233 grace songs available. Lyrics in Roman and Telugu script.
ప్రేమ యేసయ్య ప్రేమా (4) / మారనిది మరువనిది వీడనిది ఎడబాయనిది (2) ||ప్రేమ|| / తల్లి మరచిన గాని నను మరువనన్న ప్రేమ / తండ్రి విడిచిన గాని నను విడువనన్న ప్రేమ (2) / నే ఏడుస్తుంటే – ఎత్తుకున్న ప్రేమా / తన కౌగిట్లో నను హత్తుకున్న ప్రేమా (2) ||ప్రేమ|| / నేను మరచిన గాని నను మరువునన్న ప్రేమ / నేను విడచిన గాని నను విడువనన్న ప్రేమ (2) / నే పడిపోతుంటే పట్టుకున్న ప్రేమా / తన కృపలో నన్ను దాచుకొన్న ప్రేమా (2) ||ప్రేమ|| / నేను పుట్టకముందే నను ఎన్నుకున్న ప్రేమ / నేను ఎరుగకముందే ఏర్పరుచుకున్న ప్రేమ (2) / తన అరచేతుల్లో చెక్కుకున్న ప్రేమా / ఎదలోతుల్లో నన్ను దాచుకున్న ప్రేమా (2) ||ప్రేమ||
యేసు నీ నామామృతము మా – కెంతో రుచి యయ్యా (2) దేవ / మా – దోషములను హరించి మోక్షని / వాసులుగా జేయుటకు – భాసుర ప్రకాశమైన ||యేసు|| / వేడు కలరగ గూడి నిను గొని – యాడు వారికి (2) దేవ / యెంతో – కీడు జేసిన పాడు వైరిని / గోడుగో డనంగ వాని – తాడనము జేసితివి ||యేసు|| / పాపములు హరింప నీవే – ప్రాపు మాకయ్యా (2) దేవ / నీ – దాపు జేరిన వారి కందరి / కాపదలు బాపి నిత్య కాపుగతి జూపినావు ||యేసు|| / అక్షయ కరుణేక్ష భువన – రక్షకా నీవే (2) దేవ / మమ్ము పక్షముగ రక్షించి మోక్షసు / రక్షణకు దీక్ష గొని – వీక్షితులమైన మాకు ||యేసు|| / అందమగు నీ మందిరమున – బొందుగా మేము (2) దేవ / నీ – సుందర కరుణామృతము మా / డెందముల యందు గ్రోలు – టందుకు సుందరమైన ||యేసు||
ఎడబాయని నీదు కృప – విడనాడని నీ ప్రేమ (2) / నన్నెంతగానో బలపరచెను / నన్నెంతగానో స్థిరపరచెను (2) / నన్ను బలపరచెను – నన్ను వెంబడించెను / నన్నెంతగానో స్థిరపరచెను (2) ||ఎడబాయని|| / కన్నీటి లోయలలో నుండి / నన్ను దాటించిన దేవా / సింహాల బోనులలో నుండి / నన్ను విడిపించిన ప్రభువా (2) ||నన్ను బలపరచెను|| / నేనున్నతమైన స్థితిలో / ఉండాలని ఆశించితివా / ఏ అర్హత నాకు లేకున్నా / నా కృప నీకు చాలునంటివే (2) ||నన్ను బలపరచెను|| / నేనెదుర్కొనలేని పరిస్థితులు / నా ఎదుట ఉన్నవి దేవా / నీ శక్తిని నేను కోరెదను / నన్ను విడిపించు నా దేవా (2) ||నన్ను బలపరచెను||
కని విని ఎరుగని కరుణకు నీవే ఆకారం తండ్రి / నీవే ఆధారం తండ్రి (2) / దయామయా నీ చూపులతో / దావీదు తనయా నీ పిలుపులతో / నీ రూపము కనిపించే / హల్లెలూయా హల్లెలూయా హల్లెలూయా హల్లెలూయా (2) ||కని|| / నీ పద ధూళులు రాలిన నేలలో / మేమున్నామంటే – భాగ్యం ఉందా ఇంతకంటే / చల్లని నీ చేతులు తాకి / పులకితమైపోయే – బ్రతుకే పునీతమైపోయే / కనులారా కంటిమి నీ రూపం / మనసారా వింటిమి నీ మాట / ఇది అపురూపం – ఇది అదృష్టం / ఏమి చేసినామో పుణ్యం / మా జీవితాలు ధన్యం ||హల్లెలూయా||
