ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
దైవ కుటుంబం ధరణిలో దేవుని ప్రతిబింబం (2) / శాంతి సంతోషాలకు అది నిలయం / ఆప్యాయత అనురాగాలకు ఇక ఆరంభం (2) / విశ్వాసపు వాకిళ్ళు పరిశుద్ధత లోగిళ్ళు (2) / ఆతిథ్యమిచ్చే వంటిల్లు వర్ధిల్లు నూరేళ్ళు (2) / దైవ కుటుంబపు సంతోషం / కని విని ఎరుగని ఆనందం (4) ||దైవ కుటుంబం|| / రక్షణ పొందిన కుటుంబం మోక్ష పురికి సోపానం / క్రమశిక్షణ కలిగిన కుటుంబం వీక్షించు దైవ సాన్నిధ్యం (2) / అపార్ధాలు అంతరాలు లేనట్టి అన్యోన్యత / షడ్రుచుల ఘుమఘుమలు గుభాలించు మా ఇంట (2) / అష్టైశ్వర్యాలకు తూలతూగే కుటుంబం (2) / తరతరాలు వర్ధిల్లే కుటుంబం (2) ||దైవ కుటుంబపు|| / మమతలు కలిగిన కుటుంబం సంతృప్తినిచ్చే కుటుంబం / ధాన్య ధన వస్తు వాహనాలు కావు మా యింటి కంభాలు (2) / భయభక్తులు దేవోక్తులు మా అన్న పానాలు / మా యొక్క నట్టింట్లో వసియించును దేవుడు (2) / పెనవేసుకున్న బంధాలే ఈ కుటుంబం (2) ||దైవ కుటుంబపు||
నిను చేరగ నా మది ధన్యమైనది / నిను తలచి నా హృదయం నీలో చేరినది (2) / నీవలె పోలి నే జీవింతును / నీ కొరకై నా ప్రాణం అర్పింతును (2) / నీతోనే నా ప్రాణం – నీతోనే నా సర్వం (2) / నది లోతులో మునిగిన ఈ జీవితమును / తీరం చేర్చావు – నీ కొరకు నీదు సాక్షిగా నిలిపావు / ఏమిచ్చి నీ ఋణమును తీర్చుకోనయ్యా – (2) ||నిను చేరగ||
కొడవలిని చేత పట్టి కోత కోయుము / తెల్లబారిన పొలములన్నియు (2) / నశియించు ఆత్మల భారము కలిగి / ఆగక సాగుమా ప్రభు సేవలో ||కొడవలిని|| / సర్వ సృష్టికి సువార్త ప్రకటన / ప్రభువు మనకిచ్చ్చిన భారమే కదా (2) / ఎన్నడూ దున్నని భూములను చూడు (2) / కన్న తండ్రి యేసుని కాడిని మోయు (2) ||కొడవలిని|| / పిలిచిన వాడు నమ్మదగినవాడు / విడువడు నిన్ను ఎడబాయడు (2) / అరచేతులతో నిన్ను చెక్కుకున్నవాడు (2) / అనుక్షణము నిన్ను కాయుచున్నవాడు (2) ||కొడవలిని||
ఇది శుభోదయం – క్రీస్తు జన్మదినం / ఇది లోక కళ్యాణం / మేరి పుణ్యదినం – (2) / రాజులనేలే రారాజు వెలసె పశువుల పాకలో / పాపుల పాలిట రక్షకుడు నవ్వెను తల్లి కౌగిలిలో / భయము లేదు మనకిలలో / జయము జయము జయమహో ||ఇది|| / గొల్లలు జ్ఞానులు ఆనాడు ప్రణమిల్లిరి భయ భక్తితో / పిల్లలు పెద్దలు ఈనాడు పూజించిరి ప్రేమ గీతితో / జయనాదమే ఈ భువిలో / ప్రతిధ్వనించెను ఆ దివిలో ||ఇది||
నా మట్టుకైతే బ్రతుకుట క్రీస్తే / చావైతే నాకు లాభము / నా ప్రభువా యేసయ్యా (4) ||నా మట్టుకైతే|| / నీ కృప నాకు చాలును ఇలలో / నీవు లేని బ్రతుకే శూన్యము నాలో (2) / నా ప్రభువా యేసయ్యా (4) ||నా మట్టుకైతే|| / నీవే నా గొప్ప కాపరివి / విడువను నను ఎడబాయనంటివి (2) / నా ప్రభువా యేసయ్యా (4) ||నా మట్టుకైతే||
