Songs sorted by number of likes. 1604 songs total.
సిలువ చెంత చేరిననాడు / కలుషములను కడిగివేయున్ / పౌలువలెను సీలవలెను / సిద్ధపడిన భక్తులజూచి / కొండలాంటి బండలాంటి / మొండి హృదయంబు మండించు / పండియున్న పాపులనైన / పిలచుచుండే పరము చేర ||సిలువ|| / వంద గొర్రెల మందలోనుండి / ఒకటి తప్పి ఒంటరియాయే / తొంబది తొమ్మిది గొర్రెల విడిచి / ఒంటరియైన గొర్రెను వెదకెన్ ||సిలువ|| / తప్పిపోయిన కుమారుండు / తండ్రిని విడచి తరలిపోయే / తప్పు తెలిసి తిరిగిరాగా / తండ్రియతని జేర్చుకొనియే ||సిలువ|| / పాపి రావా పాపము విడచి / పరిశుద్ధుల విందుల జేర / పాపుల గతిని పరికించితివా / పాతాళంబే వారి యంతము ||సిలువ||
సిలువ చెంతకు రా (4) / సహోదరా సిలువ చెంతకు రా / సహోదరీ సిలువ చెంతకు రా / యవ్వన కాల పాపములో / మరణ మార్గాన వెళ్లెదవా (2) / యేసుని పొందని బ్రతుకుతో / పాపములో మరణించెదవా (2) ||సిలువ|| / సమస్తము నష్టపరచుకొని / హృదయము బ్రద్దలై ఏడ్చెదవా (2) / యేసుని పొందని బ్రతుకుతో / పాపములో మరణించెదవా (2) ||సిలువ|| / సిలువలో వ్రేలాడే యేసుని / నీవు వీక్షించినా చాలును (2) / రక్షకుడు చిందిన రక్తముతో / నీ పాపములన్ని కడుగబడున్ (2) ||సిలువ||
నీ సిలువే నా శరణము (2) / విలువైన రుధిరాన్ని కార్చి / వెలపోసి నన్ను కొన్నావు (2) / ప్రేమా త్యాగం నీవే యేసయ్యా / మహిమా నీకే ఆరోపింతును / గాయాలు పొందినావు – వెలివేయబడినావు / నా శిక్ష నీవు పొంది – రక్షణను కనుపరచావు (2) / నీ ప్రేమ ఇంత అంతని – నే తెలుపలేను / నీ కృపను చాటెదన్ – నా జీవితాంతము / నేరము చేయని నీవు – ఈ ఘోర పాపి కొరకు / భారమైన సిలువ – మోయలేక మోసావు / కొరడాలు చెళ్ళని చీల్చెనే – నీ సుందర దేహమునే (2) / తడిపెను నీ తనువునే రుధిరంబు ధారలే (2) / వెలి అయిన యేసయ్యా – బలి అయిన యేసయ్యా (2) / సిలువలో ఆ సిలువలో – ఆ ఘోర కల్వరిలో / తులువల మధ్యలో వ్రేళాడిన యేసయ్యా (2) / విలువే లేని నా బ్రతుకును – విలువ పెట్టి కొన్నావయ్యా (2) / నాదు పాపమంతయూ (2) / నీదు భుజముపై మోసావయ్యా (2) / గొల్గొతా కొండ పైన (2) / గాయాలు పొందితివే (3) / చెమటయు రక్తముగా – ఆత్మల వేదనయూ (2) / పొందెను యేసు నీ కొరకే / తండ్రీ నీ చిత్తం – సిద్ధించు గాక అని పలికెను (2) / కల్వారిలో జీవామిచ్చెన్ (2) / నీ పాపములను తొలగించుటకై / నీదు సిలువన్ మోసెను యేసు (2) / రగిలిందిలే ఒక జ్వాలలా – ప్రభు యేసు హృదయము / కరిగిందిలే ఒక ధారలా – పరమాత్మ రుధిరము / చలించిపోయెనే ఆ సిలువ ధాటికి (2) / కసాయి చేతిలో అల్లాడిపోయెనే (2) / రగిలిందిలే ఒక జ్వాలలా – ప్రభు యేసు హృదయము / కరిగిందిలే ఒక ధారలా – పరమాత్మ రుధిరము / కృపా సత్య దేవా – సిలువలో మాకై బలియై / రక్తము చిందించినావు – రక్షణిచ్చినావు (2) / ఆరాధింతుము నిన్ను యేసు – ఆత్మ సత్యముతో / పాడి కొనియాడి కీర్తింతుము / పూజించి ఘనపరతుము / హాల్లేలూయా హాల్లేలూయా (3) / నిన్నే ఆరాధింతుమ్ (3)
