తెలుగు పాటలు|Most Popular

Songs sorted by number of likes. 1604 songs total.

మోకాళ్ళ అనుభవము|Mokaalla Anubhavamu

మోకాళ్ళ అనుభవము నీకు ఉన్నదా / విసుగక ప్రార్ధించే మనసు ఉన్నదా (2) / వెలిగే దీపానికి నూనె అవసరం / నీ ఆత్మా దీపానికి ప్రార్ధనవసరం (2) / నూనె లేని దీపము ఆరిపోవును / ప్రార్ధించలేని జీవితము పతనమవ్వును (2) ||మోకాళ్ళ|| / శోధనలో పడకుండా ప్రార్ధించుము / శోధన తప్పించుటకు ప్రార్ధించుము (2) / కన్నీటితో ప్రార్ధించిన హిజ్కియాను చూడుము (2) / మరణము తప్పించబడి ఆయుష్షు నొందెను (2) ||మోకాళ్ళ|| / ప్రతి నిమిషమందు మనము ప్రార్ధించగలిగినా / పరలోక సంతోషం దేవుడిచ్చును (2) / పట్టుదలతో ప్రార్ధించిన ఏలీయాను చూడుము (2) / ఆకాశ జలములను మూసివేసెను (2) ||మోకాళ్ళ|| / అడుగుడి మీకివ్వబడును తట్టుడి మీకు తీయబడును / అన్నాడు మన యేసు అడిగి చూడుము (2) / సకల ఐశ్వర్యములకు కర్త అయిన దేవుడు (2) / అడిగిన వారందరికి తప్పక దయచేయును (2) ||మోకాళ్ళ||

మూడునాళ్ళ ముచ్చట కోసం|Moodunaalla muchchata kosam

మూడునాళ్ళ ముచ్చట కోసం / ఈ మనిషి పడే తపన చూడరా (2) / నీటిబుడగలాంటి జీవితం / ఏ నాడు సమసిపోవునో ఎరుగం (2) / మనిషికి తన మనసే చేరసాలరా / మమతలు మమకారాలే బంధాలురా (2) / వల్లకాటి వరకేరా భవబంధాలు / అవి కళ్లానికి చేరవురా అనుబంధాలు (2) / కల్లలైన కళలు మానుకో / ఎల్లవేళలా ప్రభువని వేడుకో (2) ||మూడునాళ్ళ|| / ఇంద్ర ధనుస్సు లాంటిదోయి సంసారము / అది కనిపించీ మాయమయే రంగులవలయం (2) / గడ్డిపువ్వులాంటిదోయి ఇలలో సౌఖ్యం / అది పాపానికి జీతమురా మనిషికి మరణం (2) / నిత్యమైన సుఖము వెదకరా / నిరతము ఆ ప్రభుని వేడరా (2) ||మూడునాళ్ళ|| / తప్పిదములు దాచువాడు వర్ధిల్లడు / అవి ఒప్పుకొని విడిచిపెట్టు ఓ సోదరా (2) / జిగటగల ఊభినుండి పైకి లేపి / నీ పాదములను స్థిరముగా నిలుపును ప్రభువు (2) / తీర్పు తీర్చబడకమునుపే / తప్పక ఆ ప్రభుని కోరరా (2) ||మూడునాళ్ళ||

మోసితివా నా కొరకై|Mosithivaa Naa Korakai

మోసితివా నా కొరకై సిలువ వేదనను / గొల్గొతా నీవు క్రీస్తుకై నిలచితి వేదనలో / సిలువలో రక్తము పాపికి రక్షణ విలువగు మోక్షమును / పాప క్షమాపణ పాపికి ముక్తి పరమ ప్రభుని గనుము ||మోసితివా|| / అమ్మా ఇదిగో నీ సుతుడు వ్రేళాడుచు పిలిచెన్ / ఏలీ ఏలీ లామా సబక్తానీ చే విడిచి / దాహము తీర్చను చేదు చిరకను అందించిరిగా / ముండ్ల మకుట నీ శిరముపై గృచ్చిరి యూదుల రాజని / హేళన చేసిరి గుద్దిరి ఉమిసిరి కొరడా దెబ్బలతో / దేవ నా దేవా ఏల నా చేయి విడనాడితివిలలో ||మోసితివా|| / తర తరాల ఈ లోకం – యుగయుగాల నీ నామం / తరగని వేదన నీకు సిలువ విజయమునకే / కల్వరి ధారా నాథా పాపికి ప్రాణ ప్రదాత / విలువగు రక్త ప్రదాత ఆశ్రిత రక్షణ రాజా / చిందిన రక్తము విలువగు ప్రాణము లోక విమోచనకే / అందదు ఊహకు అంతము ఎప్పుడో సిద్ధపరచు ప్రభువా ||మోసితివా||

