ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
ఆశ్చర్యకరుడు ఆలోచనకర్త / నిత్యుడగు తండ్రి సమాధానకర్త (2) / తనవంటి గొప్ప దేవుడు ఎవరున్నారిలలో / తన సాటైనా దీటైనా దేవుడు లేడిలలో (2) ||ఆశ్చర్యకరుడు|| / తన చేతిలో రోగాలు లయమైపోయెను / తన చూపుతో దయ్యాలు విలవిలలాడెను (2) / తన మాటతో ప్రకృతినే శాసించినవాడు (2) / నీటిపై ఠీవిగా నడచినవాడతడు (2) ||ఆశ్చర్యకరుడు|| / మనకోసం తన ప్రాణాన్నే బలి ఇచ్చినవాడతడు / మనకోసం సజీవుడై లేచినవాడతడు (2) / తన శాంతినే పంచిపెట్టిన శాంతమూర్తి యేసు (2) / తన సర్వాన్నే ధారబోసిన త్యాగశీలి క్రీస్తు (2) ||ఆశ్చర్యకరుడు||
మూడు దశాబ్దాల వైవాహిక జీవితాన్ని / దీవించిన దేవా నీకు వందనం (2) / వందనం వందనం… / వందనం నీకే మా వందనం (2) దేవా ||మూడు దశాబ్దాల|| / పాపులమైన మమ్మును / వెదకి రక్షించినందుకు / ఏమియు లేని మాకు / అన్నిటిని నొసగినందుకు (2) ||వందనం|| / బలవంతులుగా చేసి / మూడు బాణాలను ఇచ్చినందుకు / మా భోజనపు బల్ల చుట్టు / ఒలీవ మొక్కల వలె పెంచినందుకు (2) ||వందనం|| / మా కష్టాలలో, దుఃఖాలలో / మమ్ము కాచిన దేవా / మా వ్యాధులను, బాధలను / తీర్చిన దేవా (2) ||వందనం||
ఆహా యేమానందం ఆహా యేమానందము / చెప్ప శక్యమా (2) / ఆహా మా రాజగు యేసు మా వృజినముల / మన్నించి వేసెను (2) ||ఆహా|| / ముదముతో నాడుచు కూడుచు పాడుచు / ఆర్భాటించెదము (2) / వెదకుచు వచ్చిన యేసును హృదయాన / కోరి స్తుతింతుము (2) ||ఆహా|| / అక్షయుడగు ప్రేమతో రక్షణ బాకాను / గ్రహించినందున (2) / రక్షకుడు యేసును గూర్చి మా సాక్ష్యము / నిశ్చయముగా నిత్తుము (2) ||ఆహా|| / తెల్లంగి వాద్యము స్వర్ణ కిరీటము / మేడపై జయ జెండాల్ (2) / ఉల్లాసించి మంటి నుండి మింట కేగిన / రాజున్ స్తుతింతుము (2) ||ఆహా||
గాడాంధకారపు లోయలో / నే సంచరించిన వేళలో / అపాయమేమియు రానీయక / ఉన్నావు తోడుగ నా త్రోవలో (2) / యేసయ్య నీవే మా కాపరివి / ఏమి లేమి లేక కాపాడితివి (2) / నా ఆశ్రయ దుర్గము నీవే / నా బలమైన శైలము నీవే / నా రక్షణ శృంగము నీవే / నా శిక్షను భరియించితివే ||గాడాంధకారపు|| / పచ్చిక గల చోట్లలో నిలిపావు / శాంతి జలములందు నన్ను నడిపావు (2) / యేసయ్య నీవే మా కాపరివి / ఏమి లేమి లేక కాపాడితివి (2) / నా ఎత్తైన కోట నీవే / నే నడిచే ప్రతి చోట నీవే / నా రక్షణకర్తా నీవే / నా జీవన దాతా నీవే ||గాఢాంధకారపు|| / నూనెతో నా తలను అంటావు / నా గిన్నెను పొర్లి పారజేసావు (2) / యేసయ్య నీవే మా కాపరివి / ఏమి లేమి లేక కాపాడితివి (2) / నా మొరను ఆలించావే / నీ వరములు నాకొసగావే / నా పరమ తండ్రివి నీవే / నీ కరమున నను దాచావే ||గాఢాంధకారపు|| / చీకటి బ్రతుకును వెలిగించావు / మరణపు భయమును తొలగించావు (2) / యేసయ్య నీవే మా కాపరివి / ఏమి లేమి లేక కాపాడితివి (2) / నా త్రోవకు వెలుగు నీవే / నా నావకు చుక్కాని నీవే / నను కావగ ఏతెంచితివే / కొనిపోవగ రానున్నావే ||గాఢాంధకారపు||
