ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
యెహోవా నాకు వెలుగాయె / యెహోవా నాకు రక్షణయే / నా ప్రాణ దుర్గమయ్యె / నేను ఎవరికీ ఎన్నడు భయపడను – (2) / నాకు మార్గమును ఉపదేశమును / ఆలోచన అనుగ్రహించే (2) / తన ఆజ్ఞలలో జీవించుటకై / కృపతో నింపి కాపాడుము (2) ||యెహోవా|| / నా కొండయు నా కోటయు / నా ఆశ్రయము నీవే (2) / నే నెల్లప్పుడు ప్రభు సన్నిధిలో / స్తుతి గానము చేసెదను (2) ||యెహోవా|| / నా తల్లియు నా తండ్రియు / ఒకవేళ విడచినను (2) / ఆపత్కాలములో చేయి విడువకను / యెహోవా నన్ను చేరదీయును (2) ||యెహోవా||
సుందరమైన దేహాలెన్నో శిథిలం కాలేదా? / అంబరమంటిన రాజులెందరో అలిసిపోలేదా? / కలములు పట్టిన కవులు ఎందరో కనుమరుగవలేదా? / ధరణిలోన ధనికులెల్లరు దహనం కాలేదా? / ఏదీ శాశ్వతం కాదేది శాశ్వతం / తరచి చూడుము పరికించి చూడము (2) ||సుందరమైన|| / నెత్తుటి చారలను లిఖించిన రాజులెందరో / ఆ నెత్తురులోనే ప్రాణాలు విడిచిపోయారు / అధికార దాహంతో మదమెక్కిన వీరులు / సమాధి లోతుల్లోనే మూగబోయారు (2) / తపోబలము పొందిన ఋషులందరూ / మతాధికారులు మఠాధిపతులు / ఈ కాలగర్భంలోనే కలసిపోయారు / మరణ పిడికళ్లలో బందీలయ్యారు (2) / యేసులేని జీవితం వాడబారిన చరితం (2) / క్రీస్తు ఉన్న జీవితం భువిలో చరితార్ధం (2) ||సుందరమైన|| / ప్రాణం పోసిన దైవాన్ని కాదంటే / ఆ జీవితానికి పరమార్ధం ఉంటుందా? / పాప సంకెళ్ళలో బందీలైనవారికి / ఆ దివ్య మోక్షం చేరుకొనే భాగ్యం ఉంటుందా? (2) / శరీరాన్ని విడిచిన మనుష్యాత్మకు / మరో జీవితం లేదనుట భావ్యమా? / రక్తము కార్చిన యేసుని విస్మరించి / ఈ సృష్టిని పూజించుట మనిషికి న్యాయమా? (2) / యేసులేని జీవితం అంధకార భందురం (2) / క్రీస్తు ఉన్న జీవితం తేజోమయ మందిరం (2) ||సుందరమైన||
స్తుతి గానమే పాడనా / జయగీతమే పాడనా (2) / నా ఆధారమైయున్న / యేసయ్యా నీకు – కృతజ్ఞుడనై / జీవితమంతయు సాక్షినై యుందును (2) ||స్తుతి|| / నమ్మదగినవి నీ న్యాయ విధులు / మేలిమి బంగారు కంటే – ఎంతో కోరతగినవి (2) / నీ ధర్మాసనము – నా హృదయములో / స్థాపించబడియున్నది – పరిశుద్ధాత్మునిచే (2) ||స్తుతి|| / శ్రేష్టమైనవి నీవిచ్చు వరములు / లౌకిక జ్ఞానము కంటే – ఎంతో ఉపయుక్తమైనవి (2) / నీ శ్రేష్టమైన – పరిచర్యలకై / కృపావరములతో నను – అలంకరించితివే (2) ||స్తుతి|| / నూతనమైనది నీ జీవ మార్గము / విశాల మార్గము కంటే – ఎంతో ఆశించదగినది (2) / నీ సింహాసనము – నను చేర్చుటకై / నాతో నీవుంటివే – నా గురి నీవైతివే (2) ||స్తుతి||
