివి (2) / స్తోత్రము చేయుదు హల్లెలూయని / నా జీవిత కాలమంతా (2) / నా జీవిత కాలమంతా… / హల్లెలూయా హల్లెలూయా / హల్లెలూయా హల్లెలూయా / హల్లెలూయ హల్లెలూయా… ||దేవా|| / కృశించిపోయిన నా ఆత్మకు నీవు – జీవమిచ్చితివి / నా హృదయమున చీకటిమయమును – వెలుగుతో నింపితివి (2) / నీ కృపాతిశయమును నిత్యము / కీర్తింతునో ప్రభువా (2) / కీర్తింతునో ప్రభువా…. / హల్లెలూయా హల్లెలూయా / హల్లెలూయా హల్లెలూయా / హల్లెలూయ హల్లెలూయా… ||దేవా||
నాకున్నది నీవేనని / నను కన్నది సిలువేనని (2) / నీవున్నది నాలోనని / నేనున్నది నీకేనని / సాక్ష్యమిచ్చెద యేసయ్యా / నీ సాక్షిగా బ్రతికించుమయ్యా ||నాకున్నది|| / గుడ్డివాడను నేనేనని / నీ చూపు ప్రసాదించేవని (2) / చెవిటి వాడను నేనేనని / నీ వినికిడి నేర్పించేవని ||సాక్ష్యమిచ్చెద|| / మూగవాడను నేనేనని / నీ మాటలు పలికించేవని (2) / అవిటివాడను నేనేనని / నీ నడకలు నేర్పించేవని ||సాక్ష్యమిచ్చెద||