Songs sorted by number of likes. 1604 songs total.
నాకు జీవమై ఉన్న నా జీవమా / నాకు ప్రాణమై ఉన్న నా ప్రాణమా / నాకు బలమై ఉన్న నా బలమా / నాకు సర్వమై ఉన్న నా సర్వమా / నీ నామమే పాడెదన్ నా జీవిత కాలమంతా / నీ ధ్యానమే చేసెద నా ఊపిరి ఉన్నంత వరకు ||నాకు జీవమై|| / పూజ్యుడవు… ఉన్నత దేవుడవు / యోగ్యుడవు… పరిశుద్ధ రాజువు (2) / నా ఆరాధన నా ఆలాపన / నా స్తుతి కీర్తన నీవే / నా ఆలోచన నా ఆకర్షణ / నా స్తోత్రార్పణ నీకే ||నాకు జీవమై|| / నాయకుడా… నా మంచి స్నేహితుడా / రక్షకుడా… నా ప్రాణ నాథుడా (2) / నా ఆనందము నా ఆలంబన / నా అతిశయము నీవే / నా ఆదరణ నా ఆశ్రయము / నా పోషకుడవు నీవే ||నాకు జీవమై||
నాకు నీ కృప చాలును ప్రియుడా (2) / నాకు నీ కృప చాలును / శ్రమలతో నిండిన ఈ జీవితములో (2) / నాథా నీ రాక ఆలస్యమైతే (2) / పడకుండ నిలబెట్టుము నన్ను / జారకుండ కాపాడుము (2) ||నాకు|| / పాము వలెను వివేకముగను / పావురమువలె నిష్కపటముగను (2) ||నాథా|| / జంట లేని పావురము వలెను / మూల్గుచుంటిని నిను చేరుటకై (2) ||నాథా|| / పాపిని నను కరుణించు దేవా / చేరి నిను నే స్తుతియించుచుంటిని (2) ||నాథా||
నాకు చాలిన దేవుడ నీవు / నా కోసమే మరణించావు (2) / నా శ్రమలలో నా ఆధారమా / నను ఎడబాయని నా దైవమా (2) / ఏమిచ్చి నీ ఋణము నే తీర్చగలను / ఏ రీతిగా నిను స్తుతియించగలను (2) ||నాకు చాలిన|| / వధకు సిద్ధమైన గొరియపిల్ల వోలె / మౌనివై నా పాప శిక్షణోర్చినావు (2) / అన్యాయపు తీర్పుతో దోషిగ నిను చేసినా (2) / చిరునవ్వుతో సిలువనే భరించినావయ్యా (2) ||ఏమిచ్చి|| / ఎండిన భూమిలో లేత మొక్క వోలె / నా శ్రమలను భరియించి నలుగగొట్టబడితివా (2) / సూదంటి రాళ్ళలో గొల్గొతా దారిలో (2) / నడవలేక సుడి వడి కూలినావయ్యా (2) ||ఏమిచ్చి||
నాకున్న బలము సరిపోదయ్యా / నాకున్న జ్ఞానము సరి కాదయ్యా (2) / ఆత్మతో నింపి అభిషేకించు / (నీ) శక్తితో నింపి నను నడిపించు (2) ||నాకున్న|| / నిన్ను విడిచి లోకంలో సౌలు వలె తిరిగాను / నిన్ను మరచి యోనాలా నిద్రలో మునిగాను (2) ||ఆత్మతో|| / మనసు మారి పౌలు వలె నిన్ను చేరుకున్నాను / మనవి ఆలకించమని పెనుగులాడుచున్నాను (2) ||ఆత్మతో|| / అనుమానంతో నేను తోమలా మారాను / అబ్రాహాములా నీతో ఉండగోరుచున్నాను (2) ||ఆత్మతో||
