ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
నా గుండె చప్పుడు చేస్తుంది నీకే స్తోత్రమని / నా మనసే ఎప్పుడు చెబుతుంది హోసన్నా జయమని (2) / పదే పదే పాడుతుంది నా నాలుకా (2) / నీకే నా ఆరాధనా యేసయ్యా / నీకే నా ఆరాధనా (2) / నేను బ్రతికి ఉన్నానంటే కారణం నీవేగా / నాకున్న ఆధారం ఆశ్రయం నీవేగా (2) / నా శక్తి చేత కాదు నా బలము చేత కాదు / కేవలం నీ కృపయే (2) / కేవలం నీ కృపయే ||నా గుండె|| / నీతోనే ఉండుటకు నన్నెన్నుకున్నావు / నీ ప్రేమ విందులో నన్ను చేర్చుకున్నావు (2) / నీ పరిపాలనలోన నా ఆత్మనుంచుట / నాకెంత భాగ్యము (2) / నాకెంత భాగ్యము ||నా గుండె||
నా మనో నేత్రము తెరచి / నా కఠిన హృదయమును మార్చి (2) / అంధకారములో నేనుండ (2) / వెదకి నన్ రక్షించితివి (2) ||నా మనో|| / నే పాప భారము తోడ / చింతించి వగయుచునుంటి (2) / కల్వరి సిలువలో నా శ్రమలన్ (2) / పొంది నన్ విడిపించితివి (2) ||నా మనో|| / ఎన్నాళ్ళు బ్రతికిననేమి / నీకై జీవించెద ప్రభువా (2) / బాధలు శోధనలు శ్రమలలో (2) / ఓదార్చి ఆదుకొంటివయా (2) ||నా మనో|| / నీ సన్నిధిని నే కోరి / నీ సన్నిధిలో నే మారి (2) / స్తుతి పాత్రగ ఆరాధింతున్ (2) / యుగయుగములు సర్వ యుగములు (2) ||నా మనో||
భజన చేయుచు భక్తపాలక / ప్రస్తుతింతు నీ నామమును (2) / వృజినములపై జయము నిచ్చిన (2) / విజయుడా నిను వేడుకొందు ||భజన|| / దివ్య పదవిని విడిచి నీవు / దీనుడవై పుట్టినావు (2) / భవ్యమైన బోధలెన్నో (2) / బాగుగా ధర నేర్పినావు ||భజన|| / నరుల గావను పరమునుండి / ధరకు నీవు వచ్చినావు (2) / పరుడ నైన నా కొరకు నీ (2) / ప్రాణము నర్పించినావు ||భజన|| / చెడినవాడ నైన నన్ను / జేరదీసి ప్రోచినావు (2) / పడిన నాడు గోతి నుండి (2) / పైకి లేవనెత్తి నావు ||భజన|| / ఎంత ప్రేమ ఎంత దయ / ఎంత కృప యేసయ్య నీకు (2) / ఇంతయని వర్ణింప నిలలో (2) / నెవనికిని సాధ్యంబు కాదు ||భజన||
చిరకాల స్నేహితుడా / నా హృదయాన సన్నిహితుడా (2) / నా తోడు నీవయ్యా – నీ స్నేహం చాలయ్యా / నా నీడ నీవయ్యా – ప్రియ ప్రభువా యేసయ్యా / చిరకాల స్నేహం – ఇది నా యేసు స్నేహం (2) / బంధువులు వెలివేసినా / వెలివేయని స్నేహం / లోకాన లేనట్టి ఓ దివ్య స్నేహం / నా యేసు నీ స్నేహం (2) ||చిరకాల స్నేహం|| / కష్టాలలో కన్నీళ్లలో / నను మోయు నీ స్నేహం / నను ధైర్యపరచి ఆదరణ కలిగించు / నా యేసు నీ స్నేహం (2) ||చిరకాల స్నేహం|| / నిజమైనది విడువనిది / ప్రేమించు నీ స్నేహం / కలువరిలో చూపిన ఆ సిలువ స్నేహం / నా యేసు నీ స్నేహం (2) ||చిరకాల స్నేహం||