సిలువ సాక్షిగా యేసు సిలువను / సిలువ మోయుచు ప్రకటించెదను (2) / ఇదే నా వేదన – ఇదే నా ప్రార్థన ||సిలువ|| / యేసు ఒళ్ళు చీల్చెను కుల కొరడా దెబ్బలే / క్రీస్తు తలను గుచ్చెను మత ముళ్ల కిరీటమే (2) / మేకులు దిగ గొట్టెను పదవి వ్యామోహమే / సిలువలో వ్రేలాడ దీసెను అధికారమే / కులమా కళ్ళు పొడచుకో – మతమా ఉరి పోసుకో ||సిలువ|| / లోక పాప క్షమాపణ యేసు సిలువ రక్తమే / పాప శాప విమోచన యేసు సిలువ మార్గమే (2) / దైవమా నవ పాలన క్రీస్తు సిలువ జీవమే / సమ సమాజ స్థాపనలో యేసు సిలువ సత్యమే / కులమా కళ్ళు పొడచుకో – మతమా ఉరి పోసుకో ||సిలువ||
సిలువలో బలి అయిన దేవుని గొర్రెపిల్ల / విలువైన నీ ప్రేమన్ వివరింతున్ శ్రీ యేసు (2) / ఆ నాటి యూదులే నిను చంపిరనుకొంటి (2) / కాదు కాదయ్యయ్యో నా పాప ఋనమునకే (2) ||సిలువలో|| / నా అతిక్రయములకై నలుగ గొట్టబడి (2) / నా దోషముల నీవు ప్రియముగను మోసితివి (2) ||సిలువలో|| / మృదువైన నీ నుదురు ముండ్ల పోట్లచేత (2) / సురూప-ము లేక సోలిపోతివ ప్రియుడా (2) ||సిలువలో||
సిలువలో నీ ప్రేమ – పాపము తీసేనయ్యా / మరణము చెరలో నుండి – నను విడిపించేనయ్యా (2) / ఘోర పాపిని నేను – పరిశుద్ధుని చేసితివి / నిత్యజీవములో నన్ను – నిలుపుటకు బలి అయితివి (2) ||సిలువలో|| / తాళలేని నీ తాపం – తొలగించెను నాదు శాపం / నలిగినట్టి నీ రూపం – ఇచ్చేను నాకు స్వరూపం (2) / నను విడిపించుటకు – విలువను విడిచితివి / పరమును చేర్చుటకు – మహిమను మరిచితివి (2) ||ఘోర పాపిని|| / దైవ తనయుని దేహం – మోసింది చేయని నేరం / కడిగేందుకు నా దోషం – చిందించె నిలువునా రుధిరం (2) / నను కాపాడుటకు – రొట్టెగా విరిగితివి / మరణము దాటుటకు – బలిగా మారితివి (2) ||ఘోర పాపిని|| / అధముడయినట్టి నేను – నీ ప్రేమ అర్హుడను కాను / పొగిడి నిన్ను ప్రతి క్షణము – తీర్చలేను నీ ఋణము (2) / నిను చాటించుటకు – వెలుగై సాగెదను / ప్రేమను పంచుటకై – ఉప్పుగ నిలిచెదను (2) ||ఘోర పాపిని||
సిలువలో ఆ సిలువలో ఆ ఘోర కల్వరిలో / తులువల మధ్యలో వ్రేళాడిన యేసయ్యా (2) / వెలి అయిన యేసయ్యా – బలి అయిన యేసయ్యా / నిలువెల్ల నలిగితివా – నీవెంతో అలసితివా ||సిలువలో|| / నేరము చేయని నీవు – ఈ ఘోర పాపి కొరకు / భారమైన సిలువ- మోయలేక మోసావు (2) / కొరడాలు చెల్లని చీల్చెనే – నీ సుందర దేహమునే (2) / తడిపెను నీ తనువునే – రుధిరంబు ధారలే (2) ||వెలి|| / వధకు సిద్దమైన గొర్రెపిల్ల వోలె / మోమున ఉమ్మివేయ మౌనివైనావే (2) / దూషించి అపహసించి హింసించిరా నిన్ను (2) / ఊహకు అందదు నీ త్యాగమేసయ్యా (2) ||వెలి|| / నాదు పాప భారం – నిను సిలువకు గురి చేసెనే / నాదు దోషమే నిన్ను – అణువణువున హింసించెనే (2) / నీవు కార్చిన రక్త ధారలే – నా రక్షణకాధారం (2) / సిలువలో చేరెదన్ – విరిగిన హృదయముతోను (2) ||వెలి||
