ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
సంపూర్ణుడా నా యేసయ్యా / సర్వ పరిపూర్ణత కలిగిన దేవా (2) / నా యందు పరిపూర్ణత కోరితివే (2) / నీ జీవ వాక్యమును నాకిచ్చితివే (2) ||సంపూర్ణుడా|| / ఉపదేశించుటకు నను ఖండించుటకు / నీ జీవ వాక్యమును నాకిచ్చితివే (2) / నీతి యందు శిక్షణ చేయుటకు / తప్పులను దిద్ది నను సరిచేయుటకు (2) / నీ జీవ వాక్యమును నాకిచ్చితివే (2) ||సంపూర్ణుడా|| / ప్రభుని యాత్రలో నే కొనసాగుటకు / నీ జీవ వాక్యమును నాకిచ్చితివే (2) / నీదు రాకడలో నీవలె ఉండాలని / మహిమ శరీరము నే పొందాలని (2) / నీ జీవ వాక్యమును నాకిచ్చితివే (2) ||సంపూర్ణుడా||
బేత్లెహేము పురములో ఒక నాటి రాతిరి / ఊహలకు అందని అద్భుతము జరిగెను / లోక చరిత మార్చిన దైవకార్యము / కన్య మరియ గర్భమందు శిశువు పుట్టెను / అహహ్హ ఆశ్చర్యము ఓహొహ్హో ఆనందము / రారాజు యేసు క్రీస్తుని జననము / అహహ్హ ఏమా దృశ్యము ఓహొహ్హో ఆ మహత్యము / సర్వోన్నతుని స్వరూపము ప్రత్యక్షము / నన్నాన నా.. నా.. నా న నా న నా (4) / తనన్న నన్నాన నా – (3) తనననా (2) / ధన్యులం హీనులం మనము ధన్యులం / దైవమే మనల కోరి దరికి చేరెను / మనిషిగా మన మధ్య చేరె దీన జన్మతో / పశువుల తొట్టెలోన నిదుర చేసెను / అంటూ బాల యేసుని చూడ వచ్చి గొల్లలు / మనకు శిశువు పుట్టెనంటూ పరవశించిపోయిరి ||బేత్లెహేము || / పుట్టెను యూదులకు రాజు పుట్టెను / వెతికిరి ఆ రాజు జాడ కొరకు వెతికిరి / నడిపెను ఆకశాన తార కనపడి / నిలిచెను యేసు ఉన్న చోటు తెలిపెను / తడవు చేయకొచ్చిరి తూర్పు దేశ జ్ఞానులు / యేసు చెంత మోకరించి కానుకలర్పించిరి ||బేత్లెహేము || / దొరికెను రక్షకుడు మనకు దొరికెను / తోడుగా ఇమ్మానుయేలు మనకు దొరికెను / దేవుని ప్రేమయే ప్రత్యక్షమాయెను / యేసుని రూపమే మనకు సాక్ష్యము / యేసు జన్మ నింపెను లోకమంత సంబరం / నింపెను నిరీక్షణ కృపయు సమాధానము ||బేత్లెహేము ||
కృతజ్ఞతతో స్తుతి పాడెద / నా యేసు నాథా / నాకై నీవు చేసిన మేళ్లకై / కోటి కోటి కృతజ్ఞతలు (2) / అర్హతే లేని నాపై నీదు / ప్రేమ చూపిన కృపామయా (2) / నా ఊహలకంటెను అధికముగా / దయచేయు ప్రేమామయా (2) ||కృతజ్ఞతతో|| / నిజ రక్షకుడు యేసు క్రీస్తని / విశ్వసించెద అను నిత్యము (2) / నీ పాద సేవలో బ్రతుకుటకై / నీ వరము ప్రసాదించుము / నీ పాద సేవలో బ్రతుకుటకై / వరములతో అభిషేకించు ||కృతజ్ఞతతో||
