535 worship songs available. Lyrics in Roman and Telugu script.
పువ్వు విరిసి రాలినా / పరిమళంబు మిగులును (2) / జీవ నీవే తెలుసుకో / నీ జీవితం ఏపాటిదో ||పువ్వు|| / ధరలో కలిమి లేములు / దరి చేరగానే కరగిపోవును (2) / దూరపర్చుమా లౌకికం / చేరు యేసును శీఘ్రమే ||పువ్వు|| / పుడమిలో ఫలియించుమా / ఫలమిచ్చు ద్రాక్షా వల్లిలా (2) / నేల రాలిన పువ్వులా / తేలిపోకుమా గాలిలోన ||పువ్వు|| / భువిలో బ్రతుకుట కన్నను / భగవంత సన్నిధి పెన్నిధి (2) / భారమనక పిలువవే / కోరుకో నువ్వు క్రైస్తవా ||పువ్వు||
నూతన సంవత్సరములో / యేసు.. నూతన పరచుము నన్ను / నూతన జీవమిచ్చి / నూతన కృపనిమ్మయా (2) / ఆనందమే సంతోషమే / యేసయ్యలో నాకు సంబరమే (2) ||నూతన|| / పాపమంత మన్నించయ్యా / పరిశుద్ధ మనసు నాకు ఇమ్మయ్యా (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన|| / వాక్యముతో కడుగుమయా / పరిశుద్ధ ఆత్మను నాకిమ్మయ్యా (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన|| / సత్యముతో నింపుమయా / నీ సాక్షిగ నేనుండుటకు (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన||
తరములు మారుచున్నవి.. దినములు మారుచున్నవి.. / క్షణములు మారుచున్నాను.. గుణములు మారవెందుకు? / వస్త్రములు మారుచున్నవి.. వృత్తులు మారుచున్నవి.. / భాషలు మారుచున్ననూ.. బ్రతుకులు మారవెందుకు? / దేహములు మారుచున్నవి.. ఆహారం మారుతున్నది.. / అంతా మారినా గాని.. ఆలోచన మారదెందుకు? / మార్పు చెందరెందుకు? ||తరములు|| / సంద్రంలో ఉన్న రాళ్లను చూడు / అలల తాకిడికి కరిగిపోవును / శిఖరముపై ఉన్న మంచును చూడు / సూర్యుని వేడిమికి కరిగిపోవును (2) / ప్రభువును నమ్మిన ప్రజలను చూడు (2) / దేవుని మాటలకు కరగరెందుకు? / బ్రతుకులు దిద్దుకొని బ్రతకరెందుకు? / సంఘముకు వెళ్తూ ఉన్నా.. సత్యము వినుచూ ఉన్నా.. / నిత్యము తెలుసుకున్ననూ.. నీతిగా ఉండరెందుకు? / పాపము చేయుటెందుకు? ||తరములు|| / క్రీస్తుతో ఉన్న శిష్యుల చూడు / ప్రభు మాటలకు వారు మార్పు చెందిరి / పాపములో ఉన్న స్త్రీలను చూడు / వాక్యం విని పాపం మానివేసిరి (2) / దేవుని ఎరిగిన పిల్లల చూడు (2) / భయభక్తులు కలిగి బ్రతకరెందుకు? / దైవ వాక్యమును ఆచరించరెందుకు ? / దేవుని ఎరిగి ఉండిన.. దైవముగ మహిమపరచిన.. / కన్న తండ్రి మనస్సు తెలిసిన.. ప్రియమైన పిల్లలు కావాలి / మనసులు మార్చుకోవాలి ||తరములు||
ఈ ఉదయం – శుభ ఉదయం / ప్రభువే నాకొసగిన – ఆనంద సమయం / ఆశ్రయించెదన్ – దివ్య వాక్యమున్ / ప్రేమతోడ సరిచేసే – శ్రేష్ఠ సత్యమున్ ||ఈ ఉదయం|| / బలహీనమైతి నేను – బలపరచుము తండ్రి / ఫలహీనమైతి నేను – ఫలియింపజేయుము / వాక్య ధ్యానమే – నీ ముఖ దర్శనము / పరిశుద్ధ పరచెడి – పరమతండ్రి మార్గము ||ఈ ఉదయం|| / అస్థిరమునైతి నేను – స్థిరపరచుము తండ్రి / అల్పవిశ్వాసి నేను – అద్దరికి జేర్చుము / నీ పాదసన్నిధే – నాకు శరణము / అభయంబునిచ్చెడి – ఆశ్రయపురము ||ఈ ఉదయం||