మోయలేని భారమంత|Moyaleni Bhaaramantha

మోయలేని భారమంత సిలువలో మోసావు / నీకు నాకు దూరమంత కల్వరిలో నడిచావు (2) / అంతులేని నీదు ప్రేమకు ఋజువు చూపావు / మధురమయిన నీ సన్నిధికి దారి వేశావు / నాదు గతిని మార్చావు – (2) / కడలి పై నడిచిన పాదాలు / సిలువ బరువుకు తడబడి పోయే / స్వస్థతలు చూపిన హస్తములు / సిలువలో శీలలతో వ్రేళాడే (2) / ఇంత ఘోరము మోపిన నేరము / నేను చేసిన పాప భారము (2) || మోయలేని || / జయము నీకని పలికిన జనము / మహిమ ఏదని నిను నిలదీసిరి / పాపములు క్షమియించిన నిన్ను / పాపివని పలుమారులు తెలిపిరి (2) / తాకినంతనే మహిమ నొసగిన / నీదు వస్త్రము చీట్ల పరము (2) || మోయలేని || / దైవ సుతుడవు అయినా గాని / దొంగలతో దోషిగా నిను చేర్చిరి / మధుర వాక్యము నేర్పిన నోటికి / చేదు చిరకతో దాహము తీర్చిరి (2) / ఇంత జరిగిన ఎంత కరుణ / వదలవేమయ నీ క్షమాపణ (2) || మోయలేని ||

ముళ్ళ కిరీటము|Mulla Kireetamu

ముళ్ళ కిరీటము రక్త ధారలు / పొందిన గాయములు జాలి చూపులు / చల్లని చేతులు పరిశుద్ధ పాదములు / దిగిన మేకులు వేదన కేకలు / ఎంత గొప్పది యేసు నీ హృదయము / మా కోసమే ఇన్ని బాధలా / ఇంత ప్రేమ ఏలనో / సన్నుతింతుము సత్యవంతుడా / నిండు భక్తితో ఉప్పొంగు కృతజ్ఞతతో / యేసు నీ త్యాగము మరువలేనిది / మా జీవితాలకు విలువ నిచ్చినది / ముళ్ళ కిరీటము రక్త ధారలు / పొందిన గాయములు జాలి చూపులు / లోక పాపము సిలువ భారము / జనుల పక్షము ఘోర మరణము / తండ్రి కార్యము పునరుద్దానము / ఉచిత దానము నిత్య జీవము / యేసు నీ కృప మాకు చాలును / నీ నీతియే మాకు సంపద / నిన్ను కీర్తించుట దీవెన / మా విమోచకా మా రక్షణాధారమా / అందుకోవయా మా స్తుతి అర్పణములు / వందనం ప్రభు వందనం నీకు / నీ ప్రాణదానముకై సదా వందనం / లోక పాపము సిలువ భారము / జనుల పక్షము ఘోర మరణము / తండ్రి కార్యము పునరుద్దానము / ఉచిత దానము నిత్య జీవము

నా ఆశల పల్లకి|Naa Aashala Pallaki

నా ఆశల పల్లకి నీవే / నా ఊహల ఊట నీవే / నాలో ప్రతిధ్వనించే ప్రతి పదము నీవే (2) / యేసయ్యా యేసయ్యా / యేసయ్యా నా ఆశ నీవయ్యా (2) / ఎడారిలో నీటి కొరకు – ఆశపడు బాటసారిలా / నీ కొరకు నా ప్రాణం – ఆశపడుచున్నది (2) / నా ఆశ నీవైపే – నా ధ్యాస నీవైపే / దాహము తీర్చావని (2) / దాహము తీర్చావని ||యేసయ్యా|| / దిక్కులేని పక్షిగా నేను – నిరాశతో ఉండగా / నా ఆశ తీర్చావే – నీ దరి చేర్చావే (2) / నా గమ్యం నీవైపే – నా గానం నీ కొరకే / తోడుగ ఉన్నావని (2) / తోడుగ ఉన్నావని ||యేసయ్యా|| / స్నేహితులు లేరని – తోడెవరు రారని / నా మనసు నాలోన – దుఃఖించు సమయాన (2) / నా స్నేహం నీవయ్యావు – దుఃఖము తీర్చావు / ఆదరించావయ్యా (2) / ఆదరించావయ్యా ||యేసయ్యా||

నా బ్రతుకు దినములు|Naa Brathuku Dinamulu

నా బ్రతుకు దినములు లెక్కింప నేర్పుము / దేవా ఈ భువిని వీడు గడియ నాకు చూపుము / ఇంకొంత కాలము ఆయుష్షు పెంచుము / నా బ్రతుకు మార్చుకొందును సమయమునిమ్ము ||నా బ్రతుకు|| / ఎన్నో సంవత్సరాలు నన్ను దాటిపోవుచున్నవి / నా ఆశలు నా కలలనే వెంబడించుచుంటిని / ఫలాలు లేని వృక్షము వలె ఎదిగిపోతిని / ఏనాడు కూలిపోదునో ఎరుగకుంటిని / నా మరణ రోదన ఆలకించుమో ప్రభు / మరల నన్ను నూతనముగ చిగురు వేయని ||నా బ్రతుకు|| / నీ పిలుపు నేను మరచితి – నా పరుగులో నేనలసితి / నా స్వార్ధము నా పాపము – పతన స్థితికి చేర్చెను / నా అంతమెటుల నుండునో – భయము పుట్టుచున్నది / దేవా నన్ను మన్నించుము – నా బ్రతుకు మార్చుము / యేసూ నీ చేతికి ఇక లొంగిపోదును / విశేషముగా రూపించుము నా శేష జీవితం ||నా బ్రతుకు||