535 worship songs available. Lyrics in Roman and Telugu script.
యేసయ్యా.. నన్నెందుకు ఎన్నుకున్నావయ్యా / తెలుపుము నీ చిత్తము నా యెడల – (2) ||యేసయ్యా|| / ఏ దరి కానక తిరిగిన నన్ను / నీ కౌగిటిలో చేర్చుకున్నావయ్యా (2) / ఏమి నీ ప్రేమా – ఏమి నీ కృప నా యెడల (2) / ఏమి నీ కృప నా యెడల ||యేసయ్యా|| / చనిపోయిన స్థితిలో పడిపోయిన నన్ను / నీ జీవము నొసగి బ్రతికించావయ్యా (2) / ఏమి నీ దాక్షిణ్యం – ఏమి నీ దయ నా యెడల (2) / ఏమి నీ దయ నా యెడల ||యేసయ్యా|| / శోధనా బాధలో కృంగిన నన్ను / నిరీక్షణ నొసగి బలపరచావయ్యా (2) / ఏమి నీ ఆదరణ – ఏమి నీ ఆశ నా యెడల (2) / ఏమి నీ ఆశ నా యెడల ||యేసయ్యా||
దేవుడే ఇల చేరేటందుకు ఎన్నుకున్న మార్గం / అమ్మా అంటూ పిలుచుకొని పొందుకొనెను జన్మం / నీకంటూ ఏది లేదన్నట్లు ఎందుకంత త్యాగం / కనరాని ప్రేమకు నీవేగా కదలాడుతున్న రూపం (2) / అమ్మా నీ ఋణమును తీర్చే సిరులు లేవు ఇలలో / ఆ దైవము సైతము నేర్చె పాఠాలు చల్లని నీ ఒడిలో (2) ||దేవుడే|| / కన్న బిడ్డను పరాయి బిడ్డగా పెంచుకున్న మమకారం / తన ప్రజల విముక్తికి దేవుడు చేసిన కార్యంలో సహకారం (2) / మోషేగా మారిన పసివాడిని / దాసిగా పెంచిన కన్నతల్లి సుగుణం (2) / దాసిగా పెంచిన కన్నతల్లి సుగుణం ||అమ్మా|| / సంతతి లేక సవతి పోరుతో విసిగినట్టి దీనత్వం / దేవుని సన్నిధి హృదయము పరచి పొందుకొనెను మాతృత్వం (2) / హన్నా చేసిన ఆ త్యాగమే కాదా / సమూయేలు పొందిన న్యాయాధిపత్యము (2) / సమూయేలు పొందిన న్యాయాధిపత్యము ||అమ్మా|| / కొన ఊపిరితో సిలువపైన వేళాడుతున్న క్షణము / ఆ దేవ దేవుడు తీర్చుకొనెను తన మాతృమూర్తి ఋణము (2) / ప్రియ శిష్యుని దరికి తల్లిని చేర్చి / నెరవేర్చెను ఇలలో తనయుడిగా ధర్మం (2) / నెరవేర్చెను ఇలలో తనయుడిగా ధర్మం ||అమ్మా||
చిన్న చిన్న గొఱ్ఱె పిల్లను / యేసు ప్రియ బిడ్డను (2) / సంతసముగ సాగిపోయెదన్ (2) / చెంత యేసు నాతో ఉండగా (2) ||చిన్న|| / ముళ్లపొదలలో నేను నడచి వెళ్లినా / తోడేళ్ళ మధ్యలో సంచరించినా (2) / తొట్రిల్లను నేను చింతించను (2) / తోడుగా నా యేసు ఉండగా (2) ||చిన్న|| / పచ్చికగల చోటికి నన్ను నడుపును / శాంత జలముతో నన్ను తృప్తి పరచును (2) / నా కాపరి నా ప్రియుడేసుడే (2) / చిరకాలము నన్ను కాయును (2) ||చిన్న||
చెవులు ఉన్నాయా – వినే చెవులు ఉన్నాయా? (2) / ఫస్ట్ వినాలి… నెక్స్ట్ నమ్మాలి / చెవులు ఉంటే తప్పక నీవు వినాలి (2) / చెవులు ఉన్నాయా – వినే చెవులు ఉన్నాయా? (2) / విను ఇదే ఆఫర్ వినకపోతే డెంజర్! / యేసు మాట వింటే నీవు బతుకుతావు – (2) / చెవులు ఉన్నాయా – వినే చెవులు ఉన్నాయా? (2) / సాతాను మాటలా? దేవుని మాటలా? / ఏది వింటావు? ఏది చేస్తావు? / కాకి విన్నది చేప విన్నది / గాడిద విన్నది సృష్ఠి విన్నది (2) / యేసయ్య విన్నాడు ప్రాణం పెట్టాడు / వింటేనే రక్షణ యేసు కర్పణ ||చెవులు|| / ఫ్రెండ్స్ మాటలా? పేరెంట్స్ మాటలా? / ఏది వింటావు? ఏది చేస్తావు? / భూతు మాటలా సినిమా పాటలా / వద్దు బాబోయ్ దురద చెవులు (2) / దేవుని మాటలు వినే చెవులు ఉండాలని / బైబిల్లో మన కోసమే వ్రాయబడినది ||చెవులు||
