తెలుగు పాటలు|Most Popular

Songs sorted by number of likes. 1604 songs total.

ఎంతో వింత యెంతో చింత|Entho vintha yentho chintha

ఎంతో వింత యెంతో చింత / యేసునాధు మరణ మంత (2) / పంతము తో జేసి రంత / సొంత ప్రజలు స్వామి నంత (2) ||ఎంతో|| / పట్టి కట్టి నెట్టి కొట్టి / తిట్టి రేసు నాధు నకటా (2) / అట్టి శ్రమల నొంది పలుక / డాయె యేసు స్వామి నాడు (2) ||ఎంతో|| / మొయ్యలేని మ్రాను నొకటి / మోపి రేసు వీపు పైని (2) / మొయ్యలేక మ్రాని తోడ / మూర్చబోయే నేసు తండ్రి (2) ||ఎంతో|| / కొయ్యపై నేసయ్యన్ బెట్టి / కాలు సేతులలో జీలల్ (2) / కఠిను లంత గూడి కొట్టిరి / ఘోరముగ క్రీస్తేసున్ బట్టి (2) ||ఎంతో|| / దాహము గొన చేదు చిరక / ద్రావ నిడిరి ద్రోహు లకటా (2) / ధాత్రి ప్రజల బాధ కోర్చి / ధన్యుడా దివి కేగె నహహా (2) ||ఎంతో|| / బల్లెముతో బ్రక్కన్ బొడవన్ / పారే నీరు రక్త మహహా (2) / ఏరై పారే యేసు రక్త / మెల్ల ప్రజల కెలమి నొసగు (2) ||ఎంతో||

ఏపాటి దాననయా|Epaati Daananayaa

ఏపాటి దాననయా నన్నింతగ హెచ్చించుటకు / నేనెంతటి దాననయా నాపై కృప చూపుటకు (2) / నా దోషము భరియించి నా పాపము క్షమియించి / నను నీలా మార్చుటకు కలువరిలో మరణించి (2) / ప్రేమించే ప్రేమామయుడా – నీ ప్రేమకు పరిమితులేవి / కృప చూపు కృపగల దేవా – నీ కృపకు సాటి ఏది ||ఏపాటి|| / కష్టాల కడలిలో కన్నీటి లోయలలో / నా తోడు నిలిచావు నన్నాదరించావు (2) / అందరు నను విడచినా నను విడువని యేసయ్యా / విడువను యెడబాయనని నా తోడై నిలచితివా ||ప్రేమించే|| / నీ ప్రేమను మరువలేనయ్యా నీ సాక్షిగ బ్రతికెదనేసయ్యా / నేనొందిన నీ కృపను ప్రకటింతును బ్రతుకంతా (2) / నేనొందిన ఈ జయము నీవిచ్చినదేనయ్యా / నీవిచ్చిన జీవముకై స్తోత్రము యేసయ్యా ||ప్రేమించే||

ఎటు చూచినా|Etu Choochinaa

ఎటు చూచినా యుద్ధ సమాచారాలు / ఎటు చూచినా కరువూ భూకంపాలు / ఎటు చూచినా దోపిడీ దౌర్జన్యాలు / ఎటు చూచినా ఎన్నో అత్యాచారాలు / ఓ సోదరా ఓ సోదరీ (2) / రాకడ గురుతులని తెలుసుకోవా / తినుటకు త్రాగుటకు ఇది సమయమా ||ఎటు|| / మందసము నీ ప్రజలు – గుడారములో నివసిస్తుండగ / యోవాబుని సేవకులు దండులో నుండగను (2) / తినుటకు త్రాగుటకు భార్యతో నుండుటకు (2) / ఇది సమయమా.. ఇది సమయమా.. అని / ఆనాడు ఊరియా దావీదునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / నా పితరుల యొక్క – సమాధులుండు పట్టణము / పాడైపోయెను పాడైపోయెను (2) / యెరూషలేము గుమ్మములు అగ్ని చేత కాల్చబడగా (2) / సంతోషముగ నుండుటకు ఇది సమయమా.. అని / ఆనాడు నెహెమ్యా పర రాజునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / ఈనాడు దేశంలో ఎన్నో ఎన్నో దౌర్జన్యాలు / సజీవ దహనాలు స్త్రీల మానభంగాలు (2) / ఎన్నో గుడులు నేల మట్టం చేయబడుచుండగా (2) / తినుటకు త్రాగుటకు ఇది సమయమా అని / నీ సృష్టికర్తగు యేసు నిన్ను అడుగుచున్నాడు / ఈనాడు దేశం కొరకు ప్రార్ధించమన్నాడు ||ఎటు||

