ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
కని విని ఎరుగని కరుణకు నీవే ఆకారం తండ్రి / నీవే ఆధారం తండ్రి (2) / దయామయా నీ చూపులతో / దావీదు తనయా నీ పిలుపులతో / నీ రూపము కనిపించే / హల్లెలూయా హల్లెలూయా హల్లెలూయా హల్లెలూయా (2) ||కని|| / నీ పద ధూళులు రాలిన నేలలో / మేమున్నామంటే – భాగ్యం ఉందా ఇంతకంటే / చల్లని నీ చేతులు తాకి / పులకితమైపోయే – బ్రతుకే పునీతమైపోయే / కనులారా కంటిమి నీ రూపం / మనసారా వింటిమి నీ మాట / ఇది అపురూపం – ఇది అదృష్టం / ఏమి చేసినామో పుణ్యం / మా జీవితాలు ధన్యం ||హల్లెలూయా||
ప్రేమించు దేవుడు రక్షించు దేవుడు / పాలించు దేవుడు – యేసు దేవుడు / పాటలు పాడి ఆనందించెదం / ఆహా ఎంతో ఆనందమే (2) ||ప్రేమించు|| / తల్లిదండ్రుల కన్నా తాత అయిన దేవుడు / ప్రతి అవసరమును తీర్చు దేవుడు (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / నన్ను స్వస్థపరచి శక్తినిచ్చు దేవుడు / తోడు నీడగా నన్ను కాపాడును (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / నిన్న నేడు ఏకరీతిగా ఉన్నాడు / సర్వ కాలమందు జయమిచ్చును (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / ఎల్లవేళలా నన్ను నడిపించే దేవుడు / అంతము వరకు చేయి విడువడు (2) / హల్లెలూయా ఆనందమే / సంతోషమే సమాధానమే (2) ||ప్రేమించు||
కృప కృప నా యేసు కృపా / కృప కృప కృపా (2) / నీ కొరకు నన్ను ముందుగానే నిర్ణయించితివే / నీవు నన్ను పిలిచి నీ నీతినిచ్చి మహిమపరచితివే / నేనేమైయుంటినో అందుకు కాదయ్యా / నా క్రియలను బట్టి అసలే కాదయ్యా / చూపావు ప్రేమ నాపై – పిలిచావు నన్ను కృపకై / జనములకు ప్రవక్తగా నను నియమించావయ్యా / నా తల్లి గర్భమునందే ప్రతిష్టించావయ్యా (2) ||కృప|| / నాపై నువ్వు చూపిన ప్రేమ ఎంతో గొప్పదయ్యా / కలలోనైనా నిన్ను మరువనెలేనయ్యా / రుచి చూచి ఎరిగా నిన్ను నా యేసయ్యా / నీ కృప నా జీవముకంటె ఉత్తమమైనదయ్యా / నీ ప్రేమ ధ్వజమే పైకెత్తి నాపై – నన్నాకర్షించావయ్యా / నువ్వులేని నన్ను ఊహించలేను – నా శిరస్సు నీవయ్యా / నా గుర్తింపంతా నీవే యేసయ్యా / నా ప్రాణం సర్వం నీవే యేసయ్యా ||నేనేమైయుంటినో|| / నా పాపము నను తరుమంగా నీలో దాచితివే / నే నీకు శిక్ష విధించను షాలోమ్ అంటివే / నా నేరపు మరణపు శిక్షను నీవు భరించితివే / ఇకపై పాపము చేయకని మార్గము చూపితివే / నీ మంచితనమే కలిగించె నాలో – మారు మనస్సేసయ్యా / నేనెంతగానో క్షమియించబడితిని – ఎక్కువగా ప్రేమించితివయ్యా / నా మొదటి ప్రేమ నీవే