Songs sorted by number of likes. 1604 songs total.
నిను స్తుతించినా చాలు నా బ్రతుకు దినములో / నిను పొగిడినా చాలు నా గుండె గుడిలో (2) / ఉన్నా లేకున్నా నా స్థితి గతులే మారినా / నీ సన్నిధిలో… / నీ సన్నిధిలో ఆనందించే భాగ్యమున్నా చాలు ||నిను|| / స్తుతులకు పాత్రుడవు నీవేనయ్యా / స్తోత్రార్హుడవు నీవేనయ్యా (2) / నీవేనయ్యా నాకు నీవేనయ్యా (2) ||నిను|| / ప్రేమా స్వరూపుడవు నీవేనయ్యా / స్తోత్రార్హుడవు నీవేనయ్యా (2) / నీవేనయ్యా నాకు నీవేనయ్యా (2) ||నిను|| / ఆరాధ్య దైవము నీవేనయ్యా / ఆశ్చర్యకరుడవు నీవేనయ్యా (2) / నీవేనయ్యా నాకు నీవేనయ్యా (2) ||నిను|| / ఆదిసంభూతుడవు నీవేనయ్యా / ఆదరించు దేవుడవు నీవేనయ్యా (2) / నీవేనయ్యా నాకు నీవేనయ్యా (2) ||నిను||
నిను స్తుతియించే కారణం / ఏమని చెప్పాలి ప్రభువా (2) / ప్రతి క్షణము ప్రతి దినము / స్తుతియించుటే నా భాగ్యము / ప్రతి క్షణము ప్రతి దినము / స్తుతియించుటే నా జీవము ||నిను|| / ఉన్నత స్థలములలోన నీకు స్తోత్రము / అగాధ జలములలోన నీకు స్తోత్రము (2) / పరమందు నీకు స్తోత్రం / ధరయందు నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను|| / చీకటి లోయలలోన నీకు స్తోత్రము / మహిమాన్విత స్థలములలోన నీకు స్తోత్రము (2) / గృహమందు నీకు స్తోత్రం / గుడిలోన నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను|| / నిన్నటి మేలుల కొరకై నీకు స్తోత్రము / ఈ దిన దీవెన కొరకై నీకు స్తోత్రము (2) / శ్రమలైనా నీకు స్తోత్రం / కరువైనా నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను||
నిరంతరం నీతోనే జీవించాలనే / ఆశ నన్నిల బ్రతికించుచున్నది (2) / నా ప్రాణేశ్వరా యేసయ్యా / నా సర్వస్వమా యేసయ్యా ||నిరంతరం|| / చీకటిలో నేనున్నప్పుడు / నీ వెలుగు నాపై ఉదయించెను (2) / నీలోనే నేను వెలగాలని / నీ మహిమ నాలో నిలవాలని (2) / పరిశుద్ధాత్మ అభిషేకముతో / నన్ను నింపుచున్నావు నీ రాకడకై ||నిరంతరం|| / నీ రూపము నేను కోల్పయినా / నీ రక్తముతో కడిగితివి (2) / నీతోనే నేను నడవాలని / నీ వలెనే నేను మారాలని (2) / పరిశుద్ధాత్మ వరములతో / అలంకరించుచున్నావు నీ రాకడకై ||నిరంతరం|| / తొలకరి వర్షపు జల్లులలో / నీ పొలములోని నాటితివి (2) / నీలోనే చిగురించాలని / నీలోనే పుష్పించాలని (2) / పరిశుద్ధాత్మ వర్షముతో / సిద్ధపరచుచున్నావు నీ రాకడకై ||నిరంతరం||
నిరంతరమైన నీ కృపలో / నే పొందుచున్న ఆనందమే అది / అవధులు లేని ఆనందమే అది / శాశ్వతమైన ఆనందమే (2) ||నిరంతరమైన|| / అర్హతే లేని నాకు అందలము నిచ్చినావు / అపవాదినెదిరించుటకు అధికారమిచ్చినావు (2) / నా శక్తి కాదు దేవా – నీ ఆత్మ చేతనే / నీ ఘన కార్యములు వర్ణింప శక్యమే (2) ||నిరంతరమైన|| / బలహీనుడైన నన్ను బలవంతుని చేసినావు / బలమైన కార్యములను బహుగా చేయించినావు (2) / నా శక్తి కాదు దేవా – నీ ఆత్మ చేతనే / నీ ఘన కార్యములు వర్ణింప శక్యమే (2) ||నిరంతరమైన|| / మహిమా ప్రభావము నీకే చెల్లింతు మహిమోన్నతుడా / మరణమైన నిన్ను విడువను నా పరుగు ముగిసేదాకా (2) / నా మట్టుకైతే బ్రతుకుట క్రీస్తే / చావైతే అది ఎంతో మేలే (2) ||నిరంతరమైన||
