ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
సర్వాంగ సుందరా సద్గుణ శేఖరా / యేసయ్యా నిన్ను సీయోనులో చూచెదా / పరవశించి పాడుతూ పరవళ్ళు త్రొక్కెదా (2) / నా ప్రార్థన ఆలకించువాడా / నా కన్నీరు తుడుచువాడా (2) / నా శోధనలన్నిటిలో ఇమ్మానుయేలువై / నాకు తోడై నిలిచితివా (2) ||సర్వాంగ|| / నా శాపములు బాపినావా / నా ఆశ్రయ పురమైతివా (2) / నా నిందలన్నిటిలో యెహోషాపాతువై / నాకు న్యాయము తీర్చితివా (2) ||సర్వాంగ|| / నా అక్కరలు తీర్చినావా / నీ రెక్కల నీడకు చేర్చినావా (2) / నా అపజయాలన్నిటిలో యెహోవ నిస్సివై / నాకు జయ ధ్వజమైతివా (2) ||సర్వాంగ||
త్రాహిమాం క్రీస్తు నాథ – దయ జూడ రావే / నేను – దేహి యనుచు నీ పాదములే / దిక్కుగా జేరితి నిపుడు ||త్రాహిమాం|| / గవ్వ చేయరాని చెడ్డ – కర్మేంద్రియాధీనుడనై / రవ్వ పాలై నేనెంతో – నెవ్వ బొందితి / త్రవ్వుచున్న కొలది – పెరుగు – దరగదు నా పాప రాశి / యివ్విధమున జెడిపోతిని నే – నేమి సేతు నోహోహోహో ||త్రాహిమాం|| / నీ యందు భయభక్తులు లేని – నిర్లజ్జా చిత్తము బూని / చేయరాని దుష్కర్మములు – చేసినాడను / దయ్యాల రాజు చేతిలో – జేయి వేసి వాని పనుల / జేయ సాగి నే నిబ్భంగి – జెడిపోయితి నే నయ్యయ్యాయ్యో ||త్రాహిమాం|| / నిబ్బర మొక్కించుకైన – నిజము రవ్వంతైన లేక / దబ్బర లాడుతకు ము – త్తా నైతిని / అబ్బురమైన ఘోర పా – పాంధకార కూపమందు / దబ్బున బడిపోతి నయ్యో – దారి చెడి నేనబ్బబ్బబ్బా ||త్రాహిమాం|| / నిన్ను జేరి సాటిలేని – నిత్యానంద మంద బోవు / చున్నప్పుడు నిందలు నా – కెన్ని చేరినా / విన్నదనము లేకుండ నీ – వే నా మదికి ధైర్యమిచ్చి / యన్నిట రక్షించితివి నా – యన్న నీకు స్తోత్ర మహాహా ||త్రాహిమాం||
ఎంతెంత భారమాయె ఆ సిలువ / లోక పాపములన్ని నువ్వు గెలువ (2) / కదిలినావు ఆ కల్వరికి / మరణముని దరి చేర్చుకొని (2) / యేసయ్యా… నా యేసయ్యా… / అలసిపోతివ నా యేసయ్యా… (2) / కొరడాలు నీ ఒళ్ళు చీల్చేను / పిడి గుద్దులతో కళ్ళు తిరిగెను (2) / వడి ముళ్ళు తలలోన నాటేను / నీ కళ్ళు రుధిరాన్ని కురిసెను (2) ||యేసయ్యా|| / బరువైన సిలువను మోయలేక / తడబడె నీ అడుగు అదిరిపడి (2) / వడివడిగా నిన్ను నడువుమని / పడి పడి తన్నిరి ఆ పాపులు (2) ||యేసయ్యా|| / చల్లని నీ దేహమల్లాడెను / ఏ చోటు లేకుండ గాయాలతో (2) / కాళ్ళు చేతులకు దిగి మేకులు / వ్రేళాడే సిలువకు నీ ప్రాణము (2) ||యేసయ్యా|| / వెలలేనిది తండ్రి నీ త్యాగము / నీ కష్టమంతయు నా పాపము (2) / మదిలోన కొలువుండు నా రక్షకా / వదిలేది లేదు నిన్ను నా పాలిక (2) ||యేసయ్యా||
