ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
నాతో నీవు మాటాడినచో / నే బ్రతికెదను ప్రభు (2) / నా ప్రియుడా నా హితుడా / నా ప్రాణ నాథుడా నా రక్షకా ||నాతో|| / యుద్ధమందు నేను మిద్దె మీద నుంచి / చూడరాని దృశ్యం కనుల గాంచినాను (2) / బుద్ధి మీరినాను హద్దు మీరినాను / లేదు నాలో జీవం ఎరుగనైతి మార్గం / ఒక్క మాట చాలు… ఒక్క మాట చాలు / ఒక్క మాట చాలు ప్రభు ||నాతో|| / కట్టబడితి నేను గట్టి త్రాళ్లతోను / వీడలేదు ఆత్మ వీడలేదు వ్రతము (2) / గ్రుడ్డి వాడనైతి గానుగీడ్చుచుంటి / దిక్కు లేక నేను దయను కోరుచుంటి / ఒక్క మాట చాలు… ఒక్క మాట చాలు / ఒక్క మాట చాలు ప్రభు ||నాతో||
ఎక్కడెక్కడో పుట్టి ఎక్కడెక్కడో పెరిగి (2) / చక్కనైన జంటగా ఇద్దరొక్కటగుటేమిటో / దేవుని సంకల్పం ఇది సృష్టిలోని చిత్రం – (2) / ఒంటరి బ్రతుకును విడిచెదరు / ఒకరి కొరకు ఒకరు బ్రతికెదరు (2) / పెళ్లినాటి నుండి తల్లి దండ్రుల వదలి / భార్య భర్తలు హత్తుకొనుటేమిటో ||దేవుని|| / గత కాల కీడంతా మరచెదరు / వీనులతో సంతసించెదరు (2) / పెళ్లినాటి నుండి ఒకరి కష్టం ఒకరు / ఇష్టముతో పంచుకొనుటేమిటో ||దేవుని|| / ఫలియించి భూమిని నింపెదరు / విస్తరించి వృద్ధి పొందెదరు (2) / పెళ్లినాటి నుండి మా కుటుంబం అంటూ / ప్రత్యేకముగా ఎంచుకొనుటేమిటో ||దేవుని||
నా తల్లి నను మరచినా / నా వారే నను విడచినా (2) / విడువని దేవుడవయ్యా / ఎడబాయని వాడవయ్యా (2) / యేసయ్యా హల్లెలూయా (4) ||నా తల్లి|| / స్నేహితులే నన్ను బాధించినా / బంధువులే నన్ను వెలివేసినా (2) / అన్నదమ్ములే నన్ను నిందించినా / నే నమ్మినవారే గాయపరచినా (2) ||విడువని|| / లోకమంతా నన్ను ఏడ్పించినా / శత్రువులే నన్ను వేధించినా (2) / సాతానే నన్ను శోధించినా / సమాజమే నన్ను త్రోసేసినా (2) ||విడువని||
వేయి నోళ్లతో స్తుతియించినా / నీ ఋణమును నే తీర్చగలనా / యేసయ్యా యేసయ్యా నా యేసయ్యా / నా రోగములను భరియించి / నా వ్యసనములను వహియించి / నా దోషములను క్షమియించి / స్వస్థత నొసగిన నా దేవా ||యేసయ్యా|| / శోధనలో నాకు జయమిచ్చి / బాధలలో నను ఓదార్చి / బలహీనతలో బలమిచ్చి / నెమ్మది నొసగిన నా దేవా ||యేసయ్యా||
చూడరే సిలువను వ్రే-లాడు యేసయ్యను / పాడు లోకంబునకై – గోడు జెందె గదా ||చూడరే|| / నా చేతులు చేసినట్టు – దోషంబులే గదా / నా రాజు చేతులలో ఘోరంపు జీలలు ||చూడరే|| / దురితంపు దలఁపులే – పరమ గురిని శిరముపై / నెనరు లేక మొత్తెనయ్యొ – ముండ్ల కిరీటమై ||చూడరే|| / పరుగెత్తి పాదములు – చేసిన పాపంబులు / పరమ రక్షకుని – పాదములలో మేకులు ||చూడరే|| / పాపేఛ్చ తోడ గూడు – నాడు చెడ్డ పడకలే / పరమ గురుని ప్రక్కలోని – బల్లెంపు పోటులు ||చూడరే||
