Songs sorted by number of likes. 1604 songs total.
దేవుడు లోకమును ఎంతో ప్రేమించెను (2) / నిన్ను నన్ను ధరలో ప్రతి వారిని (2) / ఎంతో ప్రేమించెను ప్రేమించి ఏతెంచెను ।।దేవుడు।। / పరలోక ప్రేమ ఈ ధరలో / ప్రత్యక్షమాయె ప్రతివానికై (2) / ఆదియందున్న ఆ దేవుడు / ఏతెంచె నరుడై ఈ భువికి (2) / ఈ ప్రేమ నీ కొరకే – జన్మించే ఇల యేసు నీ కొరకే (2) ।।దేవుడు।। / పాపంధకారములో అంధులుగా / చీకటి త్రోవలో తిరుగాడగా (2) / జీవపు వెలుగైన ఆ ప్రభువు / వెలిగించగా వచ్చెను ప్రతి వారిని (2) / ఈ వెలుగు నీ కొరకే – యేసు నిన్నిల వెలిగించును (2) ।।దేవుడు।।
దేవుడు మనకు ఎల్లప్పుడు (2) / తోడుగ నున్నాడు (3) / ఏదేనులో ఆదాముతో నుండెన్ (2) / హానోకు తోడనేగెను (2) / దీర్ఘ దర్శకులతో నుండెన్ (2) / ధన్యులు దేవుని గలవారు – తోడుగనున్నాడు / దైవాజ్ఞను శిరసావహించి (2) / దివ్యముగ నా బ్రాహాము (2) / కన్న కొమరుని ఖండించుటకు (2) / ఖడ్గము నెత్తిన యపుడు – తోడుగనున్నాడు / యోసేపు ద్వేషించ బడినపుడు (2) / గోతిలో త్రోయబడినపుడు (2) / శోధనలో చెరసాలయందు (2) / సింహాసనమెక్కిన యపుడు – తోడుగనున్నాడు / ఎర్ర సముద్రపు తీరమునందు (2) / ఫరో తరిమిన దినమందు (2) / యోర్దాను దాటిన దినమందు (2) / యెరికో కూలిన దినమందు – తోడుగనున్నాడు / దావీదు సింహము నెదిరించి (2) / ధైర్యాన చీల్చినయపుడు (2) / గొల్యాతును హతమార్చినయపుడు (2) / సౌలుచే తరుమబడినపుడు – తోడుగనున్నాడు / సింహపు బోనులో దానియేలు (2) / షద్రకు మేషా కబేద్నెగో (2) / అగ్ని గుండములో వేయబడెన్ (2) / నల్గురిగా కనబడినపుడు – తోడుగనున్నాడు / పౌలు బంధించబడినపుడు (2) / పేతురు చెరలో నున్నపుడు (2) / అపోస్తలులు విశ్వాసులు (2) / హింసించ బడినయపుడు – తోడుగనున్నాడు ||దేవుడు||
దేవుడు నీకు తెలుసు – నీవు దేవునికి తెలుసా / నీవు దేవుని నమ్మినా – నిన్ను దేవుడు నమ్మాలి (2) / అవసరాలకు దేవుని నమ్మక / ఆత్మకు తండ్రని నమ్మాలి (2) / నీ ఆత్మకు తండ్రని నమ్మాలి ||దేవుడు|| / నాలుగు గోడల మధ్య నీవు నలిగిపోక / నలు దిక్కులకు సువార్తను ప్రకటించు (2) / ప్రభువా ప్రభువని పిలువక – ప్రార్ధనతో విసిగించక / పాపిని రక్షించు పరలోకానికి నడిపించు / నా నిమిత్తము ఎవడు పోవునని అడుగుచున్నాడు దేవుడు / నా అవసరత తీర్చమని అడుగుచున్నాడు క్రైస్తవుడు ||దేవుడు|| / నామకార్ధ భక్తి దేవునికే అది విరక్తి / సువార్త భారం కలిగి నీవు బ్రతికితేనే ముక్తి (2) / ప్రజలందరికి ఇదే బైబిల్ సూక్తి (2) / దేవుని చేయి వెతకకుంటే అగ్నితోనే శాస్తి (2) / దేవునికిష్టమైనది తెలుసుకోవాలి ముందు / దేహానికిష్టమైనది అడగకూడదు ముందు ||దేవుడు||