నా నాథుడా నా యుల్లమిచ్చితి నీకు (2) / అన్నియు నీకై వీడి – నిన్నే వెంబడించితిని (2) / పెన్నుగ నాలో నాటుమా (2) ప్రేమన్ ||నా నాథుడా|| / దేవాలయ విగ్రహముల్ – దేవతలు వేయిలక్షల్ (2) / యావత్తు పెంటయనుచు (2) నిదిగో ||నా నాథుడా|| / ఆదియంత రహితుడ – ఆత్మల నాయకుడా (2) / ఆశ కల్గించు నాలోన (2) నీవే ||నా నాథుడా|| / పరిశుద్ధ యవతరుడా – మరియు తేనె అమృతుడా (2) / కరుణతో నన్ను గావుమా (2) యిప్పుడు ||నా నాథుడా|| / భూతలమునకు వేంచేసి – పాతకుల ప్రేమించితివి (2) / పాతకుడ నేనైతిని (2) మహా ||నా నాథుడా|| / ఆద్యంతము లేనట్టి – బీదలకు ధన నిధీ (2) / సదయుడా నన్ను చూడుమా (2) యిపుడు ||నా నాథుడా|| / హల్లెలూయ గీతమును – ఎల్లెడల చాటించెదను (2) / ఉల్లమందానంద ధ్వని (2) యిదియే ||నా నాథుడా||
అనుదినము ప్రభుని స్తుతియించెదము / అనుక్షణము ప్రభుని అనంత ప్రేమను / అల్లుకుపోయేది ఆర్పజాలనిది / అలుపెరగనిది ప్రభు ప్రేమ (2) ||అనుదినము|| / ప్రతి పాపమును పరిహరించి / శాశ్వత ప్రేమతో క్షమియించునది / నా అడుగులను సుస్థిరపరచి / ఉన్నత స్థలమున నింపునది (2) ||అల్లుకుపోయేది|| / ప్రతి రేపటిలో తోడై నిలిచి / సిలువ నీడలో బ్రతికించినది / స్వర్గ ద్వారము చేరు వరకు / మాకు ఆశ్రయమిచ్చునది (2) ||అల్లుకుపోయేది||
ఆత్మ దీపమును (2) / వెలిగించు యేసు ప్రభు (2) ||ఆత్మ|| / వసియించుము నా హృదయమునందు (2) / వసియించు నా నయనములందు (2) / అన్నియు నిర్వహించుచున్నావు (2) / నన్ను నిర్వహించుము ప్రభువా (2) ||ఆత్మ|| / కలుషాత్ములకై ప్రాణము బెట్టి (2) / కష్టములంతరింప జేసి (2) / కల్వరి సిలువలో కార్చిన రక్త (2) / కాలువ యందు కడుగుము నన్ను (2) ||ఆత్మ||
నిన్ను కాపాడు దేవుడు / కునుకడు నిదురపోడు – నిదురపోడు / వాగ్ధానమిచ్చి మాట తప్పడు / నమ్మదగినవాడు – నమ్మదగినవాడు / భయమేల నీకు – దిగులేల నీకు (2) / ఆదరించు యేసు దేవుడు ఉండగా ||నిన్ను కాపాడు|| / శత్రు బలము నిన్ను చుట్టుముట్టినా / శోధనలలో – నిన్ను నెట్టినా (2) / కోడి తన పిల్లలను కాచునంతగా / కాపాడు దేవుడు నీకు ఉండగా (2) / భయమేల నీకు – దిగులేల నీకు (2) / కాపాడు గొప్ప దేవుడు ఉండగా ||నిన్ను కాపాడు|| / రోగ భారమందు లేవకున్ననూ / వ్యాధులు నిన్ను కృంగదీసినా (2) / చనిపోయిన లాజరును తిరిగి లేపిన / స్వస్థపరచు దేవుడు నీకు ఉండగా (2) / భయమేల నీకు – దిగులేల నీకు (2) / స్వస్థపరచు సత్య దేవుడు ఉండగా ||నిన్ను కాపాడు||
