318 hope songs available. Lyrics in Roman and Telugu script.
యేసయ్య మాట విలువైన మాట / వినిపించుకోవా సోదరా / వినిపించుకోవా సోదరీ (2) / నీ గుండెలోన ముద్రించుకోవా / ఏ నాటికైనా గమనించలేవా / గమనించుము పాటించుము ప్రచురించుము / నిన్నూవలె నీ పొరుగువారిని / ప్రేమించమని ప్రేమించమని ||యేసయ్య|| / ఆత్మవిషయమై దీనులైన వారు ధన్యులని చెప్పిన మాట / నీతివిషయమై ఆకలిగొనువారు ధన్యులని చెప్పిన మాట / కనికరము గలవారు – హృదయశుద్ది గలవారు (2) / సమాధానపడువారు – సాత్వికులు ధన్యులని (2) / దుఃఖపడువారు ధన్యులని చెప్పిన మాట ||యేసయ్య|| / నరహంతకులు కోపపడువారు నరకాగ్నికి లోనగుదురని / అపహారకులు వ్యభిచరించువారు నరకములో పడిపోదురని / కుడిచెంప నిను కొడితే – ఎడమ చెంప చూపుమని (2) / అప్పడుగగోరువారికి నీ ముఖము త్రిప్పకుము (2) / నీ శత్రువులను ద్వేషించక ప్రేమించమని ||యేసయ్య||
నా ప్రాణమా ఏలనే క్రుంగినావు – నిరీక్షణా నీవుంచుమా / సంతోషమూ కలిగీ స్తోత్రము – చెల్లించుమా స్తుతిపాడుమా / ఆ యేసు మహిమలు ఆశ్చర్యకార్యాలు (2) / నెమరేసుకుంటూ ప్రాణమా / స్తుతిపాడుమా – స్తుతిపాడుమా ||నా ప్రాణమా|| / నీ కొరకు బాధలెన్నో బహుగా భరించాడు / నీ కొరకు సిలువలోన తాను మరణించాడు (2) / నా ప్రాణమా ఈ సత్యం గమనించుమా / నీవు కూడా తన కార్యం పాటించుమా (2) / అలనాటి యేసు ప్రేమ మరువకు సుమా / మరువకు సుమా – మరువకు సుమా ||నా ప్రాణమా|| / నీ శత్రుసేననంతా మిత్రులుగ మార్చాడు / నీ వ్యాధి బాధలందు నిన్ను ఓదార్చాడు (2) / నా ప్రాణమా నాలో కరిగిపోకే / నీ గతం ఏమిటో మరచిపోకే (2) / దినమెల్ల దేవుని దయ కోరుమా / దయ కోరుమా – దయ కోరుమా ||నా ప్రాణమా|| / నీ చదువులోన నీకు విజయాన్ని ఇచ్చాడు / నీ వయసులో నీకు తోడుగా ఉన్నాడు (2) / నా ప్రాణమా నాలో కృంగిపోకే / నీ గతం ఏమిటో మరచిపోకే (2) / దినమెల్ల దేవుని కృప కోరుమా / కృప కోరుమా – కృప కోరుమా ||నా ప్రాణమా||
ఆశయ్యా.. చిన్న ఆశయ్యా / ఓ యేసయ్యా.. నీవే తీర్చాలయ్యా / నీతో నేను నడువాలని / నీతో కలిసి ఉండాలని (2) / ఆశయ్యా చిన్న ఆశయ్యా / ఓ యేసయ్యా.. నీవే తీర్చాలయ్యా (2) ||నీతో|| / నడవలేక నేను ఈ లోక యాత్రలో / బహు బలహీనుడనైతినయ్యా (2) / నా చేయి పట్టి నీతో నన్ను / నడిపించుమయ్యా నా యేసయ్యా (2) / నీతో నడువాలని – నీతో ఉండాలని / చిన్న ఆశయ్యా.. ఓ యేసయ్య ||ఆశయ్యా|| / సౌలును పౌలుగా / మార్చిన నా గొప్ప దేవుడా (2) / నీలో ప్రేమా నాలో నింపి / నీలా నన్ను నీవు మార్చుమయ్యా (2) / నీలా ఉండాలని – నీతో ఉండాలని / చిన్న ఆశయ్యా.. ఓ యేసయ్య ||ఆశయ్యా||
