255 salvation songs available. Lyrics in Roman and Telugu script.
జీవితమంటే మాటలు కాదు చెల్లెమ్మా / (ఇవి) మనిషి మనిషిని నమ్మే రోజులు కావమ్మా – (2) ||జీవితమంటే|| / నమ్ముకున్నాడు యోసేపు – అమ్ముకున్నారు అన్నలు / నమ్ముకున్నాడు ఏశావు – మోసగించాడు యాకోబు (2) / ఈ అన్నల నమ్మే కంటే… / ఈ అన్నల నమ్మే కంటే / అన్న యేసుని నమ్ముకో / రాజ్యం నీదే మేలుకో / పరలోకం నీదే ఏలుకో ||జీవితమంటే|| / నమ్ముకున్నాడు యేసయ్యా – అమ్ముకున్నాడు శిష్యుడు / పాపుల కొరకై వచ్చాడమ్మా – ప్రాణాలే తీసారమ్మా (2) / ఈ మనుషులలోనే… / ఈ మనుషులలోనే – మమతలు లేవు / మంచితనానికి రోజులు కావు / సమయం మనకు లేదమ్మా / ఇక త్వరపడి యేసుని చేరమ్మా ||జీవితమంటే|| / నమ్మకమైన వాడు – ఉన్నాడు మన దేవుడు / నమ్మదగినవాడు – వస్తాడు త్వరలోనే (2) / యేసుని రాకకు ముందే… / యేసుని రాకకు ముందే / మారు మనస్సును పొందుమా / ప్రభుని చెంతకు చేరుమా / రక్షణ భాగ్యం పొందుమా ||జీవితమంటే||
నన్నెంతగా ప్రేమించితివో / నిన్నంతగా దూషించితినో / నన్నెంతగా నీవెరిగితివో / నిన్నంతగా నే మరచితినో / గలనా – నే చెప్పగలనా / దాయనా – నే దాయగలనా (2) / అయ్యా… నా యేసయ్యా / నాదం – తాళం – రాగం / ఎదలో నీదే ఈ ప్రేమ స్వరము (2) / ఏ రీతిగా నా ఉదయమును నీ ఆత్మతో దీవించితివో / ఏ రీతిగా నా భారమును నీ కరుణతో మోసితివో (2) / ఏ రీతిగా నా పలుకులో నీ నామమును నిలిపితివో / ఏ రీతిగా నా కన్నీటిని నీ ప్రేమతో తుడిచితివో (2) ||గలనా|| / ఏ రీతిగా నా రాతను నీ చేతితో రాసితివో / ఏ రీతిగా నా బాటను నీ మాటతో మలిచితివో (2) / ఏ రీతిగా నా గమ్యమును నీ సిలువతో మార్చితివో / ఏ రీతిగా నా దుర్గమును నీ కృపతో కట్టితివో (2) ||గలనా||
ఎందుకో ఈ ప్రేమ నన్నింతగ ప్రేమించెను / ఎందుకో ఈ జాలి నాపై కురిపించెను (2) / ఏ యోగ్యత లేని ఓటి కుండను / నీ పాత్రగ చేసి ఎన్నుకుంటివి (2) / ఎనలేని కృపనిచ్చితివి ||ఎందుకో|| / నీ సన్నిధి పలుమార్లు నే వీడినానే / అయినా నీవు క్షమియించినావే / ఊహించని మేలులతో దీవించినావే / నా సంకటములను కదా తీర్చినవే (2) / ఏ యోగ్యత లేని దీనుడను / ఏమివ్వగలను నీ ప్రేమకు / (నా) సర్వం నీకే అర్పింతును – (2) ||ఎందుకో|| / మా కొరకు బలి పశువై మరణించినావు / మా పాప శిక్ష తొలగించినావు / పలు విధముల శోధనలో తోడైనావు / ఏ కీడు రాకుండ మేము కాచినావు (2) / రుచి చూపినావు నీ ప్రేమను / ఆ ప్రేమలో నేను జీవింతును / నీవే నాకు ఆధారము – (2) ||ఎందుకో||
ఈ జీవితం విలువైనది / నరులారా రండని సెలవైనది (2) / సిద్ధపడినావా చివరి యాత్రకు / యుగయుగాలు దేవునితో ఉండుటకు / నీవుండుటకు ||ఈ జీవితం|| / సంపాదన కోసమే పుట్టలేదు నీవు / పోయేటప్పుడు ఏదీ పట్టుకొని పోవు (2) / పోతున్నవారిని నువు చుచుటలేదా (2) / బ్రతికి ఉన్న నీకు వారు పాఠమే కాదా (2) ||ఈ జీవితం|| / మరణము రుచి చూడక బ్రతికే నరుడెవడు / కలకాలమీ లోకంలో ఉండే స్థిరుడెవడు (2) / చిన్న పెద్ద తేడా లేదు మరణానికి (2) / కులమతాలు అడ్డం కాదు స్మశానానికి (2) ||ఈ జీవితం|| / పాపులకు చోటు లేదు పరలోకమునందు / అందుకే మార్పుచెందు మరణానికి ముందు (2) / యేసు రక్తమే నీ పాపానికి మందు (2) / కడగబడిన వారికే గొర్రెపిల్ల విందు (2) ||ఈ జీవితం||