అడవి చెట్ల నడుమ / ఒక జల్దరు వృక్షం వలె / పరిశుద్ధుల సమాజములో / యేసు ప్రజ్వలించుచున్నాడు (2) / కీర్తింతున్ నా ప్రభుని / జీవ కాలమెల్ల ప్రభు యేసుని / కృతజ్ఞతతో స్తుతించెదను (2) / షారోను రోజా ఆయనే / లోయ పద్మమును ఆయనే / అతిపరిశుద్ధుడు ఆయనే / పదివేలలో అతిశ్రేష్టుడు (2) ||కీర్తింతున్|| / పరిమళ తైలం నీ నామం / దాని వాసన వ్యాపించెగా / నింద శ్రమ సంకటంలో / నను సుగంధముగా చేయున్ (2) ||కీర్తింతున్|| / మనోవేదన సహించలేక / సిలువ వైపు నే చూడగా / లేవనెత్తి నన్నెత్తుకొని / భయపడకుమని అంటివి (2) ||కీర్తింతున్|| / నా త్రోవకు దీపం నీవే / నా బ్రతుకుకు జీవం నీవే / నా సేవకు బలము నీవే / నా ఆత్మకాదరణ నీవే (2) ||కీర్తింతున్|| / ఘనమైన నా ప్రభువా / నీ రక్త ప్రభావమున / నా హృదయము కడిగితివి / నీకే నా స్తుతి ఘనత (2) ||కీర్తింతున్|| / నీవు నా దాసుడవనియు / ఏర్పరచుకొంటినని / నేనే నీ దేవుడనని / భయపడకు-మని అంటివి (2) ||కీర్తింతున్||
పదివేలలో అతిసుందరుడా / మనోహరుడా మహిమోన్నతుడా (2) / నీ నామం అతి మధురం / నీ త్యాగం మహానీయం (2) / తల్లిదండ్రుల కన్నను / బంధు మిత్రుల కన్నను (2) / ప్రేమించి నాకై నిలచే / స్నేహితుడా ప్రాణ నాథుడా (2) ||పదివేలలో|| / నీ కొరకే యేసు నీ కొరకే (3) / నా కరములెత్తెదను / మోకరించి నా శిరము వంచి / నా కరములెత్తెద నీ కొరకే (2) / పరిశుద్ధ ఆత్మ రమ్ము (2) / నను యేసు పాదము చెంత చేర్చుము / పరిశుద్ధ ఆత్మ రమ్ము ||నీ కొరకే||
పదములు చాలని ప్రేమ ఇది / స్వరములు చాలని వర్ణనిది (2) / కరములు చాపి నిను కౌగలించి పెంచిన / కన్నవారికంటే ఇది మిన్నయైన ప్రేమ / వారిని సహితము కన్న ప్రేమ / ప్రేమ ఇది యేసు ప్రేమ ప్రేమ ఇది తండ్రి ప్రేమ / ప్రేమ ఇది ప్రాణమిచ్చిన ప్రేమ / కలువరి ప్రేమ ||పదములు|| / నవ మాసం మోసి ప్రయోజకులను చేసినా / కన్నబిడ్డలే నిను వెలివేసినా (2) / తన కరములు చాపి ముదిమి వచ్చు వరకు / నిన్నెత్తుకొని ఆదరించు ప్రేమ / ఆ వేదనంత తొలగించును ప్రేమ ||ప్రేమ|| / మేలులెన్నో పొంది ఉన్నత స్థితికెదిగిన / స్నేహితులే హృదయమును గాయపరచగా (2) / మేలులతో నింపి అద్భుతములు చేసి / క్షమియించుట నేర్పించెడి ప్రేమా / శాంతితో నిను నడిపించెడి ప్రేమ ||ప్రేమ||
యేసుని నా మదిలో స్వీకరించాను / ఆయన నామములో రక్షణ పొందాను (2) / నేను నేనే కాను… నాలో నా యేసే… (2) / హల్లెలూయ హల్లెలూయ హల్లెలూయ హల్లెలూయ / హల్లెలూయ హల్లెలూయ హల్లెలూయ హల్లెలూయ ||యేసుని|| / పాతవి గతియించెను / క్రొత్తవి మొదలాయెను (2) / నా పాప హృదయింలో రారాజు జన్మించె / నా పాపం తొలగి పోయెను – నా దుఃఖం కరిగి పోయెను (2) / యేసే నా జీవం… / ఆ ప్రభువే నా దైవం (2) ||హల్లెలూయ|| / నీ పాపం తొలగాలన్నా / నీ దుఃఖం కరగాలన్నా (2) / యేసుని నీ మదిలోకి స్వీకరించాలి / ఆయన నామములోనే రక్షణ పొందాలి (2) / యేసే మన జీవం… / ఆ ప్రభువే మన దైవం (2) ||హల్లెలూయ|| / నీవు నమ్మితే రక్షణ / నమ్మకున్నచో శిక్షయే (2) / ఎత్తబడే గుంపులో నీవు ఉంటావో / విడువబడే రొంపిలో నీవు ఉంటావో (2) / ఈ క్షణమే నీవు తేల్చుకో… / ఇదియే అనుకూల సమయము (2) ||హల్లెలూయ||