చిట్టి పొట్టి పాపను నేను / చిన్నారి పాపను నేను (2) / యేసయ్యా నిన్ను చూడాలని / నాకున్న చిన్ని ఆశ / యేసయ్యా నిన్ను చేరాలని / నాకున్న చిన్ని ఆశ ||చిట్టి|| / నీ సన్నిధిలోనే ఉండాలని / నాకున్న చిన్ని ఆశ / నీ సన్నిధిలో పాట పాడాలని / నాకున్న చిన్ని ఆశ ||చిట్టి|| / నీకై నేను జీవించాలని / నాకున్న చిన్ని ఆశ / నిన్నే నేను సేవించాలని / నాకున్న చిన్ని ఆశ ||చిట్టి||
నాకున్నది నీవేనని / నను కన్నది సిలువేనని (2) / నీవున్నది నాలోనని / నేనున్నది నీకేనని / సాక్ష్యమిచ్చెద యేసయ్యా / నీ సాక్షిగా బ్రతికించుమయ్యా ||నాకున్నది|| / గుడ్డివాడను నేనేనని / నీ చూపు ప్రసాదించేవని (2) / చెవిటి వాడను నేనేనని / నీ వినికిడి నేర్పించేవని ||సాక్ష్యమిచ్చెద|| / మూగవాడను నేనేనని / నీ మాటలు పలికించేవని (2) / అవిటివాడను నేనేనని / నీ నడకలు నేర్పించేవని ||సాక్ష్యమిచ్చెద||
నాలాంటి చిన్నలంటే యేసయ్యకిష్టం / మాలాంటి వారిదే పరలోక రాజ్యం (2) / మనసు మారి చిన్న పిల్లల వంటి వారలైతేనే / పరలోక రాజ్యమని యేసు చెప్పెను (2) ||నాలాంటి|| / నాలాంటి చిన్నవారిని యేసయ్య ఎత్తుకొని / ముద్దాడి ముచ్చటించి దీవించెను (2) ||నాలాంటి||
నాలో ఉండి నను నడిపించేటి నా అంతరంగమా / నాలోని సమస్తమా / అంధకారమైన లోకమునకు వెలుగై యుంటివి / నను వెలిగించే నా దీపమా / యేసయ్యా ఓ.. ఓ.. యేసయ్యా ఓ.. ఓ.. (2) / ఆకాశమునుండి వర్షింపజేయువాడవు / ఎండిన నేలను చిగురింపజేయువాడవు (2) / సృష్టికర్తా సర్వోన్నతుడా / మహోన్నతుడా నా యేసయ్యా (2) / కోతకాలములో పంటనిచ్చేవాడవు / భూమినుండి ఆహారం పుట్టించువాడవు (2) / సృష్టికర్తా సర్వోన్నతుడా / మహోన్నతుడా నా యేసయ్యా (2)
నాలో ఉన్న ఆనందం / నాకున్న సంతోషం / నా జీవన ఆధారం నీవే కదా (2) ||నాలో|| / నా ఆశ్రయము నా దుర్గము / నా కోట నీవే యేసు / నా బలము… నా యేసుడే (2) / గాఢాంధకారములో నే సంచరించిననూ / ఏ అపాయమునకు నే భయపడను (2) / నీ దుడ్డు కర్రయు నీ దండమును / నన్నాదరించును నా యేసయ్యా (2) ||నా ఆశ్రయము|| / నే బ్రతుకు దినములలో కృపయు క్షేమమును / నన్నాదరించును నా వెంట వచ్చుఁను (2) / చిరకాలము నేను నీ మందిరావరణములో / నివాసము చేసెదను నా యేసయ్యా (2) ||నా ఆశ్రయము||
