535 worship songs available. Lyrics in Roman and Telugu script.
జీవింతు నేను ఇకమీదట – నా కొరకే కాదు / యేసు కొరకే జీవింతును (2) / నన్ను ప్రేమించిన – ప్రియ యేసు కొరకే / నాకై ప్రాణమిచ్చిన – ప్రభు యేసు కొరకే / జీవింతును జీవింతును / జీవింతును జీవింతును (2) ||జీవింతు|| / నీ ఉన్నత పిలుపుకు లోబడదున్ – గురివైపునకే / బహుమానము పొందగ పరుగిడుదున్ / వెనుకవున్నవన్నీ మరతును – ముందున్నవాటి / కొరకే నే వేగిరపడుదును (2) / నన్ను ప్రేమించిన యేసుని చూతును / నాకై ప్రాణమిచ్చిన ప్రభుని వెంబడింతును / గురి వైపుకే – పరుగెడుదును / వెనుదిరుగను – వెనుదిరుగను (2) ||జీవింతు|| / శ్రమయైనా బాధైననూ – హింసయైనా / కరువైనా ఎదురైననూ / ఉన్నవైన రాబోవునవైనా – అధికారులైనా / ఎతైనా లోతైననూ (2) / నన్ను ఎడబాపునా ప్రభు ప్రేమనుండి / నేను విడిపోదునా ప్రభు నీడనుండి / జీవింతును – నా యేసుతో / జయమిచ్చును – నా యేసుడే (2) ||జీవింతు||
యేసు దేవుని ఆశ్రయించుమా / సోదరా సోదరీ ఈ క్షణమే / విశ్వసించుమా తండ్రిని వేడుమా / గొప్పకార్యాలు జరుగును నీ యెదుటే / స్వస్థత లేక… సహాయము లేక… సోలిపోయావా? / యేసు నామములోనే స్వస్థత – యేసు కృపలోనే భద్రత / యేసు రక్తములోనే విమోచన – యేసే నడిపించును జీవమార్గాన / రోగియైన దాసుని కొరకు / శతాధిపతి యేసు ప్రభుని వేడుకొనెను / మాట మాత్రం సెలవిమ్మనగా / విశ్వసించిన ప్రకారమే స్వస్థతను పొందెను / విశ్వసించి అడుగుము అద్భుతాలు జరుగును (2) / యేసు నందు విశ్వాసముంచుము (2) ||యేసు నామములోనే|| / దు:ఖ స్థితిలో హన్నా తన ఆత్మను / దేవుని సన్నిధిని కుమ్మరించుకొనెను / మొక్కుబడి చేసి ప్రార్థించెను / దీవింపబడెను కుమారుని పొందెను / నీవు అడుగుము నీకివ్వబడును (2) / యేసుని ప్రార్థించుము (2) ||యేసు నామములోనే|| / శోధనలనైనా సమస్తమును కోల్పోయిన / యోబువంటి విశ్వాసం గమనించుమా / యధార్ధతతో నిరీక్షించెను / రెండంతల దీవెనలు పొందుకొనెను / సహనము చూపుము సమకూడి జరుగును (2) / యేసు నందు నిరీక్షించుము (2) ||యేసు నామములోనే||
అంధకార చెరసాలలో – బంధకాల ఇరుకులో / పౌలు సీలలు ప్రార్ధించిరి – కీర్తనలు పాడిరి – (2) / భూమియే కంపించెను – చెరసాల అదిరెను / వారి సంకెళ్లు ఊడిపోయెను – విడుదల దొరికెను – (2) / వ్యాధులు ఆవరించగా – మరణము తరుముచుండగా / రండి పారి పోదుము – ఇంక దాగి యుందుము / ఏ తెగులు దరిచేరని – ఏ దిగులు ఉండని / మన దాగు స్థలములో – యేసుని సన్నిధిలో ||అంధకార|| / ప్రార్ధన చేసెదము – దేవుని సముఖములో / ఈ శోధన సమయములో – విరిగిన హృదయముతో / ఈ లోక రక్షణకై – జనముల స్వస్థతకై / యేసుని వేడెదము – శోకము తొలగించమని ||అంధకార|| / మొరలను ఆలకించును – యేసు మనలను విడిపించును / ఈ లోకమును శుద్ధిచేయును – మరణమును తప్పించును / మన రక్షణ వలయముగా – తన రెక్కలు చాపును / దుఃఖమును సంతోషముగా – మార్చివేయును త్వరలో ||అంధకార||
