255 salvation songs available. Lyrics in Roman and Telugu script.
నాలో ఉన్న ఆశలన్నియు / నాలో ఉన్న ఊహలన్నియు / నాలో ఉన్న ప్రాణమంతయు – నీవే యేసయ్యా (2) / యేసయ్యా నీవే నా మార్గం / యేసయ్యా నీవే నా సత్యం / యేసయ్యా నీవే నా జీవం / నీవే నా ప్రాణం / నాకున్నవన్ని నీకే యేసయ్యా / నాలోన నిన్ను దాచానేసయ్యా (2) / నీ చేతులలో నా రూపమునే ముద్రించితివి / నా పాపముల కొరకై నీవు బలి అయిపోతివి (2) / పరిశుద్ధమైన రక్తము ద్వారా / పాపాలన్ని కడిగివేసితివి ||యేసయ్యా|| / నా కోసమే ఈ భువికి వచ్చితివి / నా కోసమే నీ ప్రాణం ఇచ్చితివి (2) / నా హృదయములో నీ వాక్యమునే నే ఉంచితిని / నీ రాకకై నేను వేచి ఉంటిని (2) / పరిశుద్ధమైన నీ చేతులలో / నీ రూపములో నన్ను చేసితివి ||యేసయ్యా||
సంతోషమే సమాధానమే (3) / చెప్ప నశక్యమైన సంతోషం (2) / నా హృదయము వింతగ మారెను (3) / నాలో యేసు వచ్చినందునా (2) ||సంతోషమే|| / తెరువబడెను నా మనోనేత్రము (3) / క్రీస్తు నన్ను ముట్టినందునా (2) ||సంతోషమే|| / ఈ సంతోషము నీకు కావలెనా (3) / నేడే యేసు నొద్దకు రమ్ము (2) ||సంతోషమే|| / సత్య సమాధానం నీకు కావలెనా (3) / సత్యుడేసునొద్దకు రమ్ము (2) ||సంతోషమే|| / నిత్యజీవము నీకు కావలెనా (3) / నిత్యుడేసునొద్దకు రమ్ము (2) ||సంతోషమే|| / మొక్ష్యభాగ్యము నీకు కావలెనా (3) / మోక్ష రాజునొద్దకు రమ్ము (2) ||సంతోషమే|| / యేసు క్రీస్తును నేడే చేర్చుకో (3) / ప్రవేశించు నీ హృదయమందు (2) ||సంతోషమే||
త్రాహిమాం క్రీస్తు నాథ – దయ జూడ రావే / నేను – దేహి యనుచు నీ పాదములే / దిక్కుగా జేరితి నిపుడు ||త్రాహిమాం|| / గవ్వ చేయరాని చెడ్డ – కర్మేంద్రియాధీనుడనై / రవ్వ పాలై నేనెంతో – నెవ్వ బొందితి / త్రవ్వుచున్న కొలది – పెరుగు – దరగదు నా పాప రాశి / యివ్విధమున జెడిపోతిని నే – నేమి సేతు నోహోహోహో ||త్రాహిమాం|| / నీ యందు భయభక్తులు లేని – నిర్లజ్జా చిత్తము బూని / చేయరాని దుష్కర్మములు – చేసినాడను / దయ్యాల రాజు చేతిలో – జేయి వేసి వాని పనుల / జేయ సాగి నే నిబ్భంగి – జెడిపోయితి నే నయ్యయ్యాయ్యో ||త్రాహిమాం|| / నిబ్బర మొక్కించుకైన – నిజము రవ్వంతైన లేక / దబ్బర లాడుతకు ము – త్తా నైతిని / అబ్బురమైన ఘోర పా – పాంధకార కూపమందు / దబ్బున బడిపోతి నయ్యో – దారి చెడి నేనబ్బబ్బబ్బా ||త్రాహిమాం|| / నిన్ను జేరి సాటిలేని – నిత్యానంద మంద బోవు / చున్నప్పుడు నిందలు నా – కెన్ని చేరినా / విన్నదనము లేకుండ నీ – వే నా మదికి ధైర్యమిచ్చి / యన్నిట రక్షించితివి నా – యన్న నీకు స్తోత్ర మహాహా ||త్రాహిమాం||