ఎవరి కోసమో ఈ ప్రాణ త్యాగము|Evari Kosamo Ee Praana Thyaagamu

ఎవరి కోసమో ఈ ప్రాణ త్యాగము (2) / నీ కోసమే నా కోసమే / కలువరి పయనం – ఈ కలువరి పయనం (2) ||ఎవరి|| / ఏ పాపము ఎరుగని నీకు – ఈ పాప లోకమే సిలువ వేసిందా / ఏ నేరము తెలియని నీకు – అన్యాయపు తీర్పునే ఇచ్చిందా (2) / మోయలేని మ్రానుతో మోముపైన ఉమ్ములతో / నడువలేని నడకలతో తడబడుతూ పోయావా / సోలి వాలి పోయావా…. ||ఎవరి|| / జీవకిరీటం మాకు ఇచ్చావు – ముళ్ళ కిరీటం నీకు పెట్టాము / జీవ జలములు మాకు ఇచ్చావు – చేదు చిరకను నీకు ఇచ్చాము (2) / మా ప్రక్కన ఉండి మమ్ము కాపాడుచుండగా / నీ ప్రక్కలో బళ్ళెముతో – ఒక్క పోటు పొడిచితిమి / తండ్రీ వీరు చేయునదేదో వీరెరుగరు / వీరిని క్షమించు, వీరిని క్షమించు / అని వేడుకొన్నావా… పరమ తండ్రిని ||ఎవరి||

ఎవరో తెలుసా యేసయ్యా|Evaro Thelusaa Yesayyaa

ఎవరో తెలుసా యేసయ్యా / చెబుతా నేడు వినవయ్యా / పెడచెవి పెట్టక త్వరపడి వచ్చి / రక్షణ పొందయ్యా (2) / దేవాది దేవుడు యేసయ్యా / మానవ జన్మతో వచ్చాడయ్యా (2) / మరణించాడు మరి లేచాడు / నీ నా పాప విమోచనకై (2) ||ఎవరో|| / ధనవంతుడై యుండి యేసయ్యా / దరిద్రుడై ఇల పుట్టాడయ్యా (2) / రూపు రేఖలు కోల్పోయాడు / నీ నా పాపవిమోచనకై (2) ||ఎవరో|| / పాపుల రక్షకుడేసయ్యా / కార్చెను రక్తము పాపులకై (2) / తన దరి చేరిన పాపులనెల్ల / కడుగును తనదు రక్తముతో (2) ||ఎవరో|| / యేసే దేవుడు ఎరుగవయ్యా / రాజుల రాజుగా వస్తాడయ్యా (2) / నమ్మినవారిని చేర్చును పరమున / నమ్మని వారికి నరకమేగా (2) ||ఎవరో|| / యేసుని తరుపున ప్రతినిధినై / దేవుని ప్రేమకు ప్రతిరూపమై (2) / అతి వినయముగా బతిమాలుచున్నాను / నేడే నమ్ముము ప్రభు యేసుని (2) ||ఎవరో||

ఎవరు చూపించలేని|Evaru Choopinchaleni

ఎవరు చూపించలేని – ఇలలో నను వీడిపోని / ఎంతటి ప్రేమ నీది – ఇంతగా కోరుకుంది – మరువను యేసయ్యా (2) / నీ కథే నన్నే తాకగా – నా మదే నిన్నే చేరగా / నా గురే నీవై యుండగా – నీ దరే నే చేరానుగా ||ఎవరు|| / తీరాలే దూరమాయే – కాలాలే మారిపోయే / ఎదురైన ఎండమావే – కన్నీటి కానుకాయే / నా గుండె లోతులోన – నే నలిగిపోతువున్నా / ఏ దారి కానరాక – నీ కొరకు వేచివున్నా / ఎడబాటులేని గమనాన – నిను చేరుకున్న సమయాన / నను ఆదరించే ఘన ప్రేమ – అపురూపమైన తొలిప్రేమ / ఏకమై తోడుగా – ఊపిరే నీవుగా / ఎవ్వరూ లేరుగా – యేసయ్యా నీవెగా ||ఎవరు|| / ఈ లోక జీవితాన – వేసారిపోతువున్నా / విలువైన నీదు వాక్యం – వెలిగించె నా ప్రాణం / నీ సన్నిధానమందు – సీయోను మార్గమందు / నీ దివ్య సేవలోనే – నడిపించే నా ప్రభూ / నీ తోటి సాగు పయనాన – నను వీడలేదు క్షణమైన / నీ స్వరము చాలు ఉదయాన – నిను వెంబడించు తరుణాన / శాశ్వత ప్రేమతో – సత్యవాక్యంబుతో / నిత్యము తోడుగా – నిలిచె నా యేసయ్యా ||ఎవరు||

Most Popular Telugu Songs — Page 39 | UEC Telugu Church