దేవుని గొప్ప మహిమను చూసి తిరిగి పాపం చేసెదవా? / ద్వంద నీతికి నిష్కృతి లేదని నీకు తెలుసా ఓ క్రైస్తవా! (2) / ఎంత అధము అన్యుల కన్న, ఎంత ఘోరము ఆ యూద కన్న / వలదు పాపం ఇకపైనన్న, తిరిగి పొందు క్రీస్తులో మన్నా (2) / మరచినవా నీ అపజయములు / గుర్తు లేదా! ఆ శోధనలు / నీవు చూపిన ఆ వినయములు / ఏడ్చి చేసిన ఆ ప్రార్థనలు / తండ్రి నీవే దిక్కంటూ, మోకరిల్లిన ఆ క్షణము / అందుకొంటివి విజయములు, విడిచి పెడితివి వాక్యములు (2) ॥ఎంత॥ / అందుకొంటివి బాప్తిస్మమును / పొందు కొంటివి ఆ రక్షణను / వదలబోకు ఆత్మీయతను / చేరనివ్వకు నిర్లక్ష్యమును / తీర్పు తీర్చే సమయంలో ఓర్పు దొరకదు గుర్తెరుగు / నిత్య జీవం లో నుండి, ఘోర నరకం చేరెదవా? (2) ॥ఎంత॥
దేవుని ప్రేమ ఇదిగో – జనులార – భావంబునం దెలియరే / కేవలము నమ్ముకొనిన – పరలోక – జీవంబు మనకబ్బును ||దేవుని|| / సర్వలోకము మనలను – తన వాక్య – సత్యంబుతో జేసెను / సర్వోపకారుడుండే – మన మీద – జాలిపరుడై యుండెను ||దేవుని|| / మానవుల రక్షింపను – దేవుండు – తన కుమారుని బంపెను / మన శరీరము దాల్చెను – ఆ ప్రభువు – మన పాపమునకు దూరుడే ||దేవుని|| / యేసు క్రీస్తను పేరున – రక్షకుడు – వెలసి నాడిలలోపల / దోసకారి జనులతో – నెంతో సు – భాషలను బల్కినాడు ||దేవుని|| / పాప భారంబు తోడ – నే ప్రొద్దు – ప్రయాసముల బొందెడి / పాపులందరు నమ్మిన – విశ్రాంతి – పరిపూర్ణమిత్తు ననెను ||దేవుని|| / సతులైన పురుషులైనన్ – యా కర్త – సర్వ జనుల యెడలను / సత్ప్రేమగా నడిచెను – పరలోక – సద్బోధలిక జేసెను ||దేవుని|| / చావు నొందిన కొందరిన్ – యేసుండు – చక్కగా బ్రతికించెను / సకల వ్యాధుల రోగులు – ప్రభు నంటి – స్వస్థంబు తా మొందిరి ||దేవుని|| / గాలి సంద్రపు పొంగులన్ – సద్దణిపి – నీళ్లపై నడచినాడే / మేలు గల యద్భుతములు – ఈలాగు – వేల కొలదిగ జేసెను ||దేవుని|| / చేతుల కాళ్లలోను – రా రాజు – చేర మేకులు బొందెను / పాతకులు గొట్టినారే – పరిశుద్ధ – నీతి తా మోర్వలేకన్ ||దేవుని|| / ఒడలు రక్తము గారగ – దెబ్బలు – చెడుగు లందరు గొట్టిరి / వడిముళ్లు తల మీదను – బెట్టిరి – ఓర్చెనో రక్షకుండు ||దేవుని|| / ఇన్ని బాధలు బెట్టుచు – దను జంపు – చున్న పాప నరులను / మన్నించు మని తండ్రిని – యేసుండు – సన్నుతితో వేడెను ||దేవుని|| / రక్షకుడు శ్రమ బొందగా – దేశంబు – తక్షణము చీకటయ్యెన్ / రక్షకుడు మృతి నొందగ – తెర చినిగి – రాతి కొండలు పగిలెను ||దేవుని|| / రాతి సమాధిలోను – రక్షకుని – నీతిగల దేహంబును / పాతి పెట్టిరి భక్తులు – నమ్మిన – నాతు లందరు జూడగా ||దేవుని|| / మూడవ దినమందున – యేసుండు – మృతి గెల్చి లేచినాడు / నాడు నమ్మిన మనుజులు – చూచిరి – నలువది దినములందున్ ||దేవుని|| / పదునొకండు మారులు – వారలకు – బ్రత్యక్షు డాయె నేసు / పరలోకమున కేగెను – తన వార్త – బ్రకటించు మని పల్కెను ||దేవుని|| / నమ్మి బాప్తిస్మమొందు – నరులకు – రక్షణ మరి కల్గును / నమ్మ నొల్లక పోయెడు – నరులకు – నరకంబు సిద్ధమనెను ||దేవుని||
