Songs sorted by number of likes. 1604 songs total.
ఈ లోక యాత్రాలో నే సాగుచుండ (2) / ఒకసారి నవ్వు – ఒకసారి ఏడ్పు (2) / అయినాను క్రీస్తేసు నా తోడనుండు (2) ||ఈ లోక|| / జీవిత యాత్ర ఎంతో కఠినము (2) / ఘోరాంధకార తుఫానులున్నవి (2) / అభ్యంతరములు ఎన్నెన్నో ఉండు (2) / కాయు వారెవరు రక్షించేదెవరు (2) ||ఈ లోక|| / నీవే ఆశ్రయం క్రీస్తేసు ప్రభువా (2) / అనుదినము నన్ను ఆదరించెదవు (2) / నీతో ఉన్నాను విడువలేదనెడు (2) / నీ ప్రేమ మధుర స్వరము విన్నాను (2) ||ఈ లోక|| / తోడై యుండెదవు అంతము వరకు (2) / నీవు విడువవు అందరు విడచినను (2) / నూతన బలమును నాకొసగెదవు (2) / నే స్థిరముగ నుండ నీ కోరిక ఇదియే (2) ||ఈ లోక||
ఈ లోకంలో జీవించెదను / నీ కొరకే దేవా – (2) / నా ప్రియ యేసూ- నాకు లేరు ఎవ్వరు / నీలా ప్రేమించే వారు / నీవే నా ప్రాణ ప్రియుడవు – (2) ||ఈ లోకంలో|| / (నా) తల్లి తండ్రి బంధువులు నన్ను విడచిపోయినా / విడువనని నాకు వాగ్దానమిచ్ఛావు (2) / ఎంత లోతైనది నీ ప్రేమా / నిన్ను విడచి నే బ్రతుకలేను (2) ||ఈ లోకంలో|| / (నీ) అరచేతిలోనే నన్ను చెక్కు కుంటివే / నీ కంటి పాపలా నన్ను కాయుచుంటివే (2) / నీ దృష్టిలో నేనున్నాగా / ఇలలో నే జడియను (2) ||ఈ లోకంలో||
ఈ మరణము కాదు శాశ్వతము / పరలోకమే మనకు నివాసము (2) / యేసు తెచ్చెను మనకు రక్షణ / ఎంత అద్బుతము ఆ నిరీక్షణ (2) ॥ఈ మరణము॥ / జగతు పునాది వేయక ముందే / మనమెవ్వరో ఎవరికి తెలియక ముందే (2) / మనలను ఏర్పరచుకొన్న ఆ దేవుడు / తిరిగి తన దరికి మనల పిలిచే వేళ (2) / తిరిగి తన దరికి మనల పిలిచే వేళ ॥ఈ మరణము॥ / యేసు నామమును ఎరిగిన వారు / పాప శ్రమలకు అర్హులు కారు (2) / తిరిగి లేచెదరు యేసు నామములో / కొలువు తీరెదరు పరలోకంలో (2) / కొలువు తీరెదరు పరలోకంలో ॥ఈ మరణము॥ / కురిసే ప్రతి కంటి నీరు ప్రభువు తుడుచును / మరణము మబ్బులను కరిగించును (2) / వేదనలు రోదనలు రద్దు చేయును / గతకాల సంగతులు గతించి పోవును (2) / గతకాల సంగతులు గతించి పోవును ॥ఈ మరణము॥
ఈ సాయంకాలమున – యేసు ప్రభో వేడెదము / నీ సుదయారస మొల్క – నిత్యంబు మముగావు ||ఈ సాయంకాలమున|| / చెడ్డ కలల్ రాకుండ – నడ్డగించుమి ప్రభో / బిడ్డలము రాత్రిలో – భీతి బాపుము తండ్రీ ||ఈ సాయంకాలమున|| / దుష్టుండౌ శోధకుని – ద్రోక్కుటకు బలమిమ్ము / భ్రష్టత్వమున మేము – పడకుండ గాపాడు ||ఈ సాయంకాలమున|| / నీ యేక పుత్రుండౌ – శ్రీయేసు నామమున / సాయం ప్రార్థన లెల్ల – సరగ నాలించుమా ||ఈ సాయంకాలమున|| / జనక సుత శుద్ధాత్మ – ఘన దేవా స్తుతియింతుం / అనిశము జీవించి – రా – జ్యంబు జేయు మామేన్ ||ఈ సాయంకాలమున||
