ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
ఎవరు చూపించలేని – ఇలలో నను వీడిపోని / ఎంతటి ప్రేమ నీది – ఇంతగా కోరుకుంది – మరువను యేసయ్యా (2) / నీ కథే నన్నే తాకగా – నా మదే నిన్నే చేరగా / నా గురే నీవై యుండగా – నీ దరే నే చేరానుగా ||ఎవరు|| / తీరాలే దూరమాయే – కాలాలే మారిపోయే / ఎదురైన ఎండమావే – కన్నీటి కానుకాయే / నా గుండె లోతులోన – నే నలిగిపోతువున్నా / ఏ దారి కానరాక – నీ కొరకు వేచివున్నా / ఎడబాటులేని గమనాన – నిను చేరుకున్న సమయాన / నను ఆదరించే ఘన ప్రేమ – అపురూపమైన తొలిప్రేమ / ఏకమై తోడుగా – ఊపిరే నీవుగా / ఎవ్వరూ లేరుగా – యేసయ్యా నీవెగా ||ఎవరు|| / ఈ లోక జీవితాన – వేసారిపోతువున్నా / విలువైన నీదు వాక్యం – వెలిగించె నా ప్రాణం / నీ సన్నిధానమందు – సీయోను మార్గమందు / నీ దివ్య సేవలోనే – నడిపించే నా ప్రభూ / నీ తోటి సాగు పయనాన – నను వీడలేదు క్షణమైన / నీ స్వరము చాలు ఉదయాన – నిను వెంబడించు తరుణాన / శాశ్వత ప్రేమతో – సత్యవాక్యంబుతో / నిత్యము తోడుగా – నిలిచె నా యేసయ్యా ||ఎవరు||
నన్ను బలపరచు యేసునందే నేను / సర్వము చేయగలను / నన్ను స్థిరపరచు క్రీస్తునందే నేను / సమస్తం చేయగలను / సాధ్యము కానిది ఏదియు లేదే / అన్ని సాధ్యమే యేసులో / సాధ్యము కానిది ఏదియు లేదే / అన్ని సాధ్యమే క్రీస్తులో ||నన్ను బలపరచు|| / నీటిని చీల్చి – బాటను వేసి – నరులను నడిపించెనే / బండను చీల్చి – దాహము తీర్చ – నీటిని పుట్టించెనే / నీటిని ద్రాక్షా రసముగ మార్చెనే / నీటిపై నడిచెనే – నీటినే అణచెనే / నా కన్నీటిని నాట్యముగ మార్చెనే / జీవ జలమైన నా యేసయ్యా… ||సాధ్యము|| / హోరేబు కొండపై – మండే పొద నుండి – మోషేతో మాట్లాడెనే / బలిపీఠముపై – అగ్నిని కురిపించి – మహిమను కనుపరచెనే / షద్రకు మేషాకు అబేద్నెగోలను / అగ్నిలో ఉండియే కాపాడెనే / నరకపు మంటనుండి నను రక్షించిన / అగ్ని నేత్రాల నా యేసయ్యా… ||సాధ్యము||
నీ ప్రేమకు సాటి లేదయా / యేసయ్యా… నీ సన్నిధి నాకు మేలయ్యా (2) / నా కొరకై ప్రాణమిచ్చితివి / నా కొరకై సిలువనెక్కితివి (2) / కరుణించి కాపాడుమా నా యేసయ్యా / కన్నీటి ప్రార్దన ఆలకించుమా (2) ||నీ ప్రేమకు|| / అవిశ్వాసురాలై నేనుండగా అంధకారమందు రక్షించితివే / నా దీనస్థితిలో నా దరికి చేరి నీ వాక్యముతో బలపరచితివే (2) / మనోహరమైన