Prayer Telugu Songs — Page 14

నడిపించు నా నావా|Nadipinchu naa naavaa

నడిపించు నా నావా నడి సంద్రమున దేవా / నవ జీవన మార్గమున నా జన్మ తరియింప ||నడిపించు|| / నా జీవిత తీరమున నా అపజయ భారమున / నలిగిన నా హృదయమును నడిపించుము లోతునకు / నా యాత్మ విరబూయ నా దీక్ష ఫలియింప / నా నావలో కాలిడుము నా సేవ చేకొనుము ||నడిపించు|| / రాత్రంతయు శ్రమపడినా రాలేదు ప్రభు జయము / రహదారులు వెదకిననూ రాదాయెను ప్రతిఫలము / రక్షించు నీ సిలువ రమణీయ లోతులలో / రతణాలను వెదకుటలో రాజిల్లు నా పడవ ||నడిపించు|| / ఆత్మార్పణ చేయకయే ఆశించితి నీ చెలిమి / అహమును ప్రేమించుచునే అరసితి ప్రభు నీ కలిమి / ఆశ నిరాశాయే ఆవేదనెదురాయే / ఆధ్యాత్మిక లేమిగని అల్లాడే నావలలు ||నడిపించు|| / ప్రభు మార్గము విడచితిని ప్రార్థించుట మానితిని / ప్రభు వాక్యము వదలితిని పరమార్థము మరచితిని / ప్రపంచ నటనలలో ప్రావీణ్యమును బొంది / ఫలహీనుడనై యిపుడు పాటింతు నీ మాట ||నడిపించు|| / లోతైన జలములలో లోతున వినబడు స్వరమా / లోబడుటను నేర్పించి లోపంబులు సవరించి / లోనున్న ఈవులలో లోటైన నా బ్రతుకు / లోపించని అర్పనగా లోకేష చేయుమయా ||నడిపించు|| / ప్రభు యేసుని శిష్యుడనై ప్రభు ప్రేమలో పాదుకొని / ప్రకటింతును లోకములో పరిశుద్ధుని ప్రేమ కథ / పరమాత్మ ప్రోక్షణతో పరిపూర్ణ సమర్పణతో / ప్రాణంబును ప్రభు కొరకు పానార్పణము చేతు ||నడిపించు||

శుద్ధ హృదయం|Shudhdhaa Hrudayam

శుద్ధ హృదయం కలుగజేయుము (3) / నీ వాత్సల్యం నీ బాహుళ్యం / నీ కృపా కనికరం చూపించుము (2) / పాపము చేసాను దోషినై ఉన్నాను (2) / తెలిసియున్నది నా అతిక్రమమే / తెలిసియున్నది నా పాపములే (2) / నీ సన్నిధిలో నా పాపములే / ఒప్పుకొందునయ్యా (2) / శుద్ధ హృదయం కలుగజేయుము (2) / నాలోనా నాలోనా (2) / శుద్ధ హృదయం కలుగజేయుము (3) / నీ జ్ఞానమును నీ సత్యమును / నా ఆంతర్యములో పుట్టించుము (2) / ఉత్సాహ సంతోషం నీ రక్షనానందం / కలుగజేయుము నా హృదయములో (4) / నీ సన్నిధిలో పరిశుద్దాత్మతో / నన్ను నింపుమయ్యా (2) ||శుద్ధ||

కనులున్నా కానలేని|Kanulunnaa kaanaleni

కనులున్నా కానలేని చెవులున్నా వినలేని (2) / మనసున్నా మతిలేని స్తితియున్నా గతిలేని (2) / వాడను యేసయ్యా / ఓడిపోయిన వాడను (2) ||కనులున్నా|| / అన్ని ఉన్నా ఏమిలేని అందరు ఉన్న ఏకాకిని / దారి ఉన్నా కానరాని చెంతనున్నా చేరలేని / యేసయ్యా నన్ను విడువకయ్యా (2) / దిక్కులేని వాడను / వాడను యేసయ్యా / చెదరిపోయిన గూడును (2) ||కనులున్నా|| / భాషలున్నా భావములేని ఆత్మ ఉన్నా అవివేకిని / భక్తి ఉన్నా శక్తిలేని ప్రార్థన ఉన్నా ప్రేమలేని / యేసయ్యా నన్ను కరుణించుమా (2) / ఫలములేని వాడను / వాసిని యేసయ్యా / పేరుకు మాత్రమే విశ్వాసిని (2) ||కనులున్నా|| / బోధ ఉన్నా బ్రతుకులేని / పిలుపు ఉన్నా ప్రయాసపడని / సేవ ఉన్నా సాక్ష్యములేని / సంఘము ఉన్నా ఆత్మలులేని / యేసయ్యా నన్ను నింపుమయ్యా (2) / ఆత్మలేని వాడను / పాదిరిని యేసయ్యా / మాదిరి లేని కాపరిని (2) ||కనులున్నా||