కృప కృప నా యేసు కృపా / కృప కృప కృపా (2) / నీ కొరకు నన్ను ముందుగానే నిర్ణయించితివే / నీవు నన్ను పిలిచి నీ నీతినిచ్చి మహిమపరచితివే / నేనేమైయుంటినో అందుకు కాదయ్యా / నా క్రియలను బట్టి అసలే కాదయ్యా / చూపావు ప్రేమ నాపై – పిలిచావు నన్ను కృపకై / జనములకు ప్రవక్తగా నను నియమించావయ్యా / నా తల్లి గర్భమునందే ప్రతిష్టించావయ్యా (2) ||కృప|| / నాపై నువ్వు చూపిన ప్రేమ ఎంతో గొప్పదయ్యా / కలలోనైనా నిన్ను మరువనెలేనయ్యా / రుచి చూచి ఎరిగా నిన్ను నా యేసయ్యా / నీ కృప నా జీవముకంటె ఉత్తమమైనదయ్యా / నీ ప్రేమ ధ్వజమే పైకెత్తి నాపై – నన్నాకర్షించావయ్యా / నువ్వులేని నన్ను ఊహించలేను – నా శిరస్సు నీవయ్యా / నా గుర్తింపంతా నీవే యేసయ్యా / నా ప్రాణం సర్వం నీవే యేసయ్యా ||నేనేమైయుంటినో|| / నా పాపము నను తరుమంగా నీలో దాచితివే / నే నీకు శిక్ష విధించను షాలోమ్ అంటివే / నా నేరపు మరణపు శిక్షను నీవు భరించితివే / ఇకపై పాపము చేయకని మార్గము చూపితివే / నీ మంచితనమే కలిగించె నాలో – మారు మనస్సేసయ్యా / నేనెంతగానో క్షమియించబడితిని – ఎక్కువగా ప్రేమించితివయ్యా / నా మొదటి ప్రేమ నీవే యేసయ్యా / నా మొదటి స్థానము నీకే యేసయ్యా ||నేనేమైయుంటినో|| / పైరూపము లక్ష్యము చేసే నరుడవు కాదయ్యా / నా హృదయపు లోతును ఎరిగిన దేవుడు నీవయ్యా / నను నీవే కోరుకొని నా స్థితి మార్చావయ్యా / నీ ప్రజలను నడిపింప అభిషేకించావయ్యా / ఏముంది నాలో నీవింతగా నను – హెచ్చించుటకు యేసయ్యా / ఏమివ్వగలను నీ గొప్ప కృపకై – విరిగిన నా మనస్సేనయ్యా / నీ కొరకే నేను జీవిస్తానయ్యా / మన ప్రేమను కథగా వివరిస్తానయ్యా ||నేనేమైయుంటినో|| / పదివేల మందిలో నీవు అతి సుందరుడవయ్యా / అతి కాంక్షణీయుడవు నా ప్రియుడవు నీవయ్యా / నీకంటే నను ప్రేమించే ప్రేమికుడెవరయ్యా / విడనాడని స్నేహితుడా నా మంచి యేసయ్యా / నీలోన నేను నాలోన నీవు – ఏకాత్మ అయితిమయ్యా / జీవించువాడను ఇక నేను కాను – నా యందు నీవయ్యా / నీ మనసే నా దర్శనమేసయ్యా / నీ మాటే నా మనుగడ యేసయ్యా ||నేనేమైయుంటినో||