నీ కృపనిచ్చి నన్నాదరించితివే (2) / నా బ్రతుకు దినములన్ని నిను వేడెదన్ నా యేసయ్యా (2) / నా యేసయ్యా…. ||నీ ప్రేమకు|| / ఏమివ్వగలను నీ ప్రేమకు నా సర్వము నీవేనయా / నా అతిశయము ఆధారము నాకన్నియు నీవేనయా (2) / విశ్వాసముతో నీటిపైన నన్ను నడువనిమ్ము (2) / నా అడుగులు తడబడగా నన్నెత్తుకో నా యేసయ్యా (2) / నా యేసయ్యా…. ||నీ ప్రేమకు||
యేసు వలె నన్ను మార్చునట్టి – ప్రతి అనుభవముకై స్తోత్రం / శిష్యునిగా నన్ను సిద్ధపరచే – ప్రతి అవమానముకై స్తోత్రం (2) / ప్రతి అరణ్యముకై తండ్రీ కృతజ్ఞతలు – అపవాదిపై నాకు జయమిచ్చావు / ప్రతి ఎడారికై తండ్రీ కృతజ్ఞతలు – జీవజలమై నన్ను తృప్తి పరచావు / నీవే జీవజలము – తండ్రి… నీవే జీవజలము – (2) / నిత్యత్వముకై నన్ను నడిపించే – ప్రతి సవాలుకై స్తోత్రం / సంపూర్ణునిగా నన్ను మార్చునట్టి – ప్రతి సమయముకై స్తోత్రం (2) / ప్రతి కన్నీటికి తండ్రీ కృతజ్ఞతలు – నీ ముఖమును దర్శింప కారణమదే / ప్రతి ఓటమికి తండ్రీ కృతజ్ఞతలు – నీ సన్నిధిని పొందే సమయమదే / నీ సన్నిధి చాలు – యేసు… నీ సన్నిధి చాలు – (2) / విశ్వాసములో నన్ను స్థిరపరచే – ప్రతి పరిస్థితికై స్తోత్రం / కృప నుండి కృపకు నడిపినట్టి – నీ కనికరముకై స్తోత్రం (2) / ప్రతి శోధనకై తండ్రీ కృతజ్ఞతలు – నీలో ఆనందించే తరుణమదే / ప్రతి పరీక్షకై తండ్రీ కృతజ్ఞతలు – నీ విశ్వాస్యత మా యెడ రుజువాయె / నీవే చాలు యేసయ్యా – నీవుంటే చాలు యేసయ్యా… – (2)
భూమియు దాని సంపూర్ణత లోకము / దాని నివాసు లెహోవావే (2) / ఆయన సముద్రము మీద దానికి పునాది వేసెను (2) / ప్రవాహజలముల మీద దానిని స్థిరపరచెను (2) ||భూమియు|| / యెహోవా పర్వతమునకు నెక్కదగిన వాడెవ్వడు (2) / యెహోవా పరిశుద్ధ స్థలములో నిలువదగిన వాడెవ్వడు (2) ||భూమియు|| / వ్యర్థమైన దానియందు మనస్సు పెట్టకయు (2) / నిర్దోషచేతులు శుద్ధ హృదయము కలిగినవాడే (2) ||భూమియు|| / నిన్నాశ్రయించి నీ సన్నిధిని వెదకెడి వాడు (2) / వాడాశీర్వాదము నీతి మత్వము నొందును (2) ||భూమియు|| / గుమ్మములారా మీ తలలు పైకెత్తుడి పురాతనమైన తలుపులారా (2) / మహిమగల రాజు ప్రవేశించునట్లు మిమ్మును లేవనెత్తికొనుడి (2) ||భూమియు|| / మహిమగల యీ రాజెవడు? బలశౌర్యముగల ప్రభువే (2) / యుద్ధశూరుడైన యెహోవా పరాక్రమముగల ప్రభువే (2) ||భూమియు|| / మహిమగల యీ రాజెవడు? సైన్యముల యెహోవాయే (2) / ఆయనే యీ మహిమగల రాజు హల్లెలూయా ఆమెన్ (2) ||భూమియు||
