799 praise songs available. Lyrics in Roman and Telugu script.
ఆకాశం నీ సింహాసనం / భూమి నీ పాదపీఠం (2) / సర్వోన్నతుడా సర్వాధికారి / అందుకో ఇల నా హృదయ వందనం / అల్ఫయు నీవే ఒమేగయు నీవే – (2) / మార్గము నీవే – జీవము నీవే ||ఆకాశం|| / పరలోక తెరపైట తొలగించగా / స్తుతి గీత పాటలు వినిపించగా (2) / పరిశుద్ద ఆత్ముడు నను తాకగా / రగిలింది నా మనస్సు ఒక జ్వాలగా ||ఆకాశం|| / నీ స్వరము ఉరుమై వినిపించగా / అదిరింది నా గుండె ఒకసారిగా (2) / నీ కిరణాలు మెరుపై నను తాకగా / వెలిగింది నా మనస్సు ఒక జ్యోతిగా ||ఆకాశం|| / భువిలోని సృష్ఠంత నీ మాటగా / దివిలోని ఊపిరి నీ శ్వాసగా (2) / పరలోక రాజ్యానికి నువ్వు దారిగా / వెలిసావు ధరపైన నా యేసుగా ||ఆకాశం||
మధురం మధురం నా ప్రియ యేసు / నీ ప్రేమలో నను నే మరచితినయ్యా (2) / వాడిన పువ్వులు వికసింప చేసి / పరిమళమిచ్చెడి యేసుని ప్రేమ (2) / చెదరిన మనసును చెలిమితో చేర్చి / సేదదీర్చిన యేసుని ప్రేమ (2) ||మధురం|| / స స ని ప మ మ / రి రి గ రి రి గ ని ని స (2) ||మధురం|| / ప ప ని స స ని స రి స స స ని స ని ప ప ని స / స స స గ రి రి రి గ స స స రి ని ని ని స ని స ని ప ప ని స (2) / ని స ని ప ప ని స / మధురం… మధురం… / అతిమధురం నీ నామం – (2) / కలువరి గిరికరుదెంచితి ప్రభుతో కలుషమెల్ల బాపే / కమణీయమైన కలువరి ప్రేమకు సాక్షిగ నను నిలిపె / ఎటుల నే… మరతును… / ప్రభుని ప్రేమ ఇలలో (2) ||మధురం||
నీ ఆనంద తైలముతో నన్ను అభిషేకించుమయ్యా (2) / తడిసెదను.. నీ జీవనదిలో (2) / తడిసి తడిసి ఆనందించెదా (2) ||నీ ఆనంద|| / వీడిపోయెను నా పాప సంకెళ్లు / నన్ను తొలగిపోయెను నా శాపపు కట్లు (2) / దైవమా.. నీవే ఇచ్చావు రక్షణ (2) / నే మరువగలనా నీ మంచి ప్రేమ (2) ||నీ ఆనంద|| / నీ ఆత్మ నాకు తోడుండగా / కానెన్నడు కాను ఒంటరిని (2) / ప్రేమా ప్రవాహం ఉంచావే నాలోన (2) / నే మరువగలనా నా హృదయములో (2) ||నీ ఆనంద|| / నే దాటిపోదును దేశ సరిహద్దులు / ప్రకాశించెద చీకటి లోకంలో (2) / జీవితం అంకితం చేస్తున్నా యేసయ్యా (2) / నన్ను వాడుకొనుమా నీ దివ్య సేవలో (2) ||నీ ఆనంద||
