255 salvation songs available. Lyrics in Roman and Telugu script.
ఆత్మ దీపమును (2) / వెలిగించు యేసు ప్రభు (2) ||ఆత్మ|| / వసియించుము నా హృదయమునందు (2) / వసియించు నా నయనములందు (2) / అన్నియు నిర్వహించుచున్నావు (2) / నన్ను నిర్వహించుము ప్రభువా (2) ||ఆత్మ|| / కలుషాత్ములకై ప్రాణము బెట్టి (2) / కష్టములంతరింప జేసి (2) / కల్వరి సిలువలో కార్చిన రక్త (2) / కాలువ యందు కడుగుము నన్ను (2) ||ఆత్మ||
యేసు రక్తములో నాకు జయమే జయము / ప్రభు యేసు రక్తములో నిత్యం విజయం (2) / జయం జయం జయం జయం – నా యేసునిలో / జయం జయం జయం జయం – ప్రభుయేసు రక్తములో (2) ||యేసు రక్తములో|| / పాపాలను క్షమియించి – శాపాలను భరియించి / విడుదలను కలిగించే యేసు రక్తము / మరణాన్ని తొలగించి – నరకాన్ని తప్పించి / పరలోకానికి చేర్చే యేసు రక్తము (2) / అమూల్యమైనది పవిత్రమైనది / ప్రశస్తమైనది నిష్కళంకమైనది (2) ||జయం జయం|| / శోధనలలో జయమిచ్చి – బాధలో నెమ్మదినిచ్చి / ఆదరణను కలిగించే యేసు రక్తము / రోగాలను లయపరచి – వ్యాధులను దూరం చేసి / స్వస్థత నాకు చేకూర్చే యేసు రక్తము (2) / అమూల్యమైనది పవిత్రమైనది / ప్రశస్తమైనది నిష్కళంకమైనది (2) ||జయం జయం||
కళ్లుండి చూడలేని ఎందరో ఉన్నారు / చూసి చూడనట్టు బ్రతుకుచున్నారు (2) / వారి కనులు తెరిపించాలి నీ మహిమతోనే / జీవింప చేయాలి నీ మహిమలోనే ||కళ్లుండి|| / కంటి చూపుతో నన్ను కాచియున్నావు / గుండె పైన వాత పెట్టి నను మార్చినావు (2) / మరణాన్ని తప్పించావు / జీవాన్ని నాకిచ్చావు (2) / ఇంకేల నా యేసయ్యా ||కళ్లుండి|| / నీదు ఆత్మతో నన్ను నింపియున్నావు / నీదు సాక్షిగా నన్ను ఇల నిలిపియుంచావు (2) / నీవే నా గమ్యమని / నీలోనే నడిచెదను (2) / నాకేగా పరలోకము ||కళ్లుండి||
రెండే రెండే దారులు / ఏ దారి కావాలో మానవా / ఒకటి పరలోకం మరియొకటి పాతాళం (2) / పరలోకం కావాలో పాతాళం కావాలో / తెలుసుకో మానవా (2) / పరలోకం గొప్ప వెలుగుతో / ఉన్నాది పరిశుద్ధుల కోసం (2) / సూర్యుడుండడు చంద్రుడుండడు / చీకటుండదు రాత్రియుండదు / నిత్యుడైన యేసుడే ప్రకాశించుచుండును (2) / యుగయుగములు పరలోక రాజ్యమేలుచుండును (2) / యేసు ప్రభుని నమ్ముకో పరలోకం చేరుతావు (2) ||రెండే|| / పాతాళం అగ్ని గుండము / ఉన్నాది ఘోరపాపుల కోసం (2) / అగ్ని ఆరదు పురుగు చావదు / గప్పగప్పున రగులుచుండును / ధనవంతుడు మరణించి అగ్నిలో ఉన్నాడు (2) / అబ్రహాము రొమ్ముపై లాజరును చూసాడు (2) / ధనవంతుడు చూసి ఆశ్చర్యపడ్డాడు (2) ||రెండే|| / పుడతావు నీవు దిగంబరిగా / వెళతావు నీవు దిగంబరిగా (2) / గాలి మేడలు ఎన్నో కడతావు / నాకంటే ఎవ్వరు ఉన్నారంటావు / లోకంలో ఘోరమైన పాపాలు చేస్తావు (2) / ఆ పాపాలే నిన్ను అగ్నిపాలు చేస్తాయి (2) / అగ్ని లో పడకుండా యేసు ప్రభుని నమ్ముకో (2) ||రెండే||