బ్యూలా దేశము నాది / సుస్థిరమైన పునాది (2) / కాలము స్థలము లేనిది (2) / సుందర పురము – నందనవనము (2) ||బ్యూలా|| / స్పటిక నది తీరము నాది / అన్నిటిలో ఘనం అనాది (2) / అపశ్రుతి లేని రాగములు (2) / అలరెడు పురము యేసుని వరము (2) ||బ్యూలా|| / జీవ వృక్ష ఫల సాయము నాది / దేవుని మహిమ స్పర్శ వేది (2) / మరణం బాధే లేనిది (2) / అమరుల పురము మంగళకరము (2) ||బ్యూలా||
నీ సన్నిధిలో సంతోషము / నీ సన్నిధిలో సమాధానము (2) / నలిగియున్న వారిని బలపరచును / చెరలో ఉన్న వారికి స్వాతంత్య్రము / యేసయ్యా యేసయ్యా.. (3) ||నీ సన్నిధిలో|| / నీలోనే నేనుంటాను – నీలోనే జీవిస్తాను / విడువను ఎడబాయను – మరువక ప్రేమిస్తాను (2) ||యేసయ్యా|| / నాలో నీవు – నీలో నేను / నా కొరకే నీవు – నీ కొరకే నేను (2) / ఇక భయమే లేదు – దిగులే లేదు / నీ సన్నిధిలో నేనుంటే చాలు (2)
నీ చరణములే నమ్మితి నమ్మితి / నీ పాదములే పట్టితి (2) ||నీ చరణములే|| / దిక్కిక నీవే చక్కగ రావే (2) / మిక్కిలి మ్రొక్కుదు మ్రొక్కుదు మ్రొక్కుదు ||నీ చరణములే|| / ఐహిక సుఖము – నరసితి నిత్యము (2) / ఆహాహా ద్రోహిని ద్రోహిని ద్రోహిని ||నీ చరణములే|| / న్యాయము గాని – నా క్రియలన్ని (2) / రోయుచు ద్రోయకు త్రోయకు త్రోయకు ||నీ చరణములే|| / భావము మార్చి – నావెత దీర్చి (2) / దేవర ప్రోవవే ప్రోవవే ప్రోవవే ||నీ చరణములే|| / చంచల బుద్ధి – వంచన యెద్ది (2) / ఉంచక త్రుంచవే త్రుంచవే త్రుంచవే ||నీ చరణములే|| / చుర్రుకొని యున్న – శోధనలున్న (2) / పట్టు విడ గొట్టవే కొట్టవే కొట్టవే ||నీ చరణములే|| / నాచు పిశాచి – నరుకుట గాచి (2) / కాచుకో దాచవే దాచవే దాచవే ||నీ చరణములే|| / యేసుని తోడ – నెవ్వరు సాటి (2) / దోసము బాపును బాపును బాపును ||నీ చరణములే||
లెమ్ము తేజరిల్లుము నీకు / వెలుగు వచ్చియున్నది (2) / యెహోవా మహిమ నీపై / ప్రకాశముగా నుదయించె (2) ||లెమ్ము|| / యేసే యీ లోకమునకు / వెలుగై యున్నానని చెప్పెన్ (2) / యేసుని నమ్మువారు (2) / వెలుగులో నడుచువారు (2) ||లెమ్ము|| / అంధకార మందుండి / బంధింప బడిన వారిన్ (2) / ఆశ్చర్యమైన వెలుగు (2) / నందించి విమోచించెన్ (2) ||లెమ్ము|| / దాత ప్రభు యేసుని నమ్మి / నీతిగా నడుచువారు (2) / జాతి భేదములు లేక (2) / జ్యోతుల వలె నుందురు (2) ||లెమ్ము|| / మనుజులు మీ సత్క్రియలను / జూచి బహు సంతోషించి (2) / మనసారా పరమ తండ్రిన్ (2) / మహిమ పరచెదరు (2) ||లెమ్ము|| / జనములు నీ వెలుగునకు / పరుగెత్తి వచ్చెదరు (2) / రాజులు నీదు ఉదయ (2) / కాంతికి వచ్చెదరు (2) ||లెమ్ము||
