ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
హృదయాలనేలే రారాజు యేసువా / అధరాలపై నీ పేరే కదలాడుతుండగా (2) / నీ కొరకే నేను జీవింతును / నా జీవితమంతా అర్పింతును ||హృదయాల|| / నా ప్రియులే శతృవులై నీచముగా నిందించి / నన్నెంతో తూలనాడి నా చేయి వీడగా (2) / నా దరికి చేరి నన్ను ప్రేమించినావా / నన్నెంతో ఆదరించి కృప చూపినావా / నా హృదయనాథుడా నా యేసువా / నా ప్రాణప్రియుడా క్రీస్తేసువా ||హృదయాల|| / నీ హృదయ లోగిలిలోన నను చేర్చు నా ప్రియుడా / నీ ప్రేమ కౌగిలిలోన నను దాచు నా విభుడా (2) / పరలోక మార్గాన నడిపించు నా ప్రభు / అరణ్య యాత్రలోన నిన్నానుకొందును / అతిలోక సుందరుడా శ్రీ యేసువా / రాజాధిరాజా ఘన యేసువా ||హృదయాల||
అదిగో నా నావ బయలు దేరుచున్నది / అందులో యేసు ఉన్నాడు / నా నావలో క్రీస్తు ఉన్నాడు (2) / వరదలెన్ని వచ్చినా వణకను / అలలెన్ని వచ్చినా అదరను (2) / ఆగిపోయే అడ్డులొచ్చినా / సాగిపోయే సహాయం మనకు ఆయనే (2) ||అదిగో|| / నడిరాత్రి జాములో నడచినా / నది సముద్ర మధ్యలో నిలచినా (2) / నడిపించును నా యేసు / నన్నూ అద్దరికి చేర్చును (2) ||అదిగో|| / లోతైన దారిలో పోవుచున్నది / సుడిగుండాలెన్నో తిరుగుచున్నవి (2) / సూర్యుడైన ఆగిపోవును / చుక్కాని మాత్రం సాగిపోవును (2) ||అదిగో||
నీ జీవితం క్షణ భంగురం / నీ యవ్వనం తృణాప్రాయం / ఎప్పుడు రాలునో ఎవరు ఎరుగరు / ఎప్పుడు పోవునో నీకు తెలియదు / ప్రభు యేసు ప్రియమార నిన్ను పిలుచుచుండగా / పరిహాసమేల ఓ సోదరా / ప్రభు యేసు ప్రియమార నిన్ను పిలుచుచుండగా / పరిహాసమేల ఓ సోదరీ / పరిహాసమేల ఓ సోదరా… పరిహాసమేల ఓ సోదరీ… / ఈ రెండు మార్గములు నీ ఎదుటనున్నవి / విశాల మార్గమొకటి – ఇరుకు మార్గమొకటి (2) / ఏది నీ మార్గమో – ఈ క్షణమే తేల్చుకో (2) / ఈ క్షణమే తేల్చుకో ||నీ జీవితం|| / నీకున్నవన్నియు క్షణిక సుఖములే / ప్రభు యేసుని చేరు – పరలోకమే నీదవును (2) / ఈ దినమే సుదినము – ప్రభుని హృదిని చేర్చుకో (2) / ప్రభుని హృదిని చేర్చుకో ||నీ జీవితం||
యేసుని ప్రేమ యేసు వార్త / వాసిగ చాటను వెళ్ళెదము / ఆశతో యేసు సజీవ సాక్షులై / దిశలన్నిటను వ్యాపించెదము / వినుము ప్రభుని స్వరము (2) / ప్రభు యేసు సన్నిధి తోడు రాగా / కడుదూర తీరాలు చేరెదము ||యేసుని|| / మరణ ఛాయ లోయలలో / నాశన కూపపు లోతులలో (2) / చితికెను బ్రతుకులెన్నో (2) / ప్రేమ తోడను చేరి వారిని / ప్రభు యేసు కొరకై గెలిచెదము ||యేసుని|| / కాపరి లేని గొర్రెలుగా / వేసారెనుగ సమూహములే (2) / ప్రజలను చూచెదమా (2) / ప్రేమ తోడను చేరి వారిని / ప్రభు యేసు కొరకై గెలిచెదము ||యేసుని||