పావురమా నీ ప్రేమ ఎంత మధురము / పావురమా నీ మనసు ఎంత నిర్మలము / జుంటి తేనె ధార కన్నా / మంచి గోధుమ పంట కన్నా (2) / ప్రేమ మధురము – నీ మనసు నిర్మలము (2) / నా యేసయ్యా నీ ప్రేమ ఎంత మధురము / నా యేసయ్యా నీ మనసు ఎంత నిర్మలము / కొండల్లోన కోనల్లోనే నిన్నే వెదికాను / ఊరు వాడా వీధుల్లోన నిన్నే అడిగాను (2) / ఎటు చూసిననూ ఎం చేసిననూ / మదిలో నిన్నే తలంచుచున్నాను (2) / ఒకసారి కనిపించి / నీ దారి చూపించవా (2) ||నా యేసయ్యా|| / దవళవర్ణుడు రత్నవర్ణుడు నా ప్రాణ ప్రియుడు / పది వేళ మంది పురుషుల్లోన పోల్చదగినవాడు (2) / నా వాడు నా ప్రియుడు / మదిలో నిన్నే తలంచుచున్నాడు (2) / ఒకసారి కనిపించి / నీ దారి చూపించవా (2) ||నా యేసయ్యా||
నశించిపోయే ఆత్మలు ఎన్నో / నరకపు పొలిమేరను చెర / నన్ను పంపుము నన్ను నడిపించుము / నీ ప్రేమ సువార్త చాటను / నీ వాక్కుతో నీ శక్తితో / నీ ఆత్మతో నీ ప్రేమతో / (నను) నిత్యము నడిపించుమా – (2) / నీవు చేసిన త్యాగాన్ని / చాటి చెప్పే భాగ్యాన్ని / నాకు ఇమ్ము నా దేవా / వాడుకొనుము నా ప్రభువా (2) ||నీవు|| / నా జీవితాంతం – మరణ పర్యంతం / నీతోనే నేనుందునయ్యా (2) / కరుణ చూచి నీ మహిమ గాంచితి / నిత్యం నిను సేవింతును / నీ సన్నిధిలో ఆ దూతలతో / నీ రాజ్యములో పరిశుద్ధులతో (2) / (నిను) నిత్యము కీర్తింతును – (2) ||నీవు||
నే యేసుని వెంబడింతునని / నేడేగా నిశ్చయించితిని / నే వెనుదిరుగన్ వెనుకాడన్ / నేడేసుడు పిల్చిన సుదినం ||నే యేసుని|| / నా ముందు శిలువ నా వెనుక లోకాశల్ / నాదే దారి నా మనస్సులో / ప్రభు నా చుట్టు విరోధుల్ / నావారెవరు నా యేసుని మించిన మిత్రుల్ / నాకిలలో గానిపించరని ||నే యేసుని|| / కరువులైనను కలతలైనను / కలసిరాని కలిమి లేములు / కలవరంబులు కలిగిననూ / కదలనింకా కష్టములైనా / వదలను నాదు నిశ్చయము ||నే యేసుని|| / శ్రమయైననూ బాధలైననూ / హింసయైన వస్త్రహీనత / ఉపద్రవములు ఖడ్గములైన / నా యేసుని ప్రేమనుండి / నను యెడబాపెటి వారెవరు ||నే యేసుని||
కుమ్మరి చేతిలో మంటి వలె / తల్లి ఒడిలో పసి బిడ్డ వలె (2) / అయ్యా నీ కృపతో నన్ను మార్చుము / యేసయ్యా నీ పోలికగా నన్ను దిద్దుము ||కుమ్మరి|| / నాలోని స్వయమును నలుగ గొట్టుము / నాలోని వంకరలు సక్కగా చేయుము (2) / నీ పోలిక వచ్చే వరకు / నా చేయి విడువకు (2) / సారె పైనుండి తీసివేయకు (2) ||కుమ్మరి|| / నాలోని అహమును పారద్రోలుము / నాలోని తొందరలు తీసి వేయుము (2) / నీ భుజముపై ఆనుకొనే / బిడ్డగా మార్చుము (2) / నీ చేతితో నడిపించుము (2) ||కుమ్మరి||
