131 love songs available. Lyrics in Roman and Telugu script.
ఊహించలేనయ్యా వివరించలేనయ్యా / ఎనలేని నీ ప్రేమను (2) / నా జీవితాంతం ఆ ప్రేమలోనే (2) / తరియించు వరమే దొరికెను (2) ||ఊహించ|| / నా మనసు వేదనలో – నాకున్న శోధనలో / ఉల్లాసమే పంచెను / ఓ మధుర భావనలో – తుదిలేని లాలనలో / మధురామృతమునే నింపెను (2) / అనాథయిన నను వెదకెను / ప్రధానులలో ఉంచెను (2) ||ఊహించ|| / నీ మరణ వేదనలో – నీ సిలువ శోధనలో / నీ ప్రేమ రుజువై నిలిచెను / వెలలేని త్యాగముతో – అనురాగ బోధలతో / నా హృదయమే కరిగెను (2) / ఇది నీ ప్రేమకే సాధ్యము / వివరించుట నాకసాధ్యము (2) ||ఊహించ||
యేసు నీవే చాలు నాకు – వేరెవ్వరు అక్కరలేదు / నీవే నా ప్రాణము – నీవే నా ధ్యానము / మనుషులు నను మరచినా – నా వారే విడిచినా ||యేసు|| / నింగి నేల మారినా – స్థితి గతులు మారినా (2) / ఎన్నడెన్నడు మారానిది యేసు నీ ప్రేమ / ఎన్నడైనను వీడనిది క్రీస్తు నీ ప్రేమ / కంటి పాపవలె కాయు నీవుండగా ||యేసు|| / దారి తొలగి యుండగా – మార్గమును చూపించిన (2) / ముళ్ల కిరీటము శిరముగ ధరియించినా – మారని ప్రేమ / రక్తము నాకై చిందించినా – రక్షకుని ప్రేమ / నిత్య జీవమొసగె నీవుండగా ||యేసు||
హోసన్నా హల్లెలూయా / హోసన్నా హల్లెలూయా / హోసన్నా హల్లెలూయా (2) / స్తోత్రరూపమౌ క్రొత్త గీతముల్ / నోరారా పాడెదము (2) / రక్షకుడౌ ప్రభు యేసు క్రీస్తుకు / స్తుతి స్తోత్రముల్ చెల్లింతుము (2) ||హోసన్నా|| / కెరూబులు సెరూపులు / ఇరువది నలుగురు పెద్దలతో (2) / నాలుగు జీవుల గానాలతో (2) / స్తుతియింపబడుచున్న యేసునకు (2) ||హోసన్నా|| / పరిశుద్ధుడు అతి పరిశుద్ధుడు / సర్వ సృష్టికి మూలకారకుడు (2) / మృతుడై మరలా బ్రతికినవాడు (2) / మేఘముపై రానున్న యేసునకు (2) ||హోసన్నా||
కీర్తింతు నీ నామమున్ / నా ప్రభువా… సన్నుతింతు నీ నామమున్ (2) / మనసారా ఎల్లప్పుడు క్రొత్త గీతముతో (2) / నిను నే కొనియాడెదన్ (4) ||కీర్తింతు|| / ప్రతి ఉదయం నీ స్తుతి గానం / దినమంతయు నీ ధ్యానం (2) / ప్రతి కార్యం నీ మహిమార్ధం (2) / సంధ్య వేళలో నీ స్తోత్ర గీతం (2) ||కీర్తింతు|| / నీవు చేసిన మేలులన్ లెక్కిస్తూ / వేలాది స్తుతులన్ చెల్లిస్తూ (2) / ఎనలేని నీ ప్రేమను వర్ణిస్తూ (2) / నిన్నే నేను ఆరాధిస్తూ (2) ||కీర్తింతు|| / అమూల్యమైనది నీ నామం / ఇలలో శ్రేష్టమైనది నీ నామం (2) / ఉన్నతమైనది నీ నామం (2) / నాకై నిలచిన మోక్ష మార్గం (2) ||కీర్తింతు||
ఎందుకో నన్ను నీవు ప్రేమించావు దేవా / ఏ మంచి లేని నాకై ప్రాణమిచ్చావు ప్రభువా / నీ కృపను బట్టి ఉత్సాహగానము చేసేదనో దేవా (2) / హల్లెలూయా యెహోవ యీరే – హల్లెలూయా యెహోవ రాఫా / హల్లెలూయా యెహోవ షాలోమ్ – హల్లెలూయా యెహోవ షమ్మా ||ఎందుకో|| / నాకు బదులుగా నాదు శిక్షను నీవు భరియించావు / పాతాళ వేదన శ్రమలనుండి / నన్ను విడిపించావు (2) ||నీ కృపను|| / నే కృంగియున్న వేళలో నీవు కరుణించావు / నా గాయములను బాగు చేయ / నీవు శ్రమనొందావు (2) ||నీ కృపను|| / నీ బండపైన నాదు అడుగులు నీవు స్థిరపరిచావు / పరలోక పరిచర్య భాగస్వామిగా / నన్ను స్వీకరించావు (2) ||నీ కృపను||
