131 love songs available. Lyrics in Roman and Telugu script.
కమ్మని బహుకమ్మని – చల్లని అతి చల్లని / తెల్లని తేట తెల్లని – యేసు నీ ప్రేమామృతం (2) / జుంటె తేనె కన్న మధురం – సర్వ జనులకు సుకృతం (2) / యేసు నీ ప్రేమామృతం (2) ||కమ్మని|| / ఆశ చూపెను ఈ లోకం – మలినమాయెను నా జీవితం / యేసూ నీదు ప్రేమ – దయ చూపెను ఈ దీనురాలి పైన (2) / వెలిగెను నాలో నీ ఆత్మ దీపము (2) / కడిగిన ముత్యముగా అయ్యాను నేను (2) ||కమ్మని|| / నా కురులతో పరిమళమ్ములతో – చేసెద నీదు పాద సేవ / నా గుండె గుడిలో కొలువైయున్న – నీకు చేసెద నేను మధుర సేవ (2) / ఆరాధింతును నిన్ను అనుదినము (2) / జీవింతును నీకై అనుక్షణము (2) ||కమ్మని||
హృదయమనెడు తలుపు నొద్ద – యేసు నాథుండు / నిలచి – సదయుడగుచు దట్టుచుండు – సకల విధములను (2) ||హృదయ|| / పరుని బోలి నిలుచున్నాడు – పరికించి చూడ / నతడు – పరుడు గాడు రక్షకుండు – ప్రాణ స్నేహితుడు (2) ||హృదయ|| / కరుణా శీలుండతడు గాన – గాచి యున్నాడు / యేసు – కరుణ నెరిగి గారవింప – గరము న్యాయంబు (2) ||హృదయ|| / ఎంత సేపు నిలువ బెట్టి – యేడ్పింతు రతని / నాత – డెంతో దయచే బిలుచుచున్నా – డిప్పుడు మిమ్ములను (2) ||హృదయ|| / అతడు మిత్రుడతడు మిత్రుం – డఖిల పాపులకు / మీర – లతని పిలుపు వింటి రేని – యతడు ప్రియుడగును (2) ||హృదయ|| / జాలి చేత దన హస్తముల – జాపి యున్నాడు / మిమ్ము – నాలింగనము సేయ గోరి – యనిశము కనిపెట్టు (2) ||హృదయ|| / సాటిలేని దయగల వాడు – సర్వేశు సుతుడు / తన – మాట వినెడు వారల నెల్ల – సూటిగ రక్షించు (2) ||హృదయ|| / చేర్చుకొనుడి మీ హృదయమున – శ్రీ యేసునాథు / నతడు – చేర్చుకొనుచు మీ కిచ్చును – చీర జీవము కృపను (2) ||హృదయ|| / అతడు తప్పక కలుగజేయు – నఖిల భాగ్యములు / మీర – లతని హత్తుకొందు రప్పు – డానందము తోడ (2) ||హృదయ|| / బ్రతుకు శాశ్వతంబు కాదు – పరికించు చూడు / గాన – బ్రతికి యుండు కాలముననే – ప్రభుని గొలువండి (2) ||హృదయ||
యేసయ్యా నీ ప్రేమ – నా ధ్యానం / యేసయ్యా నీ మాట – నా దీపం / పసి ప్రాయముల నీదు ఒడిలో / నివసించెదను చిరకాలములు ||యేసయ్యా|| / గాలి వానలో వెలిగే దీపం ఆరదా? / ప్రయాణ చీకటిలో నీదు దీపం ఆరదు / నీ మాటలే నా జీవం / నీ వెలుగే నా ప్రాణం / నీ గానమే నా పాణం / నీ రూపమే నా దీపం ||యేసయ్యా|| / విశేష ఆరాధన గీతం నీకే నా ప్రభు / అపురూప భావాలతో రాగం నీకే అంకితం / నీ పరలోకం చూడాలని / నీ దర్శనం నే పొందాలని / నీ స్వరమే నే వినాలని / ఆశించెద ప్రతి క్షణము ||యేసయ్యా||
సమీపించరాని తేజస్సులో నీవు / వసియించు వాడవైనా / మా సమీపమునకు దిగి వచ్చినావు / నీ ప్రేమ వర్ణింప తరమా (2) / యేసయ్యా నీ ప్రేమెంత బలమైనది / యేసయ్యా నీ కృప ఎంత విలువైనది (2) ||సమీపించరాని|| / ధరయందు నేనుండ చెరయందు పడియుండ / కరమందు దాచితివే / నన్నే పరమున చేర్చితివే (2) / ఖలునకు కరుణను నొసగితివి (2) ||యేసయ్యా|| / మితి లేని నీ ప్రేమ గతి లేని నను చూచి / నా స్థితి మార్చినది / నన్నే శ్రుతిగా చేసినది (2) / తులువకు విలువను ఇచ్చినది (2) ||యేసయ్యా||