దేవుని సముఖ జీవ కవిలెలో (2) / నీ పేరున్నదా – నీ పేరున్నదా ||దేవుని|| / జీవవాక్యము ఇలలో చాటుచు – జీవితము లర్పించిరే (2) / హత సాక్షుల కవిలెలో (2) / నీ పేరున్నదా – నీ పేరున్నదా ||దేవుని|| / ఆకాశమండలములలో తిరిగెడు – అంధకార శక్తులను గెలిచిన (2) / విజయవీరుల కవిలెలో (2) / నీ పేరున్నదా – నీ పేరున్నదా ||దేవుని|| / పరిశుద్ధ యెరుషలేము సంఖ్య – పరిశుద్ధ గ్రంథము సూచించు (2) / సర్వోన్నతుని పురములలో (2) / నీ పేరున్నదా – నీ పేరున్నదా ||దేవుని|| / దేవుని సన్నిధి మహిమ ధననిధి – దాతను వేడి వరము పొందిన (2) / ప్రార్ధన వీరుల కవిలెలో (2) / నీ పేరున్నదా – నీ పేరున్నదా ||దేవుని|| / పరమునుండి ప్రభువు దిగగా – పరిశుద్ధులు పైకెగయునుగా (2) / పరిశుద్ధుల కవిలెలో (2) / నీ పేరున్నదా – నీ పేరున్నదా ||దేవుని||
దేవుని స్తుతించ రండి / గత సంవత్సరమున కాపాడెన్ / కీడు మనలను చేరకను – కోటి / కీడుల నుండి కాపాడినట్టి – మహా ||దేవుని|| / కోట్లకొలది మరణించిరి / మన మిచ్చట చేరియున్నాము / కష్టముల బాపి మనల నింక / జగమున జీవితులుగా నుంచినట్టి – మహా ||దేవుని|| / ఎన్ని కీడుల మనము చేసిన / నన్ని మెల్లను చేసెనుగా / నిరతము కాచి చక్కగాను / ప్రభు ప్రేమతో కాచినందున స్తుతిచేసి ||దేవుని|| / ఏకముగా పాడి హర్షముతో / లెక్కలేని మేలులకై / ఆత్మ దేహములను బలిగా / నిపుడేసు కర్పించెద మేకముగా – చేరి ||దేవుని|| / వత్సారంభముననిను / మే మొక్కటిగా నారాధింప / దైవ కుమారా కృపనిమ్ము / మా జీవిత కాలమంతయు పాడి – మహా ||దేవుని|| / భూమి యందలి మాయల నుండి / సైతానుని వలలో నుండి / ఆత్మతో నిను సేవింప / నిపు డేలుమనుచు బ్రతిమాలెదము – కూడి ||దేవుని||| / ప్రతి సంవత్సరమును మము జూడుము / దుర్గములో మము చేర్చుమయ్యా / దాటునప్పుడు నీ సన్నిధిని – చూపి / ధైర్యమునిచ్చి ఓదార్చుమయ్యా – మహా ||దేవుని|| / స్తోత్రింతుము ప్రభువా నీ పదముల / సకలాశీర్వాదముల నిమ్ము / ప్రేమతో ప్రభుతో నుండ / నెట్టి యాపద లేక బ్రోవుమామెన్ – ప్రభు ||దేవుని||
దేవుని స్తుతియించి ఆరాధింతుము / మన దేవుని ఆరాధించి ఆనందింతుము (2) / రండీ ఓ జనులారా / సర్వలోక నివాసులారా (2) / సంతోషగీతము పాడెదము (2) / ఆహా.. ఆరాధనా.. – హల్లెలూయా ఆరాధనా… (2) ||దేవుని|| / వేటకాని ఉరిలో నుండి ఆయనే నిన్ను విడిపించును / భారమైన నీ బాధలను ఆయనే ఇక తొలగించును (2) / ఏ తెగులు నీ ఇల్లు దరిచేరదు (2) / ఆయనే రక్షించును ||రండీ ఓ|| / బండ చీల్చి నీళ్ళను ఇచ్చి ఇశ్రాయేలీయులను కాచెను / నింగి నుంచి మన్నాను పంపి వారి ప్రాణము రక్షించెను (2) / శత్రువుల చెర నుంచి విడిపించెను (2) / తోడుండి నడిపించెను ||రండీ ఓ|| / మన విరోధి చేతిలోనుండి ఆయనే మనను తప్పించును / కష్టకాల ఆపదలన్ని ఆయనే ఇక కడతేర్చును (2) / వేదనలు శోధనలు ఎదిరించగా (2) / శక్తిని మనకిచ్చునూ ||రండీ ఓ|| / కన్నవారు ఆప్తులకంటే ఓర్పుగా మనను ప్రేమించును / భూమికంటే విస్తారముగా ప్రేమతో మనను దీవించును (2) / ఆ ప్రభువు రక్షకుడు తోడుండగా (2) / దిగులే మనకెందుకు ||రండీ ఓ||