కొనియాడ తరమే నిన్ను / కోమల హృదయ – కొనియాడ తరమే నిన్ను / తనరారు దినకరు – బెను తారలను మించు (2) / ఘన తేజమున నొప్పు – కాంతిమంతుడ వీవు ||కొనియాడ|| / కెరుబులు సెరుపులు – మరి దూత గణములు (2) / నురుతరంబుగ గొలువ – నొప్పు శ్రేష్ఠుడ వీవు ||కొనియాడ|| / సర్వ లోకంబుల – బర్వు దేవుడ వయ్యు (2) / నుర్వి స్త్రీ గర్భాన – నుద్భవించితి వీవు ||కొనియాడ|| / విశ్వమంతయు నేలు – వీరాసనుడ వయ్యు (2) / పశ్వాళితో దొట్టి – పండియుంటివి వీవు ||కొనియాడ|| / దోసంబులను మడియు – దాసాళి కరుణించి (2) / యేసు పేరున జగతి – కేగుదెంచితి నీవు ||కొనియాడ|| / నరులయందున కరుణ – ధర సమాధానంబు (2) / చిరకాలమును మహిమ – పరగ జేయుదు వీవు ||కొనియాడ|| / ఓ యేసు పాన్పుగ – నా యాత్మ జేకొని (2) / శ్రేయముగ పవళించు – శ్రీకర వరసుత ||కొనియాడ||
హైలెస్సా హైలో హైలెస్సా (2) / హైలెస్సా హైలెస్సా హైలెస్సా హైలెస్సా / హల్లెలూయా నా పాట / హల్లెలూయా మా పాట / హల్లెలూయా మన పాట / హైలెస్సా హైలో హైలో హైలెస్సా / అలలపైన నా పడవ / అంచలుగా సాగింది / హైలెస్సా హైలెస్సా హైలెస్సా (4) / అలలపైన నా పడవ / అంచలుగా సాగింది / శిలలు కరిగి నదులై / నా జీవ నావ కదిలింది (2) ||హైలెస్సా|| / పెనుతుఫాను గాలులలో / మునిగిపోక నిలిచింది / హైలెస్సా హైలో హైలెస్సా (4) / పెనుతుఫాను గాలులలో / మునిగిపోక నిలిచింది / మునిమాపుకు నా పడవ / మోక్షనగరు చేరింది (2) ||హైలెస్సా||
క్రీస్తే సర్వాధికారి – క్రీస్తే మోక్షాధికారి / క్రీస్తే మహోపకారి – క్రీస్తే ఆ సిల్వధారి ||క్రీస్తే|| / ముక్తి విధాత నేత – శక్తి నొసంగు దాత / భక్తి విలాప శ్రోత – పరమంబు వీడె గాన ||క్రీస్తే|| / దివ్య పథంబురోసి – దైవంబు తోడు బాసి / దాసుని రూపు దాల్చి – ధరణి కేతెంచె గాన ||క్రీస్తే|| / శాశ్వత లోకవాసి – సత్యామృతంపు రాశి / శాప భారంబు మోసి – శ్రమల సహించె గాన ||క్రీస్తే|| / సైతాను జనము గూల్పన్ – పాతాళమునకు బంపన్ / నీతి పథంబు బెంప – రుధిరంబు గార్చె గాన ||క్రీస్తే|| / మృత్యువు ముళ్ళు తృపన్ – నిత్య జీవంబు బెంపన్ / మర్త్యాళి భయము దీర్పన్ – మరణంబు గెలిచె గాన ||క్రీస్తే|| / పరమందు దివిజులైన – ధరయందు మనుజులైన / ప్రతి నాలుక మోకాలు – ప్రభునే భజించు గాన ||క్రీస్తే|| / ఈ నామమునకు మించు – నామంబు లేదటంచు / యెహోవా తండ్రి యేసున్ – హెచ్చించినాడు గాన ||క్రీస్తే||