దేవర నీ దీవెనలు|Devara nee deevenalu

దేవర నీ దీవెనలు / ధారాళముగను వీరలపై / బాగుగ వేగమే దిగనిమ్ము / పావన యేసుని ద్వారగను (2) / దంపతులు దండిగ నీ / ధాత్రిలో వెలయుచు సంపదలన్ / సొంపుగ నింపుగ పెంపగుచు / సహింపున వీరు సుఖించుటకై ||దేవర నీ|| / ఈ కవను నీ కరుణన్ / ఆకరు వరకును లోకములో / శోకము లేకయే ఏకముగా / బ్రాకటముగను జేకొనుము ||దేవర నీ|| / ఇప్పగిది నెప్పుడును / గొప్పగు ప్రేమతో నొప్పుచు దా / మొప్పిన చొప్పున దప్పకను / మెప్పుగ బ్రతుకగ బంపు కృపన్ ||దేవర నీ|| / తాపములు పాపములు / మోపుగ వీరిపై రాకుండగా / గాపుగ బ్రాపుగ దాపునుండి / యాపదలన్నియు బాపుచును ||దేవర నీ|| / సాధులుగన్ జేయుటకై / శోధనలచే నీవు శోధింపగా / కదలక వదలక ముదమున నీ / పాదము దాపున బాదుకొనన్ ||దేవర నీ|| / మెండుగ భూమండలపు / గండములలో వీరుండగను / తండ్రిగ దండిగ నండనుండి / వెండియు వానిని ఖండించావే ||దేవర నీ|| / యిద్దరు వీరిద్దరును / శుద్ధులై నిన్ను సేవించుటకై / శ్రద్ధతో బుద్ధిగ సిధ్ధపడన్ / దిద్దుము నీ ప్రియ బిడ్డలుగాన్ ||దేవర నీ|| / వాసిగ నీ దాసులము / చేసిన ఈ మొఱ్ఱల్ దీసికొని / మా సకలేశ్వర నీ సుతుడ / యేసుని పేరిట బ్రోవుమామేన్ ||దేవర నీ||

యెహోవ నా మొర లాలించెను|Yehova naa mora laalinchenu

యెహోవ నా మొర లాలించెను / దన మహా దయను నను గనించెను / అహర్నిశల దీనహీనుడగు నా / దు హాయనెడు ధ్వని గ్రహించి మనిపెను ||యెహోవ|| / పిశాచి గడిమి బడగొట్టెను / దన వశాన నను నిలువ బెట్టెను / ప్రశాంత మధుర సు విశేష వాక్ఫల / నిశాంతమున జే ర్చి సేద దీర్చెను ||యెహోవ|| / మదావలము బోలు నా మదిన్ / దన ప్రదీప్త వాక్యం కూశా హతిన్ / యధేచ్చలన్నిటి గుదించి పాపపు / మొదల్ తుదల్ నరి కి దరికి జేర్చెను ||యెహోవ|| / అనీతి వస్త్ర మెడలించెను / యే సునాథు రక్తమున ముంచెను / వినూత్న యత్నమే ద నూని యెన్నడు / గనన్ వినన్ బ్రే మ నాకు జూపెను ||యెహోవ|| / విలాపములకు జెవి నిచ్చెను / శ్రమ కలాపములకు సెలవిచ్చెను / శిలానగము పై కిలాగి నను సుఖ / కళావళుల్ మన సులోన నిలిపెను ||యెహోవ|| / అగణ్య పాపియని త్రోయక / న న్ను గూర్చి తన సుతుని దా చక / తెగించి మృతి కొ ప్పగించి పాపపు / నెగుల్ దిగుల్ సొగ సుగా నణంచెను ||యెహోవ||