నిరతము స్తుతియించుము ఓ మనసా / క్రీస్తేసుని స్తుతించు (2) / బాధలను తీర్చేటి ఆ స్తోత్రార్హుని / కష్టాలు తొలగించే ఆ కరుణశీలుని (2) / మరువక స్తుతియించుము ఓ మనసా / జయగీతముతో స్తుతించు ||నిరతము|| / వేదనలో విడిపించే ఆ దేవ దేవుని స్తుతియించుము / ఆపదలో ఆదుకొనే ఆరాధ్య దైవమునే స్తుతియించుము (2) / నిన్నిలలో ఓదార్చి తన కృపలో బలపరచే (2) / ఆ నిజ స్నేహితుని / కృతజ్ఞత కలిగి స్తుతియించుము – (2) ||నిరతము|| / అన్ని సమయాలలో చాలిన దేవుని స్తుతియించుము / పేరు జీవ గ్రంథములో వ్రాసిన గొర్రెపిల్లని స్తుతియించుము (2) / నీ భారం తొలగించి / తన కృపలో ఆదరించే (2) / నీ ఆత్మ కాపరియైన / పరిశుద్ధాత్ముని స్తుతియించుము – (2) ||నిరతము||
నిశిరాత్రి సుడిగాలిలో చిక్కితిని / ఊపిరితో మిగిలెదనా ఉదయానికి / తడవు చేయక యేసు నను చేరుకో / నా ప్రక్కనే ఉండి నను పట్టుకో / భయముండగలదా నీవున్నచో / నా చేయి నీ చేతిలో ఉండగా ||నిశిరాత్రి|| / ఈ చీకటి సమయం నిలిచెను నా ఈ పయనం / కనిపించక దారులు మొదలాయెను కలవరము / వీచే ఈ గాలులలో నే కొట్టుకుపోకుండా / తప్పించెదవని దేవా ఆశతో నే వేచితిని / నీవు గాక నాకిపుడు దిక్కెవ్వరు ||నిశిరాత్రి|| / నే చేసిన వాగ్ధానము లెన్నో ఉన్నాయి / నెరవేర్చు బాధ్యతలు ఇంకా మిగిలాయి / ఈ రేయి ఈ చోటే నేనాగి పోవలదు / రాతిరి గడిచేవరకు నీ చాటున నను దాచి / ఉదయమును చూపించుము నా కంటికి / అల్పము ఈ జీవితమని నేనెరిగితిని / కనురెప్పపాటున ఆవిరికాగలదు / అనుదినమిక నీ కృపనే నే కోరుచు / పయనింతును నా గురివైపు నిను ఆనుకుని / భయముండగలదా నీవున్నచో / నీ కన్నులు నామీద నిలిచుండగా / నా చేయి నీ చేతిలో ఉండగా
నిత్య జీవపు రాజ్యములో / సత్య దేవుని సన్నిధిలో (2) / నిత్యం యేసుని స్నేహముతో / నిత్యమానందమానందమే (2) / వ్యాధి భాధలు లేవచ్చట / ఆకల్దప్పులు లేవచ్చట (2) / మన దీపము క్రీస్తేలే / ఇక జీవితం వెలుగేలే (2) ||నిత్య|| / కడు తెల్లని వస్త్రముతో / పరి తేజో వాసులతో (2) / రాజ్యమునేలుదుములే / యాజకులము మనమేలే (2) ||నిత్య|| / ప్రతి భాష్పబిందువును / ప్రభు యేసే తుడుచునులే (2) / ఇక దుఖము లేదులే / మన బ్రతుకే నూతనమే (2) ||నిత్య|| / పరిశుద్ధ జనములతో / పరిశుద్ధ దూతలతో (2) / హల్లెలూయా గానాలతో / వెంబడింతుము యేసునితో (2) ||నిత్య||
నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిన్ను నేను – ఎన్నడు విడువను (2) / నిత్యము నీతోనే జీవింతున్ / సత్య సాక్షిగ జీవింతున్ / నిత్య రక్షణతో – నన్ను రక్షించెన్ (2) / ఏక రక్షకుడు యేసే / లోక రక్షకుడు యేసే / నీ చిత్తమును చేయుటకై – నీ పోలికగా ఉండుటకై (2) / నా సర్వము నీకే అర్పింతును / పూర్ణానందముతో నీకే అర్పింతున్ / నిత్య రాజ్యములో – నన్ను చేర్పించన్ (2) / మేఘ రథములపై రానైయున్నాడు / యేసు రాజుగ రానైయున్నాడు / ఆరాధింతును సాష్టాంగపడి (2) / స్వర్గ రాజ్యములో యేసున్ / సత్య దైవం యేసున్ / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే / నిత్య ప్రేమతో – నన్ను ప్రేమించెన్ (2) / తల్లి ప్రేమను మించినదే / లోక ప్రేమను మించినదే
