799 praise songs available. Lyrics in Roman and Telugu script.
సృష్టి కర్తా యేసు దేవా / సర్వ లోకం నీ మాట వినును (2) / సర్వ లోక నాథా సకలం నీవేగా / సర్వ లోక రాజా సర్వము నీవేగా / సన్నుతింతును అను నిత్యము ||సృష్టి|| / కానాన్ వివాహములో అద్భుతముగా / నీటిని ద్రాక్షా రసము చేసి / కనలేని అంధులకు చూపు నొసగి / చెవిటి మూగల బాగు పరచితివి / నీకసాధ్యమేదీ లేనే లేదు ఇలలో / ఆశ్చర్యకరుడా గొప్ప దేవుడవు ||సర్వ|| / మృతుల సహితము జీవింపజేసి / మృతిని గెలిచి తిరిగి లేచితివి / నీ రాజ్యములో నీతో వసింప / కొనిపోవ త్వరలో రానుంటివే / నీకసాధ్యమేదీ లేనే లేదు ఇలలో / ఆశ్చర్యకరుడా గొప్ప దేవుడవు ||సర్వ||
యేసు రాజ నాలో నిన్ను చూడనీ / త్వరలో నీలో నన్ను సాగనీ (2) / హల్లెలూయా హల్లెలూయా హల్లెలూయా / యేసయ్యా నా యేసయ్యా – (2) ||యేసు రాజ|| / తరిమే తరతరాల ఒరవడిలో / ఉరికే పరిసరాల సవ్వడిలో (2) / నీ తోడే చాలని – నీ నీడే మేలని / నా కోట నీవని – నీ సాటి లేరని ||యేసయ్యా|| / పెరిగే అన్యాయపు చీకటిలో / కరిగే అనురాగపు వాకిటలో (2) / నీ మాట చాలని – నీ బాట మేలని / నా పాట నీవని – నీ సాటి లేరని ||యేసయ్యా||
నీ ప్రేమ మాధుర్యము నేనేమని వర్ణింతును / నా ఊహ చాలదు ఊపిరి చాలదు / ఎంతో ఎంతో మధురం / నీ ప్రేమ ఎంతో మధురం / ప్రభు యేసు ప్రేమ మధురం / నా పూర్ణ హృదయముతో నా పూర్ణ ఆత్మతో / నా పూర్ణ మనస్సుతో / నిను పూజింతును నా ప్రభువా (2) ||నీ ప్రేమ|| / దేవదూతలు రేయింబవలు / కొనియాడుచుందురు నీ ప్రేమను (2) / కృపామయుడా కరుణించువాడా / ప్రేమస్వరూపా ప్రణుతింతునయ్యా (2) ||నా పూర్ణ|| / సృష్టికర్తవు సర్వలోకమును / కాపాడువాడవు పాలించువాడవు (2) / సర్వమానవులను పరమున చేర్చెడి / అద్వితీయుడా ఆరాధ్యదైవమా (2) ||నా పూర్ణ||
యేసయ్యా నా ప్రాణ నాథా / రుజువాయే – నీ ప్రేమ – నా యెడల – కల్వరిలో – (2) / హల్లెలూయా హల్లెలూయా (2) / హల్లెలూయా నా యేసయ్యా (2) ||యేసయ్యా|| / నన్ను తలంచి ఏతెంచినవే – ఈ ధరకు / నా ఘోర స్థితి చూచి వెనుదీయలేదే – నీ ప్రేమ / నీ ఔన్నత్యం మహిమా ప్రభావం వీడితివి / కడు దీనుడవై నా పాప భారం మోసితివి / రిక్తుడవై వేలాడితివే / రక్తమే నాకై కార్చితివి ||హల్లెలూయా|| / పునరుత్తానుండా మృతి చెందలేదే – నీ ప్రేమ / యుగముల అంతము వరకు నాకై వేచినది – నీ ప్రేమ / ప్రత్యక్షపరచితివి ఈ పాపికి నీ ప్రేమ కల్వరిలో / శాశ్వత ప్రేమతో ప్రేమించుచున్నావని తెలిపితివి / అందదు నా మందికి అద్భుత ప్రేమ – (2) ||హల్లెలూయా|| / నీ అనాది ప్రేమ పునాదులపై నన్ను – నిర్మించితివే / నీ స్వకీయ సంపాద్యముగా నన్ను – చేసితివే / నను చెక్కుకున్నావు ప్రేమతో నీ అరచేతులందు / ఎంతని వర్ణింతు నీ ప్రేమ నా యేసు దేవా / చాలదు నా జీవిత కాలమంతా – (2) ||హల్లెలూయా||
