131 love songs available. Lyrics in Roman and Telugu script.
కళ్యాణం కమనీయం / ఈ సమయం అతి మధురం (2) / దేవా రావయ్యా నీ దీవెనలీవయ్యా (2) ||కళ్యాణం|| / ఏదెను వనమున యెహోవ దేవా / మొదటి వివాహము చేసితివే (2) / ఈ శుభ దినమున / నవ దంపతులను (2) / నీ దీవెనలతో నింపుమయ్యా ||దేవా రావయ్యా|| / కానా విందులో ఆక్కరనెరిగి / నీళ్ళను రసముగ మార్చితివే (2) / కష్టములలో నీవే / అండగా నుండి (2) / కొరతలు తీర్చి నడుపుమయ్యా ||దేవా రావయ్యా|| / బుద్ధియు జ్ఞానము సంపదలన్నియు / గుప్తమైయున్నవి నీయందే (2) / ఇహ పర సుఖములు / మెండుగ నొసగి (2) / ఇల వర్ధిల్లగ చేయుమయ్యా ||దేవా రావయ్యా||
నా యేసయ్యా నా రక్షకా / నా నమ్మదగిన దేవా కీర్తింతును (2) / ప్రేమింతును నీ సన్నిధానమును / కీర్తింతును యేసయ్యా (2) / నా విమోచకుడా నా పోషకుడా / నా నమ్మదగిన దేవా కీర్తింతును (2) ||ప్రేమింతును|| / నా స్నేహితుడా నా సహాయకుడా / నా నమ్మదగిన దేవా కీర్తింతును (2) ||ప్రేమింతును||
నా నాథుడా నా యుల్లమిచ్చితి నీకు (2) / అన్నియు నీకై వీడి – నిన్నే వెంబడించితిని (2) / పెన్నుగ నాలో నాటుమా (2) ప్రేమన్ ||నా నాథుడా|| / దేవాలయ విగ్రహముల్ – దేవతలు వేయిలక్షల్ (2) / యావత్తు పెంటయనుచు (2) నిదిగో ||నా నాథుడా|| / ఆదియంత రహితుడ – ఆత్మల నాయకుడా (2) / ఆశ కల్గించు నాలోన (2) నీవే ||నా నాథుడా|| / పరిశుద్ధ యవతరుడా – మరియు తేనె అమృతుడా (2) / కరుణతో నన్ను గావుమా (2) యిప్పుడు ||నా నాథుడా|| / భూతలమునకు వేంచేసి – పాతకుల ప్రేమించితివి (2) / పాతకుడ నేనైతిని (2) మహా ||నా నాథుడా|| / ఆద్యంతము లేనట్టి – బీదలకు ధన నిధీ (2) / సదయుడా నన్ను చూడుమా (2) యిపుడు ||నా నాథుడా|| / హల్లెలూయ గీతమును – ఎల్లెడల చాటించెదను (2) / ఉల్లమందానంద ధ్వని (2) యిదియే ||నా నాథుడా||
అనుదినము ప్రభుని స్తుతియించెదము / అనుక్షణము ప్రభుని అనంత ప్రేమను / అల్లుకుపోయేది ఆర్పజాలనిది / అలుపెరగనిది ప్రభు ప్రేమ (2) ||అనుదినము|| / ప్రతి పాపమును పరిహరించి / శాశ్వత ప్రేమతో క్షమియించునది / నా అడుగులను సుస్థిరపరచి / ఉన్నత స్థలమున నింపునది (2) ||అల్లుకుపోయేది|| / ప్రతి రేపటిలో తోడై నిలిచి / సిలువ నీడలో బ్రతికించినది / స్వర్గ ద్వారము చేరు వరకు / మాకు ఆశ్రయమిచ్చునది (2) ||అల్లుకుపోయేది||
ఇహమందున ఆ పరమందు నాకు / గృహమొసగిన నా దైవమా / మితిలేని ప్రేమతో గతిలేని నాకు / స్థితినొసగిన నా స్నేహమా (2) / యేసయ్యా నీవే నా ఆద్యంతం / యేసయ్యా నీలోనే నా ఆత్మీయం / యేసయ్యా నీకై నా ఆరాటం / యేసయ్యా నీతోనే నా ఆనందం / నీవే నా ఆశీర్వాదం / నీతోనే నా అనుబంధం (2) ||ఇహమందున|| / నేనునూ నా ఇంటి వారును / యెహోవాను సేవించెదం (2) / అని యెహోషువా నిను కొనియాడినంతగా / కీర్తించనా నిను స్తుతియించనా / నీ మేలులను నే చాటించనా (2) / యేసయ్యా నీవే నా సమీపం / యేసయ్యా నీలోనే నే సంపూర్ణం / యేసయ్యా నీకై నా సామర్ధ్యం / యేసయ్యా నీతోనే నా సంతోషం / నీవే నా సర్వస్వం / నీతోనే నా సహవాసం (2) ||ఇహమందున|| / నీ ఇంటి లోనికి నను చేర్చడానికి / ఈ భువికేగి సిలువలో బలి అయితివా (2) / మరిలేచి మహిమతో ఏతెంచితివే / మధ్యాకాశమున నిను వీక్షించుటే / నీ కొరకు నాకున్న నిరీక్షణ (2) / యేసయ్యా నీవే నా ప్రస్థానం / యేసయ్యా నీలోనే నే ప్రత్యేకం / యేసయ్యా నీకై నా ప్రావీణ్యం / యేసయ్యా నీతోనే నా ప్రయాణం / నీవే నా ప్రపంచం / నీతోనే నా ప్రతి నిమిషం (2) ||ఇహమందున||
చిరకాల స్నేహితుడా / నా హృదయాన సన్నిహితుడా (2) / నా తోడు నీవయ్యా – నీ స్నేహం చాలయ్యా / నా నీడ నీవయ్యా – ప్రియ ప్రభువా యేసయ్యా / చిరకాల స్నేహం – ఇది నా యేసు స్నేహం (2) / బంధువులు వెలివేసినా / వెలివేయని స్నేహం / లోకాన లేనట్టి ఓ దివ్య స్నేహం / నా యేసు నీ స్నేహం (2) ||చిరకాల స్నేహం|| / కష్టాలలో కన్నీళ్లలో / నను మోయు నీ స్నేహం / నను ధైర్యపరచి ఆదరణ కలిగించు / నా యేసు నీ స్నేహం (2) ||చిరకాల స్నేహం|| / నిజమైనది విడువనిది / ప్రేమించు నీ స్నేహం / కలువరిలో చూపిన ఆ సిలువ స్నేహం / నా యేసు నీ స్నేహం (2) ||చిరకాల స్నేహం||
పదములు చాలని ప్రేమ ఇది / స్వరములు చాలని వర్ణనిది (2) / కరములు చాపి నిను కౌగలించి పెంచిన / కన్నవారికంటే ఇది మిన్నయైన ప్రేమ / వారిని సహితము కన్న ప్రేమ / ప్రేమ ఇది యేసు ప్రేమ ప్రేమ ఇది తండ్రి ప్రేమ / ప్రేమ ఇది ప్రాణమిచ్చిన ప్రేమ / కలువరి ప్రేమ ||పదములు|| / నవ మాసం మోసి ప్రయోజకులను చేసినా / కన్నబిడ్డలే నిను వెలివేసినా (2) / తన కరములు చాపి ముదిమి వచ్చు వరకు / నిన్నెత్తుకొని ఆదరించు ప్రేమ / ఆ వేదనంత తొలగించును ప్రేమ ||ప్రేమ|| / మేలులెన్నో పొంది ఉన్నత స్థితికెదిగిన / స్నేహితులే హృదయమును గాయపరచగా (2) / మేలులతో నింపి అద్భుతములు చేసి / క్షమియించుట నేర్పించెడి ప్రేమా / శాంతితో నిను నడిపించెడి ప్రేమ ||ప్రేమ||
దేవా నీ గొప్పకార్యములన్ – మదిన్ తలచి స్తుతించెదం / నీ ఆశ్చర్యక్రియలను – పాడి కీర్తించెదం / హల్లెలూయా నా యేసురాజ / హల్లెలూయా నా ప్రాణనాథ (2) / స్తుతులు మహిమ ఘనత నీకే (2) ||దేవా నీ|| / శాశ్వత ప్రేమతో నను ప్రేమించి / పరమును వీడి భువికరుదెంచి / కలువరి సిలువలో రక్తము కార్చి / నీదు కృపతో నను రక్షించిన / నీ దివ్య ప్రేమను అత్యధికముగా / స్మరింతున్ జీవిత కాలమంతా ||దేవా నీ|| / నీ కంటిపాపగా నన్ను కాచి / నీ చేతి నీడలో నన్ను దాచి / నీ అరచేతిలో నను చెక్కుకొని / నీదు సొత్తుగా నను చేసుకొని / అక్షయమైన నీ మధుర ప్రేమను / దీక్షతో ఇలలో చాటెదను ||దేవా నీ||
