167 prayer songs available. Lyrics in Roman and Telugu script.
బలమైనవాడా బలపర్చువాడా / మరలా నన్ను దర్శించుమా / స్తోత్రం స్తోత్రం (2) / స్తోత్రం నీకేనయ్యా / హల్లెలూయా హల్లెలూయా (2) / హల్లెలూయా నీకేనయ్యా ||బలమైన|| / ఎండిపోతిని దిగజారిపోతిని / నీ కొరకే నేను బ్రతకాలని / మరలా నన్ను దర్శించుము (2) / మొదటి ప్రేమ మొదటి పవిత్రత / మరలా నాలోన దయచేయుమా (2) ||బలమైన|| / అల్పుడనైతిని అభిషేకం కోల్పోతిని / నీలోన నేను ఉండాలని / మరలా నన్ను వెలిగించుము (2) / మొదటి తీవ్రత మొదటి శక్తి / సర్వదా నాపై కురిపించుమా (2) ||బలమైన||
ఓ ప్రార్ధనా సుప్రార్ధనా / నీ ప్రాభావంబున్ మరతునా / నా ప్రభువున్ ముఖా ముఖిన్ / నే బ్రణుతింతు నీ ప్రభన్ / నా ప్రాణమా సు ప్రార్ధనా / నీ ప్రేరణంబుచే గదా / నీ ప్రేమధార గ్రోలుదు / నో ప్రార్ధనా సుప్రార్ధనా / పిశాచి నన్ను యుక్తితో / వశంబు చేయ జూచుచో / నీ శాంతమైన దీప్తియే / నా శంక లెల్ల మానుపున్ / నీ శక్తి నేను మరతునా / నా శైలమున ప్రార్ధనా / నా శోక మెల్ల దీర్చెడు / విశేషమైన ప్రార్ధనా / నీ దివ్యమైన రెక్కలే / నా దుఃఖ భార మెల్లను / నా దేవుడేసు చెంతకు / మోదంబు గొంచు బోవును / సదా శుభంబు లొందను / విధంబు జూప నీవెగా / నా ధైర్యమిచ్చుఁ ప్రార్ధనా / సుధా సుధార ప్రార్ధనా / అరణ్యమైన భూమిలో / నా రమ్యమౌ పిస్గా నగం / బు రంగుగాను నెక్కి నా / చిర గృహంబు జూతును / శరీరమున్ విదల్చి నే / బరంబు బోవు వేళలో / కరంబు నిన్ను మెచ్చెదన్ / పరేశు ధ్యాన ప్రార్ధనా
నీ సన్నిధియే నా ఆశ్రయం దేవా / నీ వాక్యమే తోడుగా అనుదినం ప్రభువా (2) / మహిమ గల నా యేసు రాజా (2) ||నీ సన్నిధియే|| / ఆలయములో ధ్యానించుటకు / ఒక వరము అడిగితి యేసుని (2) / నీ ప్రసన్నత నాకు చూపుము (2) ||నీ సన్నిధియే|| / ఆపత్కాలమున నన్ను నీ / పర్ణశాలలో దాచినావు (2) / నీ గుడారపు మాటున (2) ||నీ సన్నిధియే||
దేవుని యందు భక్తి గల స్త్రీ కొనియాడబడును / ఆమె చేసిన పనులే ఆమెకు – ఘనత నొసంగును ||దేవుని|| / ప్రార్ధన చేసి వీర వనితగా / ఫలమును పొంది ఘనత పొందెను / హన్నా వలె నీవు / ప్రార్ధన చేసెదవా ఉపవసించెదవా ||దేవుని|| / ప్రభు పాదములు ఆశ్రయించి / ఉత్తమమైనది కోరుకున్నది / మరియ వలె నీవు / ప్రభు సన్నిధిని కోరెదవా ||దేవుని|| / వినయ విధేయతలే సుగుణములై / తన జనమును రక్షించిన వనిత / ఎస్తేరును బోలి / దీక్షను పూణెదవా ఉపవసించెదవా ||దేవుని||
