799 praise songs available. Lyrics in Roman and Telugu script.
మీరు బహుగా ఫలించినచో / మహిమ కలుగును తండ్రికి / ఈ రీతిగా ఫలించినచో / శిష్యులై యుండెదరు (2) / నీరు కట్టిన తోటవలె / నీటి వూటవలె నుండెదరు (2) / క్షామములో తృప్తి నిచ్చి / క్షేమముగా మిమ్ము నడిపించును (2) / బలపరచును మీ యెముకలను (2) / అధికముగా ఫలించుడి (2) ||మీరు|| / చెట్లులేని మెట్టలలో / నదుల ప్రవహింపజేయు ప్రభువు (2) / ఎండియున్న నేలనెల్ల / నీటిబుగ్గలుగా జేయువాడు (2) / మన ప్రభువైన యేసునందు (2) / అధికముగా ఫలించుడి (2) ||మీరు|| / వడిగా ప్రవహించు నదిని బోలి / విస్తరింపజేయు తన శాంతిని (2) / ఐశ్వర్యముతో నింపు మిమ్ము / ముదిమివరకు మిమ్ము మోయువాడు (2) / మన ప్రభువైన యేసునందు (2) / అధికముగా ఫలించుడి (2) ||మీరు|| / పాడెదరు మూగవారు / గంతులు వేసేదరు కుంటివారు (2) / పొగడెదరు ప్రజలెల్లరు / ప్రభుని ఆశ్చర్య కార్యములను (2) / మహిమ ఘనత చెల్లించుచు (2) / హల్లెలూయ పాడెదరు (2) ||మీరు||
ఎన్నో ఎన్నో మేలులు చేసావయ్యా / నిన్నే నిన్నే స్తుతియింతును యేసయ్యా (2) / హల్లెలూయ హల్లెలూయ / హల్లెలూయ హల్లెలూయ (2) ||ఎన్నో|| / బాధలలో మంచి బంధువువైనావు / వ్యాధులలో పరమ వైద్యుడవైనావు (2) / చీకటి బ్రతుకులో దీపము నీవై / పాపములన్నియు కడిగిన దేవా (2) / నా హృదిలో ఉదయించిన నీతి సూర్యుడా / నే బ్రతుకు దినములెల్ల నిన్ను వేడెదా (2) ||ఎన్నో|| / శోధనలో సొంత రక్షకుడైనావు / శ్రేష్ట ప్రేమ చూపు స్నేహితుడైనావు (2) / హృదయ వేదన తొలగించినావు / కృపా క్షేమముతో నడిపించినావు (2) / నా కోసం భువికొచ్చిన దైవ మానవా / నా బ్రతుకు దినములెల్ల నిన్ను వేడెదా (2) ||ఎన్నో||
నీవే నా రక్షణ – నీవే నిరీక్షణ / నీవే నా దీవెన – నీవే క్షమాపణ (2) / యేసయ్యా యేసయ్యా ఎంత మంచివాడవయ్యా / యేసయ్యా యేసయ్యా ఎంత మంచి మనసయ్యా (2) ||నీవే నా|| / గతమును మన్నించి గుణవంతునిగా చేసి / నన్ను మలచి నన్నే మరిపించి (2) / మనిషిగా మార్చినావు / నీ మనసు నాకిచ్చినావు (2) ||యేసయ్యా|| / కన్నీరు తుడచి కష్టాలు తీర్చి / అండగ నిలిచి అడ్డులన్ని తొలగించి (2) / మనిషిగా మార్చినావు / మాదిరిగ చేసినావు (2) ||యేసయ్యా||
యేసయ్యా నా దొరా / నీ సాటి ఎవరయ్యా ఈ ధర / నా కోసమే వచ్చిన సర్వేశ్వరా / నను విడిపించిన కరుణాకరా / మనసార నిన్నే కొలుతు ప్రాణేశ్వరా / వేసారిపోనయ్యా ధవళాంబరా (2) ||యేసయ్యా|| / మండే నా బ్రతుకే పాటగా / నిండైన నీ బ్రతుకే బాటగా (2) / పండంటి నీ ప్రేమ తోటలో / మెండైన నీ వాక్యపు ఊటలో / దొరికింది నా వరాల మూట / సప్త స్వరాలే చాలవింక నా నోట (2) ||యేసయ్యా|| / నలిగిన నా బ్రతుకే అర్పణమయ్యా / వెలుగైన నీ వాక్యమే దర్పణమయ్యా (2) / మిగిలిన శ్రమలను సంతర్పణలో / కదిలే కన్నీటి అర్చనలో / పండింది నా నోముల పంట / ఎంత పంచినా తరగదు ఈ దేటంట (2) ||యేసయ్యా|| / నా దాగు చోటు నీవేనయ్యా / చికాకు పడక నన్ను కాచేవయ్యా (2) / ఏకాకి నేనింక కాబోనయ్యా / నీ రాక కోసమే ఉన్నానయ్యా / శ్రీమంతుడా సాత్వికుడా / పరిపూర్ణుడా కడు దీనుడా (2) ||యేసయ్యా||