నాలో ఉన్న ఆశలన్నియు / నాలో ఉన్న ఊహలన్నియు / నాలో ఉన్న ప్రాణమంతయు – నీవే యేసయ్యా (2) / యేసయ్యా నీవే నా మార్గం / యేసయ్యా నీవే నా సత్యం / యేసయ్యా నీవే నా జీవం / నీవే నా ప్రాణం / నాకున్నవన్ని నీకే యేసయ్యా / నాలోన నిన్ను దాచానేసయ్యా (2) / నీ చేతులలో నా రూపమునే ముద్రించితివి / నా పాపముల కొరకై నీవు బలి అయిపోతివి (2) / పరిశుద్ధమైన రక్తము ద్వారా / పాపాలన్ని కడిగివేసితివి ||యేసయ్యా|| / నా కోసమే ఈ భువికి వచ్చితివి / నా కోసమే నీ ప్రాణం ఇచ్చితివి (2) / నా హృదయములో నీ వాక్యమునే నే ఉంచితిని / నీ రాకకై నేను వేచి ఉంటిని (2) / పరిశుద్ధమైన నీ చేతులలో / నీ రూపములో నన్ను చేసితివి ||యేసయ్యా||
నాలోని ఆశ నాలోని కోరిక నిన్ను చూడాలని / నాలోని ఆశ నాలోని కోరిక నిన్ను చేరాలని / దేవా.. యేసయ్యా నిన్ను చూడాలని / దేవా… యేసయ్యా నిన్ను చేరాలని / జీసస్ ఐ వాంట్ టు వర్షిప్ యూ / జీసస్ ఐ వాంట్ టు ప్రెయిస్ యూ లార్డ్ (2) / మై జీసస్.. ఐ వాంట్ టు సీ యూ / మై జీసస్.. ఐ వాంట్ టు సీ యూ.. ఫరెవర్ / శ్రమలు నన్ను తరిమినా – విడువలేదు నీ కృప / వేదనలో నేను కృంగినా – లేవనెత్తెను నీ చేయి (2) / ఎన్ని యుగాలకైనను స్తుతులకు పాత్రుడా / తరతరాలు మారినా మారని దేవుడా ||జీసస్|| / విరిగి నలిగిన మనస్సుతో నీ దరి చేరితి యేసయ్యా / మధురమైన నీ ప్రేమతో నన్ను నింపుము నా దేవా (2) / తుది శ్వాస వరకు దేవా నిన్నే కీర్తించెద / నా బ్రతుకు దినములన్ని నిన్ను పూజింతును ||జీసస్||
నాతో మాట్లాడుమయ్యా – నన్ను దర్శించుమయ్యా / నీ మందిరాన – నీ సన్నిధాన – నీ ఆత్మతో నన్ను నింపుమయ్యా / నాతో మాట్లాడుమయ్యా.. / యేసయ్యా.. యేసయ్యా… యేసయ్యా… యేసయ్యా…. యేసయ్యా….. / కన్నీళ్ళైనా కష్టాలెదురైనా – కడవరకూ నను చేర్చుమయ్యా / కరువు తోడైనా – కలిమి వేరైనా – కరుణించి కాపాడుమయ్యా / నా వేదనలో నీ జాలితో – నా శోధనలో నీ చేతితో / నిత్యము నను నడిపించుమయ్యా.. / యేసయ్యా.. యేసయ్యా… యేసయ్యా… యేసయ్యా…. యేసయ్యా….. / నావారే నన్ను నిందించు వేళ – నను విడిచి పోబోకుమయ్యా / ఆదరణ నాకు – కరువైన వేళ – దరి చేరి ఒదార్చుమయ్యా / నా నిందలలో నా తోడువై – అపనిందలలో నా చేరువై / నిత్యము నను నడిపించుమయ్యా.. / యేసయ్యా.. యేసయ్యా… యేసయ్యా… యేసయ్యా…. యేసయ్యా….. / నా కాలు జారి తొట్రిల్లు వేళ – చేజార్చి నిలబెట్టుమయ్యా / సాతాను నన్ను – బంధించు వేళ – నను చేరి విడిపించుమయ్యా / నీ చేతితో నను పట్టుకో – నీ సేవలో నను వాడుకో / నిత్యము నను నడిపించుమయ్యా.. / యేసయ్యా.. యేసయ్యా… యేసయ్యా… యేసయ్యా…. యేసయ్యా…..