ఎంతెంత భారమాయె ఆ సిలువ / లోక పాపములన్ని నువ్వు గెలువ (2) / కదిలినావు ఆ కల్వరికి / మరణముని దరి చేర్చుకొని (2) / యేసయ్యా… నా యేసయ్యా… / అలసిపోతివ నా యేసయ్యా… (2) / కొరడాలు నీ ఒళ్ళు చీల్చేను / పిడి గుద్దులతో కళ్ళు తిరిగెను (2) / వడి ముళ్ళు తలలోన నాటేను / నీ కళ్ళు రుధిరాన్ని కురిసెను (2) ||యేసయ్యా|| / బరువైన సిలువను మోయలేక / తడబడె నీ అడుగు అదిరిపడి (2) / వడివడిగా నిన్ను నడువుమని / పడి పడి తన్నిరి ఆ పాపులు (2) ||యేసయ్యా|| / చల్లని నీ దేహమల్లాడెను / ఏ చోటు లేకుండ గాయాలతో (2) / కాళ్ళు చేతులకు దిగి మేకులు / వ్రేళాడే సిలువకు నీ ప్రాణము (2) ||యేసయ్యా|| / వెలలేనిది తండ్రి నీ త్యాగము / నీ కష్టమంతయు నా పాపము (2) / మదిలోన కొలువుండు నా రక్షకా / వదిలేది లేదు నిన్ను నా పాలిక (2) ||యేసయ్యా||
నా సంకట దుఃఖములెల్ల తీరిపోయెగా / నశింపజేయు దూత నన్ను దాటిపోయెను (2) ||నా సంకట|| / విలువైన గొర్రెపిల్ల రక్తము ద్వారా (2) / కలిగియున్న రక్షణలో దాగియుంటిని (2) ||నా సంకట|| / ఇంకా నేను ఫరోకు దాసుడను కాను (2) / ఇంకా నేను సీయోను కన్యుడను గాను (2) ||నా సంకట|| / మార్చబడు నాడు మారా మధురముగా (2) / పారు జలము బండనుండి త్రాగుచుండును (2) ||నా సంకట|| / సౌందర్యమయమగు పరమ కానాను (2) / నా నిత్యమైన స్వాస్థ్యమది మార్పుజెందదు (2) ||నా సంకట|| / ఆనందమే పరమానందమే (2) / కానాను జీవితము నా కానందమే (2) ||నా సంకట|| / నా దేవుడే ఎడారిలో నాదు ప్రభువు (2) / నా దేవుడిచ్చు క్రొత్త మన్నా నాకు చాలును (2) ||నా సంకట|| / నా యేసు ప్రభువే నా బలము గానము (2) / నా యేసు ప్రభువే నా రక్షణ హల్లెలూయా (2) ||నా సంకట||
నీ ప్రియ ప్రభుని సేవకై – అర్పించుకో నీవే / పవిత్ర ప్రజలైన మీరు – సేవించుడాయననే (2) / అంధకార జీవితమునకు – వెలుగు తెచ్చెను తానే (2) / ఆ వెలుగు ద్వారానే – నూతన మార్గము కలిగె (2) / సజీవ బలిగా నర్పించు – నీ జీవితమాయనకే (2) ||నీ ప్రియ|| / తప్పిపోతివి గతమందు – తప్పు దారిని నడిచితివి (2) / తన ప్రేమా హస్తమే – నిన్ను కాపాడి తెచ్చెను (2) / యెంతైన స్మరియించు నీవు – వింతైన తన ప్రేమన్ (2) ||నీ ప్రియ|| / ఓ ప్రియుడా తలచితివా – నీ జన్మమే పాపమని (2) / ప్రభువే తన రక్తముతో – నీ పాపము క్షమియించె (2) / నీ యుల్లము ఆయన కాలయమే – జ్ఞాపకముంచుకొనుము (2) ||నీ ప్రియ|| / యెవరతని సేవించెదరో – ఫలమొందెదరంతమందు (2) / ఇతరులకు లేనట్టి – ఆ ఘనతను నీ కిచ్చె (2) / కృతజ్ఞుడవై కొనియాడు – ప్రభు పాద సన్నిధిని (2) ||నీ ప్రియ||