ఇహలోక పాపి కొరకు / ఎనలేని ప్రేమను చూపి / గెలిచావుగా నా ప్రేమను / నా ప్రేమ నీవే యేసు / నీ కృప నాకు చాలు / నేనెలా నిను మరతును ||ఇహలోక || / నీ శక్తియే అద్భుతం / నీ సృష్టియే అద్భుతం (2) / యేసయ్యా యేసయ్యా / యేసయ్యా యేసయ్యా (2) ||ఇహలోక ||
కరుణ చూపించుమా – యేసయ్య కన్నీరు తుడవగా / మహిమ కురిపించుమా – యేసయ్య స్వస్థతలు చూపగా (2) / నీ ప్రజలము అయిన మేము – మృత్యువు కోరలో చిక్కాము / ఏ దారియు కానరాక – నశియించి పోతున్నాము (2) / కరుణగల దేవుడు నీవు / కరుణించి కాపాడుమా (2) ||కరుణ|| / ఐగుప్తులో పది తెగుల్లలో – నీ ప్రజలను కాపాడితివి / గొఱ్ఱెపిల్ల రక్తము నిచ్చి – మృత్యువాత తప్పించితివి (2) / నీ నామము మదిలో నిలిపి – ఈ ఆపదలో వేడాము / నీ మహిమను తిరిగి చూడగా – నీ సన్నిధిలో చేరాము (2) ||కరుణగల|| / ఇశ్రాయేలు వారిగ మేము – నీ ఉనికిని ప్రశ్నించాము / నీ ప్రేమను రుచి చూసిననూ – మారాను కురిపించాము (2) / చెలరేగే సర్పము కాటు – మములను కబళించే వేళ / మాకు దిక్కు నీవేనంటూ – మోకరించి నిను వేడితిమి (2) ||కరుణగల|| / మరణమునే జయించి నీవు – సజీవుడిగా నిలిచావు / నిన్ను నమ్మి వేడిన చాలు – మా తప్పులు మరిచావు (2) / నేను జీవించితి గనుక – మీరును జీవించెదరన్న / వాగ్దానము నమ్మితిమయ్యా – నెరవేర్చుము మా యేసయ్య (2) ||కరుణగల||
మేము భయపడము – ఇక మేము భయపడము / ఏ కీడు రాదని యేసే చెప్పెను మాకు (2) ||మేము|| / దైవ భ్రష్టులమైన మమ్ము / దివ్యంపుగా రక్షించే (2) / దీవారాత్రులు దేవుడే కాయును ||మేము|| / శత్రు కోటి మమ్ము జుట్టన్ / పాతాళము మ్రింగ జూడన్ (2) / నిత్యుడు యేసు నిత్యము కాయును ||మేము|| / అగ్ని పరీక్షల యందు / వాగ్ధానమిచ్చె మాతో నుండ (2) / ఏ ఘడియైనను విడువక కాయును ||మేము|| / బలమైన ప్రభు హస్తములు / వలయము వలె మమ్ము జుట్టి (2) / పలు విధములుగా కాపాడు మమ్ము ||మేము|| / కునుకడు మన దేవుడు / యెన్నడు నిద్రించడు (2) / కను పాపగా మము కాపాడునెప్పుడు ||మేము|| / జీవిత కష్ట నష్టములు / ఆవరించి దుఃఖపరచ (2) / దేవుడొసంగిన ఈవుల నెంచుచు ||మేము|| / ఇహమందు మన శ్రమలన్ని / మహిమకు మార్చెడు ప్రభున్ (2) / మహిమపరచి మ్రొక్కెదములలో ||మేము||
యేసయ్య నామము నా ప్రాణ రక్ష / గొర్రెపిల్ల రక్తము నా ఇంటి సురక్ష (2) / నాశనకరమైన తెగులుకైనా / భయపడను నేను భయపడను (2) ||యేసయ్య|| / రోగ భయం – మరణ భయం / తొలగిపోవును యేసు నామములో (2) ||యేసయ్య|| / అపాయమేమియు దరికి రాదు / కీడేదియు నా గదికి రాదు (2) ||యేసయ్య|| / పరలోక సేన నన్ను కాయును / పరలోక తండ్రి నా తోడుండును (2) ||యేసయ్య|| / యేసుని నామమే స్తుతించెదము / వ్యాధుల పేరులు మరిచెదము (2) ||యేసయ్య||
