ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
116 songs found|By Alphabet|By Popularity
దేవా నీ ఆవరణం మాకెంతో శ్రేయస్కరం (2) / ఒక ఘడియ యిచట గడుపుట మేలు / వేయి దినములకంటెను (2) ||దేవా|| / అద్బుత కార్యములు ఆ… జరిగించు దేవుడవు ఆ…. (2) / అనవరతమునీ మహిమలు పొగడ ఆత్మలో నిలుపుమయా / అత్మతో సత్యముతో ఆరాధించగ మనసుతో (2) / ఆల్ఫా ఓమేగయు ఆత్మ రూపుడవు / ఆనందించగ నీ ఒడిలో (2) ||దేవా|| / అత్యంత పరిశుద్ధమౌ ఆ…. నీదు గుడారమున ఆ….. (2) / నివసించుటకు యోగ్యత నొసగి మమ్ము హెచ్చించితివి నీ దయన్ / జు౦టె ధారల కన్నను తేనె మధురిమ కన్నను (2) / శ్రేష్టమౌ నీదు వాక్కులచేత / మము తృప్తి పరచుమయా (2) ||దేవా|| / పరిశుద్ధ సన్నిధిలో ఆ… పరిశుధ్దాత్ముని నీడలో ఆ…. (2) / పరిపూర్ణ హృదయముతో పరివర్తనముతో ప్రభునే ప్రస్తుతించెదం / మా దేహమే ఆలయం కావాలి నీకే నిలయం (2) / ప్రాణ ప్రియుడవు పదముల జేరి / ప్రాణార్పణము చేతుము (2) ||దేవా||
తమ దేవునెరుగువారు చేసెదరు / శక్తితో గొప్ప కార్యములు (2) / ఇచ్చకపు మాటల వలన – అక్షయుని విడువరు (2) / తప్పుబోధల నెప్పుడు తృణీకరించెదరు (2) ||తమ|| / సత్యమును విడువరు – ఉత్తములుగా నడిచెదరు (2) / అతల్యాను హతము చేసెదరు శుద్ధులై యుండెదరు (2) ||తమ|| / మనుజ భయము జెందరు – మాన్యులై యుండెదరు (2) / మంచి సాక్షమును విడువరు ఏకాంతులు కారు (2) ||తమ|| / ద్వేషించెదరు విగ్రహముల్ – శిరములు ఖండించినను (2) / పర్వతమువలె కదలక వారు స్థిరముగ నుండెదరు (2) ||తమ|| / అగ్నిలో వేయబడినను – విఘ్నంబులు కలిగినను (2) / సింహపు బోనులో వేసినను సిగ్గునొందరు (2) ||తమ|| / శోధనలను జయించెదరు – బాధలను సహించెదరు (2) / నాథుడేసుని సదా వెదకి సాధించి ప్రకటింతురు (2) ||తమ|| / అదిక జ్ఞానమును పొంది – తగ్గించుకొనెదరు తామే (2) / యేసు ప్రభువును హెచ్చించెదరు హల్లెలూయ పాడెదరు (2) ||తమ||
దూరపు కొండపై శ్రమలకు గుర్తగు / కౄరపు సిలువయే కనబడె / పాపలోకమునకై ప్రాణము నొసగిన / ప్రభుని సిలువను ప్రేమింతున్ / ప్రియుని సిలువను ప్రేమింతున్ / ప్రాణమున్నంత వరకును / హత్తుకొనెదను సిలువను / నిత్యకిరీటము పొందెదన్ / లోకులు హేళన చేసిన సిలువ / నా కెంతో అమూల్యమైనది / కల్వరిగిరికి సిలువను మోయను / క్రీస్తు మహిమను విడచెను ||ప్రియుని|| / రక్తశిక్తమైన కల్వరి సిలువలో / సౌందర్యంబును నే గాంచితిని / నన్ను క్షమించను పెన్నుగ యేసుడు / ఎన్నదగిన శ్రమ పొందెను ||ప్రియుని|| / వందనస్తుడను యేసుని సిలువకు / నిందను ఈ భువిన్ భరింతు / పరమ గృహమునకు పిలిచెడు దినమున / ప్రభుని మహిమను పొందెద ||ప్రియుని||