మనిషిగా పుట్టినోడు మహాత్ముడైనా / మరల మంటిలో కలవవలయురా / తీసుకొని పోలేడు పూచిక పుల్లైనా / ఇల సంపాదన వదలవలయురా (2) / దీపముండగానే ఇల్లు చక్కబెట్టుకో / ప్రాణముండగానే నీవు ప్రభుని నమ్ముకో (2) / ఒకేసారి జన్మిస్తే రెండు సార్లు చావాలి / ఆరిపోని అగ్నిలో యుగయుగాలు కాలాలి (2) / క్రీస్తులో పుట్టినోళ్ళు రెండవ మారు / స్వర్గానికి ఆయనతో వారసులౌతారు (2) ||మనిషిగా|| / జన్మనిచ్చినవాడు యేసు క్రీస్తు దేవుడే / జన్మించకముందే నిన్నెరిగిన నాథుడే (2) / ఆయనను నమ్మి పునర్జన్మ పొందితే / నీ జన్మకు నిజమైన అర్ధముందిలే (2) ||మనిషిగా|| / నీలో ఉన్న ఊపిరి గాలని భ్రమపడకు / చచ్చినాక ఏమౌనో ఎవరికి తెలుసనకు (2) / నీలోని ఆత్మకు స్వర్గమో నరకమో / నిర్ణయించు సమయమిదే కళ్ళు తెరుచుకో (2) ||మనిషిగా||
ఇదియే సమయంబు రండి యేసుని జేరండి / ఇక సమయము లేదండి – రండి రక్షణ నొందండి / పాపులనందరిని – తన దాపున చేర్చుటకై / ప్రాణము దానముగా తన ప్రాణము నిచ్చెనుగా / మరణపు ముల్లును విరిచి – విజయము నిచ్చెనుగా ||ఇక|| / రాజుల రాజైన యేసు రానై యుండెనుగా / గురుతులు జరిగెనుగా – మీరు సరిగా చూడండి / తరుణముండగానే – మీరు తయ్యారవ్వండి ||ఇక|| / బుద్ది లేని కన్యకవలె – మొద్దులుగానుంటే / సిద్దెలలో నూనె పోసి – సిద్ధపడకపోతే / తలుపులు తట్టినను – మీకు తెరువడు సుమ్మండి ||ఇక|| / వెలుపటనుంటేను మీరు వేదన నొందెదరు / తలుపులు తట్టినను – మీకు తెరువడు సుమ్మండీ / మిమ్మును ఎరుగను – మీరెవరో పోమ్మనును ||ఇక|| / సందియ పడకండి – మీరు సాకులు చెప్పకను / గురుతులు జరిగెనుగా – మీరు సరిగా చూడండి / మరణ దినమూ మన – మెరుగము సుమ్మండీ ||ఇక|| / జాలము చేయకను – మీరు హేళన చేయకను / కులము స్థలమనుచూ – మీరు కాలము గడువకనూ / తరుణముండగానే – మీరు త్వరపడి రారండి ||ఇక||
నశియించు ఆత్మలెన్నియో – చేజారి పోవుచుండగా / పరితాప మొందెనేసు – ప్రియమార నిన్ను పిలువ / పరికించుమయ్యా సోదరా ఓ.. ఓ.. ఓ.. / నీ పాప భారమంతా – ప్రభు యేసు మోసెగా / నీ పాప గాయములను – ఆ యేసు మాన్పెగా / అసమానమైన ప్రేమ ఘనుమా ఈ సువార్తను (2) / లోకాన చాటగా (4) ||నశియించు|| / ఈ లోక భోగము – నీకేల సోదరా / నీ పరుగు పందెమందు – గురి యేసుడే కదా / ప్రభు యేసునందే శక్తినొంది సాగుటే కదా (2) / ప్రియ యేసు కోరెను (4) ||నశియించు||
