ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
అందమైన మధురమైన నామం ఎవరిది / మహిమాన్వితుడు మహిజన రక్షకుడు / ఆయనేసు యేసు యేసు (2) ||అందమైన|| / సైన్యములకు అధిపతివి నీవే ఓ రాజా / లోకమును రక్షించు ఇమ్మానుయేలా (2) / మా పాలి దైవమా ఓ శ్రీ యేసా / స్తుతింతు నిన్ను నా ఆత్మ యేసయ్య (2) ||అందమైన|| / కొండ నీవే కోట నీవే నీవే యేసయ్యా / ఆకలి తీర్చి ఆదుకునే తండ్రివి నీవే (2) / నీ ఒడిలో చేర్చుమా ఓ శ్రీ యేసా / స్తుతింతు నిన్ను నా ఆత్మ యేసయ్య (2) ||అందమైన|| / చీకటి నుండి వెలుగు లోనికి నడిపించావు / మానవులను ప్రేమించి చూపించావు (2) / మా కోసం మరణించి చూపించావు / స్తుతింతు నిన్ను నా ఆత్మ యేసయ్య (2) ||అందమైన||
అంజలి ఘటియింతు దేవా (2) / నీ మంజుల పాదాంబుజముల కడ / నిరంజన మానస పరిమళ పుష్పాంజలి ||అంజలి|| / పరమాత్మ నీ పాద సేవ / చిరజీవ సంద్రాన నావ (2) / సిలువ మహా యజ్ఞ సింధూర / రక్తా రుణమేయ సంభావనా (2) / దేవా దేవా యేసు దేవా (2) / అంజలి ఘటియింతు దేవా ||అంజలి|| / అవతార మహిమా ప్రభావ / సువిశాల కరుణా స్వభావ (2) / పరలోక సింహాసనాసీన / తేజో విరాజమాన జగదావనా (2) / దేవా దేవా యేసు దేవా (2) / అంజలి ఘటియింతు దేవా ||అంజలి||
నీ నిర్ణయం ఎంతో విలువైనది ఈ లోకంలో / అది నిర్దేశించును జీవిత గమ్యమును / ఈనాడే యేసుని చెంతకు చేరు (2) ||నీ నిర్ణయం|| / లోకం దాని ఆశలు గతించిపోవును / మన్నైన నీ దేహం మరల మన్నై పోవును (2) / మారుమనస్సు పొందినచో పరలోకం పొందెదవు / క్షయమైన నీ దేహం అక్షయముగా మారును (2) ||నీ నిర్ణయం|| / పాపం దాని ఫలము నిత్య నరకాగ్నియే / శాపంతో నీవుండిన తప్పదు మరణము (2) / భరియించె నీ శిక్ష సిలువలో ఆ ప్రభు యేసే / ఈనాడే యోచించి ప్రభు యేసుని నమ్ముకో (2) ||నీ నిర్ణయం||
రావయ్యా యేసయ్యా నా ఇంటికి / నీ రాకకై నే వేచియుంటిని… / రావయ్యా యేసయ్యా నా ఇంటికి / నీ రాకకై నే వేచియుంటిని (2) / కన్నులార నిన్ను చూడాలని (2) / కాచుకొని ఉన్నాను వేచి నే ఉన్నాను (2) ||రావయ్యా|| / యదార్థ హృదయముతో నడచుకొందును / ఏ దుష్కార్యమును కనుల ఎదుట ఉంచుకొనను (2) / భక్తిహీనుల క్రియలు నాకంటనీయను / మూర్ఖ చిత్తుల నుండి తొలగిపోదును (2) ||రావయ్యా|| / దౌష్ట్యము నేనెన్నడు అనుసరింపను / నా పొరుగు వారిని దూషింపను (2) / అహంకారము గర్వము నంటనీయను / నమ్మకస్థునిగా నే నడచుకొందును (2) ||రావయ్యా|| / నిర్దోష మార్గముల నడచుకొందును / మోసము నా ఇంట నిలువనీయను (2) / అబద్ధికులెవ్వరిని ఆదరింపను / భక్తిహీనుల మార్గము నే త్రొక్కను (2) ||రావయ్యా||
యేసయ్య రక్తము అతి మధురము / ఎంతో విలువైన రక్తము / నీ పాపములను నా పాపములను / క్షమియించిన రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి బంధకమును ప్రతి కాడియును / విరగగొట్టును – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి నాలుకయు ప్రతి మోకాలు / లోబరచును నా – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము|| / ప్రతి శాపములకు ప్రతి రోగములకు / విడుదలనిచ్చుఁను – యేసయ్య రక్తము (2) / యేసు రక్తము – యేసు రక్తము / యేసు రక్తము జయం (2) ||యేసయ్య రక్తము||