దేవా పరలోక దుతాలి నిను పాడి కీర్తింప / ఎంతో ఎంతో మహిమ / నిన్ను భువిలోని ప్రజలంత కొనియాడి కీర్తింప / ఎంతో ఎంతో మహిమ / నిన్ను భజియించి పూజించి ఆరాధింప / నీకే నీకే మహిమ (2) / దేవా పరలోక దుతాలి నిను పాడి కీర్తింప / ఎంతో ఎంతో మహిమ / ఈ భువిలోని ప్రజలంత కొనియాడి కీర్తింప / ఎంతో ఎంతో మహిమ / మహిమా నీకే మహిమా – (4) ||దేవా|| / కష్టాలలోన నష్టాలలోన / కన్నీరు తుడిచింది నీవే కదా (2) / నా జీవితాంతం నీ నామ స్మరణే / చేసేద నా యేసయ్యా (2) ||మహిమా|| / నా కొండ నీవే నా కోట నీవే / నా నీతి నా ఖ్యాతి నా జ్యోతివే (2) / నిన్నే భజించి నిన్నే స్తుతించి / ఆరాధింతునయా (2) ||మహిమా||
నిన్ను వెంబడించెద / నీ కాడి మోయుదున్ / నీదు పాదముల చెంత / నే నేర్చుకొందును (2) / మాదిరి నీవే – నెమ్మది నీవే / దీనుడవు యేసయ్యా (2) ||నిన్ను|| / పాపాంధకారం లో నుండి / రక్షించి వెలిగించితివి (2) / పరిశుద్ధమైన పిలుపుతో / నీ వెంబడి రమ్మంటివి (2) / నీ వెంబడి రమ్మంటివి ||నిన్ను|| / లోకాశలన్ని నీ కోసం / నేనింక ఆశించను (2) / లోపంబులేని ప్రేమతో / నీ కోసం జీవింతును (2) / నీ కోసం జీవింతును ||నిన్ను|| / పవిత్రపరచుకొందును / అర్పించు కొందును (2) / కష్టాలు శ్రమలు రేగినా / నిను వీడిపోనయ్యా (2) / నిను వీడిపోనయ్యా ||నిన్ను|| / ప్రేమ సువార్త ప్రకటింప / భారంబు మోపితివి (2) / సత్యమార్గంబు చాటగ / పంపుము నా ప్రభువా (2) / పంపుము నా ప్రభువా ||నిన్ను||
శక్తి చేత కాదు / బలము చేత కాదు / దేవుని ఆత్మచే / సమస్తము సాధ్యము (2) ||శక్తి|| / నోటి మాట ద్వారా ఈ సర్వ సృష్టిని / చేసెను దేవుడు శూన్యము నుండి (2) / తన రూపులో తన పోలికలో (2) / నిర్మించెను దేవుడు నరుని మంటి నుండి (2) ||శక్తి|| / కౄరమైన సింహాల బోనైననూ / విశ్వాసముతో సాగెను దానియేలు (2) / అగ్ని గుండములో మరణ శాసనములో (2) / ఇమ్మానుయేలు యేసయ్య తోడుగా (2) ||శక్తి|| / ఘోరమైన పాపాల బానిసైననూ / భారమైన బ్రతుకును గడుపుచున్ననూ (2) / ప్రియమార నిన్నే పిలువంగ యేసు (2) / దరి చేర రావా ఆ ప్రేమ నాథుని (2) ||శక్తి||