దేవుని ప్రేమ ఇదిగో – జనులార – భావంబునం దెలియరే / కేవలము నమ్ముకొనిన – పరలోక – జీవంబు మనకబ్బును ||దేవుని|| / సర్వలోకము మనలను – తన వాక్య – సత్యంబుతో జేసెను / సర్వోపకారుడుండే – మన మీద – జాలిపరుడై యుండెను ||దేవుని|| / మానవుల రక్షింపను – దేవుండు – తన కుమారుని బంపెను / మన శరీరము దాల్చెను – ఆ ప్రభువు – మన పాపమునకు దూరుడే ||దేవుని|| / యేసు క్రీస్తను పేరున – రక్షకుడు – వెలసి నాడిలలోపల / దోసకారి జనులతో – నెంతో సు – భాషలను బల్కినాడు ||దేవుని|| / పాప భారంబు తోడ – నే ప్రొద్దు – ప్రయాసముల బొందెడి / పాపులందరు నమ్మిన – విశ్రాంతి – పరిపూర్ణమిత్తు ననెను ||దేవుని|| / సతులైన పురుషులైనన్ – యా కర్త – సర్వ జనుల యెడలను / సత్ప్రేమగా నడిచెను – పరలోక – సద్బోధలిక జేసెను ||దేవుని|| / చావు నొందిన కొందరిన్ – యేసుండు – చక్కగా బ్రతికించెను / సకల వ్యాధుల రోగులు – ప్రభు నంటి – స్వస్థంబు తా మొందిరి ||దేవుని|| / గాలి సంద్రపు పొంగులన్ – సద్దణిపి – నీళ్లపై నడచినాడే / మేలు గల యద్భుతములు – ఈలాగు – వేల కొలదిగ జేసెను ||దేవుని|| / చేతుల కాళ్లలోను – రా రాజు – చేర మేకులు బొందెను / పాతకులు గొట్టినారే – పరిశుద్ధ – నీతి తా మోర్వలేకన్ ||దేవుని|| / ఒడలు రక్తము గారగ – దెబ్బలు – చెడుగు లందరు గొట్టిరి / వడిముళ్లు తల మీదను – బెట్టిరి – ఓర్చెనో రక్షకుండు ||దేవుని|| / ఇన్ని బాధలు బెట్టుచు – దను జంపు – చున్న పాప నరులను / మన్నించు మని తండ్రిని – యేసుండు – సన్నుతితో వేడెను ||దేవుని|| / రక్షకుడు శ్రమ బొందగా – దేశంబు – తక్షణము చీకటయ్యెన్ / రక్షకుడు మృతి నొందగ – తెర చినిగి – రాతి కొండలు పగిలెను ||దేవుని|| / రాతి సమాధిలోను – రక్షకుని – నీతిగల దేహంబును / పాతి పెట్టిరి భక్తులు – నమ్మిన – నాతు లందరు జూడగా ||దేవుని|| / మూడవ దినమందున – యేసుండు – మృతి గెల్చి లేచినాడు / నాడు నమ్మిన మనుజులు – చూచిరి – నలువది దినములందున్ ||దేవుని|| / పదునొకండు మారులు – వారలకు – బ్రత్యక్షు డాయె నేసు / పరలోకమున కేగెను – తన వార్త – బ్రకటించు మని పల్కెను ||దేవుని|| / నమ్మి బాప్తిస్మమొందు – నరులకు – రక్షణ మరి కల్గును / నమ్మ నొల్లక పోయెడు – నరులకు – నరకంబు సిద్ధమనెను ||దేవుని||
ఇదేనా న్యాయమిదియేనా / కరుణామయుడు యేసు ప్రభుని – సిలువ వేయ ||ఇదేనా|| / కుంటి వారికి కాళ్ళ నొసగే / గ్రుడ్డి వారికి కళ్ళ నొసగే / రోగుల నెల్ల బాగు పరిచే – ప్రేమ మీర ||ఇదేనా|| / చెడుగు యూదులు చెరను బట్టి / కొరడా దెబ్బలు కసిగా గొట్టి / వీధులలోనికి ఈడ్చిరయ్యో – రక్తము కారన్ ||ఇదేనా|| / మోయలేని సిలువ మోపి / గాయములను ఎన్నో చేసి / నడవలేని రాళ్ళ దారిన్ – నడిపిరయ్యో ||ఇదేనా|| / ప్రాణముండగానే సిలువ కొయ్యకు / మేకులెన్నో కొట్టిరయ్యో / ప్రక్కలోనే బల్లెముతో – పొడిచిరయ్యో ||ఇదేనా|| / ఎన్ని బాధలు పెట్టిన గాని / మారు పల్కడు యేసు ప్రభువు / ఎంత ప్రేమ ఎంత కరుణ – ఎంత జాలి ||ఇదేనా|| / ఎన్ని మారులు పాపము చేసి / యేసుని గాయముల్ రేపెదవేల / నరక బాధ ఘోరమయ్యొ – గాంచవేల ||ఇదేనా||
