ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్‌లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
27 songs found|By Alphabet|By Popularity
లాలి లాలి జోలాలి – బాల యేసునకు లాలి / కన్య మరియా తనయునకు – పాడ రండి జోలాలి (2) / లోక రక్షకునకు లాలి – శాంతి కర్తకు జోలాలి (2) / మాదు తండ్రికి మా లాలి (2) ||లాలి|| / చీకటి దొంతరల తెరలకు – తెరను దింపగా వచ్చినావని / పాప శాపపు తాపములకు – రక్షణను ఇల తెచ్చినావని (2) / మానవుల మోచకుడా లాలి – ధరణిఁ పై దైవమా జోలాలి (2) / మాదు తండ్రికి మా లాలి (2) ||లాలి|| / దారి తెలియని మానవాళికి – దారి నీవై వెలసినావని / మరణ ఛాయలు రూపుమాపగ – జీవ కిరణమై మెరిసినావని (2) / సత్య రూపునకు లాలి – నీతి సూర్యునకు జోలాలి (2) / మాదు తండ్రికి మా లాలి (2) ||లాలి||
అంబరాన్ని దాటే సంబరాలు నేడు / నింగిలో చుక్క బుట్టి వచ్చింది మనకు తోడు (2) / రండయ్యో రండి రండి దావీదు పురముకు (2) / రారాజు పుట్టి ఇల పిలిచెను కొలువుకు (2) ||అంబరాన్ని|| / దేవుడు ఎంతగానో ప్రేమించి లోకము / ఏకైక తనయుని పంపెను ఈ దినము (2) / పశువుల పాకలో ఒదిగేను శిశువుగా (2) / అవతరించే నేడు లోక రక్షకునిగా (2) ||రండయ్యో|| / దేవాది దేవుడు మనిషిగా మారిన వేళ / శాపాలు పాపాలు రద్దయిన శుభవేళ (2) / లోకాల కారకుడు లోకమున పుట్టెను (2) / మనిషి మరణము ఆయువు తీరెను (2) ||రండయ్యో||
ఇద్దరొక్కటిగ మారేటి మధురమైన క్షణము / దేవుని చిత్తములో పెనవేసిన నిత్య అనుబంధము (2) / వివాహమన్నది అన్నింట ఘనమైనది / ఆదాము హవ్వలతో మొదలైంది ఆ సందడి (2) / ఒంటరైన ఆదామును చూసి / జంట కావాలని మది తలచి (2) / హవ్వను చేసి జతపరచి – ఫలించమని దీవించెను / సృష్టిపైన అధికారముతో – పాలించుమని నియమించెను (2) ||వివాహమన్నది|| / ఏక మనసుతో ముందుకు సాగి / జీవ వృక్షముకు మార్గము ఎరిగి (2) / సొంత తెలివిని మానుకొని – దైవ వాక్కుపై ఆనుకొని / సాగిపోవాలి ఆ పయనం – దేవుని కొరకై ప్రతి క్షణం (2) ||వివాహమన్నది|| / భార్య భర్తలు సమానమంటూ / ఒకరి కోసము ఒకరనుకుంటూ (2) / క్రీస్తు ప్రేమను పంచాలి – సాక్ష్యములను చాటించాలి / సంతానమును పొందుకొని – తండ్రి రాజ్యముకు చేర్చాలి (2) ||వివాహమన్నది||
నీతి సూర్యుడవై వెలుగుతున్న యేసయ్య / నీ ఏర్పాటులోన నీ దేహము మేమయ్య (2) / నీదు రక్షణతో మమ్ము కాచినందుకు / నీదు సంఘముగా మమ్ము నిలిపినందుకు (2) / నీకే వందనం – నీకే వందనం / నీకే వందనం – యేసు రాజ వందనం (2) ||నీతి|| / త్వరలో రానై ఉన్నావయ్యా మా ప్రభువా / నీదు విందులోన చేరాలని మా దేవా (2) / సిద్ధపాటుకై కృపలను చూపుమని / నిన్నే వేడితిమి నీవే మా బలమని (2) ||నీకే|| / నీ నామము రుచిని ఎరిగిన వారము మేము / నిరతము నీ మంచి మన్నాతో బ్రతికెదము (2) / నీ ఆశ్రయములో కురిసెను దీవెనలు / నీలో నిలిచెదము చాటగా నీ తేజము (2) ||నీకే||