కృంగిన వేళలో – ఆపద సమయములో / నా శ్రమలన్నిటిలో – నా సహాయము నీవే / నిజమైన స్నేహితుడా – నను విడువక ప్రేమించితివి / యదార్థవంతుడనై – రాజ మార్గము పొందితిని / నిరీక్షణ నీవే – నా ఆశ్రయం నీవే (2) / నిన్నాశ్రయించగా – నే ధన్యుడనైతిని / నీవే తండ్రివై – నా త్రోవను నడిపించితివి / నిజమైన స్నేహితుడా – నను విడువక ప్రేమించితివి / యదార్థవంతుడనై – రాజ మార్గము పొందితిని / నిరీక్షణ నీవే – నా ఆశ్రయం నీవే (2)
నా సంకట దుఃఖములెల్ల తీరిపోయెగా / నశింపజేయు దూత నన్ను దాటిపోయెను (2) ||నా సంకట|| / విలువైన గొర్రెపిల్ల రక్తము ద్వారా (2) / కలిగియున్న రక్షణలో దాగియుంటిని (2) ||నా సంకట|| / ఇంకా నేను ఫరోకు దాసుడను కాను (2) / ఇంకా నేను సీయోను కన్యుడను గాను (2) ||నా సంకట|| / మార్చబడు నాడు మారా మధురముగా (2) / పారు జలము బండనుండి త్రాగుచుండును (2) ||నా సంకట|| / సౌందర్యమయమగు పరమ కానాను (2) / నా నిత్యమైన స్వాస్థ్యమది మార్పుజెందదు (2) ||నా సంకట|| / ఆనందమే పరమానందమే (2) / కానాను జీవితము నా కానందమే (2) ||నా సంకట|| / నా దేవుడే ఎడారిలో నాదు ప్రభువు (2) / నా దేవుడిచ్చు క్రొత్త మన్నా నాకు చాలును (2) ||నా సంకట|| / నా యేసు ప్రభువే నా బలము గానము (2) / నా యేసు ప్రభువే నా రక్షణ హల్లెలూయా (2) ||నా సంకట||
ఉత్సాహ గానము చేసెదము / ఘనపరచెదము మన యేసయ్య నామమును (2) / హల్లెలూయ యెహోవ రాఫా / హల్లెలూయ యెహోవ షమ్మా / హల్లెలూయ యెహోవ ఈరే / హల్లెలూయ యెహోవ షాలోమ్ (2) / అమూల్యములైన వాగ్ధానములు / అత్యధికముగా ఉన్నవి (2) / వాటిని మనము నమ్మినయెడల / దేవుని మహిమను ఆనుభవించెదము (2) ||హల్లెలూయ|| / వాగ్ధాన దేశము పితరులకిచ్చిన / నమ్మదగిన దేవుడాయన (2) / జయించిన వారమై అర్హత పొంది / నూతన యెరుషలేం ఆనుభవించెదము (2) ||హల్లెలూయ||
నీ ప్రియ ప్రభుని సేవకై – అర్పించుకో నీవే / పవిత్ర ప్రజలైన మీరు – సేవించుడాయననే (2) / అంధకార జీవితమునకు – వెలుగు తెచ్చెను తానే (2) / ఆ వెలుగు ద్వారానే – నూతన మార్గము కలిగె (2) / సజీవ బలిగా నర్పించు – నీ జీవితమాయనకే (2) ||నీ ప్రియ|| / తప్పిపోతివి గతమందు – తప్పు దారిని నడిచితివి (2) / తన ప్రేమా హస్తమే – నిన్ను కాపాడి తెచ్చెను (2) / యెంతైన స్మరియించు నీవు – వింతైన తన ప్రేమన్ (2) ||నీ ప్రియ|| / ఓ ప్రియుడా తలచితివా – నీ జన్మమే పాపమని (2) / ప్రభువే తన రక్తముతో – నీ పాపము క్షమియించె (2) / నీ యుల్లము ఆయన కాలయమే – జ్ఞాపకముంచుకొనుము (2) ||నీ ప్రియ|| / యెవరతని సేవించెదరో – ఫలమొందెదరంతమందు (2) / ఇతరులకు లేనట్టి – ఆ ఘనతను నీ కిచ్చె (2) / కృతజ్ఞుడవై కొనియాడు – ప్రభు పాద సన్నిధిని (2) ||నీ ప్రియ||
