ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
ఊహించలేనయ్యా వివరించలేనయ్యా / ఎనలేని నీ ప్రేమను (2) / నా జీవితాంతం ఆ ప్రేమలోనే (2) / తరియించు వరమే దొరికెను (2) ||ఊహించ|| / నా మనసు వేదనలో – నాకున్న శోధనలో / ఉల్లాసమే పంచెను / ఓ మధుర భావనలో – తుదిలేని లాలనలో / మధురామృతమునే నింపెను (2) / అనాథయిన నను వెదకెను / ప్రధానులలో ఉంచెను (2) ||ఊహించ|| / నీ మరణ వేదనలో – నీ సిలువ శోధనలో / నీ ప్రేమ రుజువై నిలిచెను / వెలలేని త్యాగముతో – అనురాగ బోధలతో / నా హృదయమే కరిగెను (2) / ఇది నీ ప్రేమకే సాధ్యము / వివరించుట నాకసాధ్యము (2) ||ఊహించ||
నా చిన్ని హృదయము నిన్నే ప్రేమించనీ / నిను చాటనీ – నిను ఘనపరచనీ / నీ రాకకై వేచియుండనీ ||నా చిన్ని|| / కావలివారూ వేకువకై చూచునట్లు / నా ప్రాణము నీకై యెదురు చూడనీ (2) / నా ప్రాణము నీకై యెదురు చూడనీ ||నా చిన్ని|| / దుప్పి నీటి వాగులకై ఆశించునట్లుగా / నా ప్రాణము నిన్నే ఆశింపనీ (2) / నా ప్రాణము నిన్నే ఆశింపనీ ||నా చిన్ని|| / పనివారు యజమాని చేతివైపు చూచునట్లు / నా కన్నులు నీపైనే నిలచియుండనీ (2) / నా కన్నులు నీపైనే నిలచియుండనీ ||నా చిన్ని||
యేసు నీవే చాలు నాకు – వేరెవ్వరు అక్కరలేదు / నీవే నా ప్రాణము – నీవే నా ధ్యానము / మనుషులు నను మరచినా – నా వారే విడిచినా ||యేసు|| / నింగి నేల మారినా – స్థితి గతులు మారినా (2) / ఎన్నడెన్నడు మారానిది యేసు నీ ప్రేమ / ఎన్నడైనను వీడనిది క్రీస్తు నీ ప్రేమ / కంటి పాపవలె కాయు నీవుండగా ||యేసు|| / దారి తొలగి యుండగా – మార్గమును చూపించిన (2) / ముళ్ల కిరీటము శిరముగ ధరియించినా – మారని ప్రేమ / రక్తము నాకై చిందించినా – రక్షకుని ప్రేమ / నిత్య జీవమొసగె నీవుండగా ||యేసు||
గాలి సముద్రపు అలలకు నేను / కొట్టబడి నెట్టబడి ఉండినప్పుడు (2) / ఆదరించెనూ నీ వాక్యము / లేవనెత్తెనూ నీ హస్తము (2) ||గాలి|| / శ్రమలలో నాకు తోడుంటివి / మొర్రపెట్టగా నా మొర్ర వింటివి (2) / ఆదుకొంటివి నన్నాదుకొంటివి (2) / నీ కృపలో నను బ్రోచితివి (2) ||గాలి|| / వ్యాధులలో నీకు మొర్రపెట్టగా / ఆపదలలో నిన్ను ఆశ్రయించగా (2) / చూపితివి నీ మహిమన్ (2) / కొనియాడెదను ప్రభుయేసుని (2) ||గాలి||
హోసన్నా హల్లెలూయా / హోసన్నా హల్లెలూయా / హోసన్నా హల్లెలూయా (2) / స్తోత్రరూపమౌ క్రొత్త గీతముల్ / నోరారా పాడెదము (2) / రక్షకుడౌ ప్రభు యేసు క్రీస్తుకు / స్తుతి స్తోత్రముల్ చెల్లింతుము (2) ||హోసన్నా|| / కెరూబులు సెరూపులు / ఇరువది నలుగురు పెద్దలతో (2) / నాలుగు జీవుల గానాలతో (2) / స్తుతియింపబడుచున్న యేసునకు (2) ||హోసన్నా|| / పరిశుద్ధుడు అతి పరిశుద్ధుడు / సర్వ సృష్టికి మూలకారకుడు (2) / మృతుడై మరలా బ్రతికినవాడు (2) / మేఘముపై రానున్న యేసునకు (2) ||హోసన్నా||