విడువదు మరువదు – విడువదు మరువదు / విడువదు మరువదు – ఎన్నడూ ఎడబాయదు / ఎనలేని ప్రేమ – విలువైన ప్రేమ / మితిలేని ప్రేమ.. నీ ప్రేమ ||విడువదు|| / నా స్థితి ఏదైనా – చింత ఏదైనా / బాధ ఏదైనా – నను విడువదు / లోకమే నను చుట్టినా – ఆశలే నను ముట్టినా / యేసయ్య సాన్నిధ్యం – నను విడువదు / మా నాన్న నా చేయి విడువడు / ప్రాణంలా ప్రేమించే నా దేవుడు (2) / విడువడు మరువడు – విడువడు మరువడు / విడువడు మరువడు – ఎన్నడూ ఎడబాయడు / నన్ను ఎత్తుకున్న – నన్ను హత్తుకున్న / నా తండ్రి కౌగిలి – నే విడువను / శోకమే కృంగించినా – దుఃఖమే బాధించినా / నా ప్రియుని చిరునవ్వు – నే మరువను / నన్నెంతో ప్రేమించిన రాజును / ఎడబాసి మనలేనే రోజును (2) / విడువను మరువను – విడువను మరువను / విడువను మరువను – ఎన్నడూ ఎడబాయను / ఎనలేని ప్రేమ విలువైన ప్రేమ / మితిలేని ప్రేమ.. నీ ప్రేమ ||విడువను||
కావలెనా యేసయ్య బహుమానము / (మరి) చేయాలి విలువైన ఉపవాసము (2) / సిద్ధమౌ శ్రీ యేసుని ప్రియా సంఘమా / చిగురించాలి అంజూరపు చెట్టు కొమ్మలా (2) ||కావలెనా|| / నీనెవె పట్టణము యెహోవా దృష్టికి / ఘోరమాయెను – పాపముతో నిండిపోయెను / సృష్టికర్త యెహోవా యోనాను దర్శించి / నీనెవెకు పంపెను – కనికరము చూపించెను / ఘనులేమి అల్పులేమి – నీనెవె పట్టణపు రాజేమి / పిల్లలేమి పెద్దలేమి – ఉపవాసము చేయగా / ఆగింది యెహోవా శాపము / కురిసింది కరుణ వర్షము (2) ||కావలెనా|| / దేవుని ప్రజలను నశియింప చేయుటకు / దుష్టుడు తలచెను – కలవరము పుట్టించెను / మొర్దెకై వేదనతో రాజునొద్దకు పంపుట / దైవ చిత్తమని – ఎస్తేరును సిద్ధపరచెను / ఘనులేమి అల్పులేమి – షూషను కోటలో రాణి ఏమి / పిల్లలేమి పెద్దలేమి – ఉపవాసము చేయగా / అణిగింది హామాను గర్వము / జరిగింది దేవుని చిత్తము (2) ||కావలెనా||
దేవా పాపిని నిన్నాశ్రయించాను / ప్రేమ చూపించి నన్నాదుకోవయ్యా (2) ||దేవా|| / అపరాధినై అంధుడనై / అపవాదితో అనుచరుడై (2) / సంచరించితి చీకటిలో / వంచన చేసితి ఎందరినో – (2) ||దేవా|| / కలువరిలో సిలువొంద / కలవరమొందె జగమంతా (2) / పాపినైన నా కొరకు / మరణమునే భరించితివి / మరణమునే జయించితివి ||దేవా||
నీ కొరకు నా ప్రాణం ఆశపడుచున్నది / నీ కొరకు నా కనులు ఎదురు చూచుచున్నవి (2) / హృదయమంత వేదనతో నిండియున్నది / ఆదరణే లేక ఒంటరైనది (2) / దేవా నా కన్నీరు తుడువుము / హత్తుకొని నన్ను ముద్దాడుము (2) / పాపం చేసి నీకు దూరమయ్యాను / నన్ను గన్న ప్రేమని విడిచి నేను వెళ్లాను (2) / నీ మాటలను మీరి లోకాన్ని చేరాను / పాపాన్ని ప్రేమించి హీనుడనయ్యాను (2) ||దేవా|| / నీ హృదయ వేదనకు కారణమైనాను / దోషిగా నీ యెదుట నే నిలిచియున్నాను (2) / నను మన్నించుమా నా తండ్రి (2)
కృపలను తలంచుచు (2) / ఆయుష్కాలమంతా ప్రభుని / కృతజ్ఞతతో స్తుతింతున్ (2) ||కృపలను|| / మిమ్మును ముట్టినవాడు నా కంటి పాపను (2) / ముట్టునని సెలవిచ్చిన దేవుడు / కాచెను గతకాలం – (నన్ను) (2) ||కృపలను|| / కన్నీటి లోయలలో నే.. కృంగిన వేళలలో (2) / నింగిని చీల్చి వర్షము పంపి / నింపెను నా హృదయం – (యేసు) (2) ||కృపలను|| / రూపింపబడుచున్న ఏ.. ఆయుధముండినను (2) / నాకు విరోధమై వర్ధిల్లదు యని / చెప్పిన మాట సత్యం – (ప్రభువు) (2) ||కృపలను|| / సర్వోన్నతుడైన నా.. దేవునితో చేరి (2) / సతతము తన కృప వెల్లడిచేయ / శుద్దులతో నిలిపెను – (ఇలలో) (2) ||కృపలను|| / హల్లెలూయా ఆమెన్ ఆ.. నాకెంతో ఆనందమే (2) / సీయోను నివాసం నాకెంతో ఆనందం / ఆనందమానందమే – (ఆమెన్) (2) ||కృపలను||