జీవాధిపతివి నీవే నా యేసయ్య / నాకున్న ఆధారము నీవేనయ్యా (2) / నీవుంటే చాలు, కీడు కాదా! మేలు / లెక్కింపగ తరమా! నే పొందిన ఈవులు (2) ||జీవాధిపతివి|| / ఎడారిలోన నీటి ఊట లిచ్చు వాడవు / అల సంద్రములో రహదారులు వేయు వెల్పువు (2) / నీకు కానిదేది సాధ్యము? అడుగుటే ఆలస్యము / నీవు చేయు కార్యము! ఉహించుటె అసాధ్యము (2) ||నీవుంటే|| / రాజుల హృదయాలను తిప్పువాడవు / నిను నమ్ము వారి పక్షము పోరాడు వాడవు (2) / ఏ చీకటికి భయపడను, లోకమునకు లొంగను / నీవు తోడు ఉండగా, నా వెంట సాగుతుండగా (2) ||నీవుంటే||
గడిచిన కాలమంతా – నను నడిపిన నా దేవా / నీ కంటి పాప లాగా – కాపాడిన నా ప్రభువా (2) / మరో యేడు నాకొసగినందుకు – నీకేమి నే చెల్లింతును / నీ ప్రేమను పంచినందుకు – నిన్నేమని కీర్తింతును (2) ||గడిచిన|| / ఇచ్చిన వాగ్ధానం మరువక – నిలుపు దేవుడవు / శూన్యమందైనా సకలం – సాధ్యపరచెదవు (2) / నా మేలు కోరి నీ ప్రేమతో – నను దండించితివి / చెలరేగుతున్న డంభమును – నిర్మూలపరచితివి (2) ||మరో యేడు|| / నాదు కష్ట కాలములోన – కంట నీరు రాకుండా / నాదు ఇరుకు దారుల్లోన – నేను అలసిపోకుండా (2) / నా సిలువ భారం తగ్గించి – నీవేగా మోసితివి / నీ ప్రేమతో పోషించి – సత్తువ నింపితివి (2) ||మరో యేడు||
తూరుపు దిక్కున చుక్క బుట్టె / దూతలు పాటలు పాడ వచ్చె (2) / చలి మంట లేకుండా ఎలుగే పుట్టె (2) / చల్లని రాతిరి కబురే తెచ్చె (2) / పుట్టినాడంట యేసునాథుడు / పాపములు తీసే పరమాత్ముడు (2) ||తూరుపు|| / గొల్లలు జ్ఞానులు వేగిర వచ్చి / కొలిచినారు తనకు కానుకలిచ్చి / పశుల పాక మనము చేరుదాము / కాపరిని కలిసి వేడుదాము (2) ||పుట్టినాడంట|| / చిన్నా పెద్దా తనకు తేడా లేదు / పేదా ధనికా ఎప్పుడూ చూడబోడు / తానొక్కడే అందరికీ రక్షకుడు / మొదలు నుండి ఎప్పుడూ ఉన్నవాడు (2) ||పుట్టినాడంట|| / మంచి చెడ్డా ఎన్నడు ఎంచబోడు / చెడ్డ వాళ్లకు కూడా బహు మంచోడు / నమ్మి నీవు యేసును అడిగి చూడు / తన ప్రేమను నీకు అందిస్తాడు (2) ||పుట్టినాడంట||
దేవుడు దేహమును పొందిన దినము / మనిషిగా మారి ఇల చేరిన క్షణము (2) / తార వెలిగెను – దూత పాడెను / పరలోకనికి మార్గము వెలిసెను (2) / స్తుతుల గానములు పాడి పరవశించెదము / యేసు నామమునే చాటి మహిమ పరిచెదము (2) ||దేవుడు|| / దూత పలికెను భయము వలదని / తెలిపే వార్తను యేసే క్రీస్తని (2) / చీకటి తొలగెను రారాజుకు భయపడి / లోకము వెలిగెను మరణము చెరవిడి (2) / క్రీస్తు పుట్టెనని తెలిపి సంతోషించెదము / నిత్య జీవమునే చాటి ఘనత పొందెదము (2) ||దేవుడు|| / సృష్టి కారుడు అల్పుడాయెను / అది శాపము తీయ వచ్చెను (2) / పాపము ఎరుగని మనిషిగా బ్రతికెను / మానవ జాతికి మార్గమై నిలిచెను (2) / నమ్మి ఒప్పినను చాలు తొలగు పాపములు / పరము చేరుటకు మనకు కలుగు దీవెనలు (2) ||దేవుడు||
దేవుని గొప్ప మహిమను చూసి తిరిగి పాపం చేసెదవా? / ద్వంద నీతికి నిష్కృతి లేదని నీకు తెలుసా ఓ క్రైస్తవా! (2) / ఎంత అధము అన్యుల కన్న, ఎంత ఘోరము ఆ యూద కన్న / వలదు పాపం ఇకపైనన్న, తిరిగి పొందు క్రీస్తులో మన్నా (2) / మరచినవా నీ అపజయములు / గుర్తు లేదా! ఆ శోధనలు / నీవు చూపిన ఆ వినయములు / ఏడ్చి చేసిన ఆ ప్రార్థనలు / తండ్రి నీవే దిక్కంటూ, మోకరిల్లిన ఆ క్షణము / అందుకొంటివి విజయములు, విడిచి పెడితివి వాక్యములు (2) ॥ఎంత॥ / అందుకొంటివి బాప్తిస్మమును / పొందు కొంటివి ఆ రక్షణను / వదలబోకు ఆత్మీయతను / చేరనివ్వకు నిర్లక్ష్యమును / తీర్పు తీర్చే సమయంలో ఓర్పు దొరకదు గుర్తెరుగు / నిత్య జీవం లో నుండి, ఘోర నరకం చేరెదవా? (2) ॥ఎంత॥