నాదు జీవితము మారిపొయినది / నిన్నాశ్రయించిన వేళ / నన్నాదుకుంటివి ప్రభువా ||నాదు|| / చాలునయ్యా దేవా – ఈ జన్మ ధాన్యమే ప్రభువా (2) / పాప కూపము విడిచి – నీ దారి నడచితి దేవా / నిన్నాశ్రయించితి ప్రభువా.. ||నాదు|| / కన్ను గానని దిశగా – బహు దూరమేగితినయ్యా (2) / నీ ప్రేమ వాక్యము వినగా – నా కళ్ళు కరిగెను దేవా / నిన్నాశ్రయించితి ప్రభువా.. ||నాదు|| / లోకమంతా విషమై – నరకాగ్ని జ్వాలలు రేగే (2) / ఆ దారి నడపక నన్ను – కాపాడినావని దేవా / నిన్నాశ్రయించితి ప్రభువా.. ||నాదు|| / జాలిగల నా ప్రభువా – నీ చేయి చాపవా ప్రభువా (2) / చేరగల నీ దరికి – నే పాపినయ్యా ప్రభువా / నే పాపినయ్యా ప్రభువా.. ||నాదు|| / ఆరిపోని జ్యోతివై – కన్నులలోని కాంతివై (2) / ఎంత కాలముంటివి – ఎంతగా ప్రేమించితివి / నన్నెంతగా ప్రేమించితివి.. ||నాదు||
పరవాసిని నే జగమున ప్రభువా (2) / నడచుచున్నాను నీ దారిన్ / నా గురి నీవే నా ప్రభువా (2) / నీ దరినే జేరెదను / నేను.. నీ దరినే జేరెదను ||పరవాసిని|| / లోకమంతా నాదని యెంచి / బంధు మిత్రులే ప్రియులనుకొంటిని (2) / అంతయు మోసమేగా (2) / వ్యర్ధము సర్వమును / ఇలలో.. వ్యర్ధము సర్వమును ||పరవాసిని|| / ధన సంపదలు గౌరవములు / దహించిపోవు నీలోకమున (2) / పాపము నిండె జగములో (2) / శాపము చేకూర్చుకొనే / లోకము.. శాపము చేకూర్చుకొనే ||పరవాసిని|| / తెలుపుము నా అంతము నాకు / తెలుపుము నా ఆయువు యెంతో (2) / తెలుపుము ఎంత అల్పుడనో (2) / విరిగి నలిగియున్నాను / నేను.. విరిగి నలిగియున్నాను ||పరవాసిని|| / ఆ దినము ప్రభు గుర్తెరిగితిని / నీ రక్తముచే మార్చబడితిని (2) / క్షమాపణ పొందితివనగా (2) / మహానందము కలిగే / నాలో.. మహానందము కలిగే ||పరవాసిని|| / యాత్రికుడనై ఈ లోకములో / సిలువ మోయుచు సాగెదనిలలో (2) / అమూల్యమైన ధనముగా (2) / పొందితిని నేను / యేసునే.. పొందితిని నేను ||పరవాసిని|| / నా నేత్రములు మూయబడగా / నాదు యాత్ర ముగియునిలలో (2) / చేరుదున్ పరలోక దేశము (2) / నాదు గానము ఇదియే / నిత్యము.. నాదు గానము ఇదియే ||పరవాసిని||
దేవా నీ నామం… పావన ధామం… / బ్రోవుమయ్యా ప్రేమ రూప / నీదు జనులం (2) / నీదు సన్నిధిలో / నిన్ను వేడుకొందుము… వేచియుందుము (2) / నీదు కృపనొంది మేము ఉత్సాహించెదం / జయించెదము.. స్తుతించెదము (2) ||దేవా|| / శుద్ధ మనసు లేక మేము దూరమైతిమి / శ్రద్ధతో నీదు మార్గం వెదకమైతిమి (2) / బుద్ది కలిగి నీదు మాట వైపు తిరిగెదం / తగ్గి యుండెదం.. మొర్ర పెట్టెదం (2) ||దేవా|| / విన్నపములన్ని విని క్షమియించుము / సన్నుతుండా స్వస్థపరచు మాదు దేశమున్ (2) / నిన్ను చాటి చూపి నిలిచి యుండెదం / గెలిచి వెళ్లేదం సేవ చేసెదం (2) ||దేవా||