మన మధ్యనే ఉన్నది పరలోక రాజ్యం / మన మధ్యనే ఉన్నది దేవుని రాజ్యం (2) / పాపము లేదు పరలోకంలో / వ్యాధులు బాధలు లేనే లేదు / పాపము లేదు పరలోకంలో / వ్యాధులు బాధలు అసలే లేవు / నీ రాజ్యం మాకొచ్చును గాక / నీ చిత్తం భువిపై జరుగును గాక / పరలోక రాజ్యాన్ని ఈ భువిపై మేము / ఇప్పుడే అనుభవిస్తాము – (2) / ఇక్కడే అనుభవిస్తాము / సిలువలో మన శాపం తొలగిపోయెను / ఆశీర్వాదముకు మనము వారసులం / దారిద్య్రముతో లేదు మాకు సంబంధం / ఆత్మలో ఫలియించి వర్థిల్లెదం / అన్నిటిలో సౌఖ్యముగా మేముందుము / కృప క్షేమములే మాకిక సొంతము / అన్నిటిలో సౌఖ్యముగా మేముందుము / కృప క్షేమములే మా సొంతము ||నీ రాజ్యం|| / ఆలు మగలు ఒకరికి ఒకరు త్యాగ మూర్తులై / కలసి జీవించుటయే పరలోక రాజ్యం / కలతలు లేవు మాకు కన్నీరు తెలియదు / సంతోషముతో మేము సాగిపోతాము / ఈ తరానికి మాదిరిగా మేముంటాము / పరలోక ప్రేమతో కలిసి జీవిస్తాం (2) ||నీ రాజ్యం||
ఒక క్షణమైన నీవు మరచిన నే బ్రతకగలనా యేసయ్యా / కునికిన నిద్రించిన నా స్థితి ఏమౌనో మెస్సయ్యా (2) / ఒంటరైన వేళలో – జంటగా నేనుందునని / అండ లేని వేళలో – కొండగా నిలుతునని (2) / అభయమునిచ్చిన నా యేసయ్యా / అండగ నిలిచిన నా యేసయ్యా / యేసయ్యా.. యేసయ్యా.. నా యేసయ్యా.. ||ఒక క్షణమైన||
నను విడువక ఎడబాయక / దాచితివా.. నీ చేతి నీడలో / (యేసయ్యా) నీ చేతి నీడలో (2) / సిలువలో చాపిన రెక్కల నీడలో (2) / సురక్షితముగా నన్ను దాచితివా (2) / కన్నీటి బ్రతుకును నాట్యముగా మార్చి / ఆదరించిన యేసయ్యా (2) ||నను|| / ఉన్నత పిలుపుతో నన్ను పిలచి (2) / నీవున్న చోటున నేనుండుటకై (2) / పిలుపుకు తగిన మార్గము చూపి / నను స్థిరపరచిన యేసయ్యా (2) ||నను||
నేడు యేసు లేచినాడు / నేడు యేసు లేచినాడు / మనమానందము నొందుదాము (2) ||నేడు|| / పరలోకము నుండి దూతలు / దిగి వచ్చిరి సమాధికి (2) / భద్రముగా చేసిరిగా / బహు భద్రముగా చేసిరిగా ||నేడు|| / మగ్దలేనే మరియ వేరొక మరియ / సుగంధ తైలము తెచ్చుకొని (2) / పూయుటకు వెళ్లిరిగా / బహు పూయుటకు వెళ్లిరిగా ||నేడు|| / వేకువ జామున యేసు ప్రభుండు / తోటలో సంచరింపంగ (2) / తోటమాలి అనుకొనెను / బహు తోటమాలి అనుకొనెను ||నేడు|| / నేను ఇంకను తండ్రి యొద్దకు / త్వరగా వెళ్లిపోలేదు (2) / కనుక నన్ను ముట్టవద్దు / మరియమ్మ నన్ను ముట్టవద్దు ||నేడు||
చూపుల వలన కలిగేది ప్రేమ కాదమ్మా / ఆకర్షణకు లొంగిపోయి బానిస కాకమ్మా / చూపుల వలన కలిగేది ప్రేమ కాదురా / ఆకర్షణకు లొంగిపోయి బానిస కాకురా / స్వార్ధ్యంతోనే నిండియున్నది లోక ప్రేమరా / సత్యమైనది పవిత్రమైనది యేసు ప్రేమరా (2) / తల్లిదండ్రులు నిన్ను గొప్ప చేయాలని / కష్టించి చెమటోడ్చి డబ్బంతా నీకే పెడితే (2) / కన్నందుకు కన్నీరేనా ప్రతిఫలం / పద్దు గీసుకోవటమా నీ జీవితం (2) / వ్యర్ధమైనవాటిని విడిచి / పరమార్ధంలోకి నడిచి / దైవ యేసు వాక్యం స్వీకరించుమా (2) ||చూపుల||