అన్ని కాలంబుల – నున్న యెహోవా ని / నెన్నదరంబయో – కన్న తండ్రి / వన్నె కెక్కిన మోక్ష – వాసాళి సన్నుతు / లున్నతమై యుండ – మున్నె నీకు ||అన్ని|| / నిన్ను బ్రకటన సేయ – నిఖిల లోకములను / బన్నుగ జేసిన – బలుడ వీవె / ఉన్న లోకంబుల – నుడుగక కరుణా సం / పన్నతతో నేలు – ప్రభుడ వీవె / అన్ని జీవుల నెరిగి – యాహార మిచ్చుచు / నున్న సర్వజ్ఞుoడవు నీవే / ఎన్న శక్యముగాక – ఉన్న లక్షణముల / సన్నుతించుటకు నే – జాలుదునా ||అన్ని|| / పుట్టింప నీవంచు – బోషింప నీవంచు / గిట్టింప నీవంచు – గీర్తింతును / నట్టి పనికి మాలి – నట్టి మానవుల చే / పట్టి రక్షింప బా – ధ్యుండ వంచు / దట్టమైన కృపను దరి జేర్చ నాకిచ్చి / పట్టయు నిలచియుండు – ప్రభుడ వంచు / గట్టడచే గడ – ముట్టుదనుక నా / పట్టుకొలది నిన్ను – బ్రస్తుతింతు ||అన్ని|| / కారుణ్య నిధి వీవు – కఠినాత్ముడను నేను / భూరి శుద్ధుడ వీవు – పాపి నేను / సార భాగ్యుడ వీవు – జగతిలో నాకన్న / దారిద్రుడే లేడు – తరచి చూడ / సార సద్గుణముల – సంపన్నుడవు నీవు / ఘోర దుర్గుణ సం – చారి, నేను / ఏ రీతి స్తుతియింతు – నే రీతి సేవింతు / నేర మెన్నక ప్రోవ – నెర నమ్మితి ||అన్ని||
విజయ గీతముల్ పాడరే / క్రీస్తుకు జయ – విజయ గీతముల్ పాడరే (2) / వృజిన మంతటి మీద – విజయ మిచ్చెడు దేవ / నిజ కుమారుని నామమున్ / హృదయములతో – భజన జేయుచు నిత్యమున్ ||విజయ|| / మంగళముగ యేసుడే / మనకు రక్షణ – శృంగమై మరి నిలచెను / నింగిన్ విడిచి వచ్చెను / శత్రుని యుద్ధ – రంగమందున గెల్చెను / రంగు మీరగదన – రక్త బలము వలన / పొంగు నణగ జేసెను / సాతానుని బల్ – కృంగ నలిపి చీల్చెను ||విజయ|| / పాపముల్ దొలగింపను / మనలను దన స్వ – రూపంబునకు మార్పను / శాపం బంతయు నోర్చెను / దేవుని న్యాయ – కోపమున్ భరియించెను / పాపమెరుగని యేసు – పాపమై మనకొరకు / పాప యాగము దీర్చెను / దేవుని నీతిన్ – ధీరుడై నెరవేర్చెను ||విజయ|| / సిలువ మరణము నొందియు / మనలను దనకై – గెలువన్ లేచిన వానికి / చెలువుగన్ విమలాత్ముని / ప్రేమను మనలో – నిలువన్ జేసిన వానికి / కొలువు జేతుమెగాని – ఇలను మరువక వాని / సిలువ మోయుచు నీ కృపా / రక్షణ చాల విలువ గలదని చాటుచు ||విజయ||
చూచుచున్నాము నీ వైపు / మా ప్రియ జనక – చూచుచున్నాము నీ వైపు / చూచుచు నీ ప్రేమ – సొంపు సువార్తను / జాచుచు గరములు – చక్కగా నీవైపు ||చూచు|| / మేమరులమై యుంటిమి / మార్గము వీడి – మేమందరము పోతిమి / ప్రేమచే నప్పుడు – ప్రియ తనయు నంపించి / క్షేమ మార్గము మాకు – బ్రేమను జూపితివి ||చూచు|| / నిను నమ్ము పాపులకు / వారెవరైనా – నీ శరము జొచ్చువారలకు / ఇనుడవు కేడెంబు – నీ జగతిలో నగుచు / గనుపరచుచుందువు – ఘనమైన నీ కృప ||చూచు|| / నీ భయము మాయెదలను / నిలుపుము నీదు – ప్రాభవ మొనరంగను / నీ భయముచే మేము – వైభవ మొందుచు / నే భయము లేకుండ – నీ భువిని గొన్నాళ్ళు ||చూచు|| / దయ జూచి మము నెప్పుడు / మంచివి యన్ని – దయచేయు మెల్లప్పుడు / దయచేయరానివి – దయచేయుమని కోర / దయ జూపి మన్నించు – దయగల మా తండ్రి ||చూచు||
