ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
మానవులందరు ఒక్కటేనని / మదిలో మన దేవుడు ఒక్కడేనని (2) / అందరు అందురు – వీనుల విందుగా (2) / (మరి) లోకాన జరిగేది మార్పుగా (2) ||మానవులందరు|| / క్రీస్తు సిలువకు సాక్షులమందురు / సాక్ష్యములిచ్చినా సాకులు మానరు (2) / ప్రార్ధనకొచ్చినా పాపం మానరు (2) / ప్రభువేల వానిని క్షమియించును / మరి వారేల క్షమియింపబడుదురు ||మానవులందరు|| / మార్పులు చెందినా మాటలు మారవు / మనుషులు కలిసినా మనసులు కలువవు (2) / చేతులు కలిపినా హృదయం కలవదు (2) / పైపైకి వందనంబులనుదురు / మరి వారేల నీతిమంతులవుదురు ||మానవులందరు||
కన్నులతో చూసే ఈ లోకం ఎంతో – అందముగా సృష్టించబడెను భూలోకం / దేవుని ఆలయముగా ఈ దేహం – పరిశుద్ధునిగా సృష్టించే శరీరం / నా దేవుని సృష్టియేగా ఈ లోకం – ఆ సృష్టికర్త పనియేగా / నా యేసుని సృష్టియేగా ఈ లోకం – ఆ సృష్టికర్త పనియేగా… ఈ దేహం / అల్ఫా ఒమెగయైన మహిమకు పాత్రుడైన దేవుడు / మహిమ పొందాలని ఘనత నొందాలని / వేవేల దూతలతో కొనియాడబడు దేవునికి / నువ్వు కావాలని తన రాజ్యం స్థాపించాలని (2) / తన పోలికలో నిర్మించుకొని – ఆ హృదిలో ఉండాలని (2) / నా దేవుడే కోరెనుగా – నీ హృదయాన్ని తనకీయవా ||కన్నులతో|| / నీటిబుడగ వంటిదేగా ఈ జీవితం / ఆవిరైపోవును ఇది మన్నైపోవును / అల్ప కాలమేగా ఈ లోకము / పాడైపోవును ఇది లయమైపోవును (2) / ఈ సృష్టిని దేవునిగా నీవు సృష్టిని పూజించావు / సృష్టికర్త దేవుడినే మరచి అంధుడవై బ్రతికావు / ఆ యేసయ్య నీ కోసమై నీ శాపాన్ని భరియించెను / నిత్య జీవము నీకిచ్చుటకై సిలువలో చేతులే చాచి నిను పిలచెను ||కన్నులతో||
కలుగును గాక – దేవునికి మహిమ – కలుగును గాక / కలుగు నున్నతమైన – ఘన స్థలములందున / నిలకు సమాధానం – నరుల కాయన దయ ||కలుగును|| / ప్రభువైన దేవా – పరమరాజా – సర్వపరిపాలా / పరిపూర్ణ శక్తిగల– పరమ జనక నిన్ను / మహిమ స్తుతించుచు – మరి పొగడుచున్నాము ||కలుగును|| / మహిమపర్చుచు – ఆరాధించు – చున్నాము నిన్ను / మహిమాతిశయమును – మది దలంచియు నీకు / మహిని మా స్తుతి కృత – జ్ఞత నిచ్చు చున్నాము ||కలుగును|| / ఏక కుమారా – యేసు ప్రభువా – యెహోవా తనయా / లోక పాపము మోయు – ఏక దేవుని గొఱ్రె / పిల్ల మమ్మును కనిన – రించుము చల్లగ ||కలుగును|| / పరిశుద్ధుడవు – ప్రభుడవు నీవో – ప్రభువైన క్రీస్తూ / పరిశుద్ధాత్మతో తండ్రి – యైన దేవునియందు / బరిపూర్ణ మహిమతో – బ్రబలుచున్నామామేన్ ||కలుగును||
కాలాలు మారిన గాని – యేసు మారడు / తరతరాలు మారినా యేసుని / ప్రేమ మారదు – (2) ||కాలాలు|| / గర్భమున పుట్టిన మొదలు / తల్లి ఒడిలోనున్నది మొదలు (2) / కడవరకు మోసే ప్రేమది / ముదమార పిలిచే ప్రేమది (2) ||కాలాలు|| / నింగి నేల మారిన గాని / పర్వతాలు తొలగిన గాని (2) / కడవరకు నిలిచే ప్రేమది / కలుషములు తుడిచే ప్రేమది (2) ||కాలాలు||