దేవుడే నాకాశ్రయంబు – దివ్యమైన దుర్గము / మహా వినోదు డాపదల – సహాయుడై నన్ బ్రోచును / అభయ మభయ మభయ మెప్పు / డానంద మానంద మానంద మౌగ ||దేవుడే|| / పర్వతములు కదిలిన నీ – యుర్వి మారు పడినను / సర్వమున్ ఘోషించుచు నీ – సంద్ర ముప్పొంగినన్ ||అభయ|| / దేవుడెప్డు తోడుగాగ – దేశము వర్ధిల్లును / ఆ తావు నందు ప్రజలు మిగుల – ధన్యులై వసింతురు ||అభయ|| / రాజ్యముల్ కంపించిన భూ – రాష్ట్రముల్ ఘోషించిన / పూజ్యుండౌ యెహోవా వైరి – బూని సంహరించును ||అభయ|| / విల్లు విరచు నాయన తెగ – బల్లెము నరకు నాయన / చెల్ల చెదర జేసి రిపుల – నెల్లద్రుంచు నాయనే ||అభయ|| / పిశాచి పూర్ణ బలము నాతో – బెనుగులాడ జడియును / నశించి శత్రు గణము దేవు – నాజ్ఞ వలన మడియును ||అభయ|| / కోటయు నాశ్రయమునై యా – కోబు దేవు డుండగా / ఏటి కింక వెరవ వలయు – నెప్డు నాకు బండుగ ||అభయ||
కృపా క్షేమము నీ శాశ్వత జీవము / నా జీవిత కాలమంతయు నీవు దయచేయువాడవు (2) / మహోన్నతమైన నీ ఉపకారములు / తలంచుచు అనుక్షణము పరవశించనా / నీ కృపలోనే పరవశించనా / నా ప్రతి ప్రార్ధనకు నీవిచ్చిన ఈవులే / లెక్కకు మించిన దీవెనలైనాయి (2) / అడుగులు తడబడక నడిపినది నీ దివ్య వాక్యమే / కడలిని మించిన విశ్వాసమునిచ్చి విజయము చేకూర్చెను (2) / నీ వాక్యమే మకరంధమై బలపరిచెను నన్ను / నా యేసయ్య స్తుతిపాత్రుడ ఆరాధన నీకే (2) / ఆరాధన నీకే ||కృపా క్షేమము|| / నీ సత్య మార్గములో ఫలించిన అనుభవమే / పరిమళింపచేసి సాక్షిగ నిలిపాయి (2) / కలతచెందక నిలిపినది నీ దివ్య దర్శనమే / గమ్యము చేరే శక్తితో నను నింపి నూతన కృపనిచ్చెను (2) / ఆరాధ్యుడా అభిషిక్తుడా ఆరాధన నీకే / నా యేసయ్య స్తుతిపాత్రుడ ఆరాధన నీకే (2) / ఆరాధన నీకే ||కృపా క్షేమము|| / నా ప్రాణ ప్రియుడా నన్నేలు మహారాజా / నా హృది నీ కొరకు పదిలపరచితిని (2) / బూరశబ్దము వినగా నా బ్రతుకులో కలలు పండగా / అవధులులేని ఆనందముతో నీ కౌగిలి నే చేరనా (2) / ఆరాధ్యుడా అభిషిక్తుడా ఆరాధన నీకే / ప్రాణేశ్వరా నా యేసయ్య ఆరాధన నీకే (2) / ఆరాధన నీకే ||కృపా క్షేమము||