క్షమాపణ దొరికేనా (2) / చిట్ట చివరి.. అవకాశం నాకు దొరికేనా (2) / యేసయ్యా… యేసయ్యా… / కక్కిన కూటికై – తిరిగిన కుక్కలా / ఎన్నో మారులు తిరిగితినయ్యా (2) / అయినా కూడా నీ కృప చూపి / ఆదరించిన అద్వితీయుడా (2) / ఆదరించిన అద్వితీయుడా ||యేసయ్యా|| / అడిగే అర్హత లేకపోయినా / నీ ప్రేమను బట్టి అడుగుతు ఉన్నా (2) / తల్లి మరచినా మరువని దేవుడా / నన్ను విడువని యేసునాథుడా (2) / నన్ను విడువని యేసునాథుడా ||యేసయ్యా||
ఏ యోగ్యతా లేని నన్ను ఎందుకు ఎన్నుకున్నావు / ఏ అర్హతా లేని నన్ను ఎందుకు ప్రత్యేకించావు (2) / ఏముంది నాలోనా – ఏమైనా ఇవ్వగలనా (2) ||ఏ యోగ్యత|| / మలినమైన దేహం / మార్పులేని మనస్సు / మనిషిగానే చేయరాని / కార్యములే చేసినానే (2) ||ఏముంది|| / పుట్టుకలోనే పాపం / పాపులతో సహవాసం / పలుమారులు నీ హృదయమును / గాయపరచితినయ్యా (2) ||ఏముంది||
సుందరుడా… అతిశయుడా… / మహోన్నతుడా… నా ప్రియుడా (2) / పదివేలలో నీవు అతిసుందరుడవు / నా ప్రాణప్రియుడవు నీవే / షారోను పుష్పమా… లోయలోని పద్మమా… / నిను నేను కనుగొంటినే (2) ||సుందరుడా|| / నిను చూడాలని / నీ ప్రేమలో ఉండాలని / నేనాశించుచున్నాను (4) ||సుందరుడా|| / యేసయ్యా నా యేసయ్యా / నీ వంటి వారెవ్వరు / యేసయ్యా నా యేసయ్యా / నీలాగ లేరెవ్వరు (2) ||సుందరుడా||
నా వేదనలో నా బాధలో / నే కృంగిన వేళలో – నా తోడైయున్నావు (2) / నన్ను నడిపించు నా యేసయ్యా / నాకు తోడైయుండు నా ప్రభువా (2) / నీ కృప లేనిదే బ్రతుకలేనయ్యా ||నా వేదనలో|| / నా అన్న వారే నను మరిచారయ్యా / అయినవారే నన్ను అపహసించినారయ్య / నా కన్న వారిని నే కోల్పోయినా / నా స్వంత జనులే నన్ను నిందించినా / కన్నీటిని తుడిచి కౌగిలించినావు / కృప చూపి నన్ను రక్షించినావు (2) / నన్ను నడిపించు నా యేసయ్యా / నాకు తోడైయుండు నా ప్రభువా (2) / నీ కృప లేనిదే బ్రతుకలేనయ్యా ||నా వేదనలో|| / ఇహలోక శ్రమలన్ని ఎన్నదగినవి కావని / ప్రభునందు నా ప్రయాస వ్యర్ధమే కాదని (2) / నా మట్టుకైతే బ్రతుకుట క్రీస్తేనని / చావైతే నాకది ఎంతో మేలని (2) / నా కన్నులెత్తి నీ వైపుకే / నిరీక్షణతో చూచుచున్నాను (2) / నీయందే నే బ్రతుకుచున్నాను ||నా వేదనలో||
ప్రేమ శాశ్వత కాలముండును / ప్రేమ అన్నిటిలో శ్రేష్టము (2) / ప్రేమ విలువను సిలువ జూపె / ప్రేమ ఎట్టిదో ప్రభువు నేర్పె (2) / ప్రేమ చూపు నరుల యెడల / ప్రేమ కలిగియుండు ప్రియుడా ||ప్రేమ|| / ప్రేమలో దీర్ఘశాంతము / ప్రేమలో దయాళుత్వము (2) / ప్రేమ సహింప నేర్పును / ప్రేమ కలిగియుండు ప్రియుడా ||ప్రేమ|| / ప్రేమలో డంబముండదు / ప్రేమ ఉప్పొంగదెప్పుడు (2) / ప్రేమలో తగ్గింపున్నది / ప్రేమ కలిగియుండు ప్రియుడా ||ప్రేమ|| / ప్రేమించు సహోదరుని / ప్రార్ధించు శత్రువుకై (2) / ప్రేమ యేసుని మనస్సు / ప్రేమ కలిగియుండు ప్రియుడా ||ప్రేమ|| / ప్రేమలో సత్యమున్నది / ప్రేమ సంతోషమిచ్చును (2) / ప్రేమయే సమాధానము / ప్రేమ కలిగియుండు ప్రియుడా ||ప్రేమ|| / విశ్వాసము నిరీక్షణ / ప్రేమ ఈ మూడు నిలచున్ (2) / వీటిలో శ్రేష్టమైనది / ప్రేమ యే ప్రేమ ||ప్రేమ||