సర్వోన్నతుడా / నీవే నాకు ఆశ్రయదుర్గము (2) / ఎవ్వరు లేరు – నాకు ఇలలో (2) / ఆదరణ నీవేగా -ఆనందం నీవేగా (2) / నీ దినములన్నిట ఎవ్వరు నీ ఎదుట / నిలువలేరని యెహోషువాతో (2) / వాగ్దానము చేసినావు / వాగ్దాన భూమిలో చేర్చినావు (2) ॥సర్వోన్నతుడా॥ / నిందలపాలై నిత్య నిబంధన / నీతో చేసిన దానియేలుకు (2) / సింహాసనమిచ్చినావు / సింహాల నోళ్లను మూసినావు (2) ॥సర్వోన్నతుడా॥ / నీతి కిరీటం దర్శనముగా / దర్శించిన పరిశుద్ధ పౌలుకు (2) / విశ్వాసము కాచినావు / జయజీవితము ఇచ్చినావు (2) ॥సర్వోన్నతుడా॥
నా మార్గమందు నా కంటె ముందు / నడిచావయ్యా నా యేసయ్యా / పరలోకమందు నేనుండాలని / ఒక స్థలమును సిద్ధపరిచావయ్యా (2) / నిందలు అవమానములెన్నో సహియించి – సహియించి / సిలువలో నా శాపములన్ని భరియించి – భరియించి / అడ్డుగా ఉన్న పాపములన్ని క్షమియించి – క్షమియించి / మెట్టగా ఉన్న స్థలములను సరాళము చేసి… / (నా యేసయ్యా) కృప చేత రక్షించినావు / నన్ను… నీ సాక్షిగా నిలిపినావు (2) / నీ ప్రేమను – ప్రకటించుటకు / నీ చిత్తము – నెరవేర్చుటకు / నీ సేవలో – కొనసాగుటకు / నీ మహిమలో – నేనుండుటకు / (నా యేసయ్యా) కృప చేత రక్షించినావు / నన్ను… నీ సాక్షిగా నిలిపినావు (2) / నా యేసయ్యా – నీ సాక్షిగా నిలిపినావు – (2)
స్తుతి పాడుటకే బ్రతికించిన – జీవనదాతవు నీవేనయ్యా / ఇన్నాళ్లుగా నను పోషించిన – తల్లివలె నను ఓదార్చిన / నీ ప్రేమ నాపై ఎన్నడు మారదు యేసయ్యా (2) / జీవితకాలమంతా ఆధారం నీవేనయ్యా / నా జీవితకాలమంతా ఆరాధించి ఘనపరతును ||స్తుతి పాడుటకే|| / ప్రాణభయమును తొలగించినావు – ప్రాకారములను స్థాపించినావు / సర్వజనులలో నీ మహిమ వివరింప దీర్ఘాయువుతో నను నింపినావు (2) / నీ కృపా బాహుళ్యమే వీడని అనుబంధమై / తలచిన ప్రతిక్షణమున నూతన బలమిచ్చెను ||స్తుతి పాడుటకే|| / నాపై ఉదయించె నీ మహిమ కిరణాలు – కనుమరుగాయెను నా దుఖ:దినములు / కృపలనుపొంది నీ కాడి మోయుటకు లోకములోనుండి ఏర్పరచినావు (2) / నీ దివ్య సంకల్పమే- అవనిలో శుభప్రదమై / నీ నిత్య రాజ్యమునకై నిరీక్షణ కలిగించెను ||స్తుతి పాడుటకే|| / హేతువులేకయే ప్రేమించినావు – వేడుకగా ఇల నను మార్చినావు / కలవరమొందిన వేళలయందు నా చేయి విడువక నడిపించినావు (2) / నీ ప్రేమ మాధుర్యమే నా నోట స్తుతిగానమై / నిలిచిన ప్రతి స్థలమున పారెను సెలయేరులై ||స్తుతి పాడుటకే||