కవులకైనా సాధ్యమా నీ కృపను వర్ణించడం / ప్రేయసికైనా సాధ్యమా నీ ప్రేమను అందించడం / శిల్పికైనా సాధ్యమా నీలా నిర్మించడం / రాజుకైనా సాధ్యమా నీలా వరమీయడం (2) ||కవులకైనా|| / చెదరిన మనసులకూ శాంతి / కృంగిన హృదికీ ఓదార్పు / మృత్యు దేహముకూ జీవం / బలహీనులకు ఆరోగ్యం (2) / పరమ వైద్యునిగా నీవు చేసే స్వస్థతా కార్యాలు / గాయపడిన నీ హస్తము చేసే అద్భుత కార్యాలు / మోసపూరిత ఈ లోకంలో / ఏ వైద్యునికి సాధ్యము (2) ||కవులకైనా|| / క్షణికమైన అనురాగాలు / ఆవిరివంటి ఆప్యాయతలు / అవసరాల అభిమానాలు / నిలచిపోయే అనుబంధాలు (2) / నవ్యకాంతులమయమైన నీదు కల్వరి ప్రేమ / ఆనందజ్వాలలు కలిగించే నీదు నిర్మల స్నేహం / స్వార్ధపూరిత ఈ లోకంలో / ఏ మిత్రునికి సాధ్యము (2) ||కవులకైనా||
మేలుకో విశ్వాసి మేలుకో / చూచుకో నీ స్థితిని కాచుకో (2) / మేలుకో విశ్వాసి మేలుకో / ఇది అంత్య కాలం.. భ్రష్టత్వ కాలం (2) / ఇహ లోక మాలిన్యం దూరపరచుకో / మదిలోని మురికినంత కడిగివేసికో ||మేలుకో|| / నిన్ను గూర్చి సేవ గూర్చి జాగ్రత్త / మంద యొక్క సాక్ష్యమెంతో జాగ్రత్త (2) / విశ్వాసం లేని దుష్ట హృదయము / చేదు వేరు నీవేనేమో చూడు జాగ్రత్త ||మేలుకో|| / ప్రేమ లేక పరిశుద్ధత కలుగునా / ధర్మశాస్త్ర సారమే ప్రేమ కదా (2) / ప్రేమ లేక ద్వేషింప బూనితే / క్రీస్తు ప్రేమ సిలువలో వ్యర్ధమే కదా ||మేలుకో||
యేసు రక్తమే జయం… యేసు రక్తమే జయం / యేసు నామం ఉన్నత నామం (2) / పేరు పెట్టి పిలచినవాడు – విడువడు ఎన్నడు / ఆశ తీర్చు దేవుడు – ఆదరించును (2) / ఆశలన్ని అడి ఆశలుగా / మార్చునంత విపరీతముగా / చేయునదే నీ పాపము (2) / యెహోవా దయాళుడు… యెహోవా దయాళుడు / ఆయన కృప నిత్యముండును (2) / ఎవరు ఉన్నా లేకపోయినా – యేసు ఉంటే చాలు / లోకమంత విడనాడినా – నిన్ను విడువడు (2) / శ్రమయు బాధ హింస అయిననూ / కరువు వస్త్ర హీనతైననూ / ఖడ్గ మరణమెదురే అయిననూ (2) / యేసు పునరుత్థానుడు… యేసు పునరుత్థానుడు / మరణపు బలము ఓడిపోయెను (2)
నిన్ను తలచి నను నేను మరచి / నీ సాక్షిగా ఇల నే బ్రతుకుచుంటిని (2) / యేసయ్యా.. నీ కృప లేక నే బ్రతుకలేను (2) ||నిను తలచి|| / జీవము లేని దైవారాధనలో / నిర్జీవ క్రియలతో మృతుడనైతిని (2) / జీవాధిపతివై నా జీవితానికి / నిత్య జీవము నొసగిన యేసయ్యా (2) ||నిను తలచి|| / దారే తెలియని కారు చీకటిలో / బ్రతుకే భారమై నలిగిపోతిని (2) / నీతి సూర్యుడా ఎదలో ఉదయించి / బ్రతుకే వెలుగుతో నింపిన యేసయ్యా (2) ||నిను తలచి|| / సద్గుణ శీలుడా సుగుణాలు చూచి / హృదిలో నేను మురిసిపోతిని (2) / సుగుణాలు చూచుటకే నీవు / సిలువలో నాకై నలిగిన యేసయ్యా (2) ||నిను తలచి||