యేసయ్యా / నా మొదటి స్థానము నీకే యేసయ్యా ||నేనేమైయుంటినో|| / పైరూపము లక్ష్యము చేసే నరుడవు కాదయ్యా / నా హృదయపు లోతును ఎరిగిన దేవుడు నీవయ్యా / నను నీవే కోరుకొని నా స్థితి మార్చావయ్యా / నీ ప్రజలను నడిపింప అభిషేకించావయ్యా / ఏముంది నాలో నీవింతగా నను – హెచ్చించుటకు యేసయ్యా / ఏమివ్వగలను నీ గొప్ప కృపకై – విరిగిన నా మనస్సేనయ్యా / నీ కొరకే నేను జీవిస్తానయ్యా / మన ప్రేమను కథగా వివరిస్తానయ్యా ||నేనేమైయుంటినో|| / పదివేల మందిలో నీవు అతి సుందరుడవయ్యా / అతి కాంక్షణీయుడవు నా ప్రియుడవు నీవయ్యా / నీకంటే నను ప్రేమించే ప్రేమికుడెవరయ్యా / విడనాడని స్నేహితుడా నా మంచి యేసయ్యా / నీలోన నేను నాలోన నీవు – ఏకాత్మ అయితిమయ్యా / జీవించువాడను ఇక నేను కాను – నా యందు నీవయ్యా / నీ మనసే నా దర్శనమేసయ్యా / నీ మాటే నా మనుగడ యేసయ్యా ||నేనేమైయుంటినో||
అమూల్య రక్తము ద్వారా రక్షణ పొందిన జనులారా / సర్వ శక్తుని ప్రజలారా పరిశుద్ధులారా పాడెదము / ఘనత మహిమ స్తుతులను పరిశుద్ధులారా పాడెదము / మన యవ్వన జీవితములు – శరీరాశకు లోబరచి (2) / చెడు మాటలను పలుకుచు – శాంతి లేక యుంటిమిగా (2) ||అమూల్య|| / చెడు మార్గమున పోతిమి – దాని యంతము మరణము (2) / నరక శిక్షకు లోబడుచు – పాపపు ధనము పొందితిమి (2) ||అమూల్య|| / నిత్య సత్య దేవుని – నామమున మొరలిడక (2) / స్వంత నీతి తోడనే – దేవుని రాజ్యము కోరితిమి (2) ||అమూల్య|| / కనికరముగల దేవుడు – మానవరూపము దాల్చెను (2) / ప్రాణము సిలువను బలిజేసి – మనల విమోచించెను (2) ||అమూల్య|| / తన రక్త ధారలలో – మన పాపములను కడిగి (2) / మన కన్నులను తెరచి – మనల నింపెను జ్ఞానముతో (2) ||అమూల్య|| / పాపులమైన మన మీద – తన యాశ్చర్య ఘన ప్రేమ (2) / కుమ్మరించెను మన ప్రభువు – కృతజ్ఞత చెల్లింతుము (2) ||అమూల్య|| / మన రక్షకుని స్తుతించెదము – మనలను జేసెను ధన్యులుగా (2) / మన దేవుని కర్పించెదము – జీవాత్మ శరీరములను (2) ||అమూల్య||
ఒక వరమడిగితిని యేసయ్యా / నీలా ఉండాలని – మండుచుండాలని / నీలా ఉండాలని – మండుచుండాలని (2) / యేసయ్యా యేసయ్యా యేసయ్యా యేసయ్యా (2) ||ఒక వరమడిగితిని|| / నాలో నేరము స్థాపించగలరా / ప్రతిధ్వని ఇచ్చెను నీ స్వరము ధరలో (2) / నన్ను పరిశుద్ధపరచి తుది శ్వాస వరకు / నీ మార్గములలో నడిపించవా (2) ||ఒక వరమడిగితిని|| / సర్వ సృష్టికి సర్వాధికారి / తల వాల్చుటకును స్థలమింత లేదా (2) / నేను లోకాశ విడచి పైనున్నవాటి / గురి కలిగి వెదకి పొందాలని (2) ||ఒక వరమడిగితిని|| / తండ్రిని విడచి పారమును వీడి / నన్ను సమీపించినావు (2) / నేను కలిగున్నదంత నీ పాదాల చెంత / అర్పించి నీ చెంత చేరాలని (2) ||ఒక వరమడిగితిని|| / దేవుని చిత్తము సంపూర్తి చేయగ / సిలువలో వ్రేళాడి శ్రమ నొందినావు (2) / నేను నీ సిలువ మోయుచు కడవరకు ఇలలో / నీ సాక్షిగా జీవించాలని (2) ||ఒక వరమడిగితిని||