అమూల్య రక్తము ద్వారా రక్షణ పొందిన జనులారా / సర్వ శక్తుని ప్రజలారా పరిశుద్ధులారా పాడెదము / ఘనత మహిమ స్తుతులను పరిశుద్ధులారా పాడెదము / మన యవ్వన జీవితములు – శరీరాశకు లోబరచి (2) / చెడు మాటలను పలుకుచు – శాంతి లేక యుంటిమిగా (2) ||అమూల్య|| / చెడు మార్గమున పోతిమి – దాని యంతము మరణము (2) / నరక శిక్షకు లోబడుచు – పాపపు ధనము పొందితిమి (2) ||అమూల్య|| / నిత్య సత్య దేవుని – నామమున మొరలిడక (2) / స్వంత నీతి తోడనే – దేవుని రాజ్యము కోరితిమి (2) ||అమూల్య|| / కనికరముగల దేవుడు – మానవరూపము దాల్చెను (2) / ప్రాణము సిలువను బలిజేసి – మనల విమోచించెను (2) ||అమూల్య|| / తన రక్త ధారలలో – మన పాపములను కడిగి (2) / మన కన్నులను తెరచి – మనల నింపెను జ్ఞానముతో (2) ||అమూల్య|| / పాపులమైన మన మీద – తన యాశ్చర్య ఘన ప్రేమ (2) / కుమ్మరించెను మన ప్రభువు – కృతజ్ఞత చెల్లింతుము (2) ||అమూల్య|| / మన రక్షకుని స్తుతించెదము – మనలను జేసెను ధన్యులుగా (2) / మన దేవుని కర్పించెదము – జీవాత్మ శరీరములను (2) ||అమూల్య||
కన్నీళ్లతో పగిలిన గుండెతో అలసిన నేస్తమా / మనసున్న మారాజేసుని మదిలో నిలుపుమా (2) / విడువడు నిన్ను ఎడబాయడు నిన్ను / కష్టాల కడలిలో గమ్యానికి చేర్చును (2) / విడువడు నిన్ను / రాతిరంత ఏడుపొచ్చినా – కంట నీరు ఆగకుండినా / కాలమింక మారకుండునా – వెలుగు నీకు కలగకుండునా / ప్రాణమిచ్చి ప్రేమ పంచినా – పేరు పెట్టి నిన్ను పిలచినా / నీ చేయి పట్టి విడచునా – అనాథగా నిన్ను చేయునా ||విడువడు|| / అంధకారమడ్డు వచ్చినా – సంద్రమెంత ఎత్తు లేచినా / నిరాశలే పలకరించినా – క్రీస్తు ప్రేమ నిన్ను మరచునా / బాధ కలుగు దేశమందునా – బంధకాలు ఊడకుండునా / శత్రువెంతో పగతో రగిలినా – గిన్నె నిండి పొర్లకుండునా ||విడువడు||
హృదయమనెడు తలుపు నొద్ద – యేసు నాథుండు / నిలచి – సదయుడగుచు దట్టుచుండు – సకల విధములను (2) ||హృదయ|| / పరుని బోలి నిలుచున్నాడు – పరికించి చూడ / నతడు – పరుడు గాడు రక్షకుండు – ప్రాణ స్నేహితుడు (2) ||హృదయ|| / కరుణా శీలుండతడు గాన – గాచి యున్నాడు / యేసు – కరుణ నెరిగి గారవింప – గరము న్యాయంబు (2) ||హృదయ|| / ఎంత సేపు నిలువ బెట్టి – యేడ్పింతు రతని / నాత – డెంతో దయచే బిలుచుచున్నా – డిప్పుడు మిమ్ములను (2) ||హృదయ|| / అతడు మిత్రుడతడు మిత్రుం – డఖిల పాపులకు / మీర – లతని పిలుపు వింటి రేని – యతడు ప్రియుడగును (2) ||హృదయ|| / జాలి చేత దన హస్తముల – జాపి యున్నాడు / మిమ్ము – నాలింగనము సేయ గోరి – యనిశము కనిపెట్టు (2) ||హృదయ|| / సాటిలేని దయగల వాడు – సర్వేశు సుతుడు / తన – మాట వినెడు వారల నెల్ల – సూటిగ రక్షించు (2) ||హృదయ|| / చేర్చుకొనుడి మీ హృదయమున – శ్రీ యేసునాథు / నతడు – చేర్చుకొనుచు మీ కిచ్చును – చీర జీవము కృపను (2) ||హృదయ|| / అతడు తప్పక కలుగజేయు – నఖిల భాగ్యములు / మీర – లతని హత్తుకొందు రప్పు – డానందము తోడ (2) ||హృదయ|| / బ్రతుకు శాశ్వతంబు కాదు – పరికించు చూడు / గాన – బ్రతికి యుండు కాలముననే – ప్రభుని గొలువండి (2) ||హృదయ||