ప్రభు యేసు.. ప్రభు యేసు – అదిగో శ్రమ నొందెను / ఖైదీలను విడిపించెను సిలువలో || ప్రభు యేసు || / ఎంత కౄరమో.. ఎంత కౄరమో – శత్రు కార్యము చూడుమా / అంతగా బాధించి సిలువమీది కెత్తిరి / బాధనొందియు.. బాధనొందియు – ఎదురు మాటలాడక / ఖైదీలను విడిపించెను సిలువలో (2) || ప్రభు యేసు || / ముండ్ల మకుటము.. ముండ్ల మకుటము – తన తల నుంచిరి / మూర్ఖుల దెబ్బల బాధను సహించెను / మూసియుండిన.. మూసియుండిన మోక్షద్వారము తెరచి / ఖైదీలను విడిపించెను సిలువలో (2) || ప్రభు యేసు || / ఆత్మదేవుడు.. ఆత్మదేవుడు – ప్రత్యక్షంబాయె సిలువలో / సూర్యుడదృశ్యుడై క్రమ్మెనంత చీకటి / సార్వత్రికము.. సార్వత్రికము – గడగడ వణికెను / ఖైదీలను విడిపించెను సిలువలో (2) || ప్రభు యేసు || / మరణించెను.. మరణించెను – సమాధి నుంచబడెను / మూడవనాడు సమాధినుండి లేచెను / విడిపించెను.. విడిపించెను మరణ బంధితులను / ఖైదీలను విడిపించెను సిలువలో (2) || ప్రభు యేసు || / తీసివేసెను.. తీసివేసెను – నా పాప నేరమంతయు / దేవయని ప్రభు అరచిన యపుడు / దేవుని దయ.. దేవుని దయ – కుమ్మరించబడెను / ఖైదీలను విడిపించెను సిలువలో (2) || ప్రభుయేసు || / కారు చీకటిలో.. కారు చీకటిలో – దుఃఖంబులో నేనుంటిని / నీకువేరుగా నారక్షణిల లేదుగా / నాదు శ్రమలు.. నాదు శ్రమలు – వేరెవ్వరు నెరుగరు / ఖైదీలను విడిపించెను సిలువలో (2) || ప్రభు యేసు ||
ప్రేమతో యేసు – పిలచుచున్నాడు రమ్ము (2) / రక్షణను పొంది – లక్షణముగా వెళ్ళుము (2) ||ప్రేమతో|| / పాపమెరుగని ప్రభు నీ కొరకు / పాపముగను చేయబడెను (2) / శాపగ్రాహియాయె సిలువలో / శాపగ్రాహియాయె సిలువలో పరుగిడి రమ్ము (2) ||ప్రేమతో|| / ముండ్ల కిరీటమును ధరించి / ముఖముపై నుమ్మి వేయబడె (2) / ప్రాణమిడె నేసు సిలువలో / ప్రాణమిడె నేసు సిలువలో పరుగిడి రమ్ము (2) ||ప్రేమతో|| / సిలువలో నీకై దప్పిగొని / కలుష నీ క్షమకై ప్రార్థించి (2) / సహించి ప్రాణమిడె నీ కొరకు / సహించి ప్రాణమిడె నీ కొరకు పరుగిడి రమ్ము (2) ||ప్రేమతో|| / తప్పిన గొర్రెను రక్షింప / తనదు రక్తమును చిందించె (2) / కాపరి స్వరము ధ్వనించె / కాపరి స్వరము