ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
ప్రకాశించే ఆ దివ్య సీయోనులో / ఘనుడా నిన్ను దర్శింతును (2) / కలలోనైనా అనుకోలేదు / నాకింత భాగ్యము కలదని (2) / ఆరాధన ఆరాధన / ఆరాధన నీకే ఆరాధన (2) / ఆరాధన నీకే ఆరాధన (2) ||ప్రకాశించే|| / వేవేల దూతలతో నిత్యము / పరిశుద్ధుడు పరిశుద్ధుడని (2) / నా తండ్రీ నీ సన్నిధిలో / దీనుడనై నిను దర్శింతును (2) ||ఆరాధన|| / నను దాటిపోని సౌందర్యుడా / నా తట్టు తిరిగిన సమరయుడా (2) / నా తండ్రీ నీ సన్నిధిలో / నీవలె ప్రకాశింతును (2) ||ఆరాధన||
ఉదయించె దివ్య రక్షకుడు / ఘోరాంధకార లోకమున / మహిమ క్రీస్తు ఉదయించెను / రక్షణ వెలుగు నీయను – (2) ||ఉదయించె|| / ఘోరాంధకారమున దీపంబు లేక / పలు మారు పడుచుండగా (2) / దుఃఖ నిరాశ యాత్రికులంతా / దారి తప్పియుండగా (2) / మార్గదర్శియై నడిపించువారు (2) / ప్రభు పాద సన్నిధికి / దివ్య రక్షకుడు ప్రకాశ వెలుగు / ఉదయించె ఈ ధరలో – (3) ||ఉదయించె|| / చింత విచారముతో నిండియున్న / లోక రోదన విని (2) / పాపంబునుండి నశించిపోగా / ఆత్మ విమోచకుడు (2) / మానవాళికై మరణంబునొంది (2) / నిత్య జీవము నివ్వన్ / దివ్యరక్షకుడు ప్రకాశతార / ఉదయించె రక్షింపను – (3) ||ఉదయించె|| / పరలోక తండ్రి కరుణించి మనల / పంపేను క్రీస్తు ప్రభున్ (2) / లోకాంధులకు దృష్టినివ్వ / అరుదెంచె క్రీస్తు ప్రభువు (2) / చీకటి నుండి దైవ వెలుగునకు (2) / తెచ్చె క్రీస్తు ప్రభువు / సాతాను శృంగలములను తెంప / ఉదయించె రక్షకుడు – (3) ||ఉదయించె||
జన్మించినాడురా రాజు జన్మించినాడురా (2) / బెత్లహేములోన పశుల పాకలోన (2) / జన్మించినాడురా… / ఆనందం ఆనందం జగమంతా ఆనందం / సంతోషం సంతోషం ఇంటింటా సంతోషం (2) / ధనవంతుడై యుండియు / భువికి దీనుడై వచ్చాడురా / ఎంతో ప్రేమించాడురా / లోకమును రక్షింప వచ్చాడురా / పాపమంత బాపి జీవమే ఇచ్చే – (2) / యేసే వచ్చాడురా… ||ఆనందం|| / దుఃఖమే ఇక లేదురా / మనకు విడుదలే వచ్చిందిరా / మెస్సయ్య వచ్చాడని / ఈ వార్త లోకమంతా చాటాలిరా / లోక రక్షకుడు ఇమ్మానుయేలు – (2) / యేసే వచ్చాడురా.. ||ఆనందం||
ఈ దినం క్రీస్తు జన్మ దినం / శుభకరం లోక కళ్యాణం / పరమును విడచి ఇలకు చేరిన / మహిమ అవతారం (2) / ఆడుము పాడుము ప్రభుని నామము / నూతన గీతముతో / రక్షణ పొందుము ఈ సమయము / నూతన హృదయముతో (2) ||ఈ దినం|| / దేవ దూతలు పలికిన ప్రవచనం / జ్ఞానులకొసగిన దివ్య మార్గం (2) / ధన్యత కలిగిన దావీదు పురము / కన్య మరియకు ప్రసవ తరుణం ||ఆడుము|| / పాప దుఃఖములన్నియు పారద్రోలును / కృపయు క్షేమము కలుగజేయును (2) / రక్షణ నొసగెడి పరమ సుతునికి / ఇమ్మానుయేలని నామకరణము ||ఈ దినం||
