799 praise songs available. Lyrics in Roman and Telugu script.
యేసయ్యా నా యేసయ్యా ఎపుడయ్యా నీ రాకడ / రమ్ము రమ్ము యేసునాథ వేగమె రారమ్ము / ఆమెన్ ఆమెన్ హల్లెలూయ ఆమెన్ హల్లెలూయ / చూచుటకెన్నో వింతలున్నవి ఈ భువిలోన / చూడగా ఎందరో ఘనులున్నారు ఈ ధరలోన / ఏమి చూచిన ఎవరిని చూచిన ఫలమేమి / నా కన్నులారా నిన్ను చూడాలి యేసయ్యా ||రమ్ము|| / నా రూపమే మారునంట నిన్ను చూచువేళ / నిన్ను పోలి ఉండెదనంట నీవు వచ్చు వేళ / అనంతమైన నీ రాజ్యమే నా స్వదేశమయ్యా / అందుండు సర్వ సంపదలన్నీ నా స్వంతమయ్యా ||రమ్ము|| / అమూల్యమైన రత్నములతో అలంకరించబడి / గొర్రెపిల్ల దీపకాంతితో ప్రకాశించుచున్న / అంధకారమే లేని ఆ దివ్యనగరమందు / అవధులు లేని ఆనందముతో నీతో నుండెదను ||రమ్ము||
మార్గములను సృజించువాడు – జీవితాలను వెలిగించువాడు / బ్రతుకు నావ నడిపించువాడు – యెహోవాయే నాకుండగా (2) / నేను సాధించలేనిది లేనే లేదు – జయించలేనిది లేనే లేదు / అసాధ్యమైనది లేనే లేదు – విజయమెప్పుడూ నాదే (2) / ఎన్ని ఇక్కట్లు నాకెదురైననూ / జలములు నాపైకి లేచిననూ (2) / సంకెళ్లు నను బిగదీసిననూ / శత్రు గోడలు అడ్డుగా నిలచిననూ (2) ||నేను|| / జీవితమంతా శూన్యమైననూ / బంధువులందరు నను విడచిననూ (2) / వ్యాధులెన్నో నను చుట్టిననూ / అడ్డంకులెన్నో నాకెదురైననూ (2) ||నేను||
శృతిచేసి నే పాడనా స్తోత్ర గీతం / భజియించి నే పొగడనా స్వామీ (2) / శృతిచేసి నే పాడనా స్తోత్ర గీతం / హల్లేలూయా హల్లేలూయా / హల్లెలూయ హల్లెలూయ హల్లేలుయా (2) ||శృతిచేసి|| / దానియేలును సింహపు బోనులో / కాపాడినది నీవెకదా (2) / జలప్రళయములో నోవాహును గాచిన / బలవంతుడవు నీవెకదా (2) / నీవెకదా (3) ||హల్లేలూయా|| / సమరయ స్త్రీని కరుణతో బ్రోచిన / సత్య హితుడవు నీవెకదా (2) / పాపులకొరకై ప్రాణమునిచ్చిన / కరుణామయుడవు నీవెకదా (2) / నీవెకదా (3) ||హల్లేలూయా||
యేసు వంటి సుందరుడు ఎవ్వరు ఈ భువిలో / ఎన్నడు నే చూడలేదు ఇక చూడబోనుగా / పరిపూర్ణ సుందరుడు భువిలోన జీవితమునకు / నీవే చాలు వేరేవ్వరు నాదు ప్రియ యేసయ్య / మట్టికోసం మాణిక్యమును విడిచిపెట్టెను / పాడు మట్టికోసం మాణిక్యమును విడిచిపెట్టెను / పరిపూర్ణ సుందరుడు రక్షించుకొంటివి నన్ను / సంపూర్ణముగా నన్ను నీకు అర్పించెదను ||యేసు|| / యెరుషలేము కుమార్తెలు నన్ను చుట్టుముట్టిరి / నీపై నున్న ప్రేమను తొలగించబూనిరి ||యేసు|| / దినదినం నీపై నాప్రేమ పొంగుచున్నది / యేసయ్యా వేగమే వచ్చి నన్ను చేరుము ||యేసు||