నీతో స్నేహం చేయాలని / నీ సహవాసం కావాలని (2) / నీ లాగే నేను ఉండాలని / నిను పోలి ఇలలో నడవాలని (2) / యేసయ్యా… యేసయ్యా… / నీ స్నేహం నాకు కావాలయ్యా (2) ||నీతో|| / శాశ్వతమైన నీ కృపతో నింపి / నీ రక్షణ నాకు ఇచ్చావయ్యా (2) / ఏమివ్వగలను నీ కృపకు నేను / నన్ను నీకు అర్పింతును (2) / యేసయ్యా… యేసయ్యా… / నీ కృపయే నాకు చాలునయ్యా (2) / మధురమైన నీ ప్రేమతో నన్ను పిలచి / నీ సేవకై నన్ను ఏర్పరచుకున్నావా (2) / ఏమివ్వగలను నీ ప్రేమకు యేసు / నన్ను నీకు అర్పింతును (2) / యేసయ్యా… యేసయ్యా… / నీ ప్రేమే నాకు చాలునయ్యా (2) / బలమైన నీ ఆత్మతో నన్ను నింపి / నీ సాక్షిగా నన్ను నిలిపావయ్యా (2) / ఏమివ్వగలను నీ కొరకు నేను / నన్ను నీకు అర్పింతును (2) / యేసయ్యా… యేసయ్యా… / నీ తోడే నాకు చాలునయ్యా (2) ||నీతో||
ప్రార్ధన ప్రార్ధన / ప్రభునితో సంభాషణ / ప్రార్ధనే ఊపిరి / ప్రార్ధనే కాపరి ||ప్రార్ధన|| / కన్నీటి ఉపవాస ప్రార్ధన / సాతాను శక్తులపై విజయము (2) / విరిగి నలిగిన విజ్ఞాపన – ప్రార్ధన / జయము నొసగును జీవితములు ||ప్రార్ధన|| / ఒలీవ కొండల ప్రార్ధన / స్వస్థత నొసగును వ్యాధి బాధలకు (2) / ప్రభువు నేర్పిన గెత్సేమనే ప్రార్ధన / ఆత్మల నొసగును సేవలో ||ప్రార్ధన|| / సిలువలో నేర్పిన ప్రార్ధన / ప్రేమను నేర్పును బ్రతుకున (2) / సాతాను చొరను చోటు లేనిది / పాపమును దరి రానీయనిది ||ప్రార్ధన||
నిను చేరగ నా మది ధన్యమైనది / నిను తలచి నా హృదయం నీలో చేరినది (2) / నీవలె పోలి నే జీవింతును / నీ కొరకై నా ప్రాణం అర్పింతును (2) / నీతోనే నా ప్రాణం – నీతోనే నా సర్వం (2) / నది లోతులో మునిగిన ఈ జీవితమును / తీరం చేర్చావు – నీ కొరకు నీదు సాక్షిగా నిలిపావు / ఏమిచ్చి నీ ఋణమును తీర్చుకోనయ్యా – (2) ||నిను చేరగ||
కావలెనా యేసయ్య బహుమానము / (మరి) చేయాలి విలువైన ఉపవాసము (2) / సిద్ధమౌ శ్రీ యేసుని ప్రియా సంఘమా / చిగురించాలి అంజూరపు చెట్టు కొమ్మలా (2) ||కావలెనా|| / నీనెవె పట్టణము యెహోవా దృష్టికి / ఘోరమాయెను – పాపముతో నిండిపోయెను / సృష్టికర్త యెహోవా యోనాను దర్శించి / నీనెవెకు పంపెను – కనికరము చూపించెను / ఘనులేమి అల్పులేమి – నీనెవె పట్టణపు రాజేమి / పిల్లలేమి పెద్దలేమి – ఉపవాసము చేయగా / ఆగింది యెహోవా శాపము / కురిసింది కరుణ వర్షము (2) ||కావలెనా|| / దేవుని ప్రజలను నశియింప చేయుటకు / దుష్టుడు తలచెను – కలవరము పుట్టించెను / మొర్దెకై వేదనతో రాజునొద్దకు పంపుట / దైవ చిత్తమని – ఎస్తేరును సిద్ధపరచెను / ఘనులేమి అల్పులేమి – షూషను కోటలో రాణి ఏమి / పిల్లలేమి పెద్దలేమి – ఉపవాసము చేయగా / అణిగింది హామాను గర్వము / జరిగింది దేవుని చిత్తము (2) ||కావలెనా||
నీ కొరకు నా ప్రాణం ఆశపడుచున్నది / నీ కొరకు నా కనులు ఎదురు చూచుచున్నవి (2) / హృదయమంత వేదనతో నిండియున్నది / ఆదరణే లేక ఒంటరైనది (2) / దేవా నా కన్నీరు తుడువుము / హత్తుకొని నన్ను ముద్దాడుము (2) / పాపం చేసి నీకు దూరమయ్యాను / నన్ను గన్న ప్రేమని విడిచి నేను వెళ్లాను (2) / నీ మాటలను మీరి లోకాన్ని చేరాను / పాపాన్ని ప్రేమించి హీనుడనయ్యాను (2) ||దేవా|| / నీ హృదయ వేదనకు కారణమైనాను / దోషిగా నీ యెదుట నే నిలిచియున్నాను (2) / నను మన్నించుమా నా తండ్రి (2)