శక్తి చేత కాదనెను / బలముతోనిది కాదనెను (2) / నా ఆత్మ ద్వారా దీని చేతునని / యెహోవ సెలవిచ్చెను (2) ||శక్తి|| / ఓ గొప్ప పర్వతమా / జెరుబ్బాబెలు నడ్డగింపను (2) / ఎంత మాత్రపు దానవు నీవనెను / చదును భూమిగా మారెదవు (2) ||శక్తి|| / ఓ ఇశ్రాయేలు విను / నీ భాగ్యమెంత గొప్పది (2) / యెహొవా రక్షించిన నిన్ను / బోలిన వారెవరు (2) ||శక్తి||
నీ పాద సన్నిధికి / కృపామయా యేసయ్యా / నీ ప్రేమ కనుగొనుచు / దేవా నే వచ్చితిని (2) ||నీ పాద|| / విశ్రాంతి నిచ్చెడు దేవా / శ్రమలెల్ల తీర్చుమయ్యా (2) / సిలువయే నా ఆశ్రయము / హాయిగా నచ్చటుండెదను (2) ||నీ పాద|| / ప్రార్ధించుమంటివి ప్రభువా / సంకట సమయములో (2) / దయ చూపి నను కరుణించి / ప్రేమతో ఆదరించుమయ్యా (2) ||నీ పాద||
సర్వ శరీరుల దేవుడా / నీకసాధ్యమే లేదయ్యా (2) / చాచిన నీ బాహువుతో / భూమి ఆకాశాలు చేసితివే / నిన్న నేడు నిరంతరం – ఏకరీతిగుంటివే / లేనే లేదయ్యా హో యేసయ్యా / నీకసాధ్యమైనదేది లేదయ్యా / లేనే లేదయ్యా మా యేసయ్యా / నీకసాధ్యమైనదేది లేదయ్యా (2) ||సర్వ శరీరుల|| / ఆదాము హవ్వలను చేసినట్టి దేవా / సృష్టికర్త నీకే స్తోత్రము / హేబెలు అర్పణను అంగీకరించిన / గొర్రెపిల్ల దేవా స్తోత్రము / హానోకును నీతో కూడా నడిపినావు / నోవాహును ప్రళయ జలము నుండి కాచినావు / సర్వశక్తుడా – నీతిమంతుడా / మార్పు లేని మా దేవుడా ||లేనే లేదయ్యా|| / అబ్రహాముతో నిబంధనను చేసినావు / అబ్రహాము దేవా స్తోత్రము / ఇస్సాకే వాగ్ధాన పుత్రుడన్నావు / ఇస్సాకు దేవా స్తోత్రము / యాకోబును ఇశ్రాయేలుగా మార్చినావు / యోసేపును పెద్ద రాజుగా చేసినావు / శ్రీమంతుడా – యాకోబు దేవుడా / చూచుచున్న మా దేవుడా ||లేనే లేదయ్యా|| / మోషేతో పొద నుండి మాటలాడినావుగా / ఉన్నవాడా నీకే స్తోత్రము / ఎర్ర సంద్రమున్ రెండు పాయలుగా చీల్చినావు / భీకరుండా నీకే స్తోత్రము / యెహోషువాకై సూర్య చంద్రులను ఆపినావు / కాలేబుకు యవ్వన బలమును ఇచ్చినావు / మేఘ స్థంభమా – అగ్ని స్థంభమా / చీల్చబడిన బండ దైవమా ||లేనే లేదయ్యా|| / గిద్యోను సైన్యముకు జయమునిచ్చినావుగా / విజయశీలుడా స్తోత్రము / సమ్సోనుకు సింహ బలమునిచ్చినావుగా / యూదా సింహమా స్తోత్రము / బోయజుతో రూతును విమోచించినావు / సమూయేలును మందసం నుండి పిలిచినావు / పరిశుద్ధుడా – విమోచకుడా / ఎబినేజరు స్తోత్రము ||లేనే లేదయ్యా|| / దావీదు నా హృదయానుసారుడంటివే / రాజాధి రాజా స్తోత్రము / సొలొమోనుకు