ధ్వనించె పరుగిడి రమ్ము (2) ||ప్రేమతో|| / తామసించ తగదిక ప్రియుడా / త్వరపడుము నీ రక్షణ కొరకు (2) / నేడే నీ రక్షణ దినము / నేడే నీ రక్షణ దినము పరుగిడి రమ్ము (2) ||ప్రేమతో|| / తానే కడుగును తన రక్తముతో / తండ్రివలె నీ పాపమునంత (2) / తనయుడవై పోదు విపుడే / తనయుడవై పోదు విపుడే పరుగిడి రమ్ము (2) ||ప్రేమతో|| / ప్రేమవార్త ప్రకటింపబడె / ప్రియుడు యేసుని యొద్దకు రమ్ము (2) / కృపాకాలమిదే జాగేల / కృపాకాలమిదే జాగేల పరుగిడి రమ్ము (2) ||ప్రేమతో||
క్రీస్తుని స్వరము విందును ప్రభువే పలికినప్పుడు / మధుర స్వరమేయది మెల్లని స్వరమేయది – (2) / యెహోవా నీ స్వరము జలములపై వినబడెను (2) / మహిమగల దేవుడు ఉరుమువలె గర్జించెను (2) ||క్రీస్తుని|| / బలమైన నీ స్వరము బహుప్రభావము గలది (2) / దేవదారుల విరచును ప్రజ్వలింప చేయునగ్నిని (2) ||క్రీస్తుని|| / అద్భుత ప్రభు స్వరము అరణ్యము కదిలించును (2) / ఆకుల రాలజేయును లేళ్ళ నీనజేయును (2) ||క్రీస్తుని|| / ఆలయమందన్నియు ఆయననే ఘనపరచున్ (2) / ఆశీర్వాదము శాంతి నొసగునాయన స్వరమే (2) ||క్రీస్తుని|| / నీ మధుర స్వరము నీ వాక్యమును విందున్ (2) / ప్రార్థనల యందున ప్రతిదినము పల్కెదవు (2) ||క్రీస్తుని|| / నీ మధుర స్వరము నీ చిత్తము తెల్పును (2) / అనుదిన జీవితములో అనుసరించెద నిన్ను (2) ||క్రీస్తుని|| / నీ మధుర స్వరము నీ మార్గము జూపును (2) / కుడి యెడమల తిరిగిన నీ స్వరమే వినబడును (2) ||క్రీస్తుని|| / తుఫానులు కలిగి భయభీతులలో నుండ (2) / భయపడకు మని పలికె ప్రేమగల నీ స్వరము (2) ||క్రీస్తుని|| / మరణాంధకార లోయలో నేనుండ (2) / నీకు తోడైయుంటి ననెడి స్వరమును వింటిన్ (2) ||క్రీస్తుని|| / ప్రభువా సెలవిమ్ము నీ దాసుడాలించున్ (2) / దీనుడనై నీ మాట అంగీకరించెదను (2) ||క్రీస్తుని||
దేవాది దేవా ప్రభువుల ప్రభూ / రాజుల రాజా హల్లెలూయ (2) / నీ రక్తముతో విమోచించి / నీ రక్తముతో సంపాదించి (2) / పరలోక రాజ్య ప్రజలతో జేర్చి (2) / పరలోక పాటన్ నా కొసగితివి (2) ||దేవాది దేవా|| / జీవిత నావలో తుఫాను రేగ / భయపడకుడని అభయము నిచ్చి (2) / జయప్రదముగా నన్ను నడిపించి (2) / జయజీవితము నా కొసగుచున్న (2) ||దేవాది దేవా|| / పేరు పెట్టి నన్ ప్రేమతో పిలచి / కరుణతో నీ సొత్తుగా నన్ను జేసి (2) / అరమర లేక నన్నాదరించి (2) / పరలోక దర్శనంబిచ్చితివి (2) ||దేవాది