167 prayer songs available. Lyrics in Roman and Telugu script.
ఎక్కడో మనసు వెళ్ళిపోయింది / ఏమిటో ఇటు రానే రానంది / ఆహాహా.. ఓహోహో… / నిజ ప్రేమ చెంతకు తను చేరానంటుంది / ఈ భువిలోన ఎక్కడైనను కానరాదంది (2) / అక్కడే చిక్కుకుపోయానంటుంది / బయటకు రానే రాలేనంటూ మారాము చేస్తుంది (2) ||ఎక్కడో|| / జీవితాంతము పాద చెంతనే ఉంటానంటుంది / తన ప్రియుని వదలి క్షణమైనా రాలేనన్నది (2) / దేనికీ ఇక చోటే లేదంది / యేసు రాజుని గుండె నిండ నింపుకున్నానంటుంది (2) ||ఎక్కడో|| / ఏకాంతముగా యేసయ్యతో ఉన్నానంటుంది / ఎవరైనా సరే మధ్యలో అసలెందుకు అంటుంది (2) / అక్కడే కరిగిపోతానంటుంది / ప్రేమ ప్రవాహములో మునిగి పోయానంటుంది (2) ||ఎక్కడో||
ఎటు చూచినా యుద్ధ సమాచారాలు / ఎటు చూచినా కరువూ భూకంపాలు / ఎటు చూచినా దోపిడీ దౌర్జన్యాలు / ఎటు చూచినా ఎన్నో అత్యాచారాలు / ఓ సోదరా ఓ సోదరీ (2) / రాకడ గురుతులని తెలుసుకోవా / తినుటకు త్రాగుటకు ఇది సమయమా ||ఎటు|| / మందసము నీ ప్రజలు – గుడారములో నివసిస్తుండగ / యోవాబుని సేవకులు దండులో నుండగను (2) / తినుటకు త్రాగుటకు భార్యతో నుండుటకు (2) / ఇది సమయమా.. ఇది సమయమా.. అని / ఆనాడు ఊరియా దావీదునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / నా పితరుల యొక్క – సమాధులుండు పట్టణము / పాడైపోయెను పాడైపోయెను (2) / యెరూషలేము గుమ్మములు అగ్ని చేత కాల్చబడగా (2) / సంతోషముగ నుండుటకు ఇది సమయమా.. అని / ఆనాడు నెహెమ్యా పర రాజునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / ఈనాడు దేశంలో ఎన్నో ఎన్నో దౌర్జన్యాలు / సజీవ దహనాలు స్త్రీల మానభంగాలు (2) / ఎన్నో గుడులు నేల మట్టం చేయబడుచుండగా (2) / తినుటకు త్రాగుటకు ఇది సమయమా అని / నీ సృష్టికర్తగు యేసు నిన్ను అడుగుచున్నాడు / ఈనాడు దేశం కొరకు ప్రార్ధించమన్నాడు ||ఎటు||
నీతో నుండని బ్రతుకు – నిను చూడని క్షణము / ఊహించలేను నా యేసయ్యా / నిను చూడని క్షణము – నీతో నుండని బ్రతుకు / ఊహించలేను నా యేసయ్యా (2) / నీదు స్వరము వినకనే నేను / నిను విడచి తిరిగితి నేను / నాదు బ్రతుకులో సమస్తము కోలిపొయితి (2) ||నిను|| / నీ దివ్య ప్రేమను విడచి – నీ ఆత్మ తోడు త్రోసివేసి / అంధకార త్రోవలో నడచి – నీ గాయమే రేపితిని (2) / అయినా అదే ప్రేమ – నను చేర్చుకున్నప్రేమ / నను వీడని కరుణ – మరువలేనయ్యా యేసయ్యా ||నీతో|| / నను హత్తుకున్న ప్రేమ – నను చేర్చుకున్న ప్రేమ / నీ వెలుగులోనే నిత్యం – నే నడిచెదన్ (2) / నను విడువకు ప్రియుడా – నాకు తోడుగా నడువు / నీతోనే నా బ్రతుకు – సాగింతును యేసయ్యా ||నిను||