నీకు ఇష్టముగా ఇలలో నే ఉండాలని / ఎంత కష్టమైనా నీలోనే ఉండాలని / ఆశతో ఉన్నాను నా యేసయ్యా / ఆశలు తీర్చే నా మెస్సయ్యా (2) / నువ్వంటే ఇష్టము నా యేసయ్యా / నాతో నువ్వుంటే ఇష్టము నా మెస్సయ్యా (2) / నీ వెంటే నేను నడవాలని / నీ ఇంటిలోనికి రావాలని (2) / నీ వాక్యపు రుచి నాకు చూపావయ్యా / నీ వాత్సల్యతతో నను నింపావయ్యా (2) / అందుకేనయ్యా నువ్వంటే నాకిష్టం / అందుకోవయ్యా నాలోని నీ ఇష్టం (2) ||నువ్వంటే|| / ఎన్నో శోధనలు ఎన్నెన్నో శ్రమలతో / ఈ లోకంలో నే పడియుండగా (2) / నీ కృపచేత నను నీవు నిలిపావయ్యా / నీ కరుణతో నను నీవు నడిపావయ్యా (2) / అందుకేనయ్యా నువ్వంటే నాకిష్టం / అందుకోవయ్యా నాలోని నీ ఇష్టం (2) ||నువ్వంటే||
ప్రేమించెదన్ అధికముగా / ఆరాధింతున్ ఆసక్తితో (2) / నిన్ను పూర్ణ మనసుతో ఆరాధింతున్ / పూర్ణ బలముతో ప్రేమించెదన్ / ఆరాధన ఆరాధనా / ఆ.. ఆ.. ఆరాధన ఆరాధనా (2) / ఎబినేజరే ఎబినేజరే / ఇంత వరకు ఆదుకొన్నావే (2) / ఇంత వరకు ఆదుకొన్నావే || నిన్ను పూర్ణ || / ఎల్రోహి ఎల్రోహి / నన్ను చూచావే వందనమయ్యా (2) / నన్ను చూచావే వందనమయ్యా || నిన్ను పూర్ణ || / యెహోవా రాఫా యెహోవా రాఫా / స్వస్థపరిచావే వందనమయ్యా (2) / స్వస్థపరిచావే వందనమయ్యా || నిన్ను పూర్ణ ||
ఓ యేసు నీ ప్రేమ ఎంతో మహానీయము / ఆకాశ తార పర్వత సముద్ర-ములకన్న గొప్పది (2) ||ఓ యేసు|| / అగమ్య ఆనందమే హృదయము నిండెను / ప్రభుని కార్యములు గంభీరమైనవి / ప్రతి ఉదయ సాయంత్రములు / స్తుతికి యోగ్యములు (2) ||ఓ యేసు|| / సంకట సమయములో సాగలేకున్నాను / దయచూపు నా మీదా అని నేను మెరపెట్టగా / వింటినంటివి నా మొర్రకు ముందే / తోడునుందునంటివి (2) ||ఓ యేసు|| / కొదువలెన్ని యున్నా భయపడను నేనెప్పుడు / పచ్చిక బయలులో పరుండ జేయును / భోజన జలములతో తృప్తి పరచు / నాతో నుండునేసు (2) ||ఓ యేసు|| / దేవుని గృహములో సదా స్తుతించెదనూ / సంపూర్ణ హృదయముతో సదా భజించెదనూ / స్తుతి ప్రశంస-లకు యోగ్యుడేసు / హల్లేలూయా ఆమేన్ (2) ||ఓ యేసు||
నీ ప్రేమా నీ కరుణా చాలునయ్యా నా జీవితాన / మరి దేనిని ఆశించను నే కోరను ఈ జగాన / చాలయ్య చాలీ దీవెనలు చాలు / మేలయ్య మేలు నీ సన్నిధి మేలు (2) / గురిలేని నన్ను గుర్తించినావే / ఎనలేని ప్రేమను చూపించినావే / వెలలేని నాకు విలువిచ్చినావే / విలువైన పాత్రగా నను మార్చినావే ||నీ ప్రేమా|| / చేజారిన నాకై చేచాచినావే / చెదరిన నా బ్రతుకును చేరదీసినావే / చెరనుండి నన్ను విడిపించినావే / చెరగని నీ ప్రేమకు సాక్షిగ మార్చావే ||నీ ప్రేమా|| / నరకపు పొలిమేరలో నను కనుగొన్నావే / కల్వరిలో ప్రాణమిచ్చి నను కొన్నావే / నీ ప్రేమను ప్రకటింప నను ఎన్నుకొన్నావే / నీ కుమారునిగా నను మార్చినావే ||నీ ప్రేమా||