గమ్యం చేరాలని నీతో ఉండాలని / పగలూ రేయి పరవశించాలని / ఈ నింగి నేలా కనుమరుగైనా / శాశ్వత జీవం పొందాలని / సాగిపోతున్నాను నిన్ను చూడాలని / నిరీక్షిస్తున్నాను నిన్ను చేరాలని (2) ||గమ్యం చేరాలని|| / భువి అంతా తిరిగి జగమంతా నడచి / నీ జ్ఞానముకు స్పందించాలని / నాకున్నవన్ని సమస్తం వెచ్చించి / నీ ప్రేమ ఎంతో కొలవాలని / అది ఎంత ఎత్తున ఉందో – అది ఎంత లోతున ఉందో / అది ఏ రూపంలో ఉందో – అది ఏ మాటల్లో ఉందో ||సాగిపోతున్నాను|| / అలలెన్నో రేగినా శ్రమలెన్నో వచ్చినా / శిరమును వంచి సహించాలని / వేదన బాధలు గుండెను పిండినా / నీదు సిలువనే మోయాలని / నా గుండె కోవెలలోనా – నిన్నే నే ప్రతిష్టించి / నీ సేవలోనే ఇలలో – నా తుది శ్వాసను విడవాలని ||సాగిపోతున్నాను||
ప్రభు యేసుని వదనములో – నా దేవుడు కనిపించె (2) / పాపాత్ముల బ్రోచుటకై – కృపలొలికిన కలువరిలో (2) / పరలోకముకై – చిర జీవముకై (2) / ప్రార్ధించెను నా హృదయం ||ప్రభు యేసుని|| / దిశలన్నియు తిరిగితిని – నా పాపపు దాహముతో (2) / దౌష్ట్యములో మసలుచును – దౌర్జన్యము చేయుచును (2) / ధన పీడనతో – మృగ వాంఛలతో (2) / దిగాజారితి చావునకు ||ప్రభు యేసుని|| / యేసు నీ రాజ్యములో – భువి కేతెంచెడి రోజు (2) / ఈ పాపిని క్షమియించి – జ్ఞాపకముతో బ్రోవుమని (2) / ఇల వేడితిని – విలపించుచును (2) / ఈడేరెను నా వినతి ||ప్రభు యేసుని|| / పరదైసున ఈ దినమే – నా ఆనందములోను (2) / పాల్గొందువు నీవనుచు – వాగ్ధానము చేయగనే (2) / పరలోకమే నా – తుది ఊపిరిగా (2) / పయనించితి ప్రభు కడకు ||ప్రభు యేసుని||
నా మనో నేత్రము తెరచి / నా కఠిన హృదయమును మార్చి (2) / అంధకారములో నేనుండ (2) / వెదకి నన్ రక్షించితివి (2) ||నా మనో|| / నే పాప భారము తోడ / చింతించి వగయుచునుంటి (2) / కల్వరి సిలువలో నా శ్రమలన్ (2) / పొంది నన్ విడిపించితివి (2) ||నా మనో|| / ఎన్నాళ్ళు బ్రతికిననేమి / నీకై జీవించెద ప్రభువా (2) / బాధలు శోధనలు శ్రమలలో (2) / ఓదార్చి ఆదుకొంటివయా (2) ||నా మనో|| / నీ సన్నిధిని నే కోరి / నీ సన్నిధిలో నే మారి (2) / స్తుతి పాత్రగ ఆరాధింతున్ (2) / యుగయుగములు సర్వ యుగములు (2) ||నా మనో||
యేసుని నా మదిలో స్వీకరించాను / ఆయన నామములో రక్షణ పొందాను (2) / నేను నేనే కాను… నాలో నా యేసే… (2) / హల్లెలూయ హల్లెలూయ హల్లెలూయ హల్లెలూయ / హల్లెలూయ హల్లెలూయ హల్లెలూయ హల్లెలూయ ||యేసుని|| / పాతవి గతియించెను / క్రొత్తవి మొదలాయెను (2) / నా పాప హృదయింలో రారాజు జన్మించె / నా పాపం తొలగి పోయెను – నా దుఃఖం కరిగి పోయెను (2) / యేసే నా జీవం… / ఆ ప్రభువే నా దైవం (2) ||హల్లెలూయ|| / నీ పాపం తొలగాలన్నా / నీ దుఃఖం కరగాలన్నా (2) / యేసుని నీ మదిలోకి స్వీకరించాలి / ఆయన నామములోనే రక్షణ పొందాలి (2) / యేసే మన జీవం… / ఆ ప్రభువే మన దైవం (2) ||హల్లెలూయ|| / నీవు నమ్మితే రక్షణ / నమ్మకున్నచో శిక్షయే (2) / ఎత్తబడే గుంపులో నీవు ఉంటావో / విడువబడే రొంపిలో నీవు ఉంటావో (2) / ఈ క్షణమే నీవు తేల్చుకో… / ఇదియే అనుకూల సమయము (2) ||హల్లెలూయ||