నీ జీవితం నీటీ బుడగా వంటిది / ఎప్పుడూ ఆగునో మనకూ తెలియదూ (2) / నేడే తెలుసుకో నిజమైన దేవుని / నిత్య జీవముకై వెంబడించు యేసుని ||నీ జీవితం|| / ఎన్నాళ్ళూ ఈ వ్యర్ధపు ప్రయాసము / మనకై మరణించిన ప్రభుని చూడు (2) / ఈ క్షణమే వెదుకూ నీ హృదయముతో (2) / మనదగునూ.. ఆయన క్షమా రక్షణ (2) ||నీ జీవితం|| / ఎన్నాళ్ళు ఈ వ్యర్ధపు ప్రయాణము / త్వరగా రానైయున్నాడు ప్రభువూ (2) / ఆయనతో పరమునకేగుటకూ (2) / నిరీక్షణ గలవారమైయుందుము (2) ||నీ జీవితం||
ప్రియ యేసు నాథ పని చేయ నేర్పు / నీదు పొలములో కూలివానిగా / కావాలి నేను నీదు తోటకు కావలివానిగా / అంకితం ఈ జీవితం నా యేసు నీ కోసమే / అంకితం ఈ జీవితం విద్యార్ధి లోకానికే / స్వచ్చమైన ప్రేమను మచ్చలేని సేవను / మెచ్చునేసు మహిమతో వచ్చు వేల (2) / మరువకు నా ప్రాణమా / నీ ప్రయాస వ్యర్ధము కాదు (2) ||ప్రియ యేసు|| / ఏక భావము సేవ భారము / యేసు మనసుతో సాగిపోదును (2) / విసుగక విడువక / కష్టించి పని చేసెదన్ (2) ||ప్రియ యేసు||
దేహం పాతది – మనసు మలినమైనది / జీవం పాపిది – మార్గం తెలియనిది (2) / సర్వోన్నతుడా నిత్య నూతనుడా / నిత్య జీవనం కలిగించుమయ్యా / మరియా కన్న తనయా ||దేహం|| / దాహంతో నువ్వు నీళ్ళను అడిగితే ఇవ్వకపోయానే / ఆకలిగొని నువ్వు రొట్టెను అడిగితే పెట్టకపోయానే / తల దాచుకునే ఆశ్రయమడిగితే పో అని అన్నానే / మానము కాచగ వస్త్రమునడిగితే లేదని అన్నానే ||సర్వోన్నతుడా|| / తెలిసీ తెలియక చేసిన తప్పులు ఉన్నవి మన్నించు / తండ్రివి నీవే నా చేయిని నువ్వు పట్టి నడిపించు / వీడగ లేని సంసారమనే బంధం విడిపించు / నీపై మనసు నిలిచే విధమును నువ్వే నేర్పించు ||సర్వోన్నతుడా||
నిజముగా మొర పెట్టిన / దేవుడాలకించకుండునా / సహనముతో కనిపెట్టిన / సమాధానమీయకుండునా / జీవముగల దేవుడు మౌనముగా ఉండునా / తన పిల్లలకాయన మేలు చేయకుండునా (2) ||నిజముగా|| / పరలోక తండ్రినడిగిన / మంచి ఈవులీయకుండునా (2) / కరములెత్తి ప్రార్థించినా / దీవెనలు కురియకుండునా (2) ||జీవముగల|| / సృష్టి కర్త అయిన ప్రభువుకు / మన అక్కర తెలియకుండునా (2) / సరి అయిన సమయానికి / దయచేయక ఊరకుండునా (2) ||జీవముగల|| / సర్వశక్తుడైన ప్రభువుకు / సాధ్యము కానిదుండునా (2) / తన మహిమ కనపరచుటకు / దయ చేయక ఊరకుండునా (2) ||జీవముగల||