యేసు మాతో నీవుండగా / మేము అలసిపోలేమయ్యా (2) / అంతా నీవే చూసుకుంటావు (4) ||యేసు మాతో|| / సమాధానకారకుడు నీవేనయ్యా / సర్వశక్తుడవు నీవేనయ్యా (2) ||యేసు మాతో|| / అద్భుత దేవుడవు నీవేనయ్యా / ఆలోచన కర్తవు నీవేనయ్యా (2) ||యేసు మాతో|| / నా యొక్క సౌందర్యం నీవేనయ్యా / నాకున్న ఆశలన్నీ నీవేనయ్యా (2) ||యేసు మాతో||
ఇదియేనయ్య మా ప్రార్థన / ఇదియే మా విజ్ఞాపన / ఆలకించే దేవా / మము నీ ఆత్మతో నింపగ రావా (2) / నీ వాక్యములో దాగియున్న / ఆంతర్యమును మాకు చూపించయ్యా / నీ మాటలలో పొంచియున్న / మర్మాలను మాకు నేర్పించయ్యా (2) / నీ జ్ఞానమే మా వెండి పసిడి / నీ ధ్యానమే మా జీవిత మజిలి (2) ||ఆలకించే దేవా|| / నీ దృష్టిలో సరిగా జీవించే / మాదిరి బ్రతుకును మాకు దయచేయయ్యా / నీ సృష్టిని మరిగా ప్రేమించే / లోబడని మా మనసులు సరిచేయయ్యా (2) / నీ జ్ఞానమే మా వెండి పసిడి / నీ ధ్యానమే మా జీవిత మజిలి (2) ||ఆలకించే దేవా|| / నీ సువార్తను గొప్పగ చాటే / బెదరని పెదవులు మాకు ఇవ్వుము దేవా / నీ సేవలో తప్పక కొనసాగే / అలుపెరుగని పాదములు నొసగుము ప్రభువా (2) / నీ జ్ఞానమే మా వెండి పసిడి / నీ ధ్యానమే మా జీవిత మజిలి (2) ||ఆలకించే దేవా||
వాడబారని విశ్వాసం – ఎప్పుడూ.. కోపగించని వాత్సల్యం / పాపమెంచని ఆంతర్యం – నీతో.. వీడదీయని సాంగత్యం / దయచేయుమా నాకు నా యేసయ్యా / సరిచేయుమా నన్ను నా యేసయ్యా / వాడుకో నా యేసయ్యా / అని వేడుకుంటున్నానయ్యా (2) / రాజా రాజా రాజుల రాజా / రాజా రారాజా నా యేసు రాజా (2) / ఏలియా ప్రవక్త / యోర్దాను నదీ సమీపమున / ఆహారమే లేకయుండగా / ఆ మహా కరువు కాలమున (2) / కాకోలముచే ఆహారమును పంపిన దేవా (2) / కాకోలాన్నే వాడిన దేవా / కడుహీనుడనైన నన్నును కూడా ||వాడుకో|| / బెయేరు కుమారుడు బిలాము / దైవాజ్ఞను మీరగా / మోయాబుకు పయనమైన వేళ / తన నేత్రాలు మూయబడగా (2) / గాడిదకు మాట్లాడుటకు పలుకిచ్చిన దేవా (2) / గాడిదనే వాడిన దేవా / గతిలేనివాడను నన్నును కూడా ||వాడుకో||
యేసు రక్తములో నాకు జయమే జయము / ప్రభు యేసు రక్తములో నిత్యం విజయం (2) / జయం జయం జయం జయం – నా యేసునిలో / జయం జయం జయం జయం – ప్రభుయేసు రక్తములో (2) ||యేసు రక్తములో|| / పాపాలను క్షమియించి – శాపాలను భరియించి / విడుదలను కలిగించే యేసు రక్తము / మరణాన్ని తొలగించి – నరకాన్ని తప్పించి / పరలోకానికి చేర్చే యేసు రక్తము (2) / అమూల్యమైనది పవిత్రమైనది / ప్రశస్తమైనది నిష్కళంకమైనది (2) ||జయం జయం|| / శోధనలలో జయమిచ్చి – బాధలో నెమ్మదినిచ్చి / ఆదరణను కలిగించే యేసు రక్తము / రోగాలను లయపరచి – వ్యాధులను దూరం చేసి / స్వస్థత నాకు చేకూర్చే యేసు రక్తము (2) / అమూల్యమైనది పవిత్రమైనది / ప్రశస్తమైనది నిష్కళంకమైనది (2) ||జయం జయం||