హే ప్రభుయేసు హే ప్రభుయేసు హే ప్రభు దేవసుతా / సిల్వధరా – పాపహరా – శాంతికరా ||హే ప్రభు|| / శాంతి సమాధానాధిపతీ / స్వాంతములో ప్రశాంతనిధీ (2) / శాంతి స్వరూపా జీవనదీపా (2) / శాంతి సువార్తనిధీ ||సిల్వధరా|| / తపములు తరచిన నిన్నెగదా / జపములు గొలిచిన నిన్నెగదా (2) / విఫలులు చేసిన విజ్ఞాపనలకు (2) / సఫలత నీవెగదా ||సిల్వధరా|| / మతములు వెదకిన నిన్నెకదా / వ్రతములుగోరిన నిన్నెగదా (2) / పతితులు దేవుని సుతులని నేర్పిన (2) / హితమతి వీవెగదా ||సిల్వధరా|| / పలుకులలో నీ శాంతికధ / తొలకరి వానగా కురిసెగదా (2) / మలమల మాడిన మానవ హృదయము (2) / కలకలలాడె కదా ||సిల్వధరా|| / కాననతుల్య సమాజములో / హీనత జెందెను మానవత (2) / మానవ మైత్రిని సిల్వ పతాకము (2) / దానము జేసెగదా ||సిల్వ ధరా|| / దేవుని బాసిన లోకములో / చావుయే కాపురముండె గదా (2) / దేవునితో సఖ్యంబును జగతికి (2) / యీవి నిడితివి గదా ||సిల్వ ధరా|| / పాపము చేసిన స్త్రీని గని / పాపుల కోపము మండె గదా (2) / దాపున జేరి పాపిని బ్రోచిన (2) / కాపరి వీవెగదా ||సిల్వ ధరా|| / ఖాళీ సమాధిలో మరణమును / ఖైదిగ జేసిన నీవే గదా (2) / ఖలమయుడగు సాతానుని గర్వము (2) / ఖండనమాయె గదా ||సిల్వ ధరా|| / కలువరిలో నీ శాంతి సుధా / సెలయేరుగ బ్రవహించె గదా (2) / కలుష ఎడారిలో కలువలు పూయుట (2) / సిలువ విజయము గదా ||సిల్వ ధరా||
హోసన్ననుచూ స్తుతి పాడుచూ సీయోనుకు చేరెదం (2) / హోసన్నా… హోసన్నా… (4) ||హోసన్ననుచూ|| / ఈ లోకయాత్రలో బాటసారులం / ఈ జీవన కడలిలో పరదేశులం (2) / క్షణభంగురం ఈ క్షయ జీవితం / అక్షయ నగరం మనకు శాశ్వతం (2) ||హోసన్నా|| / మన్నయిన ఈ దేహం మహిమరూపమై / ధవళవర్ణ వస్త్రములు ధరియించెదము (2) / నాధుడేసుకు నవ వధువులము / నీతి పాలనలోన యువరాణులము (2) ||హోసన్నా|| / ప్రతి భాష్ప బిందువును తుడిచివేయును / చింతలన్ని తీర్చి చెంత నిలుచును (2) / ఆకలి లేదు దప్పిక లేదు / ఆహా మన యేసుతో నిత్యమానందం (2) ||హోసన్నా||
హల్లెలూయ పాట – యేసయ్య పాట / పాడాలి ప్రతి చోట – పాడాలి ప్రతి నోట / హల్లెలూయా హల్లెలూయా హల్లెలూయా (4) ||హల్లెలూయ|| / కష్టాలుయే కలిగినా – కన్నీరుయే మిగిలినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / చెరసాలలో వేసినా- సంకెళ్లు బిగియించినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / నీ తల్లి నిను మరిచినా – మరువడు నీ దేవుడు (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / శోధనలు నిను చుట్టినా – సంతోషమే తట్టినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / సింహాల కెరవేసినా – అగ్నిలో పడవేసినా (2) / ధీరుడవై సాగుమా – ప్రభు సిల్వనే చాటుమా (2) ||హల్లెలూయ||
మా ఊహలు పుట్టక మునుపే – మా సర్వమునెరిగిన దేవా (2) / ఇహపరములలో నీవే – మా కోర్కెలు తీర్చెడి ప్రభువా (2) / విశ్వాస నిరీక్షణతో – కనిపెట్టియున్నచో (2) / పొందెదము ఎన్నో మేలులూ – ప్రభువా నీ పాద సన్నిధిలో (2) ||మా ఊహలు|| / నిన్నడుగకుండగనే – మోషేను పిలచితివి / నిన్నడిగిన సొలోమోనుకు – జ్ఞాన సిరుల నొసగిన దేవా (2) / పలు సమయముల యందు – పలు వరముల నిచ్చితివి (2) / అడుగనేల ప్రభువా ఈ ధరలో – నీ దివ్య కృపయే చాలు ||మా ఊహలు|| / ప్రార్ధించుచుంటిమి – సమస్యలు తీర్చమని / నిన్నడుగుచున్నాము నీ – రాజ్యములో చోటిమ్మని (2) / ఊహించు వాటికంటె – అధికముగా నిచ్చెడి దేవా (2) / ఇంతకంటె మాకేమి వలదు – నీ తోడు నీడే చాలు ||మా ఊహలు||