అది తల మీద పోయబడి / అహరోను గడ్డము మీదుగా కారినా… / సహోదరులు ఐక్యత కలిగి నివసించుట / ఎంత మేలు – ఎంత మనోహరము / సహోదరులు ఐక్యత కలిగి నివసించుట / ఎంత మేలు – ఎంత మనోహరము / అది తల మీద పోయబడి / అహరోను గడ్డము మీదుగా కారినా… / పరిమళము – పరిమళ తైలము – (2) ||సహోదరులు|| / సంఘ సహవాసములో సహోదరులు / మత్సరము ద్వేషము అసూయతో నిండి (2) / వాక్యమును విడచి ఐక్యత లోపించి / తొలగిపోయిరి… ప్రభు కృప నుండి / సహవాసము పరిహాసమాయెను – (2) ||సహోదరులు|| / సిలువ వేయబడిన యేసు రక్షణ మరచి / స్వస్థతలు దీవెనలు అద్భుతములు (2) / క్షయమైన వాటి కొరకు – అక్షయుడగు ప్రభును వదిలి / అపహసించిరి… సువార్త సేవను / పరిశుద్ధాత్ముడు పరిహాసమొందెను – (2) ||సహోదరులు||
సంవత్సరములు వెలుచుండగా నిత్యము నీ కృపతో ఉంచితివా / దినములన్ని తరుగుచుండగా నీ దయతో నన్ను కాచితివా / నీకే వందనం నను ప్రేమించిన యేసయ్యా / నీకే స్తోత్రము నను రక్షించిన యేసయ్యా (2) ||సంవత్సరములు|| / గడచిన కాలమంతా నీ చల్లని నీడలో నడిపించినావు / నే చేసిన పాపమంతా కలువరి సిలువలో మోసినావు (2) / శత్రువల నుండి విడిపించినావు / సంవత్సరమంతా కాపాడినావు (2) ||నీకే|| / బ్రతుకు దినములన్ని ఏలియా వలె నీవు పోషించినావు / పాతవి గతియింప చేసి నూతన వస్త్రమును ధరియింపజేశావు (2) / నూతన క్రియలతో నను నింపినావు / సరి కొత్త తైలముతో నను అంటినావు (2) ||నీకే||
నోరారగా చేతును / దైవారాధనను (2) / ధారాళముగా పాడెదను / స్తోత్ర గీతమును (2) / హల్లెలూయా హల్లెలూయా / హల్లెలూయా హాల్లేలూయా (2) ||నోరారగా|| / భరియించితివి నా పాపపు శిక్షన్ / జరిగించితివి నీ రక్షణ కార్యము నాలో (2) ||హల్లెలూయా|| / విడిపించితివి పాప శిక్ష నుండి / నడిపించితివి జీవ మార్గము నందు (2) ||హల్లెలూయా|| / దయచేసితివి మోక్ష భాగ్యము నాకు / క్రయమిచ్చితివి నా విమోచనకై (2) ||హల్లెలూయా|| / వెలిగించితివి నా మనోనేత్రములు / తొలగించితివి నా పాప చీకటి బ్రతుకు (2) ||హల్లెలూయా||
అరుణ కాంతి కిరణమై / కరుణ చూప ధరణిపై / నరుని రూపు దాల్చెను / పరమ దేవ తనయుడు / అదే అదే క్రిస్మస్ – హ్యాపీ క్రిస్మస్ / ఇదే ఇదే క్రిస్మస్ – మెర్రీ క్రిస్మస్ ||అరుణ|| / యజ్ఞ యాగాదులు – బలి కర్మకాండలు (2) / దోషంబులు కడుగలేవు / దోషుల రక్షింప లేవు (2) / పరిశుద్ధుని రక్తమునందే / పాపులకిల ముక్తి కలుగును / అందుకే.. అందుకే ||అరుణ|| / పుణ్య కార్యములు – మరి తీర్థయాత్రలు (2) / దోషంబులు కడుగలేవు / దోషుల రక్షింప లేవు (2) / పరిశుద్ధుని రక్తమునందే / పాపులకిల ముక్తి కలుగును / అందుకే.. అందుకే ||అరుణ||
