799 praise songs available. Lyrics in Roman and Telugu script.
యేసే నా పరిహారి / ప్రియ యేసే నా పరిహారి / నా జీవిత కాలమెల్ల / ప్రియ ప్రభువే నా పరిహారి (2) ||యేసే నా|| / ఎన్ని కష్టాలు కలిగిననూ / నన్ను కృంగించె భాదలెన్నో (2) / ఎన్ని నష్టాలు వాటిల్లినా / ప్రియ ప్రభువే నా పరిహారి (2) ||యేసే నా|| / నన్ను సాతాను వెంబడించినా / నన్ను శత్రువు ఎదిరించినా (2) / పలు నిందలు నను చుట్టినా / ప్రియ ప్రభువే నా పరిహారి (2) ||యేసే నా|| / మణి మాన్యాలు లేకున్ననూ / పలు వేదనలు వేధించినా (2) / నరులెల్లరు నను విడచినా / ప్రియ ప్రభువే నా పరిహారి (2) ||యేసే నా|| / బహు వ్యాధులు నను సోకినా / నాకు శాంతి కరువైనా (2) / నను శోధకుడు శోధించినా / ప్రియ ప్రభువే నా పరిహారి (2) ||యేసే నా|| / దేవా నీవే నా ఆధారం / నీ ప్రేమకు సాటెవ్వరూ (2) / నా జీవిత కాలమంతా / నిన్ను పాడి స్తుతించెదను (2) ||యేసే నా||
నీ ప్రేమా నీ కరుణా చాలునయ్యా నా జీవితాన / మరి దేనిని ఆశించను నే కోరను ఈ జగాన / చాలయ్య చాలీ దీవెనలు చాలు / మేలయ్య మేలు నీ సన్నిధి మేలు (2) / గురిలేని నన్ను గుర్తించినావే / ఎనలేని ప్రేమను చూపించినావే / వెలలేని నాకు విలువిచ్చినావే / విలువైన పాత్రగా నను మార్చినావే ||నీ ప్రేమా|| / చేజారిన నాకై చేచాచినావే / చెదరిన నా బ్రతుకును చేరదీసినావే / చెరనుండి నన్ను విడిపించినావే / చెరగని నీ ప్రేమకు సాక్షిగ మార్చావే ||నీ ప్రేమా|| / నరకపు పొలిమేరలో నను కనుగొన్నావే / కల్వరిలో ప్రాణమిచ్చి నను కొన్నావే / నీ ప్రేమను ప్రకటింప నను ఎన్నుకొన్నావే / నీ కుమారునిగా నను మార్చినావే ||నీ ప్రేమా||
నీ రూపు చూడ నేనాశపడితి / నీ దర్శనమునే నే కోరుకుంటి (2) / నీ సుందర రూపము చూపించు దేవా / నీ మెల్లని స్వరమును వినిపించు ప్రభువా / హల్లెలూయా హల్లెలూయా హల్లెలూయా హల్లెలూయా / ఆమెన్ హల్లెలూయా ఆమెన్ హల్లెలూయా (2) / పదివేలమందిలో అతి సుందరుడా / పరలోకనాథా అతికాంక్షనీయుడా (2) / నా ఆశ తీరగను నిన్ను నేను చూడాలి (2) / మధురాతి మధురంబు నీ స్వరము వినాలి (2) ||హల్లెలూయా|| / నీ సన్నిధిలో సుఖ శాంతి దొరికే / నీ మాటతోనే జీవంబు కలిగే (2) / నీ తోడు నీడలో నా బ్రతుకు సాగాలి (2) / నీ దరహాసములో నేనెదిగి పోవాలి (2) ||నీ రూపు||
నమ్మకమైన నా స్నేహితుడు / నా ప్రభు యేసుడు (2) / ఎడబాయనివాడు విడువనివాడు (2) / నిన్న నేడు ఒకటిగనున్నవాడు ||నమ్మకమైన|| / ఆపదలో ఆనందములో నను వీడనివాడు (2) / వ్యాధిలో భాధలో (2) / నను స్వస్థపరచువాడు / అనుక్షణం నా ప్రక్కన నిలచి / ప్రతిక్షణం నా ప్రాణం కాచి (2) / అన్నివేళలా నన్నాదరించువాడు (2) / నా ప్రియ స్నేహితుడు నా ప్రాణహితుడు (2) ||నమ్మకమైన|| / కలిమిలో లేమిలో నను కరుణించువాడు (2) / కలతలలో కన్నీళ్ళలో (2) / నను ఓదార్చువాడు / కన్నతల్లిని మించిన ప్రేమతో / అరచేతిలో నను దాచినవాడు (2) / ఎన్నడు నన్ను మరువనివాడు (2) / నా ప్రియ స్నేహితుడు నా ప్రాణ హితుడు (2) ||నమ్మకమైన||