దేవుడు మనకు ఎల్లప్పుడు (2) / తోడుగ నున్నాడు (3) / ఏదేనులో ఆదాముతో నుండెన్ (2) / హానోకు తోడనేగెను (2) / దీర్ఘ దర్శకులతో నుండెన్ (2) / ధన్యులు దేవుని గలవారు – తోడుగనున్నాడు / దైవాజ్ఞను శిరసావహించి (2) / దివ్యముగ నా బ్రాహాము (2) / కన్న కొమరుని ఖండించుటకు (2) / ఖడ్గము నెత్తిన యపుడు – తోడుగనున్నాడు / యోసేపు ద్వేషించ బడినపుడు (2) / గోతిలో త్రోయబడినపుడు (2) / శోధనలో చెరసాలయందు (2) / సింహాసనమెక్కిన యపుడు – తోడుగనున్నాడు / ఎర్ర సముద్రపు తీరమునందు (2) / ఫరో తరిమిన దినమందు (2) / యోర్దాను దాటిన దినమందు (2) / యెరికో కూలిన దినమందు – తోడుగనున్నాడు / దావీదు సింహము నెదిరించి (2) / ధైర్యాన చీల్చినయపుడు (2) / గొల్యాతును హతమార్చినయపుడు (2) / సౌలుచే తరుమబడినపుడు – తోడుగనున్నాడు / సింహపు బోనులో దానియేలు (2) / షద్రకు మేషా కబేద్నెగో (2) / అగ్ని గుండములో వేయబడెన్ (2) / నల్గురిగా కనబడినపుడు – తోడుగనున్నాడు / పౌలు బంధించబడినపుడు (2) / పేతురు చెరలో నున్నపుడు (2) / అపోస్తలులు విశ్వాసులు (2) / హింసించ బడినయపుడు – తోడుగనున్నాడు ||దేవుడు||
యెహోవ నా ఆశ్రయం / నా విమోచన దుర్గము (2) / నా ధ్యానం నా గానం / యెహోవ నా అతిశయం (2) ||యెహోవ|| / తన ఆలయాన నా మోర వినెను / భూమి కంపించేలా ఘర్జన చేసెను / మేఘాలు వంచి ఎగిరి వచ్చి / జలరాసులనుండి నన్ను లేపెను / ఆయనకు ఇష్టుడను – అందుకే నన్ను తప్పించెను / ఆయనలో నా స్వాస్థ్యము – ఎంత మహిమోన్నతమైనది / ఇదే యెహోషువా తరము – ఎరికో కూలిపోతున్నది (2) / హల్లెలూయ హల్లెలూయ హోసన్నా (4) ||యెహోవ|| / నా చేతి వేళ్ళకు సమరము నేర్పెను / నా గుండెకు శౌర్యము నేర్పెను / జయము నాకు జన్మ హక్కు / ఆత్మాభిషేకము నా అగ్ని స్వరము / శత్రువుల గుండెలలో – యేసు రక్తము సింహ స్వప్నము / ఏ యుద్ధ భూమైనాను – యేసు నామం సింహనాదం / ఇదే యెహోషువా తరము – ఎరికో కూలిపోతున్నది (2) / హల్లెలూయ హల్లెలూయ హోసన్నా (4) ||యెహోవ||
ఎంతటి వాడను నేను యేసయ్యా / కొంతైనా యోగ్యుడను కానయ్యా (2) / ఇంతగ నను హెచ్చించుటకు / ఈ స్థితిలో నన్నుంచుటకు (2) ||ఎంతటి|| / ఐశ్వర్యము గొప్పతనమును / కలిగించు దేవుడవీవే / హెచ్చించువాడవును / బలమిచ్చువాడవు నీవే (2) / అల్పుడను మంటి పురుగును / నన్ను ప్రేమించినావు / ప్రాణమును నీ సర్వమును / నా కొరకై అర్పించినావు ||ఎంతటి|| / నిను వెంబడించువారిని / నిజముగ సేవించువారిని / నీవుండే స్థలములలో / నిలిచే నీ సేవకుని (2) / ఎంతో ఘనపరచెదవు / ఆశీర్వదించెదవు / శత్రువుల కంటె ఎత్తుగా / అతని తలను పైకెత్తెదవు ||ఎంతటి|| / వినయముగల మనుష్యులను / వర్దిల్లజేసెదవు / గర్విష్టుల గర్వమునణచి / గద్దె నుండి దించెదవు (2) / మాదు ఆశ్రయ దుర్గమా / మేమంతా నీ వారమే / మా శైలము మా కేడెమా / మాకున్నదంతా నీ దానమే ||ఎంతటి||