నీతిగల యెహోవా స్తుతి మీ – ఆత్మతో నర్పించుడి / మీ ఆత్మతో నర్పించుడి – దాతయవు మన క్రీస్తు నీతిని / దాల్చుకొని సేవించుడి ||నీతి|| / చదల బుడమియు రవియు జలధియు – నదులు గిరులును జక్కగా / సదమలంబగు దైవ నామము – సర్వదా నుతి జేయును ||నీతి|| / సర్వశక్తుని కార్యముల కీ – సర్వ రాష్ట్రము లన్నియు / గర్వములు విడి తలలు వంచుచు – నుర్విలో నుతిజేయను ||నీతి|| / గీత తాండవ వాద్యములచే – బ్రీతి పరచెడు సేవతో / పాతకంబులు పరిహరించెడు – దాతనే సేవించుడి ||నీతి|| / పరమ దూతలు నరులు పుడమిని – మొరలుబెట్టుచు దేవుని / పరము నందున్నట్టి యేసుని – పాదములు సేవింతురు ||నీతి|| / ఇలను భక్తులు గూడుకొనియా – బలము గల్గిన దేవుని / వెలయు స్తుతి వే నోళ్ళతోడను – విసుగు జెందక జేయుడి ||నీతి|| / ఆత్మ నీవిక మేలుకొని శు – ధ్ధాత్మ యేసుని దండ్రిని / త్రిత్వమగునా యేక దేవుని – హర్షమున సేవింపవే ||నీతి||
నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిన్ను నేను – ఎన్నడు విడువను (2) / నిత్యము నీతోనే జీవింతున్ / సత్య సాక్షిగ జీవింతున్ / నిత్య రక్షణతో – నన్ను రక్షించెన్ (2) / ఏక రక్షకుడు యేసే / లోక రక్షకుడు యేసే / నీ చిత్తమును చేయుటకై – నీ పోలికగా ఉండుటకై (2) / నా సర్వము నీకే అర్పింతును / పూర్ణానందముతో నీకే అర్పింతున్ / నిత్య రాజ్యములో – నన్ను చేర్పించన్ (2) / మేఘ రథములపై రానైయున్నాడు / యేసు రాజుగ రానైయున్నాడు / ఆరాధింతును సాష్టాంగపడి (2) / స్వర్గ రాజ్యములో యేసున్ / సత్య దైవం యేసున్ / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే
నా ప్రాణప్రియుడా నా యేసురాజా / నా యేలినవాడా నా స్నేహితుడా (2) / నిన్ను చేరాలని నీతో ఉండాలని (2) / నిన్ను వలచానయ్యా – నీవు నా సొంతం (2) ||నా ప్రాణ|| / నీ స్వరము నే వింటిని – ప్రాణం సొమ్మసిల్లెనేసయ్యా / నీ ముఖము నే చూచితిని – మనసానందమాయేనా (2) / నీ ప్రేమను రుచి చూచితి / నీ వశమైతిని యేసయ్యా (2) ||నా ప్రాణ|| / నీ చేయి నే పట్టుకొని – నీతో నడవాలనుంది యేసయ్యా / నీ భుజమును నేనానుకొని – నీతో బ్రతకాలనుంది యేసయ్యా (2) / నిన్ను హత్తుకొని / నీ ఒడిలోన నిదురించాలని ఉందయ్యా (2) ||నా ప్రాణ||