నీ వాక్యమే నన్ను బ్రతికించెను / బాధలలో నెమ్మదినిచ్చెను (2) / కృపా శక్తి దయా సత్య సంపూర్ణుడా / వాక్యమై ఉన్న యేసు వందనమయ్యా (2) ||నీ వాక్యమే|| / జిగటగల ఊభినుండి లేవనెత్తెను / సమతలమగు భూమిపై నన్ను నిలిపెను (2) / నా పాదములకు దీపమాయెను (2) / సత్యమైన మార్గములో నడుపుచుండెను (2) ||నీ వాక్యమే|| / శత్రువులను ఎదుర్కొనే సర్వాంగ కవచమై / యుద్ధమునకు సిద్ధ మనసు ఇచ్చుచున్నది (2) / అపవాది వేయుచున్న అగ్ని బాణములను (2) / ఖడ్గము వలె అడ్డుకొని ఆర్పి వేయుచున్నది (2) ||నీ వాక్యమే|| / పాలవంటిది జుంటి తేనె వంటిది / నా జిహ్వకు మహా మధురమైనది (2) / మేలిమి బంగారు కన్న మిన్న అయినది (2) / రత్న రాసులకన్నా కోరతగినది (2) ||నీ వాక్యమే||
నా జీవితకాలమంత నిను కీర్తించిన చాలునా / నా సమస్త సంపద నీకిచ్చిన చాలునా / యేసు నీదు మేలులకై నే బదులుగా ఏమిత్తును / నా దేహమే యాగముగా అర్పించిన చాలునా ||నా జీవిత|| / నా బాల్యమంతా నా తోడుగ నిలిచి / ప్రతి కీడు నుండి తప్పించినావు / యవ్వనకాలమున నే త్రోవ తొలగిన / మన్నించి నాతోనే కొనసాగినావు / ఎన్నో శ్రమలు ఆపదలన్నిటిలో / నను దైర్యపరిచి నను ఆదుకున్నావు / యేసు నీవే నీవే యేసు… నీవే నా సర్వస్వమూ ||నా జీవిత|| / కన్నీటి రాత్రులు నే గడిపిన వెంటనే / సంతోష ఉదయాలు నాకిచ్చినావు / హృదయాశలన్ని నెరవేర్చినావు / యోగ్యుడను కాకున్న హెచ్చించినావు / ఎంతో ప్రేమ మితిలేని కృపను / నాపై చూపించి నను హత్తుకున్నావు / యేసు నీవే నీవే యేసు… నీవే నా ఆనందమూ ||నా జీవిత||
చూచుచున్న దేవుడవు నీవే యేసయ్యా / చూడ ముచ్చటాయెనే సుకుమార సుమములైన / నీ నేత్రాలంకృతము (2) / పశ్చాత్తాపము కలుగునే నీ దయగల చూపులతో / క్షమించబడుదురు ఎవరైనా రక్త ప్రోక్షణతో (2) / ఆప్యాయతకు నోచుకొనని / నను చేరదీసిన కృపా సాగరా (2) ||చూచుచున్న|| / అగ్ని జ్వాలామయమే నీ చూపుల వలయాలు / తప్పించుకొందురా ఎవరైనా ఎంతటి ఘనులైనా (2) / అగ్ని వంటి శోధనలను / తప్పించితివే దయా సాగరా (2) ||చూచుచున్న||
సమీపించరాని తేజస్సులో నీవు / వసియించు వాడవైనా / మా సమీపమునకు దిగి వచ్చినావు / నీ ప్రేమ వర్ణింప తరమా (2) / యేసయ్యా నీ ప్రేమెంత బలమైనది / యేసయ్యా నీ కృప ఎంత విలువైనది (2) ||సమీపించరాని|| / ధరయందు నేనుండ చెరయందు పడియుండ / కరమందు దాచితివే / నన్నే పరమున చేర్చితివే (2) / ఖలునకు కరుణను నొసగితివి (2) ||యేసయ్యా|| / మితి లేని నీ ప్రేమ గతి లేని నను చూచి / నా స్థితి మార్చినది / నన్నే శ్రుతిగా చేసినది (2) / తులువకు విలువను ఇచ్చినది (2) ||యేసయ్యా||