సరిచేయుమో దేవా / నన్ను బలపరచుమో ప్రభువా (2) / నీ ఆత్మతో నను అభిషేకించి / సరి చేయుమో దేవా (2) ||సరి|| / దూరమైతి నీ సన్నిధి విడచి / పారిపోతి నీ గాయము రేపి / లోకమునే స్నేహించితి నేను / పాపము మదిలో నింపుకున్న / అది తప్పని తెలిసి తిరిగి వచ్చి / నీ సన్నిధిలో నే మోకరించి / బ్రతిమాలుచున్నాను / నన్ను సరి చేయుమో దేవా (2) ||సరి|| / నింపుము నీ వాక్యము మదిలో / పెంచుము నను నీ పాలనలో / శోధనను గెలిచే ప్రతి మార్గం / ఇవ్వుము నాకు ప్రతి క్షణము / నీ సన్నిధిలో ఒక దినమైనను / వేయి దినములకంటే బహుశ్రేష్టము.. అని / తెలుసుకున్నాను / నన్ను సరి చేయుమో దేవా (2) ||సరి||
ఇకనైన కానీ ఇప్పుడైన కానీ / దర్శించగా రావా / అభిషేకం లేక దర్శనము రాక / నశియించుచున్నానయ్యా (2) / కావలివాడు ఉదయం కోసం / మెలుకువ కలిగి చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4) / ఎండిన నేల వర్షం కోసం / నేలను విరచి చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4) / దుప్పి నీటి వాగుల కొరకు / ఇలలో ఎదురు చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4)
జీవ నాథ ముక్తి దాత / శాంతి దాత పరమాత్మ / పావనాత్మ పరుగిడి రావా / నా హృదిలో నివసింప రావా / నీ రాక కోసం వేచియున్నాను / వెలిగించు నాలో నీ దివ్య జ్యోతి – (2) / ముక్తి ప్రసాదించుము / భక్తిని నేర్పించుము / నీ ఆనందముతో నను నింపుము – (2) / వేంచేయు మా ఆత్మ దేవా / వెలిగించు నాలో నీ దివ్య జ్యోతి – (2) ||జీవ నాథ|| / నీ శాంతి నింపంగ రావా / నీ శక్తి నింపంగ రావా (2) / నీ పరమ వారములతో నింపేవా (2) / వేంచేయు మా ఆత్మ దేవా / వెలిగించు నాలో నీ దివ్య జ్యోతి – (2) ||జీవ నాథ||
దినదినంబు యేసుకు దగ్గరగా చేరుతా / అణుక్షణంబు యేసునే నా మదిలో కోరుతా (2) / ఎల్లప్పుడూ యేసు వైపు కన్నులెత్తి పాడుతా (2) / పరమ తండ్రి నీదు మాట బలము తోడ చాటుతా (2) ||దినదినంబు|| / మారిపోయే లోకమందు మనుజులెంతో మారినా (2) / మారునా ప్రభు యేసు ప్రేమ ఆశ తోడ చేరనా (2) ||దినదినంబు|| / ఎన్నడూ ఎడబాయడు నన్ను విడువడు ఏ మాత్రము (2) / ప్రభువే నాకు అభయము భయపడను నేనే మాత్రము (2) ||దినదినంబు|| / దైవ వాక్యం జీవ వాక్యం అనుదినంబు చదువుతా (2) / ప్రభువు మాట నాదు బాట విభునితో మాట్లాడుతా (2) ||దినదినంబు|| / పరిశుద్ధముగా అనుకూలముగా జీవయాగమై నిలచెదా (2) / సిలువ మోసి సేవ చేయ యేసుతోనే కదులుతా (2) ||దినదినంబు||
ప్రియ సంఘస్థులారా / ప్రార్థనలోన సరిగ కూర్చోండి / మీరు చక్కగా కూర్చోండి (2) ||ప్రియ|| / ప్రార్థనలోన మాట్లాడువారిని / ప్రభువు ఇష్టపడరండీ (2) / చప్పట్లు మీరు కొట్టండి / దేవుని మీరు స్తుతించండి ||ప్రియ|| / తలపై ముసుగు వేయకపోతే / ప్రభువు ఇష్టపడరండీ (2) / తలపై ముసుగు కష్టమైతే / ప్రభువుకు ఇష్టులు కారండి ||ప్రియ|| / ఎగాదిగా చూపులు మానకపోతే / ప్రభువు ఇష్టపడరండీ (2) / క్రీస్తు చూపు కలిగి మీరు / భక్తిగా జీవించండి ||ప్రియ||