నీ పిలుపు వలన నేను నశించిపోలేదు / నీ ప్రేమ ఎన్నడు నన్ను విడువలేదు / నీ కృప కాచుట వలన జీవిస్తున్నాను / నీ ప్రేమకు సాటి లేదు (2) / నశించుటకు ఎందరో వేచియున్నను / నశింపని నీ పిలుపు నన్ను కాపాడెను / ద్రోహము నిందల మధ్యలో నే నడచినను / నీ నిర్మల హస్తము నన్ను భరియించెను / యజమానుడా నా యజమానుడా… / నన్ను పిలచిన యజమానుడా / యజమానుడా నా యజమానుడా… / నన్ను నడిపించే యజమానుడా / మనుషులు మూసిన తలుపులు కొన్నైనను / నాకై నీవు తెరచినవి అనేకములు / మనోవేదనతో నిన్ను విడిచి పరుగెత్తినను / నన్ను వెంటాడి నీ సేవను చేసితివి / నా ఆధారమా నా దైవమా / పిలిచిన ఈ పిలుపునకు కారణమా (2) / పిలిచిన నీవు నిజమైన వాడవు / నన్ను హెచ్చించే ఆలోచన గలవాడవు / ఏదేమైనను కొనసాగించితివి / నీపై ఆధారపడుటకు అర్హుడవు / నిన్ను నమ్మెదను వెంబడింతును / చిరకాలము నిన్నే సేవింతును (2) ||నీ పిలుపు||
ఇంతవరకు కాపాడినావు వందనాలయ్యా / ఎన్నో మేళ్లతో నింపినందుకు వందనాలయ్యా (2) / అమ్మ వలె చూచినందుకు వందనాలయ్యా (2) / (మా) నాన్న వలె కాచినందుకు వందనాలయ్యా (2) / వందనాలే… ఆ ఆ.. ఆ… / వందనాలే… రాజా… / వందనాలయ్యా వందనాలయ్యా / వందనాలయ్యా వందనాలయ్యా / వ్యాధి వేదనలో స్వస్థతనిచ్చావు వందనాలయ్యా / అప్పు చెరలో విడుదలనిచ్చావు వందనాలయ్యా (2) / మా పరమ వైద్యుడై నిలిచినందుకు వందనాలయ్యా (2) / (నీ) రక్తము కార్చి విడుదలనిచ్చావు వందనాలయ్యా (2) ||వందనాలే|| / నిన్న నేడు మారని వాడవు వందనాలయ్యా / మాపై చూపిన ప్రేమకై వందనాలయ్యా (2) / మేఘ స్తంభమై నిలిచినావు నీకు వందనాలయ్యా (2) / అగ్ని స్తంభమై కాపాడినావు వందనాలయ్యా (2) ||వందనాలే|| / వెక్కి వెక్కి నేను ఏడ్చిన వేళ వందనాలయ్యా / చంకన ఎత్తి ఓదార్చినావు వందనాలయ్యా (2) / కష్ట కాలంలో కాపాడినావు వందనాలయ్యా (2) / (నీ) ధైర్యమిచ్చి నడిపించావు వందనాలయ్యా (2) ||వందనాలే||
నన్ను పిలిచిన దేవా – నన్ను ముట్టిన ప్రభువా / నీవు లేనిదే నేను లేనయ్యా (2) / నే జీవించునది నీ కృప – ఎదుగించునది నీ కృప / హెచ్చుంచునది నీ కృప మాత్రమే (2) / నీ కృపయే కావలెను – నీ కృపయే చాలును / నీ కృప లేకుంటేనే నేనేమీ లేనయ్యా (2) యేసయ్యా… / ఒంటరిగా ఏడిచినప్పుడు ఓదార్చువారు లేరు / తొట్రిల్లి నడిచినప్పుడు ఆదుకొన్నవారు లేరు (2) / బిగ్గరిగా ఏడిచినప్పుడు కన్నీరు తుడిచే కృప (2) / నీ కృప లేకుంటేనే నేను లేను / నీ కృప లేకుంటేనే నేనేమి లేను ||నీ కృపయే|| / నేనని చెప్పుటకు నాకేమి లేదు / సామర్ధ్యము అనుటకు నాకని ఏమి లేదు (2) / అర్హత లేని నన్ను హెచ్చించినది నీ కృప (2) / నీ కృప లేకుంటేనే నేను లేను / నీ కృప లేకుంటేనే నేనేమి లేను ||నీ కృపయే||