ఎంత మంచి దేవుడవయ్యా యేసయ్యా / చింతలన్ని తీరేనయ్యా నిన్ను చేరిన / నా చింతలన్ని తీరేనయ్యా నిన్ను చేరిన (2) / సంతోషం ఎక్కడ ఉందనీ / సమాధానం ఎచ్చట నాకు దొరికేననీ (2) / జగమంతా వెదికాను జనులందరినడిగాను (2) / చివరికది నీలోనే కనుగొన్నాను (2) ||ఎంత మంచి|| / ప్రేమనేది ఎక్కడ ఉందనీ / క్షమనేది ఎచ్చట నాకు దొరికేననీ (2) / బంధువులలో వెదికాను స్నేహితులను అడిగాను (2) / చివరికది నీలోనే కనుగొన్నాను (2) ||ఎంత మంచి|| / సత్యమనేది ఎక్కడ ఉందనీ / నిత్యజీవం ఎచ్చట నాకు దొరికేననీ (2) / ఎందరికో మొక్కాను ఏవేవో చేసాను (2) / చివరికది నీలోనే కనుగొన్నాను (2) ||ఎంత మంచి||
యేసు సర్వోన్నతుడా… క్రీస్తు సర్వశక్తిమంతుడా…. / యేసు సర్వోన్నతుడా సర్వశక్తిమంతుడా / మానవుల రక్షించే మహా దేవుడా (2) / నశియించినదానిని వెదకి రక్షించినావా (2) / చితికిన బ్రతుకుల కన్నీరు తుడిచినావా (2) / వందనమయ్యా నీకు వందనమయ్యా / యేసయ్యా.. వందనమయ్యా నీకు వందనమయ్యా (2) / కానాను పురమున కళ్యాణ సమయాన (2) / నీటిని ద్రాక్షా రసముగ మార్చి / విందును పసందుగా మార్చినావు (2) ||వందనమయ్యా|| / నాయీను గ్రామాన విధవరాలి కుమారుని (2) / పాడెను ప్రేమతో ముట్టి / కన్నతల్లి కన్నీరు తుడిచినావు (2) ||వందనమయ్యా|| / గెరాసేను దేశాన సమాధుల స్థలములోన (2) / సేన దయ్యమును వదిలించి / నశియించే ఆత్మను రక్షించినావు (2) ||వందనమయ్యా||
తల్లిలా లాలించును తండ్రిలా ప్రేమించును (2) / ముదిమి వచ్చువరకు ఎత్తుకొని ముద్దాడును / చంక పెట్టుకొని కాపాడును యేసయ్యా ||తల్లిలా|| / తల్లి అయిన మరచునేమో నేను నిన్ను మరువను / చూడుము నా అరచేతులలో / నిన్ను చెక్కియున్నాను (2) / నీ పాదము తొట్రిల్లనీయను నేను / నిన్ను కాపాడువాడు కునుకడు నిదురపోడు / అని చెప్పి వాగ్దానం చేసిన యేసయ్య ||తల్లిలా|| / పర్వతాలు తొలగవచ్చు తత్తరిల్లు మెట్టలన్నీ / వీడిపోదు నా కృప నీకు / నా నిబంధనా తొలగదు (2) / దిగులుపడకు భయపడకు నిన్ను విమోచించెద / నీదు భారమంతా మోసి నాడు శాంతి నొసగెద / అని చెప్పి వాగ్దానం చేసిన యేసయ్య ||తల్లిలా||