అందరు మెచ్చిన అందాల తార / అవనికి తెచ్చెను వెలుగుల మేడ (2) / క్రిస్మస్.. హ్యాపీ క్రిస్మస్ / హ్యాపీ హ్యాపీ క్రిస్మస్ / క్రిస్మస్.. మెర్రి క్రిస్మస్ / మెర్రి మెర్రి క్రిస్మస్ (2) ||అందరు|| / సృష్టికర్తయే మరియ తనయుడై / పశుల పాకలో పరుండినాడు (2) / నీతి జీవితం నీవు కోరగా / నీకై రక్షణ తెచ్చినాడు (2) / నీకై రక్షణ తెచ్చినాడు ||క్రిస్మస్|| / ఇంటిని విడిచి తిరిగిన నాకై / ఎదురు చూపులే చూచినాడు (2) / తప్పును తెలిసి తిరిగి రాగా / క్షమియించి కృప చూపినాడు (2) / ఎన్నో వరములు ఇచ్చినాడు ||క్రిస్మస్|| / పాత దినములు క్రొత్తవి చేసి / నీలో జీవము నింపుతాడు (2) / కటిక చీకటే వేకువ కాగా / అంబరమందు సంబరమాయే (2) / హృదయమునందు హాయి నేడు ||క్రిస్మస్||
దేవుడు దేహమును పొందిన దినము / మనిషిగా మారి ఇల చేరిన క్షణము (2) / తార వెలిగెను – దూత పాడెను / పరలోకనికి మార్గము వెలిసెను (2) / స్తుతుల గానములు పాడి పరవశించెదము / యేసు నామమునే చాటి మహిమ పరిచెదము (2) ||దేవుడు|| / దూత పలికెను భయము వలదని / తెలిపే వార్తను యేసే క్రీస్తని (2) / చీకటి తొలగెను రారాజుకు భయపడి / లోకము వెలిగెను మరణము చెరవిడి (2) / క్రీస్తు పుట్టెనని తెలిపి సంతోషించెదము / నిత్య జీవమునే చాటి ఘనత పొందెదము (2) ||దేవుడు|| / సృష్టి కారుడు అల్పుడాయెను / అది శాపము తీయ వచ్చెను (2) / పాపము ఎరుగని మనిషిగా బ్రతికెను / మానవ జాతికి మార్గమై నిలిచెను (2) / నమ్మి ఒప్పినను చాలు తొలగు పాపములు / పరము చేరుటకు మనకు కలుగు దీవెనలు (2) ||దేవుడు||
ఇమ్మానుయేలు దేవుడా – మము కన్న దేవుడా (2) / ఇస్సాకు దేవుడా ఇశ్రాయేలు దేవుడా (4) / మాతో ఉండగ వచ్చిన మరియ తనయుడా (2) / లాలి లాలి లాలమ్మ లాలి (2) / మా పాపము బాపి పరమును మము చేర్చగ / దివిని విడిచి భువికి దిగిన దైవ తనయుడా (2) ||ఇస్సాకు|| / అశాంతిని తొలగించి శాంతిని నెలకొల్పగ / ప్రేమ రూపివై వెలసిన బాల యేసువా (2) ||ఇస్సాకు||
చిందింది రక్తం ఆ సిలువ పైన / కారింది రుధిరం కలువరిలోన (2) / కరుణ చూప లేదే కసాయి మనుష్యులు / కనికరించలేదే మానవ లోకం (2) ||చిందింది|| / ఏదేనులో పుట్టిన ఆ పాపము / శాపముగా మారి మరణ పాత్రుని చేసె (2) / ఆ మరణమును తొలగించుటకు / మరణ పాత్రను చేబూనావా (2) / నా మరణమును తప్పించినావా ||కరుణ|| / చేసింది లోకం ఘోరమైన పాపం / మోపింది నేరం నీ భుజము పైనా (2) / యెరుషలేములో పారిన నీ రక్తము / ఈ లోక విమోచన క్రయధనము (2) / ఈ లోక విమోచన క్రయధనము ||కరుణ|| / నువ్వు చేసిన త్యాగం మరువలేని యాగం / మరణపు ముల్లును విరిచిన దేవుడా (2) / జీవకిరీటము నిచ్చుటకై / ముళ్ళ కిరీటము ధరించితివా (2) / నాకు నిత్య జీవమిచ్చితివా ||కరుణ||