నిత్య జీవపు రాజ్యములో / సత్య దేవుని సన్నిధిలో (2) / నిత్యం యేసుని స్నేహముతో / నిత్యమానందమానందమే (2) / వ్యాధి భాధలు లేవచ్చట / ఆకల్దప్పులు లేవచ్చట (2) / మన దీపము క్రీస్తేలే / ఇక జీవితం వెలుగేలే (2) ||నిత్య|| / కడు తెల్లని వస్త్రముతో / పరి తేజో వాసులతో (2) / రాజ్యమునేలుదుములే / యాజకులము మనమేలే (2) ||నిత్య|| / ప్రతి భాష్పబిందువును / ప్రభు యేసే తుడుచునులే (2) / ఇక దుఖము లేదులే / మన బ్రతుకే నూతనమే (2) ||నిత్య|| / పరిశుద్ధ జనములతో / పరిశుద్ధ దూతలతో (2) / హల్లెలూయా గానాలతో / వెంబడింతుము యేసునితో (2) ||నిత్య||
దేవా నీ తలంపులు అమూల్యమైనవి నా యెడ / నా యెడల నీ కరుణ / సర్వ సదా నిలుచుచున్నది (2) ||దేవా|| / స్తుతులర్పింతు ప్రభు నీకు నేడే / స్తుతి పాడేను హృదయముతో (2) / స్తుతించి వర్ణించి ఘనపరతున్ (2) / నీవే నా రక్షకుడవని ||దేవా|| / మొదట నిన్ను ఎరుగనైతిని / మొదటే నన్ను ఎరిగితివి (2) / వెదుకలేదు ప్రభువా నేను (2) / వెదకితివి ఈ పాపిని ||దేవా|| / అద్భుతమైనది సిలువ దృశ్యం / ప్రభును కొట్టి ఉమ్మి వేసిరి (2) / ప్రభును వర్ణింప నశక్యము (2) / ప్రభువే సహించె దుఃఖము ||దేవా|| / ఎట్లు మౌనముగా నుండు ప్రభు / చెల్లింపక స్తోత్ర గీతము (2) / కాలమంతా పాడుచుండెద (2) / నీ ప్రేమ అపారమైనది ||దేవా||
నాకు చాలిన దేవుడ నీవు / నా కోసమే మరణించావు (2) / నా శ్రమలలో నా ఆధారమా / నను ఎడబాయని నా దైవమా (2) / ఏమిచ్చి నీ ఋణము నే తీర్చగలను / ఏ రీతిగా నిను స్తుతియించగలను (2) ||నాకు చాలిన|| / వధకు సిద్ధమైన గొరియపిల్ల వోలె / మౌనివై నా పాప శిక్షణోర్చినావు (2) / అన్యాయపు తీర్పుతో దోషిగ నిను చేసినా (2) / చిరునవ్వుతో సిలువనే భరించినావయ్యా (2) ||ఏమిచ్చి|| / ఎండిన భూమిలో లేత మొక్క వోలె / నా శ్రమలను భరియించి నలుగగొట్టబడితివా (2) / సూదంటి రాళ్ళలో గొల్గొతా దారిలో (2) / నడవలేక సుడి వడి కూలినావయ్యా (2) ||ఏమిచ్చి||
మధురం మధురం – నీ ప్రేమే అతి మధురం / అమరం అతి విజయం – నీ సిలువ రక్తమే విజయం / ఇమ్మానుయేలుడ నీ ప్రేమ మధురం – నీకే నా వందనం (2) / మధురం మధురం – నీ ప్రేమే అతి మధురం (2) ||మధురం|| / నా శిక్షకై నా నిందలకై – ప్రాణము పెట్టిన ప్రేమ / నిందలు నిట్టూర్పులు – సేదదీర్చిన ప్రేమ (2) / సర్వోన్నతుడా సహాయకుడా / మరువగలనా నీ ప్రేమను (2) ||మధురం|| / సత్యమును నాకు కేడెమును – ధరియింప చేసిన ప్రేమ / కనికరమును కలిగించగను – కల్వరికేగిన ప్రేమ (2) / మహోన్నతుడా మహా ఘనుడా / మరువగలనా నీ ప్రేమను (2) ||మధురం||
