తెలుగు పాటలు|Most Popular

Songs sorted by number of likes. 1604 songs total.

సర్వ శరీరుల దేవుడా|Sarva Shareerula Devudaa

సర్వ శరీరుల దేవుడా / నీకసాధ్యమే లేదయ్యా (2) / చాచిన నీ బాహువుతో / భూమి ఆకాశాలు చేసితివే / నిన్న నేడు నిరంతరం – ఏకరీతిగుంటివే / లేనే లేదయ్యా హో యేసయ్యా / నీకసాధ్యమైనదేది లేదయ్యా / లేనే లేదయ్యా మా యేసయ్యా / నీకసాధ్యమైనదేది లేదయ్యా (2) ||సర్వ శరీరుల|| / ఆదాము హవ్వలను చేసినట్టి దేవా / సృష్టికర్త నీకే స్తోత్రము / హేబెలు అర్పణను అంగీకరించిన / గొర్రెపిల్ల దేవా స్తోత్రము / హానోకును నీతో కూడా నడిపినావు / నోవాహును ప్రళయ జలము నుండి కాచినావు / సర్వశక్తుడా – నీతిమంతుడా / మార్పు లేని మా దేవుడా ||లేనే లేదయ్యా|| / అబ్రహాముతో నిబంధనను చేసినావు / అబ్రహాము దేవా స్తోత్రము / ఇస్సాకే వాగ్ధాన పుత్రుడన్నావు / ఇస్సాకు దేవా స్తోత్రము / యాకోబును ఇశ్రాయేలుగా మార్చినావు / యోసేపును పెద్ద రాజుగా చేసినావు / శ్రీమంతుడా – యాకోబు దేవుడా / చూచుచున్న మా దేవుడా ||లేనే లేదయ్యా|| / మోషేతో పొద నుండి మాటలాడినావుగా / ఉన్నవాడా నీకే స్తోత్రము / ఎర్ర సంద్రమున్ రెండు పాయలుగా చీల్చినావు / భీకరుండా నీకే స్తోత్రము / యెహోషువాకై సూర్య చంద్రులను ఆపినావు / కాలేబుకు యవ్వన బలమును ఇచ్చినావు / మేఘ స్థంభమా – అగ్ని స్థంభమా / చీల్చబడిన బండ దైవమా ||లేనే లేదయ్యా|| / గిద్యోను సైన్యముకు జయమునిచ్చినావుగా / విజయశీలుడా స్తోత్రము / సమ్సోనుకు సింహ బలమునిచ్చినావుగా / యూదా సింహమా స్తోత్రము / బోయజుతో రూతును విమోచించినావు / సమూయేలును మందసం నుండి పిలిచినావు / పరిశుద్ధుడా – విమోచకుడా / ఎబినేజరు స్తోత్రము ||లేనే లేదయ్యా|| / దావీదు నా హృదయానుసారుడంటివే / రాజాధి రాజా స్తోత్రము / సొలొమోనుకు ఆత్మ జ్ఞానమెంతో ఇచ్చినావు / అనంత జ్ఞాని స్తోత్రము / ఏలీయాకై అగ్ని పంపి నీవు గెలచినావు / ఎలీషాకు రెండంతలాత్మనిచ్చినావు / ఆత్మ రూపుడా – రోషవంతుడా / జీవము గల దేవుడా ||లేనే లేదయ్యా|| / నెహెమ్యాతో పడిన గోడలు కట్టించినావు / యెరూషలేము దేవా స్తోత్రము / జెరుబ్బాబెలునడ్డగించు కొండ నణిపినావు / మందసపు దేవా స్తోత్రము / ఎస్తేరుచే రాజు ఆజ్ఞనే మార్చినావు / దానియేలును సింహాల నుండి బ్రోచినావు / షద్రక్ మేషాకూ – అబేద్నెగోల దేవుడా / నిత్య రాజ్య స్థాపకుడా ||లేనే లేదయ్యా|| / యెహోషాపాతుకై పోరు సలిపినావు / యుద్ధ శూరుడా స్తోత్రము / యబ్బేజు సరిహద్దులిస్తరించినావుగా / యజమానుడా స్తోత్రము / హిజ్కియాకు ఆయుష్షు నీవు పెంచినావు / యెషయాకు దర్శనమును చూపినావు / మహిమ రూపుడా – నిత్య జీవుడా / సింహాసనాసీనుడా ||లేనే లేదయ్యా|| / యోబుకు రెట్టింపు దీవెనిచ్చినావుగా / నమ్మదగిన దేవా స్తోత్రము / యోనాను చేప కడుపు నుండి లేపినావుగా / దీర్ఘశాంతుడా స్తోత్రము / యెహేజ్కెలుపై నీ ఆత్మ హస్తముంచినావు / యోహానును త్రోవ సరళ పరచ పంపినావు / ప్రవచనాత్ముడా – మనుష్య కుమారుడా / ప్రవక్తలందరికి దేవుడా ||లేనే లేదయ్యా|| / కృపా సత్యములు మాకై తెచ్చినావుగా / యేసు దేవా నీకే స్తోత్రము / తండ్రి చిత్తము అంత నెరవేర్చినావుగా / దేవ తనయుడా స్తోత్రము / రక్తధారతో మా పాపమంతా కడిగినావు / మృత్యుంజయుడవై సమాధి గుండె చీల్చినావు / పునరుత్థానుడా – అభిషిక్తుడా / పాపుల రక్షకుడా ||లేనే లేదయ్యా|| / పేతురును బండలా స్థిరము చేసినావుగా / పరిశుద్ధాత్ముడా స్తోత్రము / సౌలును అపొస్తలునిగా మార్చినావుగా / ఆశ్చర్యకరుడా స్తోత్రము / యోహానుకు నీ రాజ్య మహిమ చూపినావు / సంఘానికి ఇప్పుడు తోడుగా ఉండినావు / పెండ్లి కుమారుడా – ప్రేమ రూపుడా / రానున్న మా దేవుడా ||లేనే లేదయ్యా||