స్తుతిపాత్రుడా స్తోత్రార్హుడా / స్తుతులందుకో పూజార్హుడా (2) / ఆకాశమందు నీవు తప్ప / నాకెవరున్నారు నా ప్రభు (2) ||స్తుతి|| / నా శత్రువులు నను తరుముచుండగా / నా యాత్మ నాలో కృంగెనే ప్రభు (2) / నా మనస్సు నీవైపు – త్రిప్పిన వెంటనే / శత్రువుల చేతినుండి విడిపించినావు / కాపాడినావు (2) ||స్తుతి|| / నా ప్రాణ స్నేహితులు నన్ను చూచి / దూరాన నిలిచేరు నా ప్రభూ (2) / నీ వాక్య ధ్యానమే – నా త్రోవకు వెలుగై / నను నిల్పెను నీ సన్నిధిలో / నీ సంఘములో (2) ||స్తుతి||
నేను వెళ్ళే మార్గము – నా యేసుకే తెలియును / శోధించబడిన మీదట – నేను సువర్ణమై మారెదను (2) ||నేను|| / కడలేని కడలి తీరము – ఎడమాయె కడకు నా బ్రతుకున (2) / గురిలేని తరుణాన వెరువగ – నా దరినే నిలిచేవ నా ప్రభు / హల్లేలూయా హల్లేలూయా హల్లేలూయా ఆమేన్ (2) / జలములలోబడి నే వెళ్లినా – అవి నా మీద పారవు (2) / అగ్నిలో నేను నడచినా – జ్వాలలు నను కాల్చజాలవు / హల్లేలూయా హల్లేలూయా హల్లేలూయా ఆమేన్ (2) / విశ్వాస నావ సాగుచు – పయనించు సమయాన నా ప్రభు (2) / సాతాను సుడిగాలి రేపగా – నా యెదుటే నిలిచేవా నా ప్రభు / హల్లేలూయా హల్లేలూయా హల్లేలూయా ఆమేన్ (2) ||నేను||
మహిమ నీకే ప్రభూ – ఘనత నీకే ప్రభూ (2) / స్తుతి మహిమ ఘనతయు – ప్రభావము నీకే ప్రభూ (2) / ఆరాధనా… ఆరాధనా… (2) / ప్రియ యేసు ప్రభునకే – నా యేసు ప్రభునకే ||మహిమ|| / సమీపింపరాని తేజస్సునందు – వసియించు అమరుండవే / శ్రీమంతుడవే సర్వాధిపతివే – నీ సర్వము నాకిచ్చితివే (2) ||ఆరాధనా|| / ఎంతో ప్రేమించి నాకై ఏతించి – ప్రాణము నర్పించితివే / విలువైన రక్తం చిందించి – నన్ను విమోచించితివే (2) ||ఆరాధనా|| / ఆశ్చర్యకరమైన నీ వెలుగులోనికి – నను పిలచి వెలిగించితివే / నీ గుణాతిశయముల్ ధరనే ప్రచురింప – ఏర్పర్చుకొంటివే (2) ||ఆరాధనా||
యేసు పరిశుద్ధ నామమునకు / ఎప్పుడు అధిక స్తోత్రము (2) / ఇహపరమున మేలైన నామము / శక్తి గల్గినట్టి నామమిది (2) / పరిశుద్దులు స్తుతించు నామమిది (2) ||యేసు|| / సైతానున్ పాతాళమును జయించు / వీరత్వము గల నామమిది (2) / జయమొందెదము ఈ నామమున (2) ||యేసు|| / నశించు పాపుల రక్షించు లోక / మున కేతెంచిన నామమిది (2) / పరలోకమున చేర్చు నామమిది (2) ||యేసు|| / ఉత్తమ భక్తుల పొగడి స్తుతించు / ఉన్నత దేవుని నామమిది (2) / లోకమంతా ప్రకాశించే నామమిది (2) ||యేసు|| / శోధన, బాధల, కష్ట సమయాన / ఓదార్చి నడుపు నామమిది (2) / ఆటంకము తొలగించు నామమిది (2) ||యేసు||