ప్రియ యేసు నిర్మించితివి|Priya Yesu Nirminchithivi

ప్రియ యేసు నిర్మించితివి / ప్రియమార నా హృదయం / ముదమార వసియించునా / హృదయాంతరంగమున / నీ రక్త ప్రభావమున / నా రోత హృదయంబును (2) / పవిత్రపరచుము తండ్రి / ప్రతి పాపమును కడిగి (2) ||ప్రియ యేసు|| / అజాగరూకుడనైతి / నిజాశ్రయమును విడచి (2) / కరుణారసముతో నాకై / కనిపెట్టితివి తండ్రి (2) ||ప్రియ యేసు|| / వికసించె విశ్వాసంబు / వాక్యంబును చదువగనే (2) / చేరితి నీదు దారి / కోరి నడిపించుము (2) ||ప్రియ యేసు|| / ప్రతి చోట నీ సాక్షిగా / ప్రభువా నేనుండునట్లు (2) / ఆత్మాభిషేకమునిమ్ము / ఆత్మీయ రూపుండా (2) ||ప్రియ యేసు||

ప్రార్థన వినెడి పావనుడా|Praarthana Vinedi Paavanudaa

ప్రార్థన వినెడి పావనుడా / ప్రార్థన మాకు నేర్పుమయా ||ప్రార్థన|| / శ్రేష్టమైన భావము గూర్చి / శిష్య బృందముకు నేర్పితివి / పరముడ నిన్ను ప్రనుతించెదము / పరలోక ప్రార్థన నేర్పుమయా ||ప్రార్థన|| / పరమ దేవుడవని తెలిసి / కరము లెత్తి జంటగా మోడ్చి / శిరమునువంచి సరిగను వేడిన / సుంకరి ప్రార్థన నేర్పుమయా ||ప్రార్థన|| / దినదినంబు చేసిన సేవ / దైవ చిత్తముకు సరిపోవ / దీనుడవయ్యి దిటముగా కొండను / చేసిన ప్రార్థన నేర్పుమయా ||ప్రార్థన|| / శత్రుమూక నిను చుట్టుకొని / సిలువపైన నిను జంపగను / శాంతముతో నీ శత్రుల బ్రోవగ / సలిపిన ప్రార్థన నేర్పుమయా ||ప్రార్థన||

నీ చేతితో నన్ను పట్టుకో|Nee Chethitho Nannu Pattuko

నీ చేతితో నన్ను పట్టుకో / నీ ఆత్మతో నన్ను నడుపు / శిల్పి చేతిలో శిలను నేను / అనుక్షణము నన్ను చెక్కుము (2) / అంధకార లోయలోన / సంచరించినా భయములేదు / నీ వాక్యం శక్తిగలది / నా త్రోవకు నిత్యవెలుగు (2) / ఘోరపాపిని నేను తండ్రి / పాప ఊభిలో పడియుంటిని / లేవనెత్తుము శుద్దిచేయుము / పొందనిమ్ము నీదు ప్రేమను (2) / ఈ భువిలో రాజు నీవే / నా హృదిలో శాంతి నీవే / కుమ్మరించుము నీదు ఆత్మను / జీవితాంతము సేవ చేసెదన్ (2) ||నీ చేతితో||