సర్వ యుగములలో సజీవుడవు|Sarva Yugamulalo Sajeevudavu

సర్వ యుగములలో సజీవుడవు / సరిపోల్చగలనా నీ సామర్ధ్యమును / కొనియాడదగినది నీ దివ్య తేజం / నా ధ్యానం నా ప్రాణం నీవే యేసయ్యా (2) / ప్రేమతో ప్రాణమును అర్పించినావు / శ్రమల సంకెళ్ళైన శత్రువును కరుణించువాడవు నీవే (2) / శూరులు నీ యెదుట వీరులు కారెన్నడు / జగతిని జయించిన జయశీలుడా (2) ||సర్వ యుగములలో|| / స్తుతులతో దుర్గమును స్థాపించువాడవు / శృంగ ధ్వనులతో సైన్యము నడిపించువాడవు నీవే (2) / నీ యందు ధైర్యమును నే పొందుకొనెదను / మరణము గెలిచిన బహు ధీరుడా (2) ||సర్వ యుగములలో|| / కృపలతో రాజ్యమును స్థిరపరచు నీవు / బహు తరములకు శోభాతిశయముగా చేసితివి నన్ను (2) / నెమ్మది కలిగించే నీ బాహుబలముతో / శత్రువు నణచిన బహు శూరుడా (2) ||సర్వ యుగములలో||

సర్వకృపానిధియగు ప్రభువా|Sarvakrupaanidhiyagu Prabhuvaa

సర్వకృపానిధియగు ప్రభువా / సకల చరాచర సంతోషమా (2) / స్తోత్రము చేసి స్తుతించెదను / సంతసముగ నిను పొగడెదను (2) / హల్లెలూయా హల్లెలూయా… హల్లెలూయా హల్లెలూయా / హల్లెలూయా యని పాడెదను ఆనందముతో సాగెదను / నేను… ఆనందముతో సాగెదను / ప్రేమించి నన్ను వెదకితివి / ప్రీతితో నను రక్షించితివి (2) / పరిశుద్ధముగా జీవించుటకై / పాపిని నను కరుణించితివి (2) ||హల్లెలూయా|| / అల్పకాల శ్రమలనుభవింప / అనుదినము కృపనిచ్చితివి (2) / నాథుని అడుగుజాడలలో / నడుచుటకు నను పిలిచితివి (2) ||హల్లెలూయా|| / మరణ శరీరము మర్పునొంది / మహిమ శరీరము పొందుటకై (2) / మహిమాత్మతో నను నింపితివి / మరణ భయములను తీర్చితివి (2) ||హల్లెలూయా|| / భువినుండి శ్రేష్ట ఫలముగను / దేవునికి నిత్య స్వాస్థ్యముగా (2) / భూజనములలోనుండి నన్ను / ప్రేమించి క్రయ ధనమిచ్చితివి (2) ||హల్లెలూయా|| / ఎవరూ పాడని గీతములు / యేసుతో నేను పాడుటకై (2) / హేతువు లేకయే ప్రేమించెన్‌ / యేసుకు నేనేమివ్వగలన్‌ (2) ||హల్లెలూయా||