నా తండ్రి నన్ను మన్నించు / నీకన్నా ప్రేమించే వారెవరు (2) / లోకం నాదే అని నిన్ను విడిచాను / ఘోర పాపిని నేను యోగ్యతే లేదు / ఓ మోసపోయి తిరిగి వచ్చాను / నీ ప్రేమనే కోరి తిరిగి వచ్చాను / నీదు బిడ్డగా పెరిగి – నీ ప్రేమనే చూడలేకపోయాను / నే చూచినా ఈ లోకం – నన్నెంతో మురిపించింది (2) / నీ బంధం తెంచుకొని – దూరానికే పరిగెత్తాను / నే నమ్మిన ఈ లోకం – శోకమునే చూపించింది ||లోకం|| / నీ కన్నులు నా కొరకు – ఎంతగ ఎదురు చూచినవో / నిన్ను మించిన ఈ ప్రేమ – ఎక్కడ కనరాలేదు (2) / నే చనిపోయి బ్రతికానని – తిరిగి నీకు దొరికానని / గుండెలకు హత్తుకొంటివే – నీ ప్రేమా ఎంతో చూపితివే ||నా తండ్రి||
చిరు దివ్వెల వెలుగులతో / నీ దివ్య కాంతులతో / నను బ్రోవ రావయ్యా / కంటి పాపలా.. నను కాన రావయ్యా (2) / యేసయ్యా.. యేసయ్యా.. (2) / నను బ్రోవ రావయ్యా / నను కాన రావయ్యా (2) / ఆ లోయలో… క్రమ్మిన చీకటిలో / ఈ ఇలలో… నిరాశల వెల్లువలో (2) / దహించివేస్తున్న అవమానము / కరువైపోయిన సమాధానము (2) / పగిలిన హృదయము / కన్నీటి ధారల సంద్రము (2) / ఎగసి పడుతున్న కెరటము / కానరాని గమ్యము (2) ||చిరు|| / ఏకమైన ఈ లోకము / వేధిస్తున్న విరోధము / దూరమవుతున్న బంధము / తాళలేను ఈ నరకము (2) / ఈదలేని ప్రవాహము / చేరువైన అగాధము (4) ||చిరు||
మందిరములోనికి రారండి / వందనీయుడేసుని చేరండి (2) / కలవరమైనా కలతలు ఉన్నా (2) / తొలగిపోవును ఆలయాన చేరను / కలుగు సుఖములు ఆ ప్రభుని వేడను ||మందిరము|| / దేవుని తేజస్సు నిలిచే స్థలమిది / క్షేమము కలిగించు ఆశ్రయ పురమిది (2) / వెంటాడే భయములైనా / వీడని అపజయములైనా (2) ||తొలగిపోవును|| / సత్యము భోదించు దేవుని బడి ఇది / ప్రేమను చాటించు మమతల గుడి ఇది (2) / శ్రమల వలన చింతలైనా / శత్రువుతో చిక్కులైనా (2) ||తొలగిపోవును|| / శాంతి ప్రసాదించు దీవెన గృహమిది / స్వస్థత కలిగించు అమృత జలనిధి (2) / కుదుటపడని రోగమైనా / ఎదను తొలిచే వేదనైనా (2) ||తొలగిపోవును||
యేసు దేవా నను కొనిపోవా / నీ రాజ్యముకై వేచియున్నా (2) / శాంతి లేని లోకాన – నీ ప్రేమ కరువయ్యింది / శాంతి లేని లోకాన – నీ ప్రేమ కనుమరుగయ్యింది / నీ రాక కోసమే నే ఎదురు చూస్తున్నాను / అంత వరకు నీదు శక్తినిమ్మయా / నీ రాక కోసమే నే ఎదురు చూస్తున్నాను / అంత వరకు నన్ను నీదు సాక్షిగా నిల్పుము ||యేసు|| / ఎటు చూసినా అక్రమమే కనబడుతుంది / ఎటు తిరిగినా అన్యాయం ప్రబలి ఉంది (2) / నీ ప్రేమతో నను కాచి కాపాడు దేవా / నీ రాక వరకు నను నిలబెట్టుము దేవా (2) ||యేసు|| / నీ రాజ్యముకై ఈ లోకములో నీ కాడిని మోసెదను / నీవు ప్రేమించిన నీ బిడ్డలను నీ మందలో చేర్చెదను (2) / నీ ఆత్మ తోడుతో నను బ్రతికించుము / నీ ఆత్మ శక్తితో నను బలపరచుము / నీ మహిమ రాజ్యమందు నీతో కూడా వసియించుటకు / కడ వరకు ఈ భువిలో నమ్మకంగా బ్రతికెదను ||యేసు||