దేవుని యందు భక్తి గల స్త్రీ కొనియాడబడును / ఆమె చేసిన పనులే ఆమెకు – ఘనత నొసంగును ||దేవుని|| / ప్రార్ధన చేసి వీర వనితగా / ఫలమును పొంది ఘనత పొందెను / హన్నా వలె నీవు / ప్రార్ధన చేసెదవా ఉపవసించెదవా ||దేవుని|| / ప్రభు పాదములు ఆశ్రయించి / ఉత్తమమైనది కోరుకున్నది / మరియ వలె నీవు / ప్రభు సన్నిధిని కోరెదవా ||దేవుని|| / వినయ విధేయతలే సుగుణములై / తన జనమును రక్షించిన వనిత / ఎస్తేరును బోలి / దీక్షను పూణెదవా ఉపవసించెదవా ||దేవుని||
దేవునికే మహిమ (2) / యుగయుగములు కలుగును గాక (2) ||దేవునికే|| / దేనికి దేవుడు శిల్పియు నిర్మాణకుడో (2) / దానికి మనలను వారసుల జేసెను (2) / వందనములు చెల్లింతుము (2) ||దేవునికే|| / నిలవరమైనది మనకిల లేదని (2) / వల్లభుడు స్థిరపరచెను పరమందు (2) / చెల్లించి స్తుతులను పూజింతుము (2) ||దేవునికే|| / సీయోను పురమగు దేవుని నగరుకు (2) / సొంపుగ తెచ్చెను తన కృప ద్వారానే (2) / స్తోత్ర గీతములను పాడెదము (2) ||దేవునికే|| / శుద్ధ సువర్ణముతో అలంకరింపబడిన (2) / ముత్యాల గుమ్మముల పురమందు జేర్చెను (2) / ముదమారగను ప్రణుతింతుము (2) ||దేవునికే||
దేవునికి భయపడవా మానవా / నీ దేవునికి భయపడవా మానవా (2) / పాపాన్ని విడువుమా – ప్రభు చెంత చేరుమా (2) / యేసయ్యను నీవు శరణు వేడుమా (2) ||దేవునికి|| / ఐగుప్తు మంత్రసానుల గమనించితివా / రాజాజ్ఞను సైతము అతిక్రమించిరి (2) / దేవునికి విధేయత చూపిరి / వంశాభివృద్ధిని పొందిరి (2) ||దేవునికి|| / నినెవె ప్రజలను గమనించితివా / దేవుని మాటకు లోబడినారు (2) / పాపమును విడిచి ఉపవాసముండి / ప్రార్థించి ప్రభు దీవెన పొందిరి (2) ||దేవునికి||
దేవునికి స్తోత్రము గానము చేయుటయే మంచిది / మనమందరము స్తుతిగానము చేయుటయే మంచిది / యెరుషలేము యెహోవాయే కట్టుచున్నవాడని / ఇశ్రయేలీయులను పోగుచేయువాడని ||దేవునికి|| / గుండె చెదరిన వారిని బాగుచేయువాడని / వారి గాయములన్నియు కట్టుచున్నవాడని ||దేవునికి|| / నక్షత్రముల సంఖ్యను ఆయనే నియమించును / వాటికన్నియు పేరులు పెట్టుచున్నవాడని ||దేవునికి|| / ప్రభువు గొప్పవాడును అధిక శక్తి సంపన్నుడు / జ్ఞానమునకు ఆయనే మితియు లేనివాడని ||దేవునికి|| / దీనులకు అండాయెనే భక్తిహీనుల కూల్చును / సితారాతో దేవుని స్తుతులతో కీర్తించుడి ||దేవునికి|| / ఆయన ఆకాశమున్ మేఘములతో కప్పును / భూమికొరకు వర్షము సిద్ధపరచువాడని ||దేవునికి|| / పర్వతములలో గడ్డిని పశువులకు మొలపించెను / అరచు పిల్లకాకులకును ఆహారము తానీయును ||దేవునికి|| / గుర్రముల నరులందలి బలము నానందించడు / కృప వేడు వారిలో సంతసించువాడని ||దేవునికి|| / యెరుషలేము యెహోవను సీయోను నీ దేవుని / కీర్తించుము కొనియాడుము ఆనందించువాడని ||దేవునికి|| / పిల్లల నాశీర్వదించియు బలపరచు నీ గుమ్మముల్ / మంచి గోధుమపంటతో నిన్ను తృప్తిగనుంచును ||దేవునికి|| / భూమికి తనయాజ్ఞను ఇచ్చువాడు ఆయనే / వేగముగను దేవుని వాక్యము పరుగెత్తును ||దేవునికి|| / వాక్యమును యాకోబుకు తెలియచేసినవాడని / ఏ జనముకీలాగున చేసియుండలేదని ||దేవునికి||