ఈ స్తుతి నీకే మా యేసు దేవా / (మా) మనసారా నిన్నే సేవింతుము – (2) / పరలోక దూతాలి స్తోత్రాలతోనే / మా స్తోత్ర గానాలు గైకొనుమా (2) ||ఈ స్తుతి|| / జగతికి పునాది నీవని / మాలోన ఊపిరి నీదేనని (2) / మా పోషకుడవు నీవేనని / మా కాపరివి నీవేనని (2) / మా హృదయాలలో ఉండాలని / నీ సాక్షిగా మేము బ్రతకాలని ||ఈ స్తుతి|| / మనసారా నీ దరి చేరగా / మాకెంతో సంతోషమాయెగా (2) / హల్లెలూయా స్తుతి మధుర గీతాలతో / మా హృది ప్రవహించే సెలయేరులా (2) / నీ మధుర ప్రేమను చాటాలని / నీ జీవ బాటలో నడవాలని ||ఈ స్తుతి||
ఈ ఉదయం – శుభ ఉదయం / ప్రభువే నాకొసగిన – ఆనంద సమయం / ఆశ్రయించెదన్ – దివ్య వాక్యమున్ / ప్రేమతోడ సరిచేసే – శ్రేష్ఠ సత్యమున్ ||ఈ ఉదయం|| / బలహీనమైతి నేను – బలపరచుము తండ్రి / ఫలహీనమైతి నేను – ఫలియింపజేయుము / వాక్య ధ్యానమే – నీ ముఖ దర్శనము / పరిశుద్ధ పరచెడి – పరమతండ్రి మార్గము ||ఈ ఉదయం|| / అస్థిరమునైతి నేను – స్థిరపరచుము తండ్రి / అల్పవిశ్వాసి నేను – అద్దరికి జేర్చుము / నీ పాదసన్నిధే – నాకు శరణము / అభయంబునిచ్చెడి – ఆశ్రయపురము ||ఈ ఉదయం||
ఈ ఉదయమున నీవు లేచి ఏమి తలచుచున్నావు / నీ మనసులోన ఏమి తలచి కలవరపడుచున్నావు / ఈ దినమే భారమా – నీ బ్రతుకే భారమా – (2) ||ఈ ఉదయమున|| / తోడు లేని జీవ యాత్ర / చేరలేని కడలి తీరం (2) / బ్రతుకే బరువై పోవగా / క్రీస్తు దరికి సాగి రమ్ము / చేరుకొనుము తీరము ||ఈ ఉదయమున|| / అలల వలె వ్యధలు రాగా / కనుల నీరే తోడు కాగా (2) / అండగా క్రీస్తేసుడుండ / చింత ఏల భీతి ఏల / బంధాలెల్ల వీడెగా / ఈ ఉదయమున నీవు లేచి కలవరపడనేలనో / నీ కనుల నీరు ప్రభువు తుడిచి వెంట నడుచును / ప్రభుదే ఈ దినం – జయమే ఈ దినం – (2)
ఈ తరం యువతరం / ప్రభు యేసుకే అంకితం / నా బలం యవ్వనం / ప్రభు యేసుకే సొంతము / రా సోదరీ రారా సోదరా / ప్రభు యేసు వార్త చాటుదాం / రా సోదరీ రారా సోదరా / ప్రభు యేసు రాజ్యము స్థాపిద్దాం ||ఈ తరం|| / సువార్త సేవ నానాటికి చల్లారిపోయెగా / ఆత్మల సంపద మరి ఎందుకో అడుగంటిపోయెగా / దేవుని సేవ వ్యాపారమాయే / ఆత్మల రక్షణ నిర్లక్ష్యమాయే / నీవు కాకపోతే ఇంకెవ్వరు / నేడు కాకపోతే ఇంకెన్నడు ||రా సోదరీ|| / నశించిపోయే ఆత్మలు ఎన్నో అల్లాడుచుండెనుగా / యేసయ్య ప్రేమ చాటించే సైన్యం బహు తక్కువాయెగా / యేసయ్య రాకడ సామీపమాయే / ఆ వార్త చాటను వేగిర రావే / నీవు కాకపోతే ఇంకెవ్వరు / నేడు కాకపోతే ఇంకెన్నడు ||రా సోదరీ||