శాశ్వతమా ఈ దేహం / త్వరపడకే ఓ మనసా… / శాశ్వతమా ఈ దేహం / త్వరపడకే ఓ మనసా (2) / క్షణికమైన ఈ మనుగడలో / పరుగులేలనో అనుక్షణము / నీటిపైన చిరు బుడగ వోలె – (2) / దేహము ఏ వేళా చితికిపోవునో ||శాశ్వతమా|| / ఈ లోకములో భోగములెన్నో / అనుభవించగా తనవి తీరేనా / నీ తనువే రాలిపోయినా – (2) / నీ గతి ఏమో నీకు తెలియునా ||శాశ్వతమా|| / దేహ వాంఛలను దూరము చేసి / ఆ ప్రభు యేసుని శరణము కోరి / నీతి మార్గమున నడుచుకొందువో – (2) / చిరజీవముతో తరియించేవు ||శాశ్వతమా||
కమనీయమైన నీ ప్రేమలోన / నే నిలువనా నా యేసయ్యా / కమనీయమైన నీ ప్రేమలోన / నే నిలువనా నా యేసయ్యా / (తీయ) తీయని నీ పలుకలలోన / నే కరిగిపోనా నా యేసయ్యా (2) / నా హృదిలో కొలువైన నిన్నే / సేవించనా/సేవించెదా నా యేసయ్యా (2) / విస్తారమైన ఘన కీర్తి కన్నా / కోరదగినది నీ నామం / జుంటె తేనె ధారల కన్నా / మధురమైనది నీ నామం (2) / సమర్పణతో నీ సన్నిధిని చేరి / నిత్యము నిన్నే ఆరాధించనా (2) ||కమనీయమైన|| / వేసారిపోయిన నా బ్రతుకులో / వెలుగైన నిన్నే కొనియాడనా (2) / కన్నీటితో నీ పాదములు కడిగి / మనసారా నిన్నే పూజించనా (2) / నీ కృపలో గతమును వీడి / మరలా నీలో చిగురించనా (2) ||కమనీయమైన||
నిను పోలిన వారెవరూ – మేలు చేయు దేవుడవు / నిన్నే నే నమ్మితిన్ నా దేవా (2) / నిన్నే నా జీవితమునకు ఆధారము చేసికొంటిని / నీవు లేని జీవితమంతా వ్యర్ధముగా పోవునయ్య (2) / ఎల్ షడ్డాయ్ ఆరాధన – ఎలోహిం ఆరాధన / అడోనాయ్ ఆరాధన – యేషువా ఆరాధన (2) / కృంగియున్న నన్ను చూచి / కన్నీటిని తుడిచితివయ్య / కంటి పాప వలే కాచి / కరుణతో నడిపితివయ్య (2) ||ఎల్ షడ్డాయ్|| / మరణపు మార్గమందు / నడిచిన వేళయందు / వైద్యునిగా వచ్చి నాకు / మరో జన్మనిచ్చితివయ్య (2) ||ఎల్ షడ్డాయ్||
నా జీవిత భాగస్వామి – నా ప్రియ యేసు స్వామి / నా జీవిత భాగస్వామి – ప్రియ వరుడా యేసు స్వామి / యేసయ్యా నా స్తుతి పాత్రుడా – యేసయ్యా నా ఘననీయుడా / యేసయ్యా నా మహనీయుడా – యేసయ్యా నా ఆరాధ్యుడా (2) / అరచేతిలో చెక్కావు – నీ శ్వాసతో నింపావు / జీవాత్మగ నను చేసి సృష్టించావు (2) / ప్రతిగా నీకేమివ్వగలనేసయ్యా / నా సమస్తముతో ఆరాధింతును (2) ||యేసయ్యా|| / అమితముగా ప్రేమించి – ప్రాణమునే అర్పించి / నీ వధువుగా నన్ను స్వీకరించావు (2) / నీ ఋణమెలా తీర్చగలనేసయ్యా / నా జీవితముతో ఆరాధింతును (2) ||యేసయ్యా||
విడిపిస్తాడు నా యేసుడు / మరణపు లోయైనా నను విడువడూ (2) / మనసు ఓడిపోయిననూ / మనువు వాడిపోయిననూ (2) / నను ఎత్తుకొనీ… / నను ఎత్తుకొనీ కాలికి ధూలైన తగలక ||విడిపిస్తాడు|| / ఆశలన్నీ క్షణికములో ఆవిరియై పోయినా / కంటిమీద కునుకేమో కన్నీళ్ళై పారినా (2) / తన కౌగిటిలో… / తన కౌగిటిలో హత్తుకొనీ నన్నాదరించి ||విడిపిస్తాడు|| / ఎండమావులే స్నేహితులై ఓదర్పే కరువైనా / బండరాల్లే భాగ్యములై బ్రతుకు భారమైననూ (2) / తన కౌగిటిలో… / తన కౌగిటిలో హత్తుకొనీ నన్నాదరించి ||విడిపిస్తాడు|| / కలలు అన్ని కల్లలై కలతలతో నిండిననూ / గాలి మేడలే ఆస్తులై శూన్యములే మిగిలిననూ (2) / తన కౌగిటిలో… / తన కౌగిటిలో హత్తుకొనీ నన్నాదరించి ||విడిపిస్తాడూ||