సర్వశక్తుని స్తోత్రగానము|Sarvashakthuni Sthothra Gaanamu

సర్వశక్తుని స్తోత్రగానము / సల్పరే జగమెల్లను / నిర్వహించును దాస భారము / నిత్యమెద రాజిల్లను (2) ||సర్వ|| / ముదముతో నిర్మానకుండగు / మూల కర్తను బాడరే / వదన మీక్ష్మాన్వoచి దేవుని / వందనముతో వేడరే (2) ||సర్వ|| / వేదపారాయణము సేయుచు / విశ్వమంత జయింపరే / సాదరముగా దేవు నిక మీ / స్వాoతమున బూజింపరే (2) ||సర్వ|| / ఎదను విశ్రాంతిన్ పరేశుని / హెచ్చుఁగా నుతి జేయరే / సదమలంబగు భక్తితో మీ / సర్వ మాయన కీయరే (2) ||సర్వ|| / చావు పుట్టుక లేనివాడుగ / సంతతము జీవించును / ఈవులిచ్చుచు దన్ను వేడు మ- / హేష్టులను రక్షించును (2) ||సర్వ|| / దాసులై దేవునికి నెదలో / దర్పమును బోగాల్పరే / యేసుక్రీస్తుని పుణ్య వస్త్రము / నే మరక మైదాల్పరే (2) ||సర్వ||

సీయోను పాటలు సంతోషముగా|Seeyonu Paatalu Santhoshamugaa

సీయోను పాటలు సంతోషముగా / పాడుచు సీయోను వెల్లుదము (2) / లోకాన శాశ్వతానందమేమియు / లేదని చెప్పెను ప్రియుడేసు (2) / పొందవలె నీ లోకమునందు / కొంతకాలమెన్నో శ్రమలు (2) ||సీయోను|| / ఐగుప్తును విడచినట్టి మీరు / అరణ్యవాసులే ఈ ధరలో (2) / నిత్యనివాసము లేదిలలోన / నేత్రాలు కానానుపై నిల్పుడి (2) ||సీయోను|| / మారాను పోలిన చేదైన స్థలముల / ద్వారా పోవలసియున్ననేమి (2) / నీ రక్షకుండగు యేసే నడుపును / మారని తనదు మాట నమ్ము (2) ||సీయోను|| / ఐగుప్తు ఆశలనన్నియు విడిచి / రంగుగ యేసుని వెంబడించి (2) / పాడైన కోరహు పాపంబుమాని / విధేయులై విరాజిల్లుడి (2) ||సీయోను|| / ఆనందమయ పరలోకంబు మనది / అక్కడనుండి వచ్చునేసు (2) / సీయోను గీతము సొంపుగ కలసి / పాడెదము ప్రభుయేసుకు జై (2) ||సీయోను||

సీయోనులో నుండి నీవు|Seeyonulo Nundi Neevu

సీయోనులో నుండి నీవు – ప్రకాశించుచున్నావు నాపై (2) / సమాధానమై – సదాకాలము నను నీతో / నడిపించుచున్నావు నీ కీర్తికై / సీయోనులో మహోన్నతుడా యేసయ్యా (2) / నిర్దోషమైన మార్గములో – నా అంతరంగమున ధైర్యమునిచ్చి (2) / నీ సన్నిధిలో నను నిలిపి – ఉన్నత విజయమునిచ్చితివి (2) / నీ ఆశలు నెరవేరుటకు – నీ చిత్తము జరిగించుటకు / విడువవు నను యెడబాయవు / నీవు విడువవు నను యెడబాయవు ||సీయోనులో|| / నాయందు దృష్టి నిలిపి – నీ స్నేహబంధముతో ఆకర్షించి (2) / కృపావరములతో నను నింపి – సత్యసాక్షిగా మార్చితివి (2) / నీ మనస్సును పొందుకొని – నీ ప్రేమను నింపుకొని / కీర్తిoచెదను ప్రతినిత్యం / నిను ఆరాధింతును అనుక్షణము ||సీయోనులో|| / నీ దివ్యమైన మహిమను – పరలోకమందునే చూచెదను (2) / నీ కౌగిలిలో చేర్చుకొని – ప్రతి భాష్పబిందువును తుడిచెదవు (2) / నీ మాటల మకరందమును – మరపురాని అనుబంధమును / మరువను ఎన్నడు విడువను / నేను మరువను ఎన్నడు విడువను ||సీయోనులో||