నా బ్రతుకు దినములు లెక్కింప నేర్పుము / దేవా ఈ భువిని వీడు గడియ నాకు చూపుము / ఇంకొంత కాలము ఆయుష్షు పెంచుము / నా బ్రతుకు మార్చుకొందును సమయమునిమ్ము ||నా బ్రతుకు|| / ఎన్నో సంవత్సరాలు నన్ను దాటిపోవుచున్నవి / నా ఆశలు నా కలలనే వెంబడించుచుంటిని / ఫలాలు లేని వృక్షము వలె ఎదిగిపోతిని / ఏనాడు కూలిపోదునో ఎరుగకుంటిని / నా మరణ రోదన ఆలకించుమో ప్రభు / మరల నన్ను నూతనముగ చిగురు వేయని ||నా బ్రతుకు|| / నీ పిలుపు నేను మరచితి – నా పరుగులో నేనలసితి / నా స్వార్ధము నా పాపము – పతన స్థితికి చేర్చెను / నా అంతమెటుల నుండునో – భయము పుట్టుచున్నది / దేవా నన్ను మన్నించుము – నా బ్రతుకు మార్చుము / యేసూ నీ చేతికి ఇక లొంగిపోదును / విశేషముగా రూపించుము నా శేష జీవితం ||నా బ్రతుకు||
ఓటమి తప్పని రోజైననూ – ఓడిపోనివ్వడు / చెయి దాటిపోయిన స్థితులైననూ – అసలోడిపోనివ్వడు / ఓడిపోనివ్వడు – ఓడిపోనివ్వడు (2) / ఓటమి తప్పని రోజైననూ – ఓడిపోనివ్వడు / చెయి దాటిపోయిన స్థితులైననూ – ఓడిపోనివ్వడు (2) ||ఓడిపోనివ్వడు|| / పందెమందు ఉండగా – ఓపికతో సాగాలిగా / ధైర్యం ప్రభు మనలో నింపెగా / పౌలు లాగా సాగాలిగా (2) / గురి యొద్దకే నీ ప్రయాణము / ఉన్నత పిలుపునకు బహుమానము (2) / సీయోనులో మన స్థానము సుస్థిరము (2) ||ఓడిపోనివ్వడు|| / నా అన్న వారే కాదనగా / రక్త సంబంధులై వెల కట్టారుగా / బానిసలుగా చేసి అమ్మారుగా / యోసేపును చూసాడుగా (2) / తోడుండెనన్న వాగ్ధానము / రాజుల యెదుటే తనకు సన్మానము / మహా చక్రవర్తి క్రీస్తు మదిలో స్థానము (2) / దాటిపోడెన్నడు – దాటిపోడెన్నడు (2) / దీన స్థితిలో మనమున్ననూ – దాటిపోడెన్నడు / నవ్వుల పాలైన రోజైననూ – దాటిపోడెన్నడు (2) ||ఓడిపోనివ్వడు||
ఇద్దరొక్కటిగ మారేటి మధురమైన క్షణము / దేవుని చిత్తములో పెనవేసిన నిత్య అనుబంధము (2) / వివాహమన్నది అన్నింట ఘనమైనది / ఆదాము హవ్వలతో మొదలైంది ఆ సందడి (2) / ఒంటరైన ఆదామును చూసి / జంట కావాలని మది తలచి (2) / హవ్వను చేసి జతపరచి – ఫలించమని దీవించెను / సృష్టిపైన అధికారముతో – పాలించుమని నియమించెను (2) ||వివాహమన్నది|| / ఏక మనసుతో ముందుకు సాగి / జీవ వృక్షముకు మార్గము ఎరిగి (2) / సొంత తెలివిని మానుకొని – దైవ వాక్కుపై ఆనుకొని / సాగిపోవాలి ఆ పయనం – దేవుని కొరకై ప్రతి క్షణం (2) ||వివాహమన్నది|| / భార్య భర్తలు సమానమంటూ / ఒకరి కోసము ఒకరనుకుంటూ (2) / క్రీస్తు ప్రేమను పంచాలి – సాక్ష్యములను చాటించాలి / సంతానమును పొందుకొని – తండ్రి రాజ్యముకు చేర్చాలి (2) ||వివాహమన్నది||
ఆనందింతుము ఆనందింతుము / యేసుని సన్నిధిలో ఆనందింతుము.. హే (2) / గంతులేసి నాట్యమాడి / ఉత్సహించి పాడెదం (2) / యేసుని సన్నిధిలో ఆనందింతుము (2) ||ఆనందింతుము|| / భయమూ ఎందుకూ… దిగులూ ఎందుకూ / దేవాది దేవుని తోడు మనకుండగా (2) / హల్లెలూయ అంటు ఆరా-ధింతుము ఎల్లప్పుడూ (2) / యేసుని సన్నిధిలో ధైర్యమొందెదం (2) ||ఆనందింతుము|| / నీతి లేని లోకంతో స్నేహం ఎందుకూ / నీతి సూర్యుడైన యేసు మనకూ ఉండగా (2) / పరిశుద్దుడంటూ పొగడి కొలిచెదము అనుదినం (2) / యేసుని సన్నిధిలో పరవశించెదం (2) ||ఆనందింతుము|| / ప్రేమలేని హితుల సఖ్యం ఎందుకూ / ప్రేమామయుడైన ప్రభువు మనకు ఉండగా! (2) / మహిమకరుడు అంటూ మ్రొక్కి పూజింతుము అనుక్షణం (2) / యేసుని సన్నిధిలో ఉత్సాహించెదం (2) ||ఆనందింతుము||