భయము లేదు మనకు / ఇకపై ఎదురు వచ్చు గెలుపు / అదిగో యేసు పిలుపు / వినుమా పరము చేరు వరకు (2) / ఫలితమేదైన ప్రభును వీడకు / కష్టమెంతైన కలత చెందకు / అలుపు లేకుండ పరుగు సాగని / శోధనలు నిన్ను చూసి బెదరని ||భయము|| / సంధించిన బాణమల్లె నీ గురి కొనసాగని / మన తండ్రి వాగ్ధానాలే ఊపిరిగా మారని (2) / కష్టాలే మెట్లుగా మారి యేసులో ఎదిగించని / తన వాక్యం నీలో వెలిగి చీకటి తొలగించని (2) ||ఫలిత|| / మండించే అగ్గితోనే మెరయును బంగారము / శోధనల కొలిమిలోనే బలపడు విశ్వాసము (2) / నీ తరపున యుద్ధం చేసే యెహోవా నీ అండ / తొలగిపోకు ఆ మార్గన్నీ తన ఆజ్ఞను వినకుండా (2) ||ఫలిత|| / కనలేదా సిలువలోన యేసు రాజు కష్టము / తానొందిన శ్రమల ద్వారా నశియించే పాపము (2) / నీ శ్రమల కాలంలోనే మనసు దృఢము కావాలి / తిరిగి నీలో పుట్టే పాపం బీజము నశియించాలి (2) ||ఫలిత|| / ప్రియమైన పుత్రుని మనకై నలిగించిన దేవుడు / అప్పగించలేడా సకలం సర్వశక్తిమంతుడు (2) / తన సన్నిధి రావాలంటూ నిన్ను కోరుతున్నాడు / నీతి నీలో పెంచేటందుకు తపన పడుతూ ఉన్నాడు (2) ||ఫలిత||
కంట నీరేల? కలతలు ఏల? / యేసుతో నీవు సాగు వేళ / శోధన వేళ రోదన ఏల? / నీ విశ్వసము గెలిచే వేళ (2) / నమ్మిన ఆ దేవుడు – ఎన్నడు మరచిపోడు / నీయొక్క అవసరాలు – ఏనాడో తానెరిగాడు ||కంట|| / వలదు చింతన దేనికైనా / విన్నవించుము నీ నివేదన (2) / పొందితినను నీదు నమ్మకము / దరికి చేర్చును తగిన విజయము (2) / తిరుగన్నదే లేనివి – ఆ తండ్రి దీవెనలు / పొరపాటు ఎరుగనివి – తానిచ్చు ఆ మేలులు (2) ||కంట|| / రేపు గూర్చిన భయము వలదు / ప్రతి దినము తగు బాధ కలదు (2) / నీదు భారము మోయు ఆ దేవుడు / నీకు ముందుగా నడుచు ఎల్లప్పుడు (2) / నీలోని ఆ భయము – లోకానికి ప్రతిరూపం / స్థిరమైన నీ విశ్వాసం – దేవునికి సంతోషం (2) ||కంట||
కల్వరిలోన చేసిన యాగం / మరణము గెలిచిన నీ యొక్క త్యాగం (2) / కడిగి వేసెను నాదు పాపం / నిలిపె నాలో నీ స్వరూపం (2) ||కల్వరిలోన|| / ఆ పాపులు అలుపే లేక నిను కొట్టిన దెబ్బలు / తొలగించే నాపై ఉన్న ఆ ఘోర శాపాలు / పరిశుద్ధ దేహముపై చెలరేగెను కొరడాలు / నాలోని రోగాలకై పొందితివా గాయాలు (2) / దైవ సుతుడవే అయిన గాని / కనికరము వీడవు ఏల క్షణమైనా గాని (2) ||కల్వరిలోన|| / ఏ దోషం లేని దేహం మోసెను సిలువ భారం / రద్దాయెను నాలో నేరం తగ్గించెను నా భారం / నువ్వు పొందిన అవమానం నను ఉన్నతి చేర్చెను / చిందించిన నీదు రక్తం పరిశుద్ధుని చేసెను (2) / నిన్నే బలిగా నువ్వు మార్చుకుంటివి / నన్ను రక్షించుటకు వేదన పడితివి (2) ||కల్వరిలోన|| / సిలువలో వ్రేలాడుతూ నువ్వు పొందిన దాహము / అందించేను నా కొరకై ఆ జీవ జలము / కఠినులుగా మారి నీకు అందించిన ఆ చేదు / నింపేను నాలో మధురం తొలగించే నా కుటిలం (2) / అధికారమే లేని మరణము నిలిచెను / నిన్ను తాకేందుకు అనుమతి కోరెను (2) ||కల్వరిలోన||