ప్రభుని రాకడ – ఈ దినమే / పరుగులిడి రండి – సుదినమే (2) / పరమునందుండి – మన ప్రభువు / ధరకు నరుగును – పాలనకై (2) / బూరశబ్దముతో – జనులారా ||ప్రభుని|| / సిద్ధులగు వారిన్ – మన యేసు / శుద్ధి జేయునిలన్ – పరమునకై (2) / బుద్ధిహీనులను – శ్రమలచేత / బద్ధులుగ జేయున్ – వేదనతో (2) / బాధ కలిగించున్ – సాతాను ||ప్రభుని|| / స్వరముతో వచ్చున్ – అధికారి / మహిమతో మరలున్ – తన దూత (2) / సూర్యచంద్రునిలన్ – తారలతో / జీకటుల్ క్రమ్మున్ – ప్రభు రాక (2) / పగలు రాత్రియగున్ – త్వరపడుము ||ప్రభుని|| / మొదట లేతురు – సజీవులై / ప్రభునియందుండు – ఆ మృతులు (2) / మరల అందరము – ఆ ధ్వనితో / పరము జేరుదుము – ధరనుండి (2) / ధన్యులగుదుము – పరికించు ||ప్రభుని|| / వెయ్యియేండ్లు – పాలించెదరు / ప్రియుని రాజ్యమున – ప్రియులు (2) / సాయం సమయమున – చేరి / నెమలి కోకిలలు – రాజున్ (2) / పాడి స్తుతించును – ఆ దినము ||ప్రభుని|| / గొర్రె మేకలును – ఆ చిరుత / సింహజాతులును – ఒక చోట (2) / భేధము లేక – బరుండి / గరిక మేయును – ఆ వేళ (2) / కలసి మెలగును – భయపడక ||ప్రభుని|| / న్యాయ నీతులన్ – మన ప్రభువు / ఖాయముగ దెల్పున్ – ఆనాడు (2) / సాక్షులుగ నిలుతుం – అందరము / స్వామియేసునకు – ధ్వజమెత్తి (2) / చాటి యేసునకు – ఓ ప్రియుడా ||ప్రభుని||
సుందరములు అతి సుందరములు / సువార్త మోసిన పాదములు / అతి శ్రేష్ఠులు ఎంతటి ధన్యులు / ప్రభు ప్రేమను చాటిన పెదవులు (2) / ఏ లేమికి కలత చెందరు – ఏ నలతకు తలలు వంచరు / ప్రభు సేవలో ధీరులు వీరు – తన చిత్తము ఎరిగిన వారు (2) / యేసును ప్రేమించి వారు ద్వేషనముకు గురి అయినారు / జీవమును చాటించుటకై మరణానికి బలి అయినారు (2) / తమ సిలువను ఎత్తుకొని – ప్రభు బోధను పాటించారు / ప్రభు చిత్తము నెరవేర్చి – తన సన్నిధినే చేరారు (2) ||ఏ లేమికి|| / లోకము చీకటి బాపుటకు వెలుగులు వెదజల్లిన వారు / తమ పాదాలకు ప్రభు వాక్యము దీపముగా వెలిగించారు (2) / తమ దేహము యాగముగా – శోధనలు జయించినారు / తమ సాక్ష్యము పెంచుకొని – ప్రభు రక్షణను పంచారు (2) ||ఏ లేమికి||
యేసయ్యా నీ పూల తోట / పుష్పించ లేదెందు చేత – (2) / రకరకాల విత్తనాల / ప్రేమ మీద చల్లినావు (2) / మోసులెత్తినా – చిగురాకు లేచినా / పూవులెందుకు పూయలేదు / ఫలమెందుకు పండలేదు ||యేసయ్యా|| / సంఘాల స్థాపించినావు / సదుపాయములిచ్చినావు (2) / సంఘమెదిగినా – సంఖ్య పెరిగినా (2) / సాంగత్య ప్రశాంతి లేదు / సౌరభ్యము నిండలేదు ||యేసయ్యా|| / స్వార్ధ రహితుల కాపు లేదు / ఆత్మ జీవికి పెంపు లేదు (2) / సేవ చేసినా – సువార్త సాగినా (2) / పూలెందుకు పూయలేదు (2) / ఫలమెందుకు పండలేదు ||యేసయ్యా||