సుగుణాల సంపన్నుడా – స్తుతి గానాల వారసుడా / జీవింతును నిత్యము నీ నీడలో / ఆస్వాదింతును నీ మాటల మకరందము / యేసయ్య నీతో జీవించగానే / నా బ్రతుకు బ్రతుకుగా మారేనులే / నాట్యమాడేను నా అంతరంగము / ఇది రక్షణానంద భాగ్యమే ||సుగుణాల|| / యేసయ్య నిన్ను వెన్నంటగానే / ఆజ్ఞల మార్గము కనిపించెనే / నీవు నన్ను నడిపించాగలవు / నేను నడవవలసిన త్రోవలో ||సుగుణాల|| / యేసయ్య నీ కృప తలంచగానే / నా శ్రమలు శ్రమలుగా అనిపించలేదే / నీవు నాకిచ్చే మహిమ ఎదుట / ఇవి ఎన్నతగినవి కావే ||సుగుణాల||
నిన్నే నిన్నే నమ్ముకున్నానయ్య / నన్ను నన్ను వీడిపోబోకయ్యా (2) / నువ్వు లేక నేను బ్రతుకలేనయ్య / నీవుంటే నాకు చాలు యేసయ్య (2) ||నిన్నే|| / కన్నుల్లో కన్నీళ్లు గూడు కట్టినా / కన్నవారే కాదని నన్ను నెట్టినా (2) / కారు చీకటులే నన్ను కమ్మినా / కఠినాత్ములెందరో నన్ను కొట్టినా (2) / కఠినాత్ములెందరో నన్ను కొట్టినా ||నిన్నే|| / చేయని నేరములంటకట్టినా / చేతకాని వాడనని చీదరించినా (2) / చీకు చింతలు నన్ను చుట్టినా / చెలిమే చితికి నన్ను చేర్చినా (2) / చెలిమే చితికి నన్ను చేర్చినా ||నిన్నే||
నజరేయుడా నా యేసయ్య / ఎన్ని యుగాలకైనా / ఆరాధ్య దైవము నీవేనని / గళమెత్తి నీ కీర్తి నే చాటెద ||నజరేయుడా|| / ఆకాశ గగనాలను నీ జేనతో కొలిచితివి (2) / శూన్యములో ఈ భూమిని / వ్రేలాడదీసిన నా యేసయ్య (2) / నీకే వందనం నీకే వందనం (2) ||నజరేయుడా|| / అగాధ సముద్రాలకు నీవే ఎల్లలు వేసితివి (2) / జలములలోబడి నే వెళ్ళినా / నన్నేమి చేయవు నా యేసయ్యా (2) / నీకే వందనం నీకే వందనం (2) ||నజరేయుడా|| / సీయోను శిఖరాగ్రము నీ సింహాసనమాయెనా (2) / సీయోనులో నిను చూడాలని / ఆశతో ఉన్నాను నా యేసయ్యా (2) / నీకే వందనం నీకే వందనం (2) ||నజరేయుడా||
మహిమ ఘనతకు అర్హుడవు / నీవే నా దైవము / సృష్టికర్త ముక్తి దాత (2) / మా స్తుతులకు పాత్రుడా / ఆరాధనా నీకే ఆరాధనా నీకే / ఆరాధనా స్తుతి ఆరాధనా ఆరాధనా నీకే (2) / ఆరాధనా నీకే ఆరాధనా నీకే / మన్నాను కురిపించినావు / బండనుండి నీల్లిచ్చినావు (2) / యెహోవా ఈరే చూచుకొనును / సర్వము సమకూర్చును ||ఆరాధనా|| / వ్యాధులను తొలగించినావు / మృతులను మరి లేపినావు (2) / యెహోవా రాఫా స్వస్థపరచును / నను స్వస్థపరచును ||ఆరాధనా||
కలములతో రాయగలమా / కవితలతో వర్ణించగలమా / కలలతో వివరించగలమా / నీ మహోన్నతమైన ప్రేమా (2) / ఆరాధింతును (4) / రారాజువు నీవే / నా తండ్రివి నీవే / నిను విడువను ఎడబాయను (2) / ఆకాశములు నీ మహిమను / వివరించుచున్నవి / అంతరిక్షము నీ చేతి పనిని / వర్ణించుచున్నది (2) / దేవా నా ప్రాణము / నీ కొరకై తపియించుచున్నది (2) ||ఆరాధింతును|| / సెరాపులు కెరూబులు / నిత్యము నిను స్తుతియించుచున్నవి / మహా దూతలు ప్రధాన దూతలు / నీ నామము కీర్తించుచున్నవి (2) / దేవా నా ప్రాణము / నీ కొరకై తపియించుచున్నది (2) ||ఆరాధింతును||