ఈ ఉదయం – శుభ ఉదయం / ప్రభువే నాకొసగిన – ఆనంద సమయం / ఆశ్రయించెదన్ – దివ్య వాక్యమున్ / ప్రేమతోడ సరిచేసే – శ్రేష్ఠ సత్యమున్ ||ఈ ఉదయం|| / బలహీనమైతి నేను – బలపరచుము తండ్రి / ఫలహీనమైతి నేను – ఫలియింపజేయుము / వాక్య ధ్యానమే – నీ ముఖ దర్శనము / పరిశుద్ధ పరచెడి – పరమతండ్రి మార్గము ||ఈ ఉదయం|| / అస్థిరమునైతి నేను – స్థిరపరచుము తండ్రి / అల్పవిశ్వాసి నేను – అద్దరికి జేర్చుము / నీ పాదసన్నిధే – నాకు శరణము / అభయంబునిచ్చెడి – ఆశ్రయపురము ||ఈ ఉదయం||
యెహోవా దీవించి – కాపాడును గాక / తన సన్నిధి కాంతితో / నిను కరుణించును గాక / నీ వైపు తన ముఖమును చూపి / శాంతినిచ్చును గాక (2) / ఆ.. ఆ.. ఆ.. ఆమెన్ ఆమెన్ ఆ.. ఆమెన్ / ఆ.. ఆ.. ఆ.. ఆమెన్ ఆమెన్ ఆ.. ఆమెన్ / యెహోవా దీవించి – కాపాడును గాక / తన సన్నిధి కాంతితో / నిను కరుణించును గాక / నీ వైపు తన ముఖమును చూపి / శాంతినిచ్చును గాక / ఆ.. ఆ.. ఆ.. ఆమెన్ ఆమెన్ ఆ.. ఆమెన్ / ఆ.. ఆ.. ఆ.. ఆమెన్ ఆమెన్ ఆ.. ఆమెన్ (2) / తన జాలి – నీ పైన / వెయ్యి తరములు – ఉండు గాక / నీ వంశం – సంతానం / వారి పిల్లల – వారి పిల్లలు (4) / నీ ముందు – నీ వెనుక / నీ పక్కన – నీ చుట్టూ / నీతోనూ – నీలోనూ / తన సన్నిధి ఉండు గాక / ఉదయాన – సాయంత్రం / నీ రాక – పోకలలో / కన్నీటిలో – సంతోషంలో / నీ పక్షం – నీ తోడు / నీ నీడగా – ఉంటాడు / మన ప్రభువు – నీ వాడు / నా వాడు – మన వాడు / ఆ.. ఆ.. ఆ.. ఆమెన్ ఆమెన్ ఆ.. ఆమెన్ / ఆ.. ఆ.. ఆ.. ఆమెన్ ఆమెన్ ఆ.. ఆమెన్ (3)
తార జూపిన మార్గమదే… జ్ఞానులు చేరిన గమ్యమదే… / గొల్లలు గాంచిన స్థానమదే… లోక రక్షకుని గూర్చినదే… / ఇమ్మానుయేలు జననమది – పాపికి పరలోక ద్వారమది (2) / ఆహా హల్లెలూయా.. ఆహా హల్లెలూయా.. / ఆహా హల్లెలూయా.. ఆహా హల్లెలూయా…. / తార జూపిన మార్గమదే – జ్ఞానులు చేరిన గమ్యమదే / గొల్లలు గాంచిన స్థానమదే – లోక రక్షకుని గూర్చినదే (2) / ఇమ్మానుయేలు జననమది – పాపికి పరలోక ద్వారమది / పరిశుద్ధ ప్రవక్తలు పలికినది – పరలోక సైన్యము పాడినది (2) / ఆహా హల్లెలూయా.. ఆహా హల్లెలూయా.. / ఆహా హల్లెలూయ.. ఆహా హల్లెలూయ.. / ఆహా హల్లెలూయా.. ఆహా హల్లె.. లూయా.. ||తార జూపిన|| / దైవాజ్ఞను ధిక్కరించుటయే – పాపము ఓ సోదరా / ఆ పాపముతో లోకమంతా – నిండిపోయెను సోదరీ (2) / పాపమేమో మరణమును వెంట దెచ్చెగా / ఆ మరణమేమో నీకు నాకు సంక్రమించెగా / భయము లేదు మనకింకా ఓ సోదరా / అభయమదిగో క్రీస్తేసు జన్మించెగా / భయము లేదు మనకింకా ఓ సోదరీ / అభయమదిగో క్రీస్తేసు జన్మించెగా.. ఆ.. ఆ.. ఆ.. ||ఆహా హల్లెలూయా|| / దైవ చిత్తము నెరవేర్చుటకే – క్రీస్తేసు పరము వీడగా / పాప రుణమును చెల్లించుటకై – పావనుడే పుడమి చేరెగా (2) / సిలువలో సాతాను తల చితకద్రొక్కెగా / రుధిరమిచ్చి నిన్ను నన్ను శుద్ధి చేయగా / బంధకములు తెంపబడెగా ఓ సోదరా / సమాధి గెలిచి యేసయ్య తిరిగి లేచెగా / బంధకములు తెంపబడెగా ఓ సోదరీ / సమాధి గెలిచి యేసయ్య తిరిగి లేచెగా.. ఆ.. ఆ.. ఆ.. ||ఆహా హల్లెలూయా|| / దైవ వాక్యము బోధించుటకు – పావనాత్మ పంపబడెగా / లోక పాపము ఒప్పించుటయే – ఆదరణకర్త కార్యమాయెగా (2) / అంధకారమంత బాపి వెలుగు నిచ్చుగా / అనుదినము నిన్ను నన్ను నడిపించునుగా / సందేహమేల సమయమిదే ఓ సోదరా / నిను రక్షించుటకేసయ్య చేయి చాచగా / సందేహమేల సమయమిదే ఓ సోదరీ / నిను రక్షించుటకేసయ్య చేయి చాచగా… ఆ.. ఆ.. ఆ.. ||ఆహా హల్లెలూయా||
దేవా ఇలలోన నీవు మాకిచ్చిన గృహము / మా తోడుగా కొలువుండేటి నీదు ఆలయము (2) / మా యజమానివి నీవై మమ్ములను నడిపించు / నీ పనికి పాటుపడేలా పాత్రలుగా దీవించు (2) / వందనములు అందుకో మా యేసయ్యా / కలకాలం నీ కాపుదలే కావాలయ్యా (2) ||దేవా|| / నువ్వు పుట్టిన రోజు నీకు స్థలమైనా లేదయ్యా / పరిచర్య చేయు సమయము ఏ గృహము నీకుందయ్యా (2) / ఆ ఒలీవల కొండలలోనే తల దాచిన యేసయ్యా / నీ వారలుగా ప్రేమించి నీ గృహమున నిలిపావా ||వందనములు|| / నీ ప్రేమను ప్రతిఫలించగా నీ వెలుగును పంచుమయా / నీ నీడలో మే సాగుటకు మా గృహమును కట్టుమయా (2) / శోధన వేదనలెదిరించే బలమును అందించుమయ్యా / నీ కృపలను చాటించేటి సాక్ష్యములతో నింపుమయ్యా ||వందనములు|| / నీ ఆజ్ఞలు పాటించేటి హృదయముతో మేముండాలి / నిరతము తరగని నీ కృపతో తరతరములు నిండాలి (2) / సమాధాన కర్తవు నీవై మా తోడుగా నీవుండాలి / కలిమిలేమిలందు సైతం నీ మార్గములో సాగాలి ||వందనములు||
ఆలకించుమో దేవా మా ఆక్రందనను / కోల్పోతిమయ్యా మా ఆత్మీయులను (2) / మా ధైర్యము నీవై – మము నడిపించుము తండ్రి / బలహీనులమైన మమ్ము బలపరచుమయ్యా… / భూదిగoతముల నుండి మొరపెట్టుచున్నాము / మా ప్రార్థన ఆలకించుమో దేవా (2) / మా కనులెత్తుచున్నాము కనికరించుము / నీ రాకడకు మమ్ము సిధ్ధపరచుము / అంధకారము అలముకొన్న – ఈ లోకములో / గొప్ప వెలుగుగా మమ్ము ఉండనిమ్ము ||ఆలకించుమో||