జాగోరే జాగోరే జాగు జాము రాతిరి / యేసు జాము రాతిరి కాడ పుట్టినాడే భాయ్ (2) / కన్నియ మరియ కన్నులు విరియ / పూత రేకు వంటి బాలుడోయ్ పుట్టె పాకలోన ||జాగోరే|| / దూతలు పాడే కమ్మని పాట కబురే తెచ్చింది / తారలు మెరిసే తీరును చూడ వెలుగే వచ్చింది (2) / వెళ్లి గొల్లలు తేరి చూసిరి – ఘల్లు ఘల్లున చిందులు వేసిరి (2) / ఈ ప్రజల నేలె యేసయ్య వచ్చెనని పరుగులు తీసిరమ్మా ||జాగోరే|| / వెలుగులు చిందే తారను చూసి తరలిరి జ్ఞానులమ్మా / బోళము తెచ్చి కానుకలిచ్చి సాగిలపడిరమ్మా (2) / పోలి కేక పెట్టెనమ్మా – పొలిమేర దాటెనమ్మా (2) / ఆ పసిడి కిరణాల బాలుని చూసి ప్రకృతి మురిసెనమ్మా ||జాగోరే||
ఎంతో సుందరుడమ్మ తాను / నేనెంతో మురిసిపోయినాను (2) ||ఎంతో|| / ధవళవర్ణుడు రత్న వర్ణుడు నా ప్రియుడు (2) / అవని పదివేలందు అతి శ్రేష్ఠుడాతండు (2) / ధవళవర్ణుడు రత్న వర్ణుడు నా ప్రియుడు / అవని పదివేలందు అతి శ్రేష్ఠుడాతండు – (2) / ఎవరు ఆయనకిలలో సమరూప పురుషుండు (2) / అవలీలగా నతని గురితింపగలనమ్మా (2) ||ఎంతో|| / కురులు నొక్కులు కల్గి స్ఫురద్రూపియగు విభుడు (2) / మరులు మనసున నింపు మహనీయుడాతండు (2) / కురులు నొక్కులు కల్గి స్ఫురద్రూపియగు విభుడు / మరులు మనసున నింపు మహనీయుడాతండు – (2) / సిరులు కురిపించేను వర దేవ తనయుండు (2) / విరబూయు పరలోక షారోను విరజాజి (2) ||ఎంతో|| / పాలతో కడిగిన నయనాలు గలవాడు (2) / విలువగు రతనాల వలె పొదిగిన కనులు (2) / పాలతో కడిగిన నయనాలు గలవాడు / విలువగు రతనాల వలె పొదిగిన కనులు – (2) / కలుషము కడిగిన కమలాల కనుదోయి (2) / విలువైన చూపొసఁగె వరమేరి తనయుండు (2) ||ఎంతో|| / మేలిమి బంగారు స్థలమందు నిలిపిన (2) / చలువ రాతిని బోలు బలమైన పాదాలు (2) / మేలిమి బంగారు స్థలమందు నిలిచినా / చలువ రాతిని బోలు బలమైన పాదాలు – (2) / ఆ లెబానోను సమారూప వైఖరి ఆ.. ఆ.. (2) / బలవంతుడగువాడు బహుప్రియుడాతండు (2) ||ఎంతో|| / అతడతికాంక్షానీయుండు తనయుండు (2) / అతడే నా ప్రియుడు అతడే నా హితుడు (2) / అతడతికాంక్షానీయుండు తనయుండు / అతడే నా ప్రియుడు అతడే నా హితుడు – (2) / ఆతని నొరతి మధురంబు మధురంబు (2) / ఆతని పలు వరుస ముత్యాల సరి వరుస (2) ||ఎంతో||
నీతోనే నా నివాసము – నిత్యము ఆనందమే / సౌందర్య సీయోనులో / నీ మనోహరమైన ముఖము దర్శింతును / నీతోనే నా నివాసము – నిత్యము ఆనందమే / సీయోనులో స్థిరమైన పునాది నీవు / నీ మీదే నా జీవితము అమర్చుకున్నాను (2) / సూర్యుడు లేని చంద్రుడు లేని / చీకటి రాత్రులు లేనే లేని (2) / ఆ దివ్య నగరిలో కాంతులను / విరజిమ్మెదవా నా యేసయ్యా (2) ||సీయోనులో|| / కడలి లేని కడగండ్లు లేని / కల్లోల స్థితి గతులు దరికే రాని (2) / సువర్ణ వీధులలో / నడిపించెదవా నా యేసయ్యా (2) ||సీయోనులో|| / సంఘ ప్రతిరూపము – పరమ యెరుషలేము (2) / సౌందర్య సీయోనులో / నీ మనోహరమైన ముఖము దర్శింతును (2) / నీతోనే నా నివాసము నిత్యము ఆనందమే (3) / ఆనందమే పరమానందమే (10)