నా దేవుడే నాకు ప్రాణ స్నేహితుడు / నా దేవుడే నాకు మార్గ దర్శకుడు / నా దేవుడే నాకు నిత్య పోషకుడు / నా దేవుడే నాకు జీవన దాయకుడు / గతి లేని నన్ను వెదకిన – అతి కాంక్షనీయుడాయనే / మితి లేని ప్రేమ చూపిన – రవికోటి తేజుడాయనే ||నా దేవుడే|| / శ్రమలలో నా తోడుగా నన్ను నడిపించెను / నా నీడగా వెన్నంటియున్న నా ప్రాణనాథుడు / మరణపు సంకెళ్ళ నుండి నన్ను విడిపించెను / నా బంధకాలన్ని తెంచి వేసిన నా నీతిసూర్యుడు / క్షణమైన మరువని వీడని నా క్షేమా శిఖరము / క్షమియించి నాకు అందించెను ఈ రక్షణానందము / క్షయమైన బ్రతుకు మార్చి అక్షయతనొసగెను ||గతి లేని|| / వాక్యమే నా జీవమై నన్ను బ్రతికించెను / నా పాదములకు చిరు దీపమైన నా దివ్య తేజము / ఆత్మయే పరిపూర్ణమై నన్ను బలపరచెను / నా అడుగు జాడలను స్థిరము చేసిన నా జీవ మార్గము / నా గమ్యమేమిటో తెలియక నా పరుగు ఆగిపోగా / నా చేయి పట్టి నను నడిపిన నా మార్గదర్శి యేసే / విలువైన ప్రేమ నాపై నిలువెల్ల కురిసెను ||గతి లేని||
పరవశించెద నీ వాక్యములో / పరవశించి నే పాడెద నీ సన్నిధిలో (2) / నీ వాక్యమే నన్ను బ్రతికించినది / నీ వాక్యమే నన్ను నడిపించినది (2) / ఆరాధన స్తుతి ఆరాధన / నా ప్రాణమైన దేవా నీకారాధన (2) / నీ పాద సన్నిధిలో నేనున్నపుడు / వాక్యమనే పాలతో నను పోషించితివి (2) / నీ వాక్యమే నాకు సత్యము జీవము / నీ వాక్యమే నా పాదములకు దీపము (2) ||ఆరాధన|| / ఈ లోక బంధాలు కృంగదీసినపుడు / వాక్యమనే నీ మాటతో నన్నాదరించితివి (2) / నీ వాక్యమే నను బలపరచినది / నీ వాక్యమే నీలో స్థిరపరచినది (2) ||ఆరాధన||
సాటి ఎవ్వరూ లేరు ఇలలో / సమానులెవ్వరూ ఇహ పరములో (2) / యోగ్యత లేని నాపై దేవా / మితిలేని కృప చూపి / నిరాశే మిగిలిన ఈ జీవితంలో / నిరీక్షణనిచ్చావు ||సాటి ఎవ్వరూ|| / దేవా నా కరములనెత్తి / దేవా నిన్నే కీర్తించి / దేవా నిన్నారాధింతును (4) / పాప బానిస బ్రతుకు / ఆకర్షణ నిండిన లోకం / సర్వమనే భ్రమలోనే బ్రతికానే / నీ వాక్యముతో సంధించి / నా ఆత్మ నేత్రములు తెరచి / ప్రేమతో నన్నాకర్షించావే (2) / దేవా నా కరములనెత్తి / దేవా నిన్నే కీర్తించి / దేవా నిన్నారాధింతును (2) / మలినమైన మనసు / గమ్యంలేని పయనం / హృదయమే చీకటిమయమయ్యిందే / నీ రక్తముతో నను కడిగి / నాకు విడుదలను దయచేసి / వెలుగుతో నాకు మార్గం చూపావే (2) / దేవా నా కరములనెత్తి / దేవా నిన్నే కీర్తించి / దేవా నిన్నారాధింతును (2) ||సాటి ఎవ్వరూ||