యవ్వనుడా యవ్వనుడా / మాటిమాటికి ఏల పడిపోవుచున్నావు? / యవ్వనుడా యవ్వనుడా / నీ పాపజీవితంలో ఇంక ఎన్నాళ్ళు సాగెదవు? ||యవ్వనుడా|| / దుష్టుడు శోధనలకు గురిచేయుచుండగా / వాక్యమనే ఖడ్గముతో తరిమికొట్టుము (2) / యేసయ్యను స్వీకరించి వెంబడించుము (2) / అపజయమే ఎరుగక సాగిపోవుము (2) ||యవ్వనుడా|| / అనుదినము వాక్యముతో సరిచేసుకొనుము / ఇతరులకొక మాదిరిగా జీవించుము (2) / పాపమనే చీకటిలో ఉన్నవారిని (2) / నీ సాక్ష్యముతో వెలుగులోకి నడిపించుము (2) ||యవ్వనుడా|| / యవ్వనుడా యవ్వనుడా / ఇప్పటికైనా… యేసు పాదాల చెంతకి రావా
దేవా నీ గొప్పకార్యములన్ – మదిన్ తలచి స్తుతించెదం / నీ ఆశ్చర్యక్రియలను – పాడి కీర్తించెదం / హల్లెలూయా నా యేసురాజ / హల్లెలూయా నా ప్రాణనాథ (2) / స్తుతులు మహిమ ఘనత నీకే (2) ||దేవా నీ|| / శాశ్వత ప్రేమతో నను ప్రేమించి / పరమును వీడి భువికరుదెంచి / కలువరి సిలువలో రక్తము కార్చి / నీదు కృపతో నను రక్షించిన / నీ దివ్య ప్రేమను అత్యధికముగా / స్మరింతున్ జీవిత కాలమంతా ||దేవా నీ|| / నీ కంటిపాపగా నన్ను కాచి / నీ చేతి నీడలో నన్ను దాచి / నీ అరచేతిలో నను చెక్కుకొని / నీదు సొత్తుగా నను చేసుకొని / అక్షయమైన నీ మధుర ప్రేమను / దీక్షతో ఇలలో చాటెదను ||దేవా నీ||
స్తుతుల మీద ఆసీనుడా / స్తుతులందుకో నా యేసు రాజా (2) / ఆరాధన యేసు ఆరాధనా / ఆరాధన నీకే ఆరాధనా (2) / ప్రేమామయుడా మహోన్నతుడా / పూజించెదన్ నా యేసు రాజా (2) ||ఆరాధన|| / అల్ఫా ఒమేగా ఆదిసంభూతుడా / రానైయున్న నా యేసు రాజా (2) ||ఆరాధన||
అడిగినది కొంతే అయినా / పొందినది ఎంతో దేవా / ప్రతిగా ఏమివ్వగలనయా / నిను స్తుతియించే హృదయము తప్ప / నా జీవితం నీకే అంకితమయ్యా – (4) ||అడిగినది|| / ఊహించలేని వివరింపజాలని / నీ కార్యములు ఆశ్చర్యమే / యోచించినా నా వర్ణనకందని / నీ కృపా కనికరములు అత్యున్నతమే / తరతరములకు మారని నీ ఉన్నత ప్రేమా / యుగయుగములకు నీకే ఘనతా మహిమా / సతతం నిను నే కొనియాడెదను / సకలం నీ నామముకే స్తోత్రము తగును ||అడిగినది|| / క్షణ భంగురం నా క్షయ జీవితం / కాచావయ్యా నను నీ రెక్కల నీడ / ఏ యోగ్యత లేని అల్పురాల నన్ను / హెచ్చించావయ్యా నీ ప్రేమ తోడ / నా ఆశ్రయ దుర్గము నీవే యేసయ్య / నా రక్షణ శృంగము నీవే మెస్సయ్య / నా స్తుతికి పాత్రుడవు నీవేనయ్యా / ఈ స్తోత్ర కీర్తన నీకేనయ్యా ||అడిగినది|| / మహిమోన్నతుడా నను మరువని విభుడా / ప్రణుతించెదను నిన్నే నిరతం / నిష్కలంకుడా నిర్మలాత్ముడా / ప్రకటించెదను నీ పావన చరితం / నా అతిశయము నీవే నా యేసయ్యా / నా ఆధారము నీవే నా మెస్సయ్యా / నా ఆరాధన ఆలాపన నీకేనయ్యా / ఈ దీన సేవను చేకొనుమయ్యా ||అడిగినది||