జీవము గల దేవుని సంఘం – ఎంతో ఎంతో రమ్యము / మనకై దేవుని సంకల్పం – ఎంతో ఎంతో శ్రేష్ఠము / సంకల్పమందున మనముండినా / ఆ సంఘమందున వసియించినా / ఎంతో ఎంతో ధన్యము – (2) ||జీవము|| / యేసే స్వరక్తమిచ్చి – సంపాదించిన సంఘము / సత్యమునకు స్థంభమును – ఆధారమునైయున్నది (2) / పాతాళలోక ద్వారములు / దాని ఎదుట నిలువవు (2) ||జీవము|| / యేసే శిరస్సైయున్న – శరీరము మనమందరము / పరిశుద్ధాత్మ మనలో – నివసించుచున్నాడు (2) / ఏ నరుడు దేవుని నిలయమును / పాడు చేయకూడదు (2) ||జీవము|| / యవ్వన ప్రాయము మనలో – భవ్యానికి భయపడక / సవ్వడి చేయుచు నిరతం – కవ్వించు చుండును (2) / ప్రభు యేసు దివ్య మాదిరిలో / గమ్యము చేరగా సాగుదాం (2) ||జీవము|| / ఏ ప్రాంతీయుల మైన – మనమందరము సోదరులం / శాశ్వత రాజ్యపు గురిలో – శ్రీ యేసుని సహ వారసులం (2) / లోకాన యేసుని త్యాగమును – సాహసముతో చాటుదాం / లోకాన క్రీస్తుని మహిమను – సహనముతోనే చాటుదాం ||జీవము||
చాటించుడి మనుష్యజాతి కేసు నామము / చాటించుడి యవశ్యమేసు – ప్రేమసారము / జనాదులు విశేష రక్షణ సునాదము – విను పర్యంతము / చాటుదాము చాటుదాము – చాటుదాము చాటుదాము / చాటుదాము చాటుదాము శ్రీయేసు నామము / కన్నీళ్ళతో విత్తెడు వార లానందంబుతో / నెన్నడు గోయుడు రనెడి వాగ్ధత్తంబుతో / మన్నన గోరు భక్తులారా నిండు మైత్రితో మానవ ప్రేమతో / చాటుదాము చాటుదాము – చాటుదాము చాటుదాము / చాటుదాము చాటుదాము – చక్కని మార్గము / సమీపమందు నుండునేమో చావు కాలము / సదా నశించిపోవువారికీ సుభాగ్యము / విధంబు జూపగోరి యాశతోడ నిత్యము విన్పించు చుందము / చాటుదాము చాటుదాము – చాటుదాము చాటుదాము / చాటుదాము చాటుదాము – సత్య సువార్తను
ఆరాధించెదము ఆత్మతో నిరతము / యెహోవా దేవుని మనమంతా / ఆనంద గానము మనసారా పాడుచు / అనుదినం కీర్తింతుము రారాజును – (2) ||ఆరాధించెదము|| / అక్షయ నాథుడు అద్వితీయుడు / పరిశుద్ధ దేవుడు నిత్య నివాసియు (2) / ఆద్యంత రహితుడు అదృశ్య రూపుడు (2) / అమరుడై యున్నవాడు మన దేవుడు (2) ||ఆరాధించెదము|| / సత్య స్వరూపి మహోన్నతుడు / మహిమాన్వితుడు మనకును తండ్రియే (2) / ప్రభువైన క్రీస్తుకు తండ్రియైన దేవుడు (2) / పరమందు ఆసీనుడు పూజార్హుడు (2) ||ఆరాధించెదము|| / సమస్తమునకు జీవాధారుడై / శ్రేష్ఠ ఈవులనిడు జ్యోతిర్మయుడై (2) / భువియందు కృప జూపు కరుణా సంపన్నుడు (2) / యుగములకు కర్తయే శ్రీమంతుడు (2) ||ఆరాధించెదము||