దేవా|| / మరణ పాత్రులం యిద్ధరణిలోన / దురిత ఋణముల స్మరణను మాన్పి (2) / ఏర్పరచుకొంటివి నేర్పుతో మమ్ము (2) / నీ రాజ్యమందు రాజులన్ జేసి (2) ||దేవాది దేవా|| / శోధనగాధల కష్టములలో / నా దుఃఖములలో నే నేడ్వకుండా (2) / నీ దయ నాపై నిండార నింపి (2) / ఓదార్చి నన్ను నీ దారినడుపు (2) ||దేవాది దేవా|| / ప్రతి వత్సరము దయతోడ నింపున్ / ప్రభు జాడలు సారము జల్లున్ (2) / ప్రతి బీడునూ సారము చిలకన్ (2) / ప్రతి పర్వతము ఆనందించున్ (2) ||దేవాది దేవా|| / పరలోక పరిశుద్ధ సంఘంబు యెదుట / సర్వశక్తిగల క్రీస్తుని యెదుట (2) / పరలోక నూతన గీతము పాడ (2) / జేర్చితివి నన్ నీ జనమునందు (2) ||దేవాది దేవా||
ఇదిగో నేనొక నూతన క్రియను చేయుచున్నాను (2) / ఈనాడే అది మొలచును దాని నాలోచింపరా (2) ||ఇదిగో|| / అడవిలో త్రోవనుజేసి – ఎడారిలో నదులను నేను (2) / ఎల్లప్పుడు సమృద్ధిగా – ప్రవహింప జేసెదను (2) ||ఇదిగో|| / నాదు ప్రజలు త్రాగుటకు – నేనరణ్యములో నదులు (2) / సమృద్ధిగా పారునట్లు – సృష్టించెదను నేను (2) ||ఇదిగో|| / అరణ్యములో జంతువులు – క్రూరపక్షులు సర్పములు (2) / ఘనపరచును స్తుతియించును – దీని నాలోచించుడి (2) ||ఇదిగో|| / నూతన సృష్టిగ నినుజేసి – నీ శాంతిని నదివలెజేసి (2) / ననుజూచి మహిమపరచి – స్తుతిబాడ జేసెదను (2) ||ఇదిగో|| / నేనే దేవుడనని దెలసి – నా కార్యములను నెరవేర్చి (2) / ముందున్న వాటికన్న – ఘనకార్యములను జేతున్ (2) ||ఇదిగో|| / మరుగైన మన్నానిచ్చి – మరితెల్లని రాతినిచ్చి (2) / చెక్కెదనా రాతిమీద – నొక క్రొత్త నామమును (2) ||ఇదిగో|| / పరలోక భాగ్యంబులు – నరలోకములో మనకొసగెన్ (2) / కరుణాసంపన్నుడగు – మన ప్రభువునకు హల్లెలూయ (2) ||ఇదిగో||
జై జై యేసు రాజా జై జై / రాజాధిరాజా నీకే జై జై – (2) ||జై జై|| / పాపకూపములో బడియున్న (2) / నన్ను జూచి చేయి జాచి (2) / చక్కగ దరికి జేర్చితివి (2) ||జై జై|| / సిలువ రక్తములో నన్ను కడిగి (2) / పాపమంతా పరిహరించిన (2) / పావనుడగు నా ప్రభుయేసు (2) ||జై జై|| / నీతి హీనుడనైన నాకు (2) / నీతి రక్షణ వస్త్రములను (2) / ప్రీతితో నొసగిన నీతి రాజా (2) ||జై జై|| / మంటి పురుగునైన నన్ను (2) / మంటి నుండి మింట జేర్చిన (2) / మహాప్రభుండా నీకే జై జై (2) ||జై జై|| / పాపశాపగ్రస్తుడనై యుండ (2) / నన్ను గూడ నీ స్వకీయ (2) / సంపాద్యముగా జేసితివి (2) ||జై జై|| / రాజులైన యాజక గుంపులో (2) / నన్ను గూడ నీ సొత్తైన (2) / పరిశుద్ధ జనములో జేర్చితివి (2) ||జై జై|| / తల్లియైన మరచిన మరచును (2) / నేను నిన్ను మరువననిన (2) / నమ్మకమైన నా ప్రభువా (2) ||జై జై|| / అధిక స్తోత్రార్హుడవైన (2) / ఆది యంతము లేని దేవా (2) / యుగా యుగములకు నీకే జై జై (2) ||జై జై||