ఇదే నా హృదయ వాంఛన / నీవే నా హృదయ స్పందన (2) / నిన్ను చూడాలని – నిన్ను చేరాలని (2) / నా బ్రతుకు నీలో నే సాగని ||ఇదే నా|| / నీ యందు నిలిచి ఫలియించాలని / నీ అడుగు జాడలోనే నడవాలని (2) / ఈ లోక ఆశలన్ని విడవాలని (2) / నీ సువార్తను ఇలలో చాటాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా|| / ప్రతి వారు నీవైపు తిరగాలని / ప్రతి వారి మోకాలు వంగాలని (2) / ప్రతి నాలుక నిన్నే స్తుతియించాలని (2) / ప్రతి ఆత్మ ప్రార్ధనలో నిండాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా|| / ప్రతి చోట నీ పాట పాడాలని / ప్రతి చోట నీ సువార్త చేరాలని (2) / ప్రతి వారికి రక్షణ కావాలని (2) / ప్రతి వారు నీ సన్నిధి చేరాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా||
ఏడుస్తున్నాడేమో యేసయ్య / ఏడుస్తున్నాడేమో – ఏడుస్తున్నాడేమో (2) / (నిను) రక్షించినందుకు క్షమియించినందుకు (2) / ఏడుస్తున్నాడేమో – ఏడుస్తున్నాడేమో ||ఏడుస్తున్నాడేమో|| / నాడు నరుని సృష్టించినందుకు / వారు పాపము చేసినందుకు (2) / దేవుడే దీనుడై దుఃఖముతో ఏడ్చెను (2) / నిను సృష్టించినందుకు ఏడుస్తున్నాడేమో (2) ||ఏడుస్తున్నాడేమో|| / సౌలును రాజుగా ఏర్పరచినందుకు / సౌలు హృదయము గర్వించినందుకు (2) / దేవుడే దీనుడై దుఃఖముతో ఏడ్చెను (2) / నిను హెచ్చించినందుకు ఏడుస్తున్నాడేమో (2) ||ఏడుస్తున్నాడేమో||
దేవాది దేవుడు మహోపకారుడు / మహాత్యము గల మహారాజు (2) / ప్రభువుల ప్రభువు – రాజుల రాజు / ఆయన కృప నిరంతరముండును ||దేవాది|| / సునాద వత్సరము ఉత్సాహ సునాదము / నూతన సహస్రాబ్ది నూతన శతాబ్దము (2) / ఉత్తమ దేవుని దానములు (2) ||దేవాది|| / యుగములకు దేవుడవు ఉన్నవాడవనువాడవు / జగమంతా ఏలుచున్న జీవాధిపతి నీవే (2) / నీదు క్రియలు ఘనమైనవి (2) ||దేవాది|| / అద్వితీయ దేవుడవు ప్రభువైన యేసు క్రీస్తు / మహిమా మహాత్యములు సర్వాధిపత్యమును (2) / సదా నీకే కలుగును గాక (2) ||దేవాది||
దేవా నా హృదయముతో / నిన్నే నేను కీర్తింతును (2) / మారని ప్రేమ నీదే (2) / నిన్ను కీర్తింతును ఓ.. ఓ.. / నిన్ను కొనియాడెద ||దేవా|| / ఓదార్పుకై నేను నీకై వేచి చూస్తున్నా / నీ ప్రేమ కౌగిలిలో నను బంధించుమా (2) / నీ కోసమే నీ కోసమే – నా ఈ ఆలాపన / నీ కోసమే నీ కోసమే – నా ఈ ఆరాధన ||మారని|| / నీ రాకకై నేను ఇలలో వేచి చూస్తున్నా / పరలోక రాజ్యములో పరవశించాలని (2) / నీ కోసమే నీ కోసమే – నా ఈ నిరీక్షణ (2) ||మారని||
బెత్లెహేములో సందడి / పశుల పాకలో సందడి / శ్రీ యేసు పుట్టాడని / మహారాజు పుట్టాడని (2) ||బెత్లెహేములో|| / ఆకాశములో సందడి / చుక్కలలో సందడి (2) / వెలుగులతో సందడి / మిల మిల మెరిసే సందడి (2) ||బెత్లెహేములో|| / దూతల పాటలతో సందడి / సమాధాన వార్తతో సందడి (2) / గొల్లల పరుగులతో సందడి / క్రిస్మస్ పాటలతో సందడి (2) ||బెత్లెహేములో|| / దావీదు పురములో సందడి / రక్షకుని వార్తతో సందడి (2) / జ్ఞానుల రాకతో సందడి / లోకమంతా సందడి (2) ||బెత్లెహేములో||