యవ్వనుడా యవ్వనుడా / మాటిమాటికి ఏల పడిపోవుచున్నావు? / యవ్వనుడా యవ్వనుడా / నీ పాపజీవితంలో ఇంక ఎన్నాళ్ళు సాగెదవు? ||యవ్వనుడా|| / దుష్టుడు శోధనలకు గురిచేయుచుండగా / వాక్యమనే ఖడ్గముతో తరిమికొట్టుము (2) / యేసయ్యను స్వీకరించి వెంబడించుము (2) / అపజయమే ఎరుగక సాగిపోవుము (2) ||యవ్వనుడా|| / అనుదినము వాక్యముతో సరిచేసుకొనుము / ఇతరులకొక మాదిరిగా జీవించుము (2) / పాపమనే చీకటిలో ఉన్నవారిని (2) / నీ సాక్ష్యముతో వెలుగులోకి నడిపించుము (2) ||యవ్వనుడా|| / యవ్వనుడా యవ్వనుడా / ఇప్పటికైనా… యేసు పాదాల చెంతకి రావా
ఎన్ని మార్లు నీవు దైవ వాక్యమును విని / తిన్ననైన మార్గములో నడువకుందువు? / చిన్ననాటి నుండి నీవు క్రైస్తవుడవని / నులివెచ్చని జీవితమును విడువనందువు? (2) / విశ్వాసీ, ఏది నీ సాక్ష్యము? / దేనిపై ఉన్నది నీ లక్ష్యము? (2) / యేసుపైన లేకుంటే నీ నిరీక్షణ… / ఇంకెందుకు నీకు ఈ రక్షణ? – (2) ||ఎన్ని మార్లు|| / యేసు లేని జీవితం వ్యర్ధమని తెలిసినా / లోకమెప్పు కోసమే వెరచియున్నావా / క్రీస్తు వైపు సాగుతూ వెనుక తట్టు తిరిగితే / ఉప్పు శిలగ మిగిలెదవని మరచిపోయావా (2) / పాపమే వేరు చేసెను / దేవుని నుండి మనలనూ / సిలువ యాగమే దారి చూపెను / ఇకనైనా మార్చుకో నీ మనస్సునూ – (2) ||విశ్వాసీ|| / పాపానికి జీతము మరణమని తెలిసినా / ఇహలోక స్నేహమే పాపమని ఎరుగవా / ఎన్ని మార్లు తప్పినా ఒప్పుకుంటే చాలులే / పరలోకం చేరొచ్చనే భ్రమను విడువవా (2) / చేసిన ప్రతి పాపానికి / తీర్పు దినం ఉంది మరువకు / లేదు నీకు నిత్య జీవము / నీ జీవితం మార్పునొందే వరకు – (2) ||విశ్వాసీ||
అపరాధిని యేసయ్యా / కృపజూపి బ్రోవుమయ్యా (2) / నెపమెంచకయె నీ కృపలో / నపరాధములను క్షమించు (2) / సిలువకు నిను నే గొట్టి / తులువలతో జేరితిని (2) / కలుషంబులను మోపితిని / దోషుండ నేను ప్రభువా (2) / ప్రక్కలో బల్లెపుపోటు / గ్రక్కున పొడిచితి నేనే (2) / మిక్కిలి బాధించితిని / మక్కువ జూపితి వయ్యో (2) / ముళ్ళతో కిరీటంబు / నల్లి నీ శిరమున నిడితి (2) / నా వల్ల నేరమాయె / చల్లని దయగల తండ్రి (2) / దాహంబు గొనగా చేదు / చిరకను ద్రావ నిడితి (2) / ద్రోహుండనై జేసితినీ / దేహంబు గాయంబులను (2) / ఘోరంబుగా దూరితిని / నేరంబులను జేసితిని (2) / కౄరుండనై గొట్టితిని / ఘోరంపు పాపిని దేవా (2) / చిందితి రక్తము నాకై / పొందిన దెబ్బల చేత (2) / అపనిందలు మోపితినయ్యో / సందేహమేలనయ్యా (2) / శిక్షకు పాత్రుడనయ్యా / రక్షణ దెచ్చితివయ్యా (2) / అక్షయ భాగ్యము నియ్య / మోక్షంబు జూపితివయ్యా (2)
నా కోసమా ఈ సిలువ యాగము / నా కోసమా ఈ ప్రాణ త్యాగము (2) / కల్వరిలో శ్రమలు నా కోసమా / కల్వరిలో సిలువ నా కోసమా (2) || నా కోసమా || / నా చేతులు చేసిన పాపానికై / నా పాదాలు నడచిన వంకర త్రోవలకై (2) / నీ చేతులలో… నీ పాదాలలో… / నీ చేతులలో నీ పాదాలలో / మేకులు గుచ్చినారే (2) / యేసయ్యా నాకై సహించావు / యేసయ్యా నాకై భరించావు (2) || నా కోసమా || / నా మనస్సులో చెడు తలంపులకై / నా హృదిలో చేసిన అవిధేయతకై (2) / నీ శిరస్సుపై… నీ శరీరముపై… / నీ శిరస్సుపై నీ శరీరముపై / ముళ్ళను గుచ్చినారే (2) / యేసయ్యా నాకై సహించావు / యేసయ్యా నాకై భరించావు (2) || నా కోసమా ||