కుమ్మరి ఓ కుమ్మరి|Kummari o kummari

కుమ్మరి ఓ కుమ్మరి జగతుత్పత్తిదారి / జిగట మన్నైన నా వంక చల్లగ చూడుమయ్యా / ఆ ఆ ఆ చల్లగ చూడుమయ్యా / పనికిరాని పాత్రనని – పారవేయకుమా / పొంగి పొరలు పాత్రగా – నన్ను నింపుమా (2) / సువార్తలోని పాత్రలన్నీ – శ్రీ యేసుని పొగడుచుండ / సాక్షిగానుండు పాత్రగజేసి – సత్యముతో నింపుము తండ్రి / ఆ ఆ ఆ సత్యముతో నింపుము తండ్రి ||కుమ్మరి|| / విలువలేని పాత్రను నేను – కొనువారు లేరెవ్వరు / వెలలేని నీదు రక్తంబుతో – వెలుగొందు పాత్రగజేసి (2) / ఆటంకములనుండి తప్పించి నన్ను – ఎల్లప్పుడు కావుమయ్యా / పగిలియున్న పాత్రను నేను – సరిచేసి వాడుమయ్యా / ఆ ఆ ఆ సరిచేసి వాడుమయ్యా ||కుమ్మరి|| / లోకాశతో నిండి ఉప్పొంగుచూ – మార్గంబు నే దప్పితిన్ / మనుషేచ్ఛలన్నియు స్థిరమనుచునే – మనశ్శాంతి కోల్పోతిని (2) / పోగొట్టుకున్న పాత్రయనుచు – పరుగెత్తి నను పట్టితివి / ప్రాణంబు నాలో ఉన్నప్పుడే – నీ పాదంబుల్ పట్టితిన్ / ఆ ఆ ఆ నీ పాదంబుల్ పట్టితిన్ ||కుమ్మరి||

ఇదిగో దేవా నా జీవితం|Idigo deva naa jeevitham

ఇదిగో దేవా నా జీవితం / ఆపాదమస్తకం నీకంకితం (2) / శరణం నీ చరణం (4) ||ఇదిగో|| / పలుమార్లు వైదొలగినాను / పరలోక దర్శనమునుండి / విలువైన నీ దివ్య పిలుపుకు / నే తగినట్లు జీవించనైతి (2) / అయినా నీ ప్రేమతో / నన్ను దరిచేర్చినావు / అందుకే గైకొనుము దేవా / ఈ నా శేష జీవితం ||ఇదిగో|| / నీ పాదముల చెంత చేరి / నీ చిత్తంబు నేనెరుగ నేర్పు / నీ హృదయ భారంబు నొసగి / ప్రార్థించి పనిచేయనిమ్ము (2) / ఆగిపోక సాగిపోవు / ప్రియసుతునిగా పనిచేయనిమ్ము / ప్రతి చోట నీ సాక్షిగా / ప్రభువా నన్నుండనిమ్ము ||ఇదిగో|| / విస్తార పంట పొలము నుండి / కష్టించి పని చేయ నేర్పు / కన్నీటితో విత్తు మనసు / కలకాలం మరి నాకు నొసగు (2) / క్షేమ క్షామ కాలమైనా / నిన్ను ఘనపరచు బతుకునిమ్మయ్యా / నశియించే ఆత్మలన్ / నీ దరి చేర్చు కృపనిమ్మయ్యా ||ఇదిగో||

ఎన్ని తలచినా ఏది అడిగినా|Enni Thalachinaa Edi Adiginaa

ఎన్ని తలచినా ఏది అడిగినా / జరిగేది నీ చిత్తమే (2) ప్రభువా / నీ వాక్కుకై వేచియుంటిని / నా ప్రార్థన ఆలకించుమా (2) ప్రభువా / నీ తోడు లేక నీ ప్రేమ లేక / ఇలలోన ఏ ప్రాణి నిలువలేదు (2) / అడవి పూవులే నీ ప్రేమ పొందగా (2) / నా ప్రార్థన ఆలకించుమా (2) ప్రభువా ||ఎన్ని|| / నా ఇంటి దీపం నీవే అని తెలసి / నా హృదయం నీ కొరకై పదిలపరచితి (2) / ఆరిపోయిన నా వెలుగు దీపము (2) / వెలిగించుము నీ ప్రేమతో (2) ప్రభువా ||ఎన్ని|| / ఆపదలు నన్ను వెన్నంటియున్నా / నా కాపరి నీవై నన్నాదుకొంటివి (2) / లోకమంతయూ నన్ను విడచినా (2) / నీ నుండి వేరు చెయ్యవు (2) ప్రభువా ||ఎన్ని|| / నా స్థితి గమనించి నన్నూ ప్రేమించి / నా కొరకై కల్వరిలో యాగమైతివి (2) / నీదు యాగమే నా మోక్ష మార్గము (2) / నీయందే నిత్యజీవము (2) ప్రభువా ||ఎన్ని||