సిలువలో సాగింది యాత్ర / కరుణామయుని దయగల పాత్ర (2) / ఇది ఎవరి కోసమో / ఈ జగతి కోసమే / ఈ జనుల కోసమే ||సిలువలో|| / పాలు కారు దేహము పైన / పాపాత్ముల కొరడాలెన్నో (2) / నాట్యమాడినాయి నడి వీధిలో నిలిపాయి (2) / నోరు తెరువ లేదాయే ప్రేమ / బదులు పలుక లేదాయే ప్రేమ (2) ||ఇది ఎవరి|| / వెనుక నుండి తన్నింది ఒకరు / తన ముందు నిలిచి నవ్వింది మరి ఒకరు (2) / గేలి చేసినారు పరిహాసమాడినారు (2) / నోరు తెరువ లేదాయే ప్రేమ / బదులు పలుక లేదాయే ప్రేమ (2) ||ఇది ఎవరి||
సిలువను గెలిచిన సజీవుని త్యాగము / విలువను తెలిపెను పరిశుద్ధుని రక్తము (2) / ముందే తెలియును – తన బలియాగము / తెలిసే చేసెను స్వ బలిదానము / తండ్రేర్పరచిన ఆజ్ఞానుసారము / తననే వంచెను తనువే అర్పించెను / దేవా నీ త్యాగము మము రక్షించెను / పాపము నుండి విడిపించెను / దేవా నీ త్యాగము మమ్ము బ్రతికించెను / ఇల సజీవులుగా మేము నిలిపెను ||సిలువను||
సిలువే నా శరణాయెను రా / నీ… సిలువే నా శరణాయెను రా / సిలువ యందే ముక్తి బలము చూచితి రా / నీ… సిలువే నా శరణాయెను రా / సిలువను వ్రాలి యేసు – పలికిన పలుకులందు / విలువలేని ప్రేమామృతము గ్రోలితి రా / నీ… సిలువే నా శరణాయెను రా / సిలువను చూచు కొలది – శిల సమానమైన మనసు / నలిగి కరిగి నీరగుచున్నది రా / నీ… సిలువే నా శరణాయెను రా / సిలువను దరచి తరచితి – విలువకందగరాని నీ కృప / కలుషమెల్లను బాపగ చాలును రా / నీ… సిలువే నా శరణాయెను రా / పలు విధ పథములరసి – ఫలితమేమి గానలేక / సిలువ యెదుటను నిలచినాడను రా / నీ… సిలువే నా శరణాయెను రా / శరణు యేసు శరణు శరణు – శరణు శరణు నా ప్రభువా / దురిత దూరుడ నీ దరి జేరితి రా / నీ… సిలువే నా శరణాయెను రా
సిల్వలో నాకై కార్చెను – యేసు రక్తము (2) / శిలనైన నన్ను మార్చెను – యేసు రక్తము (2) / యేసు రక్తము – ప్రభు యేసు రక్తము (2) / అమూల్యమైన రక్తము – యేసు రక్తము (2) / సమకూర్చు నన్ను తండ్రితో – యేసు రక్తము (2) / సంధి చేసి చేర్చును – యేసు రక్తము (2) / యేసు రక్తము – ప్రభు యేసు రక్తము (2) / ఐక్యపరచును తండ్రితో – యేసు రక్తము (2) / సమాధాన పరచును – యేసు రక్తము (2) / సమస్యలన్ని తీర్చును – యేసు రక్తము (2) / యేసు రక్తము – ప్రభు యేసు రక్తము (2) / సంపూర్ణ శాంతినిచ్చును – యేసు రక్తము (2) / నీతిమంతులుగ చేయును – యేసు రక్తము (2) / దుర్నీతి నంత బాపును – యేసు రక్తము (2) / యేసు రక్తము – ప్రభు యేసు రక్తము (2) / నిబంధన నిలుపును రక్తము – యేసు రక్తము (2) / రోగములను బాపును – యేసు రక్తము (2) / దురాత్మల పారద్రోలును – యేసు రక్తము (2) / యేసు రక్తము – ప్రభు యేసు రక్తము (2) / శక్తి బలము నిచ్చును – యేసు రక్తము (2)
స్నేహితుడా నా హితుడా / నన్ను మరువని బహు ప్రియుడా / నన్ను విడువని నా హితుడా / ఏమని నిన్ను వర్ణింతును / నీ ప్రేమకు నేను ఏమిత్తును (2) ||స్నేహితుడా|| / కారుచున్న కన్నీరు తుడిచి / పగిలియున్న గుండెను ఓదార్చి (2) / ఆదరించిన స్నేహితుడా / నన్నోదార్చిన నా హితుడా (2) / నన్ను ఓదార్చిన నా హితుడా ||స్నేహితుడా|| / మోడుగున్న బ్రతుకును చిగురించి / గూడు చెదరిన నన్ను దరి చేర్చి (2) / కృపను చూపిన స్నేహితుడా / కనికరించిన నా హితుడా (2) / నన్ను కరుణించిన నా హితుడా ||స్నేహితుడా||