ఎవరు ఉన్నా లేకున్నా / యేసయ్య ఉంటే నాకు చాలు (2) / అందరి ప్రేమ అంతంత వరకే / యేసయ్య ప్రేమ అంతము వరకు (2) ||ఎవరు|| / కునుకడు నిదురపోడు / కాపాడుతాడు నన్నెప్పుడు (2) / ఆపదొచ్చినా అపాయమొచ్చినా (2) / రాయి తగలకుండ నన్ను ఎత్తుకుంటాడు (2) ||అందరి|| / తల్లి మరచినా తండ్రి విడచినా / నాతోనే ఉంటాడు ఎల్లప్పుడు (2) / ముదిమి వచ్చినా తల నెరిసినా (2) / చంక పెట్టుకొని నన్ను మోస్తాడు (2) ||అందరి|| / అలసిన కృషించినా / తృప్తి పరచును నన్నెల్లప్పుడు (2) / శత్రువొచ్చినా శోధనలు చుట్టినా (2) / రెక్కలు చాపి నన్ను కాపాడును (2) ||అందరి||
ఆనంద తైలాభిషేకము నిమ్ము – ఆత్మ స్వరూపుడా / నాకు ఆనంద తైలాభిషేకము నిమ్ము – ఆత్మ స్వరూపుడా / ఆత్మ స్వరూపుడా – నా ప్రేమ పూర్ణుడా / పరిశుద్ధాత్ముడా – నా ప్రేమ పూర్ణుడా / ఎండిన ఎముకలు జీవింప జేయుము / ఆత్మ స్వరూపుడా – పరమాత్మ స్వరూపుడా (2) ||ఆనంద|| / అరణ్య భూమిని ఫలియింప జేయుము / ఆత్మ స్వరూపుడా – నా ప్రేమ పూర్ణుడా (2) ||ఆనంద|| / యవ్వనులకు నీ దర్శన మిమ్ము / ఆత్మ స్వరూపుడా – నా ప్రేమ పూర్ణుడా (2) ||ఆనంద||
నిత్యం నిలిచేది – నీ ప్రేమే యేసయ్యా / నిలకడగా ఉండేది – నీ మాటే యేసయ్యా (2) / నాతో ఉండేది – నీ స్నేహం యేసయ్యా / నాలో ఉండేది – నీ పాటే యేసయ్యా (2) ||నిత్యం|| / మంటి పురుగునైనా నన్ను ఎన్నుకుంటివి / విలువలేని నా బ్రతుకునకు ప్రేమ పంచినావు (2) / నీకెవరూ సాటే రారయ్యా / నీకంటే లోకంలో ఘనులెవరేసయ్యా (2) ||నిత్యం|| / ఈ లోక స్నేహాలన్నీ మోసమే కదా / అలరించే అందాలన్నీ వ్యర్థమే కదా (2) / నిజమైన స్నేహం నీదయ్యా / నీ స్నేహం లేకుంటే నా బ్రతుకే వ్యర్థమయ్యా (2) ||నిత్యం||
పాత నిబంధనలో ఇశ్రాయేలును దేవుడు కోరెను దశమ భాగం / క్రొత్త నిబంధనలో క్రైస్తవులందరు చేయవలసినది సజీవ యాగం – ఇది శరీర యాగం / దేవా నా జీవితమిదిగో నీ సొంతం / ప్రతి క్షణం నీ పనికై అర్పితం (2) / నా వరకైతే బ్రతుకుట నీ కోసం / చావైతే ఎంత గొప్ప లాభం (2) / నా శరీరము నీ కొరకై ప్రతిష్ఠితం / సజీవయాగముగా నీకు సమర్పితం (2) ||దేవా|| / నా కరములు నా పదములు నీ పనిలో / అరిగి నలిగి పోవాలి ఇలలో / సర్వేంద్రియములు అలుపెరుగక నీ సేవలో / అలసి సొలసి పోవాలి నాలో (2) ||నా శరీరము|| / నా కాలము అనుకూలము నీ చిత్తముకై / ధనము ఘనము సమస్తము నీ పనికి / నా మరణము నీ చరణముల చెంతకై / నిన్ను మహిమపరిచి నేలకొరుగుటకై (2) ||నా శరీరము||
యేసయ్యా.. నన్నెందుకు ఎన్నుకున్నావయ్యా / తెలుపుము నీ చిత్తము నా యెడల – (2) ||యేసయ్యా|| / ఏ దరి కానక తిరిగిన నన్ను / నీ కౌగిటిలో చేర్చుకున్నావయ్యా (2) / ఏమి నీ ప్రేమా – ఏమి నీ కృప నా యెడల (2) / ఏమి నీ కృప నా యెడల ||యేసయ్యా|| / చనిపోయిన స్థితిలో పడిపోయిన నన్ను / నీ జీవము నొసగి బ్రతికించావయ్యా (2) / ఏమి నీ దాక్షిణ్యం – ఏమి నీ దయ నా యెడల (2) / ఏమి నీ దయ నా యెడల ||యేసయ్యా|| / శోధనా బాధలో కృంగిన నన్ను / నిరీక్షణ నొసగి బలపరచావయ్యా (2) / ఏమి నీ ఆదరణ – ఏమి నీ ఆశ నా యెడల (2) / ఏమి నీ ఆశ నా యెడల ||యేసయ్యా||