నిత్యం నిలిచేది – నీ ప్రేమే యేసయ్యా / నిలకడగా ఉండేది – నీ మాటే యేసయ్యా (2) / నాతో ఉండేది – నీ స్నేహం యేసయ్యా / నాలో ఉండేది – నీ పాటే యేసయ్యా (2) ||నిత్యం|| / మంటి పురుగునైనా నన్ను ఎన్నుకుంటివి / విలువలేని నా బ్రతుకునకు ప్రేమ పంచినావు (2) / నీకెవరూ సాటే రారయ్యా / నీకంటే లోకంలో ఘనులెవరేసయ్యా (2) ||నిత్యం|| / ఈ లోక స్నేహాలన్నీ మోసమే కదా / అలరించే అందాలన్నీ వ్యర్థమే కదా (2) / నిజమైన స్నేహం నీదయ్యా / నీ స్నేహం లేకుంటే నా బ్రతుకే వ్యర్థమయ్యా (2) ||నిత్యం||
నిత్యము స్తుతించినా / నీ ఋణము తీర్చలేను / సమస్తము నీకిచ్చినా / నీ త్యాగము మరువలేను (2) / రాజా రాజా రాజాధి రాజువు నీవు / దేవా దేవా దేవాది దేవుడవు (2) ||నిత్యము|| / అద్వితీయ దేవుడా / ఆది అంతములై యున్నవాడా (2) / అంగలార్పును నాట్యముగా / మార్చివేసిన మా ప్రభు (2) ||రాజా|| / జీవమైన దేవడా / జీవమిచ్చిన నాథుడా (2) / జీవజలముల బుగ్గ యొద్దకు / నన్ను నడిపిన కాపరి (2) ||రాజా|| / మార్పులేని దేవుడా / మాకు సరిపోయినవాడా (2) / మాటతోనే సృష్టినంతా / కలుగజేసిన పూజ్యుడా (2) ||రాజా||
నూతన హృదయము నూతన స్వభావము / నూతన ప్రారంభం నాకు దయచేయుము / చెదరిన బ్రతుకును పగిలిన గుండెను / నలిగిన మనస్సును నూతన పరచుము / యేసు నీవే నన్ను సృజియించిన వాడవు / నా బలహీనతలన్ని యెరిగియున్నావు / రాతి గుండెను నాలో తీసివేయుము / అతి మెత్తని హృదయము దయచేయుము ||నూతన హృదయము|| / జీవమును వదులుకుని వెలుపలకు నే పారిపోతిని / పాపములో భోగమును ఆశించి నే మోసపోతిని / నా దేహం నా హృదయం వ్యసనముతోనే నిండిపోయెను / హీనముగా దిగజారి ఘోరముగా నే కృంగిపోతిని / నిన్ను విడచి నే క్షణమైనా బ్రతుకలేక / వెనుతిరిగి నీ చెంతకు వచ్చుచున్నాను / శుద్ధజలమును నాపై వెదజల్లుము / హిమము కంటెను తెల్లగా కడిగివేయుము ||నూతన హృదయము|| / నా పాపం అపరాధం నానుండి దూరము చేయుదువు అని / నా భయము అవమానం బిడియమును తొలగించి వేతువని / నా గతము జ్ఞాపకము నీ మదిలో ఇక దాచుకోవు అని / నిన్నెరిగి ధైర్యముగా నీ ముందు నే నిలబడియున్నాను / నీ శరణు కోరువారిని త్రోసివేయవు / కృపగల మహాదేవ నన్ను మన్నించుము / సదా కృతజ్ఞత స్తుతులు నీకే అర్పింతును / సర్వ మహిమ ప్రభావము నీకే చెల్లును ||నూతన హృదయము||
నూతన సంవత్సరములో / యేసు.. నూతన పరచుము నన్ను / నూతన జీవమిచ్చి / నూతన కృపనిమ్మయా (2) / ఆనందమే సంతోషమే / యేసయ్యలో నాకు సంబరమే (2) ||నూతన|| / పాపమంత మన్నించయ్యా / పరిశుద్ధ మనసు నాకు ఇమ్మయ్యా (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన|| / వాక్యముతో కడుగుమయా / పరిశుద్ధ ఆత్మను నాకిమ్మయ్యా (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన|| / సత్యముతో నింపుమయా / నీ సాక్షిగ నేనుండుటకు (2) / ప్రభు నీతో నడుచుటకు / నీ సన్నిధిలో ఉండుటకు (2) ||నూతన||