స్తుతి ప్రశంస పాడుచు కీర్తింతు నిత్యము (2) / మహా రక్షణ నిచ్చియు మనశ్శాంతి నిచ్చెను (2) / పాపలోక బంధమందు దాసత్వమందుండ (2) / నీ రక్తశక్తిచే ప్రభు విమోచించితివి (2) ||స్తుతి ప్రశంస|| / పాప భారముచే నేను దుఃఖము పొందితి (2) / నా ప్రభువే భరించెను నా దుఃఖ బాధలు (2) ||స్తుతి ప్రశంస|| / హృదయాంధకారముచే నేను దారి తొలగితి (2) / ప్రభువే జ్యోతి యాయెను సత్యమార్గము చూపె (2) ||స్తుతి ప్రశంస|| / పెంటకుప్పనుండి నన్ను లేవనెత్తితివి (2) / దరిద్రుడనైన నన్ను రాజుగా జేసితివి (2) ||స్తుతి ప్రశంస||
స్తోత్రించెదము దైవకుమారుని – నూతన జీవముతో (2) / నిరంతరము మారని రాజును – ఘనంబు చేయుదము (2) / యేసు మా రక్షకుడు – కల్మషము లేనివాడు (2) / సమస్తమును కలిగిన యేసు ప్రభునకే హల్లెలూయ (2) / భయంకరమైన భీతిని గొల్పెడు – జిగట ఊబినుండి (2) / బలమైన హస్తముతో నన్ను ఎత్తి – బండపై స్థిరపరచెన్ (2) ||యేసు|| / కనుపాపగ నను కాయు ప్రభుండు – కునుకడు నిద్రించడు (2) / తనచేతిలో ననుచెక్కిన ప్రభువును చేరి స్తుతించెదము (2) ||యేసు|| / తల్లిదండ్రియు యెడబాసినను – విడువక కాయును (2) / ఎల్లప్పుడు నేను భజియించెదను – వల్లభుడేసు ప్రభున్ (2) ||యేసు|| / ఆత్మీయ పోరాటమునకు ప్రభువు – ఆత్మశక్తినిచ్చెన్ (2) / స్తుతియు నీకే ఘనతయు నీకే – యుగయుగములలోన (2) ||యేసు||
స్తుతించుడి యెహోవా దేవుని సూర్యచంద్రులారా / పవిత్ర దూతగణ సేనాధిపతికి / ఉన్నతస్థలములలో యెహోవాను స్తుతించుడి ||స్తుతించుడి|| / కాంతిగల నక్షత్రములారా పరమాకాశమా (2) / ఆకాశజలమా ఆవిరి హిమమా అగ్ని తుఫాను / మహాసముద్ర పర్వత వృక్ష మృగములు పశువులారా / ప్రశంసించుడి ఫలవృక్షములు పరమ తండ్రిని / యెహోవాను స్తుతించుడి ||స్తుతించుడి|| / రాజులు ప్రజలు న్యాయాధిపతులు అధిపతులారా (2) / బాలురు యౌవన కన్యక వృద్ధులు ప్రభునుతించుడి / ప్రాకు జీవులు పలువిధ పక్షులు పాడి స్తుతించుడి / ప్రశంసించుడి ప్రభావ మహిమలు పరమ తండ్రిని / యెహోవాను స్తుతించుడి ||స్తుతించుడి||