ఎనలేని ప్రేమ నాపైన చూపి / నీ వారసునిగ చేసినావు (2) / నీ ప్రేమ నేను చాటెదన్ / నా సర్వం నీవే యేసయ్యా (2) / నా శిక్షకు ప్రతిగా – ప్రాణము పెట్టిన దేవా / నీ సత్య మార్గములో – నను నడిపిన ప్రభువా (2) / నీ కృప చేత రక్షించినావే / నీ ఋణము నే తీర్చగలనా (2) ||ఎనలేని|| / తండ్రి లేని నాకు – పరమ తండ్రివి నీవై / ఒంటరినైయున్న నాతో – నేనున్నానని అన్నావు (2) / కన్నీరు తుడచి నన్నాదరించిన / ఆ జాలి నే మరువగలనా (2) ||ఎనలేని||
జ్యోతిర్మయుడా నా ప్రాణ ప్రియుడా / స్తుతి మహిమలు నీకే / నా ఆత్మలో అనుక్షణం / నా అతిశయము నీవే – నా ఆనందము నీవే / నా ఆరాధనా నీవే (2) ||జ్యోతి|| / నా పరలోకపు తండ్రి – వ్యవసాయకుడా (2) / నీ తోటలోని ద్రాక్షావల్లితో / నను అంటు కట్టి స్థిరపరచావా (2) ||జ్యోతి|| / నా పరలోకపు తండ్రి – నా మంచి కుమ్మరి (2) / నీకిష్టమైన పాత్రను చేయ / నను విసిరేయక సారెపై ఉంచావా (2) ||జ్యోతి|| / నా తండ్రి కుమారా – పరిశుద్దాత్ముడా (2) / త్రియేక దేవా ఆదిసంభూతుడా / నిను నేనేమని ఆరాధించెద (2) ||జ్యోతి||
శాశ్వత కృపను నేను తలంచగా / కానుకనైతిని నీ సన్నిధిలో (2) ||శాశ్వత|| / నా హృదయమెంతో జీవముగల దేవుని / దర్శింప ఆనందముతో కేక వేయుచున్నది (2) / నా దేహమెంతో నీకై ఆశించే (2) ||శాశ్వత|| / దూతలు చేయని నీ దివ్య సేవను / ధూళినైన నాకు చేయ కృపనిచ్చితివే (2) / ధూపార్తిని చేపట్టి చేసెద (2) ||శాశ్వత|| / భక్తిహీనులతో నివసించుటకంటెను / నీ మందిరావరణములో ఒక్కదినము గడుపుట (2) / వేయిదినాల కంటే శ్రేష్టమైనది (2) ||శాశ్వత|| / సీయోను శిఖరాన సిలువ సితారతో / సింహాసనము ఎదుట క్రొత్త పాట పాడెద (2) / సీయోను రారాజువు నీవేగా (2) ||శాశ్వత|| / నూతనమైన ఈ జీవ మార్గమందున / నూతన జీవము ఆత్మాభిషేకమే (2) / నూతన సృష్టిగా నన్ను మార్చెను (2) ||శాశ్వత||
నీ పద సేవయే చాలు / యేసు నాకదియే పది వేలు / నీ పద సేవయే చాలు / నీ పద జ్ఞానము నాకిలా క్షేమము / నీ పద గానము నాకిలా ప్రాణము (2) ||నీ పద|| / నీ నామమునే స్తుతియింపగను / నీ వాక్యమునే ధ్యానింపగను (2) / నీ రాజ్యమునే ప్రకటింపగను (2) / దీవెన నాకిలా దయచేయుమా ||నీ పద|| / నీ దరినే నివసింపగను / జీవమునే సాధింపగను (2) / సాతానును నే నెదిరింపగాను (2) / దీవెన నాకిలా దయచేయుమా ||నీ పద|| / నీ ప్రేమను నే చూపింపగను / నీ త్యాగమునే నొనరింపగను (2) / నీ సహనమునే ధరియింపగను (2) / దీవెన నాకిలా దయచేయుమా ||నీ పద||
నన్నెంతగానో ప్రేమించెను – నన్నెంతగానో కరుణించెను / నా యేసుడు నా పాపము – నా శాపము / తొలగించెను నను కరుణించెను (2) ||నన్నెంత|| / సాతాను బంధాలలో – జీవంపు డంబాలలో (2) / పడనీయక దరి చేరనీయక (2) / తన కృపలో నిరతంబు నను నిల్పెను (2) ||నన్నెంత|| / సత్యంబు జీవంబును – ఈ బ్రతుకు సాఫల్యము (2) / నేర్పించెను నాకు చూపించెను (2) / వర్ణింపగా లేను ఆ ప్రభువును (2) ||నన్నెంత|| / కల్వరి గిరిపైనను – ఆ సిలువ మరణంబును (2) / నా కోసమే యేసు శ్రమ పొందెను (2) / నా పాపమంతటిని క్షమియించెను (2) ||నన్నెంత|| / ఘనమైన ఆ ప్రేమకు – వెలలేని త్యాగంబుకు (2) / ఏమిత్తును నేనేమిత్తును (2) / నను నేను ఆ ప్రభుకు సమర్పింతును (2) ||నన్నెంత||