శాశ్వతమా ఈ దేహం / త్వరపడకే ఓ మనసా… / శాశ్వతమా ఈ దేహం / త్వరపడకే ఓ మనసా (2) / క్షణికమైన ఈ మనుగడలో / పరుగులేలనో అనుక్షణము / నీటిపైన చిరు బుడగ వోలె – (2) / దేహము ఏ వేళా చితికిపోవునో ||శాశ్వతమా|| / ఈ లోకములో భోగములెన్నో / అనుభవించగా తనవి తీరేనా / నీ తనువే రాలిపోయినా – (2) / నీ గతి ఏమో నీకు తెలియునా ||శాశ్వతమా|| / దేహ వాంఛలను దూరము చేసి / ఆ ప్రభు యేసుని శరణము కోరి / నీతి మార్గమున నడుచుకొందువో – (2) / చిరజీవముతో తరియించేవు ||శాశ్వతమా||
కమనీయమైన నీ ప్రేమలోన / నే నిలువనా నా యేసయ్యా / కమనీయమైన నీ ప్రేమలోన / నే నిలువనా నా యేసయ్యా / (తీయ) తీయని నీ పలుకలలోన / నే కరిగిపోనా నా యేసయ్యా (2) / నా హృదిలో కొలువైన నిన్నే / సేవించనా/సేవించెదా నా యేసయ్యా (2) / విస్తారమైన ఘన కీర్తి కన్నా / కోరదగినది నీ నామం / జుంటె తేనె ధారల కన్నా / మధురమైనది నీ నామం (2) / సమర్పణతో నీ సన్నిధిని చేరి / నిత్యము నిన్నే ఆరాధించనా (2) ||కమనీయమైన|| / వేసారిపోయిన నా బ్రతుకులో / వెలుగైన నిన్నే కొనియాడనా (2) / కన్నీటితో నీ పాదములు కడిగి / మనసారా నిన్నే పూజించనా (2) / నీ కృపలో గతమును వీడి / మరలా నీలో చిగురించనా (2) ||కమనీయమైన||
నా దేవా నీకే వందనం / నా ప్రభువా స్తుతులూ నీకేనయా (2) / సకలాశీర్వాదముకు కారణభూతుడవు / ఆది సంభూతుడవూ (2) / హల్లెలూయా హల్లెలూయా / హల్లెలూయా హల్లెలూయా (2) / కౌగిటిలో నన్ దాచును / కను రెప్పవలె కాచును (2) ||హల్లెలూయా|| / చింతలన్ని బాపును / బాధలన్ని తీర్చును (2) ||హల్లెలూయా||
నిను పోలిన వారెవరూ – మేలు చేయు దేవుడవు / నిన్నే నే నమ్మితిన్ నా దేవా (2) / నిన్నే నా జీవితమునకు ఆధారము చేసికొంటిని / నీవు లేని జీవితమంతా వ్యర్ధముగా పోవునయ్య (2) / ఎల్ షడ్డాయ్ ఆరాధన – ఎలోహిం ఆరాధన / అడోనాయ్ ఆరాధన – యేషువా ఆరాధన (2) / కృంగియున్న నన్ను చూచి / కన్నీటిని తుడిచితివయ్య / కంటి పాప వలే కాచి / కరుణతో నడిపితివయ్య (2) ||ఎల్ షడ్డాయ్|| / మరణపు మార్గమందు / నడిచిన వేళయందు / వైద్యునిగా వచ్చి నాకు / మరో జన్మనిచ్చితివయ్య (2) ||ఎల్ షడ్డాయ్||