కొడవలిని చేత పట్టి కోత కోయుము / తెల్లబారిన పొలములన్నియు (2) / నశియించు ఆత్మల భారము కలిగి / ఆగక సాగుమా ప్రభు సేవలో ||కొడవలిని|| / సర్వ సృష్టికి సువార్త ప్రకటన / ప్రభువు మనకిచ్చ్చిన భారమే కదా (2) / ఎన్నడూ దున్నని భూములను చూడు (2) / కన్న తండ్రి యేసుని కాడిని మోయు (2) ||కొడవలిని|| / పిలిచిన వాడు నమ్మదగినవాడు / విడువడు నిన్ను ఎడబాయడు (2) / అరచేతులతో నిన్ను చెక్కుకున్నవాడు (2) / అనుక్షణము నిన్ను కాయుచున్నవాడు (2) ||కొడవలిని||
దేవుని ప్రేమ ఇదిగో – జనులార – భావంబునం దెలియరే / కేవలము నమ్ముకొనిన – పరలోక – జీవంబు మనకబ్బును ||దేవుని|| / సర్వలోకము మనలను – తన వాక్య – సత్యంబుతో జేసెను / సర్వోపకారుడుండే – మన మీద – జాలిపరుడై యుండెను ||దేవుని|| / మానవుల రక్షింపను – దేవుండు – తన కుమారుని బంపెను / మన శరీరము దాల్చెను – ఆ ప్రభువు – మన పాపమునకు దూరుడే ||దేవుని|| / యేసు క్రీస్తను పేరున – రక్షకుడు – వెలసి నాడిలలోపల / దోసకారి జనులతో – నెంతో సు – భాషలను బల్కినాడు ||దేవుని|| / పాప భారంబు తోడ – నే ప్రొద్దు – ప్రయాసముల బొందెడి / పాపులందరు నమ్మిన – విశ్రాంతి – పరిపూర్ణమిత్తు ననెను ||దేవుని|| / సతులైన పురుషులైనన్ – యా కర్త – సర్వ జనుల యెడలను / సత్ప్రేమగా నడిచెను – పరలోక – సద్బోధలిక జేసెను ||దేవుని|| / చావు నొందిన కొందరిన్ – యేసుండు – చక్కగా బ్రతికించెను / సకల వ్యాధుల రోగులు – ప్రభు నంటి – స్వస్థంబు తా మొందిరి ||దేవుని|| / గాలి సంద్రపు పొంగులన్ – సద్దణిపి – నీళ్లపై నడచినాడే / మేలు గల యద్భుతములు – ఈలాగు – వేల కొలదిగ జేసెను ||దేవుని|| / చేతుల కాళ్లలోను – రా రాజు – చేర మేకులు బొందెను / పాతకులు గొట్టినారే – పరిశుద్ధ – నీతి తా మోర్వలేకన్ ||దేవుని|| / ఒడలు రక్తము గారగ – దెబ్బలు – చెడుగు లందరు గొట్టిరి / వడిముళ్లు తల మీదను – బెట్టిరి – ఓర్చెనో రక్షకుండు ||దేవుని|| / ఇన్ని బాధలు బెట్టుచు – దను జంపు – చున్న పాప నరులను / మన్నించు మని తండ్రిని – యేసుండు – సన్నుతితో వేడెను ||దేవుని|| / రక్షకుడు శ్రమ బొందగా – దేశంబు – తక్షణము చీకటయ్యెన్ / రక్షకుడు మృతి నొందగ – తెర చినిగి – రాతి కొండలు పగిలెను ||దేవుని|| / రాతి సమాధిలోను – రక్షకుని – నీతిగల దేహంబును / పాతి పెట్టిరి భక్తులు – నమ్మిన – నాతు లందరు జూడగా ||దేవుని|| / మూడవ దినమందున – యేసుండు – మృతి గెల్చి లేచినాడు / నాడు నమ్మిన మనుజులు – చూచిరి – నలువది దినములందున్ ||దేవుని|| / పదునొకండు మారులు – వారలకు – బ్రత్యక్షు డాయె నేసు / పరలోకమున కేగెను – తన వార్త – బ్రకటించు మని పల్కెను ||దేవుని|| / నమ్మి బాప్తిస్మమొందు – నరులకు – రక్షణ మరి కల్గును / నమ్మ నొల్లక పోయెడు – నరులకు – నరకంబు సిద్ధమనెను ||దేవుని||
దేవా పాపిని నిన్నాశ్రయించాను / ప్రేమ చూపించి నన్నాదుకోవయ్యా (2) ||దేవా|| / అపరాధినై అంధుడనై / అపవాదితో అనుచరుడై (2) / సంచరించితి చీకటిలో / వంచన చేసితి ఎందరినో – (2) ||దేవా|| / కలువరిలో సిలువొంద / కలవరమొందె జగమంతా (2) / పాపినైన నా కొరకు / మరణమునే భరించితివి / మరణమునే జయించితివి ||దేవా||