రావయ్యా యేసయ్యా నా ఇంటికి / నీ రాకకై నే వేచియుంటిని… / రావయ్యా యేసయ్యా నా ఇంటికి / నీ రాకకై నే వేచియుంటిని (2) / కన్నులార నిన్ను చూడాలని (2) / కాచుకొని ఉన్నాను వేచి నే ఉన్నాను (2) ||రావయ్యా|| / యదార్థ హృదయముతో నడచుకొందును / ఏ దుష్కార్యమును కనుల ఎదుట ఉంచుకొనను (2) / భక్తిహీనుల క్రియలు నాకంటనీయను / మూర్ఖ చిత్తుల నుండి తొలగిపోదును (2) ||రావయ్యా|| / దౌష్ట్యము నేనెన్నడు అనుసరింపను / నా పొరుగు వారిని దూషింపను (2) / అహంకారము గర్వము నంటనీయను / నమ్మకస్థునిగా నే నడచుకొందును (2) ||రావయ్యా|| / నిర్దోష మార్గముల నడచుకొందును / మోసము నా ఇంట నిలువనీయను (2) / అబద్ధికులెవ్వరిని ఆదరింపను / భక్తిహీనుల మార్గము నే త్రొక్కను (2) ||రావయ్యా||
ఉతక మీద తలుపు తిరుగు రీతిగా / తన పడక మీద సోమరి తిరుగాడును / గానుగ చుట్టెద్దు తిరుగు రీతిగా / సోమరి చుట్టూ లేమి తిరుగును / సోమరీ మేలుకో… వేకువనే లేచి ప్రార్ధించుకో.. (2) / జ్ఞానముతో నీ బ్రతుకును మార్చుకో / ప్రభు యేసుని నీ మదిలో చేర్చుకో (2) ||ఉతక|| / చిన్న జీవులు చీమలు చూడు / వాటికి ఏలిక లేనే లేదు (2) / అయినను అవి క్రమము గానే నడచును / వేసవిలో ఆహారము కూర్చును (2) ||సోమరీ|| / చిన్న కుందేళ్ళను చూడు / ఏ మాత్రము బలము లేని జీవులు (2) / పేరు సందులలో జీవించును / బంధకములు లేనివై తిరుగును (2) ||సోమరీ|| / చిన్న జీవులు మిడతలు చూడు / వాటికి న్యాయాధిపతి లేడుగా (2) / పంక్తులుగా తీరి సాగి పోవును / జ్ఞానము గల వానిగ పేరొందును (2) ||సోమరీ|| / తెల్లవారుచుండగనే పక్షులు / కిలకిలమని దేవుని స్తుతియించును (2) / బ్రతుకు తెరువు కోసమై తిరుగును / ప్రొద్దుగూకు వేళలో గూడు చేరును (2) ||సోమరీ|| / ఓ మానవుడా నీ మనసును మార్చుకో / ఎందుకో నీ పయనము తెలుసుకో (2) / ప్రభు రాకడ ఎప్పుడో అది తెలియదు / అంతమొచ్చుఁ కాలమొక్కటున్నది (2) ||సోమరీ||
నీవు తప్ప నాకీ లోకంలో ఎవరున్నారయ్యా / నీకు తప్ప నాలో ఎవరికీ చోటే లేదయ్యా (2) / దావీదు కుమారుడా నన్ను దాటిపోకయ్యా / నజరేతు వాడా నను విడిచిపోకయ్యా (2) ||నీవు|| / గ్రుడ్డివాడినయ్యా నా కనులు తెరువవా / మూగవాడినయ్యా నా స్వరమునీయవా (2) / కుంటివాడినయ్యా నా తోడు నడువవా (2) ||దావీదు|| / లోకమంత చూచి నను ఏడిపించినా / జాలితో నన్ను చేరదీసిన (2) / ఒంటరినయ్యా నా తోడు నిలువవా (2) ||దావీదు|| / నా తల్లి నన్ను మరచిపోయినా / నా తండ్రి నన్ను విడచిపోయినా (2) / తల్లిదండ్రి నీవై నన్ను లాలించవా (2) ||దావీదు||