వర్షింపనీ వర్షింపనీ / నీ ప్రేమ జల్లులు మాపై వర్షింపనీ (2) / నీ వాక్యపు చినుకుతో జీవింపనీ / యేసయ్యా.. నీ ఆత్మ వర్షంతో ఫలియింపనీ (2) ||వర్షింపనీ|| / ఎడారి బ్రతుకులో నీ వాక్య చినుకు కురిపించి / సజీవ ధారలతో ప్రతి కఠిన గుండెను తాకి (2) / ఆశతో ఉన్నవారికి నీ వాక్కుతో ప్రాణం పోయనీ (2) ||వర్షింపనీ|| / ఎండిన జీవంపై నీ ఆత్మ వర్షం కుమ్మరించి / సజీవ జలములపై పొంగి ప్రతి చోటకు సాగి (2) / దాహం గొన్న వారికి నీ ఆత్మలో సకలం పొందనీ (2) ||వర్షింపనీ||
నా యేసు రాజ్యము అందమైన రాజ్యము / అందులో నేను నివసింతును (2) / సూర్య చంద్రులు అక్కర లేని రాజ్యం / ప్రభు క్రీస్తే వెలుగై ఉన్న రాజ్యం (2) ||నా యేసు|| / అవినీతియే ఉండని రాజ్యము / ఆకలి దప్పికలు లేని నిత్య రాజ్యం (2) / ఇక కరువు కష్టం వ్యాధి బాధ లేని రాజ్యం / ఇక లంచం మోసం మొహం ద్వేషం లేని రాజ్యం (2) ||నా యేసు|| / హల్లెలూయా స్తుతులున్న రాజ్యం / యేసే సర్వాధిపతి అయినా సత్య రాజ్యం (2) / ప్రేమ శాంతి సమాధానం నిత్యం ఉన్న రాజ్యం / నీతి న్యాయం ధర్మం సంతోషం ఉన్న రాజ్యం (2) ||నా యేసు||
కన్నీళ్లతో పగిలిన గుండెతో అలసిన నేస్తమా / మనసున్న మారాజేసుని మదిలో నిలుపుమా (2) / విడువడు నిన్ను ఎడబాయడు నిన్ను / కష్టాల కడలిలో గమ్యానికి చేర్చును (2) / విడువడు నిన్ను / రాతిరంత ఏడుపొచ్చినా – కంట నీరు ఆగకుండినా / కాలమింక మారకుండునా – వెలుగు నీకు కలగకుండునా / ప్రాణమిచ్చి ప్రేమ పంచినా – పేరు పెట్టి నిన్ను పిలచినా / నీ చేయి పట్టి విడచునా – అనాథగా నిన్ను చేయునా ||విడువడు|| / అంధకారమడ్డు వచ్చినా – సంద్రమెంత ఎత్తు లేచినా / నిరాశలే పలకరించినా – క్రీస్తు ప్రేమ నిన్ను మరచునా / బాధ కలుగు దేశమందునా – బంధకాలు ఊడకుండునా / శత్రువెంతో పగతో రగిలినా – గిన్నె నిండి పొర్లకుండునా ||విడువడు||
కమ్మని బహుకమ్మని – చల్లని అతి చల్లని / తెల్లని తేట తెల్లని – యేసు నీ ప్రేమామృతం (2) / జుంటె తేనె కన్న మధురం – సర్వ జనులకు సుకృతం (2) / యేసు నీ ప్రేమామృతం (2) ||కమ్మని|| / ఆశ చూపెను ఈ లోకం – మలినమాయెను నా జీవితం / యేసూ నీదు ప్రేమ – దయ చూపెను ఈ దీనురాలి పైన (2) / వెలిగెను నాలో నీ ఆత్మ దీపము (2) / కడిగిన ముత్యముగా అయ్యాను నేను (2) ||కమ్మని|| / నా కురులతో పరిమళమ్ములతో – చేసెద నీదు పాద సేవ / నా గుండె గుడిలో కొలువైయున్న – నీకు చేసెద నేను మధుర సేవ (2) / ఆరాధింతును నిన్ను అనుదినము (2) / జీవింతును నీకై అనుక్షణము (2) ||కమ్మని||