దేవుని వారసులం – ప్రేమ నివాసులము / జీవన యాత్రికులం – యేసుని దాసులము / నవ యుగ సైనికులం – పరలోక పౌరులము / హల్లెలూయ – నవ యుగ సైనికులం – పరలోక పౌరులము ||దేవుని|| / సజీవ సిలువ ప్రభు – సమాధి గెలుచుటకే / విజేత ప్రేమికులం – విధేయ బోధకులం / నిజముగ రక్షణ ప్రబలుటకై / ధ్వజముగ సిలువను నిలుపుదుము (2) ||దేవుని|| / ప్రభువును చూచుటకై ప్రజలందరు రాగా / విభు మహిమను గాంచ – విశ్వమే మేము గోల / శుభములు గూర్చుచు మాలోన / శోభిల్లు యేసుని చూపుదుము (2) ||దేవుని|| / దారుణ హింస లలో – దేవుని దూతలుగా / ఆరని జ్వాలలలో – ఆగని జయములతో / మారని ప్రేమ సమర్పణతో / సర్వత్ర యేసుని కీర్తింతుము (2) ||దేవుని|| / పరిశుద్దాత్మునికై – ప్రార్థన సలుపుదము / పరమాత్ముని రాక – బలము ప్రసాదింప / ధరణిలో ప్రభువును జూపుటకై / సర్వాంగ హోమము జేయుదము (2) ||దేవుని|| / అనుదిన కూటములు – అందరి గృహములలో / ఆనందముతోను – ఆరాధనలాయే / వీనుల విందగు పాటలతో / ధ్యానము చేయుచు మురియుదము (2) ||దేవుని|| / హత సాక్షుల కాలం – అవనిలో చెలరేగ / గతకాలపు సేవ – గొల్గొతా గిరి జేర / భీతులలో బహు రీతులలో / నూతన లోకము కాంక్షింతుము (2) ||దేవుని||
యెహోవా మా కాపరి / యేసయ్య మా ఊపిరి / మాకు లేనిది లేదు లేమి కలుగదు (2) ||యెహోవా|| / వాక్య పచ్చికలో ఆకలి తీర్చెను / ఆత్మ జలములో దప్పిక తీర్చెను (2) / మా ప్రాణములు సేదదీర్చేను / నీతి మార్గమున నడిపించెను ||యెహోవా|| / కారు చీకటిలో కన్నీరు తుడిచెను / మరణ పడకలో ఊపిరి పోసెను (2) / మా తోడు నీడై నిలిచి నడచెను / శత్రు పీఠమున విందు చేసెను ||యెహోవా|| / పరిశుద్ధాత్మలో ముంచి వేసెను / పరమానందము పొంగిపోయెను (2) / పరలోకములో గొరియపిల్లను / నిరతము మేము కీర్తింతుము ||యెహోవా||
దేవ సంస్తుతి చేయవే మనసా / శ్రీ-మంతుడగు యెహోవ సంస్తుతి చేయవే మనసా / దేవ సంస్తుతి చేయుమా నా – జీవమా యెహోవా దేవుని / పావన నామము నుతించుమా – నా యంతరంగము / లో వసించు నో సమస్తమా ||దేవ|| / జీవమా, యెహోవా నీకు – జేసిన మేళ్ళన్ మరువకు (2) / నీవు చేసిన పాతకంబులను – మన్నించి జబ్బు / లేవియున్ లేకుండ జేయును – ఆ కారణముచే ||దేవ|| / చావు గోతినుండి నిన్ను – లేవనెత్తి దయను గృపను (2) / జీవ కిరీటముగ వేయును – నీ శిరసు మీద / జీవ కిరీటముగ వేయును – ఆ కారణముచే ||దేవ|| / యవ్వనంబు పక్షిరాజు – యవ్వనంబు వలెనే క్రొత్త (2) / యవ్వనంబై వెలయునట్లుగా – మే లిచ్చి నీదు / భావమును సంతుష్టిపరచునుగా – ఆ కారణముచే ||దేవ|| / ప్రభువు నీతి పనులు చేయును – బాధితులకు న్యాయ మిచ్చున్ (2) / విభుండు మార్గము తెలిపె మోషేకు – దన కార్యములను / విప్పె నిశ్రాయేలు జనమునకు – ఆ కారణముచే ||దేవ|| / అత్యధిక ప్రేమ స్వరూపి-యైన దీర్ఘ శాంతపరుండు (2) / నిత్యము వ్యాజ్యంబు చేయడు – ఆ కృపోన్నతుడు / నీ పయి నెపుడు కోప ముంచడు – ఆ కారణముచే ||దేవ|| / పామరుల మని ప్రత్యుపకార – ప్రతి ఫలంబుల్ పంపలేదు (2) / భూమి కన్న నాకాసంబున్న – ఎత్తుండు దైవ / ప్రేమ భక్తి జనులయందున – ఆ కారణముచే ||దేవ|| / పడమటికి తూర్పెంత ఎడమో – పాపములను మనకు నంత (2) / ఎడము కలుగజేసియున్నాడు – మన పాపములను / ఎడముగానే చేసియున్నాడు – ఆ కారణముచే ||దేవ|| / కొడుకులపై తండ్రి జాలి – పడు విధముగా భక్తిపరుల (2) / యెడల జాలి పడును దేవుండు – తన భక్తిపరుల / యెడల జాలిపడును దేవుండు – ఆ కారణముచే ||దేవ|| / మనము నిర్మితమయిన రీతి – తనకు దెలిసియున్న