ప్రభు హస్తం నాపై నుంది / రవ్వంతయూ భయమే లేదు (2) / ఎత్తుకొనున్ నన్ను హత్తుకొనున్ / అంతము వరకు నడిపించును (2) ||ప్రభు|| / తినిపించును నన్ను లాలించున్ / విరోధి రాగా ఎత్తుకొనున్ (2) ||ప్రభు|| / రక్తముతో శుద్ధి చేయును / రక్షణతో అలంకరించున్ (2) ||ప్రభు|| / అపహరింపలేరండి / ఎవ్వరి వల్ల కాదండి (2) ||ప్రభు|| / హల్లెలూయా హల్లెలూయా / హల్లెలూయా హల్లెలూయా (2)
ఉల్లాస జీవితం అది ఊహకు అందనిది / ఉత్సాహమైనది అది నీతో నడచుటయే / కనుపాపే నీవయ్యా – కన్నీళ్లను భరియించి / కష్టాలలో కదిలొచ్చావా – నా కోసం యేసయ్యా (2) / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / కరుణే లేని కఠినుల మధ్య నన్నూ / కరుణించేవానిగా చేసావయ్యా యేసయ్యా / కాపరి లేని జీవిత పయణంలోనా / నా కాపరి నీవై కాపాడావా యేసయ్యా / నా కోసం బలి అయ్యావా – నీవు నన్నూ ప్రేమించి / నా మార్గం స్థిరపరిచావా – నా కోసం దిగి వచ్చి / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / నలిగిన నా జీవిత పయణంలోనా / నీ నవ్వును పుట్టించావా యేసయ్యా / నూతనమైన జీవిత మార్గంలోనా / నా పాదం నీతో నడిపించావా యేసయ్యా / నా కోసం ఏర్పరిచావా – పరలోకపు నివాసము / నా కోసం తిరిగొస్తావా – నీ కోసం వేచుంటా / నీవు నా కోసం తిరిగొస్తావా – నన్నూ ప్రేమించి / నా జీవిత పయనం – నీతోనే యేసయ్యా (2)
నేనెరుగుదును ఒక స్నేహితుని / అతడెంతో పరిశుద్ధుడు / ఆ పరిశుద్ధుడే నా జీవన రక్షణ / కారణ భూతుడు (2) / అతడే యేసుడు… అతడే యేసుడు (2) ||నేనెరుగుదును|| / చీకటి దారులలో – చితికిన బ్రతుకులకు (2) / వెలుగు కలుగజేసే – జీవ జ్యోతి యేసే (2) ||నేనెరుగుదును|| / చెరిగిన మనసులతో – చెదరిన మనుజులకు (2) / శాంతి కలుగజేసే – శక్తిమంతుడేసే (2) ||నేనెరుగుదును||
లేచినాడురా / సమాధి గెలచినాడురా (2) యేసు / లేతునని తా చెప్పినట్లు (2) / లేఖనములలో పలికినట్లు ||లేచినాడురా|| / భద్రముగా సమాధిపైన / పెద్ద రాతిని ఉంచిరి భటులు (2) / ముద్ర వేసి రాత్రి అంతా (2) / నిద్ర లేక కావలియుండ ||లేచినాడురా|| / పాప భారము లేదు మనకు / మరణ భయము లేదు మనకు (2) / నరక బాధ లేదు మనకు (2) / పరమ తండ్రి యేసు ప్రభువు ||లేచినాడురా|| / యేసునందే రక్షణ భాగ్యం / యేసునందే నిత్య జీవం (2) / యేసునందే ఆత్మ శాంతి (2) / యేసునందే మోక్ష భాగ్యం ||లేచినాడురా|| / పాపులకై వచ్చినాడు / పాపులను కరుణించినాడు (2) / పాపులను ప్రేమించినాడు (2) / ప్రాణ దానము చేసినాడు ||లేచినాడురా||