ఆత్మ జ్ఞానమెంతో ఇచ్చినావు / అనంత జ్ఞాని స్తోత్రము / ఏలీయాకై అగ్ని పంపి నీవు గెలచినావు / ఎలీషాకు రెండంతలాత్మనిచ్చినావు / ఆత్మ రూపుడా – రోషవంతుడా / జీవము గల దేవుడా ||లేనే లేదయ్యా|| / నెహెమ్యాతో పడిన గోడలు కట్టించినావు / యెరూషలేము దేవా స్తోత్రము / జెరుబ్బాబెలునడ్డగించు కొండ నణిపినావు / మందసపు దేవా స్తోత్రము / ఎస్తేరుచే రాజు ఆజ్ఞనే మార్చినావు / దానియేలును సింహాల నుండి బ్రోచినావు / షద్రక్ మేషాకూ – అబేద్నెగోల దేవుడా / నిత్య రాజ్య స్థాపకుడా ||లేనే లేదయ్యా|| / యెహోషాపాతుకై పోరు సలిపినావు / యుద్ధ శూరుడా స్తోత్రము / యబ్బేజు సరిహద్దులిస్తరించినావుగా / యజమానుడా స్తోత్రము / హిజ్కియాకు ఆయుష్షు నీవు పెంచినావు / యెషయాకు దర్శనమును చూపినావు / మహిమ రూపుడా – నిత్య జీవుడా / సింహాసనాసీనుడా ||లేనే లేదయ్యా|| / యోబుకు రెట్టింపు దీవెనిచ్చినావుగా / నమ్మదగిన దేవా స్తోత్రము / యోనాను చేప కడుపు నుండి లేపినావుగా / దీర్ఘశాంతుడా స్తోత్రము / యెహేజ్కెలుపై నీ ఆత్మ హస్తముంచినావు / యోహానును త్రోవ సరళ పరచ పంపినావు / ప్రవచనాత్ముడా – మనుష్య కుమారుడా / ప్రవక్తలందరికి దేవుడా ||లేనే లేదయ్యా|| / కృపా సత్యములు మాకై తెచ్చినావుగా / యేసు దేవా నీకే స్తోత్రము / తండ్రి చిత్తము అంత నెరవేర్చినావుగా / దేవ తనయుడా స్తోత్రము / రక్తధారతో మా పాపమంతా కడిగినావు / మృత్యుంజయుడవై సమాధి గుండె చీల్చినావు / పునరుత్థానుడా – అభిషిక్తుడా / పాపుల రక్షకుడా ||లేనే లేదయ్యా|| / పేతురును బండలా స్థిరము చేసినావుగా / పరిశుద్ధాత్ముడా స్తోత్రము / సౌలును అపొస్తలునిగా మార్చినావుగా / ఆశ్చర్యకరుడా స్తోత్రము / యోహానుకు నీ రాజ్య మహిమ చూపినావు / సంఘానికి ఇప్పుడు తోడుగా ఉండినావు / పెండ్లి కుమారుడా – ప్రేమ రూపుడా / రానున్న మా దేవుడా ||లేనే లేదయ్యా||
ఊహలు నాదు ఊటలు / నా యేసు రాజా నీలోనే యున్నవి (2) / ఊహకందని నీదు ఆశ్చర్య క్రియలు (2) ||ఊహలు|| / నీదు కుడి చేతిలోన / నిత్యము వెలుగు తారగా (2) / నిత్య సంకల్పము / నాలో నెరవేర్చుచున్నావు (2) ||ఊహలు|| / శత్రువులు పూడ్చిన / ఊటలన్నియు త్రవ్వగా (2) / జలలు గల ఊటలు / ఇస్సాకునకు ఇచ్చినావు (2) ||ఊహలు|| / ఊరు మంచిదే గాని / ఊటలన్నియు చెడిపోయెనే (2) / ఉప్పు వేసిన వెంటనే / ఊట అక్షయత నొందెనే (2) ||ఊహలు||