ఈలాటిదా యేసు ప్రేమ -నన్ను / తూలనాడక తనదు జాలి చూపినదా ||ఈలాటిదా|| / ఎనలేని పాప కూపమున – నేను / తనికి మిణుకుచును నే దరి గానకుండన్ / కనికరము పెంచి నాయందు – వేగ / గొనిపోవ నా మేలు కొరికిందు వచ్చె ||ఈలాటిదా|| / పెనుగొన్న దుఃఖాబ్ధిలోన – నేను / మునిగి కుములుచు నేడు పునగుండు నపుడు / నను నీచుడని త్రోయలేక – తనదు / నెనరు నా కగుపరచి నీతి జూపించె ||ఈలాటిదా|| / నెమ్మి రవ్వంతైనా లేక – చింత / క్రమ్మిపొగలుచు నుండ-గా నన్ను జూచి / సమ్మతిని నను బ్రోవ దలచి – కరము / జాచి నా చేయి బట్టి చక్కగా పిలిచె ||ఈలాటిదా|| / పనికిమాలిన వాడనైన – నేను / కనపరచు నా దోష కపటవర్తనము / మనసు నుంచక తాపపడక యింత / ఘనమైన రక్షణ-మును నాకు చూపె ||ఈలాటిదా|| / నా కోర్కెలెల్ల సమయములన్ – క్రింది / లోక వాంఛల భ్రమసి లొంగెడు వేళన్ / చేకూర్చి ధృడము చిత్తమునన్ – శుభము / నా కొసంగె జీవింప నా రక్షకుండు ||ఈలాటిదా|| / శోధనలు నను చుట్టినప్పుడు – నీతి / బోధ నా మనసులో పుట్టించి పెంచి / బాధలెల్లను బాపి మాపి – యిట్టి / యాదరణ జూపిన యహాఁహాఁ యేమందు ||ఈలాటిదా||
ఏగెదను నే చేరెదను / సీయోనును నే చూచెదను (2) / విశ్వాస కర్తయైన నా యేసూ (2) / నీ సముఖములో నే మురిసెదను / నీ కౌగిలిలో ఉప్పొంగెదను (2) / జీవ కిరీటమును నే పొందెదను ||ఏగెదను|| / భూదిగంతములకు నీ కాడిని – నే మోయుచున్నాను / యేసూ నీ యొద్దనే నాకు – విశ్రాంతి దొరుకును (2) / దినదినము నాలో నే చనిపోవుచున్నాను / అనుదినము నీలో బ్రతుకుచున్నాను (2) / అనుదినము నీలో బ్రతుకుచున్నాను ||ఏగెదను|| / నా ఆత్మీయ పోరాటములో దేవా – నీవే నా కేడెము / సదా నిన్నే నేను ధరియించి – సాగిపోవుచున్నాను (2) / మంచి పోరాటముతో నా పరుగును / కడముట్టించి జయమొందెదను (2) / విశ్వాసములో జయమొందెదను ||ఏగెదను||
ఎక్కడెక్కడో పుట్టి ఎక్కడెక్కడో పెరిగి (2) / చక్కనైన జంటగా ఇద్దరొక్కటగుటేమిటో / దేవుని సంకల్పం ఇది సృష్టిలోని చిత్రం – (2) / ఒంటరి బ్రతుకును విడిచెదరు / ఒకరి కొరకు ఒకరు బ్రతికెదరు (2) / పెళ్లినాటి నుండి తల్లి దండ్రుల వదలి / భార్య భర్తలు హత్తుకొనుటేమిటో ||దేవుని|| / గత కాల కీడంతా మరచెదరు / వీనులతో సంతసించెదరు (2) / పెళ్లినాటి నుండి ఒకరి కష్టం ఒకరు / ఇష్టముతో పంచుకొనుటేమిటో ||దేవుని|| / ఫలియించి భూమిని నింపెదరు / విస్తరించి వృద్ధి పొందెదరు (2) / పెళ్లినాటి నుండి మా కుటుంబం అంటూ / ప్రత్యేకముగా ఎంచుకొనుటేమిటో ||దేవుని||
ఎక్కడో మనసు వెళ్ళిపోయింది / ఏమిటో ఇటు రానే రానంది / ఆహాహా.. ఓహోహో… / నిజ ప్రేమ చెంతకు తను చేరానంటుంది / ఈ భువిలోన ఎక్కడైనను కానరాదంది (2) / అక్కడే చిక్కుకుపోయానంటుంది / బయటకు రానే రాలేనంటూ మారాము చేస్తుంది (2) ||ఎక్కడో|| / జీవితాంతము పాద చెంతనే ఉంటానంటుంది / తన ప్రియుని వదలి క్షణమైనా రాలేనన్నది (2) / దేనికీ ఇక చోటే లేదంది / యేసు రాజుని గుండె నిండ నింపుకున్నానంటుంది (2) ||ఎక్కడో|| / ఏకాంతముగా యేసయ్యతో ఉన్నానంటుంది / ఎవరైనా సరే మధ్యలో అసలెందుకు అంటుంది (2) / అక్కడే కరిగిపోతానంటుంది / ప్రేమ ప్రవాహములో మునిగి పోయానంటుంది (2) ||ఎక్కడో||