నువ్వు లేని నన్ను ఊహించలేను / నీ ఉన్నత ప్రేమను వివరించలేను (2) / అడగాలని నేను అనుకోకముందే / నా అవసరతలు ఎరిగి అక్కరలు తీర్చావు (2) / నా అవసరతలు ఎరిగి అక్కరలు తీర్చావు / యేసయ్యా… నీవే నా ఆరాధ్య దైవమా / యేసయ్యా… నీవే నా ఆధార దీపమా (2) ||నువ్వు లేని|| / పదివేలలో అతి సుందరుడా / కురూపినైన నాకు నీ స్వారూప్యమునిచ్చావు / ఎందుకు పనికిరాని వాడనై యుండగా / నీ కుమారునిగా నను స్వీకరించావు (2) ||అడగాలని|| / ఏ పాపమును ఎరుగని పరిశుద్ధుడా / ఘోరపాపినైన నాకు పరిశుద్ధత నొసగావు / ఈ లోకము వీడి నిన్ను చేరేంత వరకు / పరిశుద్ధాత్మను నాకు తోడుగా ఉంచావు (2) ||అడగాలని||
యేసుని ప్రేమ యేసు వార్త / వాసిగ చాటను వెళ్ళెదము / ఆశతో యేసు సజీవ సాక్షులై / దిశలన్నిటను వ్యాపించెదము / వినుము ప్రభుని స్వరము (2) / ప్రభు యేసు సన్నిధి తోడు రాగా / కడుదూర తీరాలు చేరెదము ||యేసుని|| / మరణ ఛాయ లోయలలో / నాశన కూపపు లోతులలో (2) / చితికెను బ్రతుకులెన్నో (2) / ప్రేమ తోడను చేరి వారిని / ప్రభు యేసు కొరకై గెలిచెదము ||యేసుని|| / కాపరి లేని గొర్రెలుగా / వేసారెనుగ సమూహములే (2) / ప్రజలను చూచెదమా (2) / ప్రేమ తోడను చేరి వారిని / ప్రభు యేసు కొరకై గెలిచెదము ||యేసుని||
మేలుకో విశ్వాసి మేలుకో / చూచుకో నీ స్థితిని కాచుకో (2) / మేలుకో విశ్వాసి మేలుకో / ఇది అంత్య కాలం.. భ్రష్టత్వ కాలం (2) / ఇహ లోక మాలిన్యం దూరపరచుకో / మదిలోని మురికినంత కడిగివేసికో ||మేలుకో|| / నిన్ను గూర్చి సేవ గూర్చి జాగ్రత్త / మంద యొక్క సాక్ష్యమెంతో జాగ్రత్త (2) / విశ్వాసం లేని దుష్ట హృదయము / చేదు వేరు నీవేనేమో చూడు జాగ్రత్త ||మేలుకో|| / ప్రేమ లేక పరిశుద్ధత కలుగునా / ధర్మశాస్త్ర సారమే ప్రేమ కదా (2) / ప్రేమ లేక ద్వేషింప బూనితే / క్రీస్తు ప్రేమ సిలువలో వ్యర్ధమే కదా ||మేలుకో||
యేసు మంచి దేవుడు – ప్రేమగల దేవుడు / యేసు గొప్ప దేవుడు – పరలోకమిచ్చు నాథుడు (2) / ఎంత పాపినైననూ చెంత జేర్చుకోనును / చింతలన్ని బాపి శాంతినిచ్చును (2) ||యేసు మంచి|| / శాశ్వతమైన ప్రేమతో / నిన్ను నన్ను ప్రేమించాడు (2) / సిలువలో ప్రాణమును బలిగా ఇచ్చాడు / తన రక్తముతో నిన్ను నన్ను కొన్నాడు (2) ||యేసు మంచి|| / శాంతి సమాధానం మనకిచ్చాడు / సమతా మమత నేర్పించాడు (2) / మార్గము సత్యము జీవమైనాడు / మానవాళికే ప్రాణమైనాడు (2) ||యేసు మంచి||
ఒకని తల్లి ఆదరించునట్లు / నను ఆదరించిన నా దేవుడు (2) / హీనుడనైనా బలహీనుడనైనా / కురూపినైనా కఠినుడనైనా (2) ||ఒకని|| / ఒకసారి నేను నీ మందనుండి / నే తప్పిపోయిన వేళ (2) / నను వెదకితివయ్యా కాపాడితివయ్యా (2) / నీ చంకపెట్టితివా యేసయ్యా (2) ||ఒకని|| / నీ సన్నిధినుండి నే దూరమవగా / చిక్కాను దొంగ చేతిలోన (2) / నను దోచిపోగా నను దాటిపోగా (2) / బ్రతికింప వచ్చితివా యేసయ్యా (2) ||ఒకని||