నీ కొరకు నా ప్రాణం ఆశపడుచున్నది / నీ కొరకు నా కనులు ఎదురు చూచుచున్నవి (2) / హృదయమంత వేదనతో నిండియున్నది / ఆదరణే లేక ఒంటరైనది (2) / దేవా నా కన్నీరు తుడువుము / హత్తుకొని నన్ను ముద్దాడుము (2) / పాపం చేసి నీకు దూరమయ్యాను / నన్ను గన్న ప్రేమని విడిచి నేను వెళ్లాను (2) / నీ మాటలను మీరి లోకాన్ని చేరాను / పాపాన్ని ప్రేమించి హీనుడనయ్యాను (2) ||దేవా|| / నీ హృదయ వేదనకు కారణమైనాను / దోషిగా నీ యెదుట నే నిలిచియున్నాను (2) / నను మన్నించుమా నా తండ్రి (2)
నీ నిర్ణయం ఎంతో విలువైనది ఈ లోకంలో / అది నిర్దేశించును జీవిత గమ్యమును / ఈనాడే యేసుని చెంతకు చేరు (2) ||నీ నిర్ణయం|| / లోకం దాని ఆశలు గతించిపోవును / మన్నైన నీ దేహం మరల మన్నై పోవును (2) / మారుమనస్సు పొందినచో పరలోకం పొందెదవు / క్షయమైన నీ దేహం అక్షయముగా మారును (2) ||నీ నిర్ణయం|| / పాపం దాని ఫలము నిత్య నరకాగ్నియే / శాపంతో నీవుండిన తప్పదు మరణము (2) / భరియించె నీ శిక్ష సిలువలో ఆ ప్రభు యేసే / ఈనాడే యోచించి ప్రభు యేసుని నమ్ముకో (2) ||నీ నిర్ణయం||
యేసయ్య రక్తము అతి మధురము / ఎంతో విలువైన రక్తము / నీ పాపములను నా పాపములను / క్షమియించిన రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి బంధకమును ప్రతి కాడియును / విరగగొట్టును – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి నాలుకయు ప్రతి మోకాలు / లోబరచును నా – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి శాపములకు ప్రతి రోగములకు / విడుదలనిచ్చుఁను – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము||
నిత్య జీవపు రాజ్యములో / సత్య దేవుని సన్నిధిలో (2) / నిత్యం యేసుని స్నేహముతో / నిత్యమానందమానందమే (2) / వ్యాధి భాధలు లేవచ్చట / ఆకల్దప్పులు లేవచ్చట (2) / మన దీపము క్రీస్తేలే / ఇక జీవితం వెలుగేలే (2) ||నిత్య|| / కడు తెల్లని వస్త్రముతో / పరి తేజో వాసులతో (2) / రాజ్యమునేలుదుములే / యాజకులము మనమేలే (2) ||నిత్య|| / ప్రతి భాష్పబిందువును / ప్రభు యేసే తుడుచునులే (2) / ఇక దుఖము లేదులే / మన బ్రతుకే నూతనమే (2) ||నిత్య|| / పరిశుద్ధ జనములతో / పరిశుద్ధ దూతలతో (2) / హల్లెలూయా గానాలతో / వెంబడింతుము యేసునితో (2) ||నిత్య||
దేవా నీ తలంపులు అమూల్యమైనవి నా యెడ / నా యెడల నీ కరుణ / సర్వ సదా నిలుచుచున్నది (2) ||దేవా|| / స్తుతులర్పింతు ప్రభు నీకు నేడే / స్తుతి పాడేను హృదయముతో (2) / స్తుతించి వర్ణించి ఘనపరతున్ (2) / నీవే నా రక్షకుడవని ||దేవా|| / మొదట నిన్ను ఎరుగనైతిని / మొదటే నన్ను ఎరిగితివి (2) / వెదుకలేదు ప్రభువా నేను (2) / వెదకితివి ఈ పాపిని ||దేవా|| / అద్భుతమైనది సిలువ దృశ్యం / ప్రభును కొట్టి ఉమ్మి వేసిరి (2) / ప్రభును వర్ణింప నశక్యము (2) / ప్రభువే సహించె దుఃఖము ||దేవా|| / ఎట్లు మౌనముగా నుండు ప్రభు / చెల్లింపక స్తోత్ర గీతము (2) / కాలమంతా పాడుచుండెద (2) / నీ ప్రేమ అపారమైనది ||దేవా||