మానవులందరు ఒక్కటేనని / మదిలో మన దేవుడు ఒక్కడేనని (2) / అందరు అందురు – వీనుల విందుగా (2) / (మరి) లోకాన జరిగేది మార్పుగా (2) ||మానవులందరు|| / క్రీస్తు సిలువకు సాక్షులమందురు / సాక్ష్యములిచ్చినా సాకులు మానరు (2) / ప్రార్ధనకొచ్చినా పాపం మానరు (2) / ప్రభువేల వానిని క్షమియించును / మరి వారేల క్షమియింపబడుదురు ||మానవులందరు|| / మార్పులు చెందినా మాటలు మారవు / మనుషులు కలిసినా మనసులు కలువవు (2) / చేతులు కలిపినా హృదయం కలవదు (2) / పైపైకి వందనంబులనుదురు / మరి వారేల నీతిమంతులవుదురు ||మానవులందరు||
జీవము గల దేవుని సంఘం – ఎంతో ఎంతో రమ్యము / మనకై దేవుని సంకల్పం – ఎంతో ఎంతో శ్రేష్ఠము / సంకల్పమందున మనముండినా / ఆ సంఘమందున వసియించినా / ఎంతో ఎంతో ధన్యము – (2) ||జీవము|| / యేసే స్వరక్తమిచ్చి – సంపాదించిన సంఘము / సత్యమునకు స్థంభమును – ఆధారమునైయున్నది (2) / పాతాళలోక ద్వారములు / దాని ఎదుట నిలువవు (2) ||జీవము|| / యేసే శిరస్సైయున్న – శరీరము మనమందరము / పరిశుద్ధాత్మ మనలో – నివసించుచున్నాడు (2) / ఏ నరుడు దేవుని నిలయమును / పాడు చేయకూడదు (2) ||జీవము|| / యవ్వన ప్రాయము మనలో – భవ్యానికి భయపడక / సవ్వడి చేయుచు నిరతం – కవ్వించు చుండును (2) / ప్రభు యేసు దివ్య మాదిరిలో / గమ్యము చేరగా సాగుదాం (2) ||జీవము|| / ఏ ప్రాంతీయుల మైన – మనమందరము సోదరులం / శాశ్వత రాజ్యపు గురిలో – శ్రీ యేసుని సహ వారసులం (2) / లోకాన యేసుని త్యాగమును – సాహసముతో చాటుదాం / లోకాన క్రీస్తుని మహిమను – సహనముతోనే చాటుదాం ||జీవము||
ఎవరు ఉన్నా లేకున్నా / యేసయ్య ఉంటే నాకు చాలు (2) / అందరి ప్రేమ అంతంత వరకే / యేసయ్య ప్రేమ అంతము వరకు (2) ||ఎవరు|| / కునుకడు నిదురపోడు / కాపాడుతాడు నన్నెప్పుడు (2) / ఆపదొచ్చినా అపాయమొచ్చినా (2) / రాయి తగలకుండ నన్ను ఎత్తుకుంటాడు (2) ||అందరి|| / తల్లి మరచినా తండ్రి విడచినా / నాతోనే ఉంటాడు ఎల్లప్పుడు (2) / ముదిమి వచ్చినా తల నెరిసినా (2) / చంక పెట్టుకొని నన్ను మోస్తాడు (2) ||అందరి|| / అలసిన కృషించినా / తృప్తి పరచును నన్నెల్లప్పుడు (2) / శత్రువొచ్చినా శోధనలు చుట్టినా (2) / రెక్కలు చాపి నన్ను కాపాడును (2) ||అందరి||
పాత నిబంధనలో ఇశ్రాయేలును దేవుడు కోరెను దశమ భాగం / క్రొత్త నిబంధనలో క్రైస్తవులందరు చేయవలసినది సజీవ యాగం – ఇది శరీర యాగం / దేవా నా జీవితమిదిగో నీ సొంతం / ప్రతి క్షణం నీ పనికై అర్పితం (2) / నా వరకైతే బ్రతుకుట నీ కోసం / చావైతే ఎంత గొప్ప లాభం (2) / నా శరీరము నీ కొరకై ప్రతిష్ఠితం / సజీవయాగముగా నీకు సమర్పితం (2) ||దేవా|| / నా కరములు నా పదములు నీ పనిలో / అరిగి నలిగి పోవాలి ఇలలో / సర్వేంద్రియములు అలుపెరుగక నీ సేవలో / అలసి సొలసి పోవాలి నాలో (2) ||నా శరీరము|| / నా కాలము అనుకూలము నీ చిత్తముకై / ధనము ఘనము సమస్తము నీ పనికి / నా మరణము నీ చరణముల చెంతకై / నిన్ను మహిమపరిచి నేలకొరుగుటకై (2) ||నా శరీరము||