గొర్రెపిల్ల వివాహోత్సవ / సమయము వచ్చెను రండి (2) / సర్వాధికారియు సర్వోన్నతుండైన (2) / మన తండ్రిని ఘనపరచి మనముత్సహించెదము (2) ||గొర్రెపిల్ల|| / సిద్ధపడెను వధువు సుప్రకాశము గల (2) / నిర్మల వస్త్రములతో నలంకరించుకొనెన్ (2) ||గొర్రెపిల్ల|| / పరిశుద్ధుల నీతి క్రియలే యా వస్త్రములు (2) / గొర్రె పిల్ల రక్తములో శుద్ధి నొందిన వారు (2) ||గొర్రెపిల్ల|| / తెల్లని గుర్రముపై కూర్చుండినవాడు (2) / నమ్మకమై యున్నట్టి పెండ్లి కుమారుండు (2) ||గొర్రెపిల్ల|| / దేవుని వాక్యమను నామము గలవాడు (2) / రక్తములో ముంచిన వస్త్రమున్ ధరియించె (2) ||గొర్రెపిల్ల|| / ప్రేమించి సంఘముకై ప్రాణంబు నిదె ప్రభువు (2) / పరిశుద్ధ పరచుట కొరకై తానప్పగించుకొనెన్ (2) ||గొర్రెపిల్ల|| / శ్రీ యేసు క్రీస్తుండే సంఘంబునకు శిరస్సు (2) / వాక్య ఉదకము తోడ శుద్ధి పరచుచుండె (2) ||గొర్రెపిల్ల||
నీ ప్రేమలో నుండి నన్ను ఎడబాపు వారెవరు (2) / శ్రమలైనను శత్రువైనను / నిన్ను నన్ను వేరు చేయలేవు / యేసయ్యా యేసయ్యా నిను మరువలేనయ్యా / యేసయ్యా యేసయ్యా నిను విడువలేనయ్యా (2) / క్షణమైన నువ్వు లేక నే ఉండలేనయ్యా (2) ||నీ ప్రేమలో|| / జీవించుచున్నది నేను కాదు / క్రీస్తే నాలో జీవిస్తున్నాడు (2) / ఏదేమైనా నాకు యేసే కావాలి / ఎవరేమన్నా నాకు యేసే కావాలి (2) ||యేసయ్యా|| / నీ చిత్తం చేయుటకు నాకు ఆనందం / నీ ప్రతి మాటకు లోబడి ఉంటాను (2) / ఏమిచ్చినా నీకు స్తోత్రాలే / ఏమివ్వక పోయినా వందనాలే (2) ||యేసయ్యా|| / ఈ లోకాన్ని నేను పెంటగా ఎంచాను / నీ కోసమే నీ ప్రేమ కోసమే (2) / నా మట్టుకైతే బ్రతుకుట క్రీస్తే / చావైననేమి అది లాభమే (2) ||యేసయ్యా||
నా నీతి నీవే నా ఖ్యాతి నీవే / నా దైవమా యేసయ్యా / నా క్రియలు కాదు నీ కృపయే దేవా / నా ప్రాణమా యేసయ్యా / నదులంత తైలం విస్తార బలులు / నీకిచ్చినా చాలవయ్యా / నీ జీవితాన్నే నాకిచ్చినావు / నీకే నా జీవమయ్యా / హల్లెలూయ ఆమెన్ హల్లెలూయ (4) ||నా నీతి|| / నా దీన స్థితిని గమనించి నీవు / దాసునిగ వచ్చావుగా / నా దోష శిక్ష భరియించి నీవు / నను నీలో దాచావుగా / ఏమంత ప్రేమ నా మీద నీకు / నీ ప్రాణమిచ్చావుగా / నీ రక్తమిచ్చి కొన్నావు నన్ను / యజమానుడవు నీవేగా ||హల్లెలూయ|| / నా ప్రియులే నన్ను వెలివేసినప్పుడు / నీవు చేరదీసావుగా / నా ప్రక్క నిలిచి నను ధైర్యపరచి / కన్నీరు తుడిచావుగా / నేనున్న నీకు భయమేలనంటూ / ఓదార్పునిచ్చావుగా / చాలయ్య దేవ నీ కృపయే నాకు / బ్రతుకంతయు పండుగా ||హల్లెలూయ|| / ఆ ఊభిలోనా నే చిక్కినప్పుడు / నీవు నన్ను చూసావుగా / నీ చేయి చాపి నను పైకి లేపి / నీ వాక్కునిచ్చావుగా / నా సంకటములు నా ఋణపు గిరులు / అన్నిటిని తీర్చావుగా / నీలోన నాకు నవ జీవమిచ్చి / నీ సాక్షిగా నిలిపావుగా ||హల్లెలూయ||