నీదు విశ్వాస్యత మా ప్రభు యేసు / అంతరిక్షము నధిగమించెను (2) / నిను ప్రేమించి నీ ఆజ్ఞలను / అనుసరించు మానుజావళికి (2) / నిబంధనను స్థిరముగ జేసి (2) / నిరతము నలరారెడు మా ప్రభువా (2) ||నీదు|| / వేయి తరముల వరకు సరిగా / విలసిల్లేటి వెలలేని మా (2) / వింతల కృపాంబుధి యగు దేవా (2) / యెంతయో నిను స్తుతియింతుము కోరి (2) ||నీదు|| / నీ సత్య సంధత్వ మహిమ / నిరతము నిలయం సంస్తుతులకు (2) / మెరసెను నా మదిలోన దేవా (2) / మరువగ లేమి మధుర ప్రేమ (2) ||నీదు|| / ఎంతైనను నమ్మదగిన / వింతైన నీ విశ్వాస్యత (2) / వాత్సల్యత వెలసెను మాపై (2) / క్రొత్తగా ప్రతి దినము యేసు ప్రభు (2) ||నీదు|| / మన ఆత్మను జీవము దేహమును / మన ప్రభు యేసు రాకడ వరకు (2) / వొనరుగ కాపాడును పదిలముగా (2) / దిన దినమును నిందారహితముగా (2) ||నీదు|| / తండ్రి కుమార శుద్ధాత్మకును / తర తరములకు మహిమ ఘనత (2) / పరిపూర్ణముగా ప్రబలును గాక (2) / పరి పరి విధముల ప్రభు సంఘములో (2) ||నీదు||
ప్రేమ యేసయ్య ప్రేమా (4) / మారనిది మరువనిది వీడనిది ఎడబాయనిది (2) ||ప్రేమ|| / తల్లి మరచిన గాని నను మరువనన్న ప్రేమ / తండ్రి విడిచిన గాని నను విడువనన్న ప్రేమ (2) / నే ఏడుస్తుంటే – ఎత్తుకున్న ప్రేమా / తన కౌగిట్లో నను హత్తుకున్న ప్రేమా (2) ||ప్రేమ|| / నేను మరచిన గాని నను మరువునన్న ప్రేమ / నేను విడచిన గాని నను విడువనన్న ప్రేమ (2) / నే పడిపోతుంటే పట్టుకున్న ప్రేమా / తన కృపలో నన్ను దాచుకొన్న ప్రేమా (2) ||ప్రేమ|| / నేను పుట్టకముందే నను ఎన్నుకున్న ప్రేమ / నేను ఎరుగకముందే ఏర్పరుచుకున్న ప్రేమ (2) / తన అరచేతుల్లో చెక్కుకున్న ప్రేమా / ఎదలోతుల్లో నన్ను దాచుకున్న ప్రేమా (2) ||ప్రేమ||
ప్రేమించు దేవుడు రక్షించు దేవుడు / పాలించు దేవుడు – యేసు దేవుడు / పాటలు పాడి ఆనందించెదం / ఆహా ఎంతో ఆనందమే (2) ||ప్రేమించు|| / తల్లిదండ్రుల కన్నా తాత అయిన దేవుడు / ప్రతి అవసరమును తీర్చు దేవుడు (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / నన్ను స్వస్థపరచి శక్తినిచ్చు దేవుడు / తోడు నీడగా నన్ను కాపాడును (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / నిన్న నేడు ఏకరీతిగా ఉన్నాడు / సర్వ కాలమందు జయమిచ్చును (2) / హల్లెలూయా ఆనందమే / సంతోషమే సమాధానమే (2) ||ప్రేమించు|| / ఎల్లవేళలా నన్ను నడిపించే దేవుడు / అంతము వరకు చేయి విడువడు (2) / హల్లెలూయా ఆనందమే / సంతోషమే సమాధానమే (2) ||ప్రేమించు||
కృప కృప నా యేసు కృపా / కృప కృప కృపా (2) / నీ కొరకు నన్ను ముందుగానే నిర్ణయించితివే / నీవు నన్ను పిలిచి నీ నీతినిచ్చి మహిమపరచితివే / నేనేమైయుంటినో అందుకు కాదయ్యా / నా క్రియలను బట్టి అసలే కాదయ్యా / చూపావు ప్రేమ నాపై – పిలిచావు నన్ను కృపకై / జనములకు ప్రవక్తగా నను నియమించావయ్యా / నా తల్లి గర్భమునందే ప్రతిష్టించావయ్యా (2) ||కృప|| / నాపై నువ్వు చూపిన ప్రేమ ఎంతో గొప్పదయ్యా / కలలోనైనా నిన్ను మరువనెలేనయ్యా / రుచి చూచి ఎరిగా నిన్ను నా యేసయ్యా / నీ కృప నా జీవముకంటె ఉత్తమమైనదయ్యా / నీ ప్రేమ ధ్వజమే పైకెత్తి నాపై – నన్నాకర్షించావయ్యా / నువ్వులేని నన్ను ఊహించలేను – నా శిరస్సు నీవయ్యా / నా గుర్తింపంతా నీవే యేసయ్యా / నా ప్రాణం సర్వం నీవే యేసయ్యా ||నేనేమైయుంటినో|| / నా పాపము నను తరుమంగా నీలో దాచితివే / నే నీకు శిక్ష విధించను షాలోమ్ అంటివే / నా నేరపు మరణపు శిక్షను నీవు భరించితివే / ఇకపై పాపము చేయకని మార్గము చూపితివే / నీ మంచితనమే కలిగించె నాలో – మారు మనస్సేసయ్యా / నేనెంతగానో క్షమియించబడితిని – ఎక్కువగా ప్రేమించితివయ్యా / నా మొదటి ప్రేమ నీవే యేసయ్యా / నా మొదటి స్థానము నీకే యేసయ్యా ||నేనేమైయుంటినో|| / పైరూపము లక్ష్యము చేసే నరుడవు కాదయ్యా / నా హృదయపు లోతును ఎరిగిన దేవుడు నీవయ్యా / నను నీవే కోరుకొని నా స్థితి మార్చావయ్యా / నీ ప్రజలను నడిపింప అభిషేకించావయ్యా / ఏముంది నాలో నీవింతగా నను – హెచ్చించుటకు యేసయ్యా / ఏమివ్వగలను నీ గొప్ప కృపకై – విరిగిన నా మనస్సేనయ్యా / నీ కొరకే నేను జీవిస్తానయ్యా / మన ప్రేమను కథగా వివరిస్తానయ్యా ||నేనేమైయుంటినో|| / పదివేల మందిలో నీవు అతి సుందరుడవయ్యా / అతి కాంక్షణీయుడవు నా ప్రియుడవు నీవయ్యా / నీకంటే నను ప్రేమించే ప్రేమికుడెవరయ్యా / విడనాడని స్నేహితుడా నా మంచి యేసయ్యా / నీలోన నేను నాలోన నీవు – ఏకాత్మ అయితిమయ్యా / జీవించువాడను ఇక నేను కాను – నా యందు నీవయ్యా / నీ మనసే నా దర్శనమేసయ్యా / నీ మాటే నా మనుగడ యేసయ్యా ||నేనేమైయుంటినో||
నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిన్ను నేను – ఎన్నడు విడువను (2) / నిత్యము నీతోనే జీవింతున్ / సత్య సాక్షిగ జీవింతున్ / నిత్య రక్షణతో – నన్ను రక్షించెన్ (2) / ఏక రక్షకుడు యేసే / లోక రక్షకుడు యేసే / నీ చిత్తమును చేయుటకై – నీ పోలికగా ఉండుటకై (2) / నా సర్వము నీకే అర్పింతును / పూర్ణానందముతో నీకే అర్పింతున్ / నిత్య రాజ్యములో – నన్ను చేర్పించన్ (2) / మేఘ రథములపై రానైయున్నాడు / యేసు రాజుగ రానైయున్నాడు / ఆరాధింతును సాష్టాంగపడి (2) / స్వర్గ రాజ్యములో యేసున్ / సత్య దైవం యేసున్ / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే
నా ప్రాణప్రియుడా నా యేసురాజా / నా యేలినవాడా నా స్నేహితుడా (2) / నిన్ను చేరాలని నీతో ఉండాలని (2) / నిన్ను వలచానయ్యా – నీవు నా సొంతం (2) ||నా ప్రాణ|| / నీ స్వరము నే వింటిని – ప్రాణం సొమ్మసిల్లెనేసయ్యా / నీ ముఖము నే చూచితిని – మనసానందమాయేనా (2) / నీ ప్రేమను రుచి చూచితి / నీ వశమైతిని యేసయ్యా (2) ||నా ప్రాణ|| / నీ చేయి నే పట్టుకొని – నీతో నడవాలనుంది యేసయ్యా / నీ భుజమును నేనానుకొని – నీతో బ్రతకాలనుంది యేసయ్యా (2) / నిన్ను హత్తుకొని / నీ ఒడిలోన నిదురించాలని ఉందయ్యా (2) ||నా ప్రాణ||
వర్షింపనీ వర్షింపనీ / నీ ప్రేమ జల్లులు మాపై వర్షింపనీ (2) / నీ వాక్యపు చినుకుతో జీవింపనీ / యేసయ్యా.. నీ ఆత్మ వర్షంతో ఫలియింపనీ (2) ||వర్షింపనీ|| / ఎడారి బ్రతుకులో నీ వాక్య చినుకు కురిపించి / సజీవ ధారలతో ప్రతి కఠిన గుండెను తాకి (2) / ఆశతో ఉన్నవారికి నీ వాక్కుతో ప్రాణం పోయనీ (2) ||వర్షింపనీ|| / ఎండిన జీవంపై నీ ఆత్మ వర్షం కుమ్మరించి / సజీవ జలములపై పొంగి ప్రతి చోటకు సాగి (2) / దాహం గొన్న వారికి నీ ఆత్మలో సకలం పొందనీ (2) ||వర్షింపనీ||