సంగతి (2) / మనము మంటి వారమంచును – జ్ఞాపకము చేసి / కొనుచు కరుణ జూపుచుండును – ఆ కారణముచే ||దేవ|| / పూసి గాలి వీవ నెగిరి – పోయి బసను దెలియని వన (2) / వాస పుష్పము వలెనె నరుడుండు – నరు నాయువు తృణ / ప్రాయము మన దేవ కృప మెండు – ఆ కారణముచే ||దేవ|| / పరమ దేవ నిబంధ నాజ్ఞల్ – భక్తితో గైకొను జనులకు (2) / నిరతమును గృప నిలిచి యుండును – యెహోవ నీతి / తరములు పిల్లలకు నుండును – ఆ కారణముచే ||దేవ||
తనువు నా దిదిగో గై – కొనుమీ యో ప్రభువా నీ – పనికి బ్రతిష్టించుమీ / దినములు క్షణములు – దీసికొని యవి నీదు / వినతిన్ ప్రవహింప జే – యను శక్తి నీయుమీ ||తనువు|| / ఘనమైన నీ ప్రేమ – కారణంబున నీకై – పని చేయ జేతు లివిగో / యనయంబు నీ విషయ – మై సొగసుగా జురుకు / దనముతో పరుగెత్త – వినయ పాదము లివిగో ||తనువు|| / స్వర మిదిగో కొనుమీ – వరరాజ నిను గూర్చి – నిరతమ్ము పాడనిమ్ము / మరియు పెదవు లివిగో – మహనీయమైన నీ / పరిశుద్ధ వార్తతో – పరి పూర్ణముగా నింపు ||తనువు|| / వెండి పసిడి యివిగో – వీస మైనను నాకై – యుండవలె నని కోరను / నిండైన నీ యిష్ట – నియమంబు చొప్పున / మెండుగా వాడ పరి – మితియవు జ్ఞానం బిదిగో ||తనువు|| / నా యిష్ట మిదిగో యిది – నీ యిషముగ జేయ – నా యిష్ట మిక గాదది / నా యిఛ్చ యున్నట్టి – నా హృదయ మిదిగో నీ / కే యియ్యది రాజ – కీయ సింహాసనామౌ ||తనువు|| / ఉన్న నా ప్రేమ నీ – సన్నిధానమున నే – నెన్నడు ధార వోయన్ / నన్ను నీ వానిగ – నాథా గైకొను మెపుడు / చెన్నుగ నీ వశమై – స్థిర ముగ నుండెద ||తనువు||
కీర్తింతు నీ నామమున్ / నా ప్రభువా… సన్నుతింతు నీ నామమున్ (2) / మనసారా ఎల్లప్పుడు క్రొత్త గీతముతో (2) / నిను నే కొనియాడెదన్ (4) ||కీర్తింతు|| / ప్రతి ఉదయం నీ స్తుతి గానం / దినమంతయు నీ ధ్యానం (2) / ప్రతి కార్యం నీ మహిమార్ధం (2) / సంధ్య వేళలో నీ స్తోత్ర గీతం (2) ||కీర్తింతు|| / నీవు చేసిన మేలులన్ లెక్కిస్తూ / వేలాది స్తుతులన్ చెల్లిస్తూ (2) / ఎనలేని నీ ప్రేమను వర్ణిస్తూ (2) / నిన్నే నేను ఆరాధిస్తూ (2) ||కీర్తింతు|| / అమూల్యమైనది నీ నామం / ఇలలో శ్రేష్టమైనది నీ నామం (2) / ఉన్నతమైనది నీ నామం (2) / నాకై నిలచిన మోక్ష మార్గం (2) ||కీర్తింతు||
ఆగక సాగుమా / సేవలో ఓ.. సేవకా / ఆగక సాగుమా / సేవలో సేవకా (2) / ప్రభువిచ్చిన పిలుపును / మరువక మానక (2) ||ఆగక|| / పిలిచినవాడు ప్రభు యేసుడు / ఎంతైనా నమ్మదగినవాడు (2) / విడువడు నిన్ను ఎడబాయడు / నాయకుడుగా నడిపిస్తాడు (2) ||ఆగక|| / తెల్లబారిన పొలములు చూడు / కోత కోయను సిద్ధపడుము (2) / ఆత్మల రక్షణ భారముతో / సిలువనెత్తుకొని సాగుము (2) ||ఆగక||
తంబుర సితార నాదముతో / క్రీస్తును వేడగ రారండి / ఇద్దరు ముగ్గురు కూడిన చోట / ఉంటాననిన స్వామికే (2) ||తంబుర|| / పాపులకై దిగి వచ్చెనట – రోగులకే వైద్యుడని / పాపుల పంక్తిని కూర్చొని (2) / విందులు చేసిన యేసునకే – పేదల పాలిట పెన్నిధికే ||తంబుర|| / ప్రతి హృదయం ప్రభు మందిరమై – వెలుగులతో విలసిల్లి / నీ శోధనలను సమిధలుగా (2) / నరకాగ్నులలో పడవేసి – క్రీస్తును చేరగ పరుగిడవా ||తంబుర||