నీ ప్రేమే నాకు చాలయ్యా ఓ యేసయ్యా / నీ కృపయే నాకు తోడయ్యా ఓ మెస్సయ్యా (2) / నీ దీవెనా నాకు చాలయ్యా (2) / ఓ కరుణామయా (4) ||నీ ప్రేమే|| / నన్ను ప్రేమించి నన్నాదరించి / నీ సన్నిధిలో నను నిలిపితివి (2) ||నీ దీవెనా|| / ఈ లోక మనుషులు నన్ను ద్వేషించినా / నీవు నన్ను మరువని దేవుడవు (2) ||నీ దీవెనా|| / కరువులు భూకంపాలు యుద్ధాలు వచ్చినా / నీ రాకడకు గుర్తులుగా ఉన్నవి (2) / నీ సువార్తను నే చాటెదను (2) / ఓ కరుణామయా (4) ||నీ ప్రేమే||
ఎంత మంచి కాపరి – యేసే నా ఊపిరి (2) / తప్పిపోయిన గొర్రె నేను / వెదకి కనుగొన్నావయ్యా / నీ ప్రేమ చూపినయ్య (2) ||ఎంత|| / సుఖములంటూ లోకమంటూ / నీదు వాక్యము మరచితి / నీదు సన్నిధి విడచితి (2) / యేసయ్యా ప్రేమ మూర్తివయ్యా / నా అతిక్రమములు క్షమియించి / జాలి చూపితివి (2) ||ఎంత|| / నా తలంపులు నా క్రియలు / నీకు తెలిసేయున్నవి / నీవే నిర్మాణకుడవు (2) / యేసయ్యా ప్రేమ మూర్తివయ్యా / కృతజ్ఞతా స్తుతులు నీకు / సమర్పించెదను (2) ||ఎంత||
ఒక్కడే యేసు ఒక్కడే / ఒక్కడే పరిశుద్ధుడు ఒక్కడే (2) / మహాదేవుడు మహిమోన్నతుడు / లోకానికి రక్షకుడు యేసు ఒక్కడే (2) ||ఒక్కడే|| / పాపిని రక్షించువాడు యేసు ఒక్కడే / పాపిని ప్రేమించువాడు యేసు ఒక్కడే (2) / జీవమార్గమై సత్యదైవమై / మోక్షానికి చేర్చువాడు యేసు ఒక్కడే (2) ||ఒక్కడే|| / అద్వితీయ దేవుడు యేసు ఒక్కడే / అద్భుతములు చేయువాడు యేసు ఒక్కడే (2) / ఆదరించి ఆశ్రయమిచ్చి / అనుక్షణము కాపాడు యేసు ఒక్కడే (2) ||ఒక్కడే|| / నిత్యమూ ప్రేమించువాడు యేసు ఒక్కడే / నిత్యా శాంతినిచ్చువాడు యేసు ఒక్కడే (2) / నీ వేదనలో నీ బాధలలో / నీ అండగా నిలుచువాడు యేసు ఒక్కడే (2) ||ఒక్కడే|| / మరణము గెలిచినవాడు యేసు ఒక్కడే / మరల రానున్నవాడు యేసు ఒక్కడే (2) / పరిశుద్దులను ఆ పరమునకు / కొనిపోవువాడు యేసు ఒక్కడే (2) ||ఒక్కడే||
శాశ్వత ప్రేమతో నన్ను ప్రేమించావయ్యా / కృప చూపి నన్ను రక్షించవయ్యా (2) / నీ ప్రేమ గొప్పది – నీ జాలి గొప్పది / నీ కృపా గొప్పది – నీ దయ గొప్పది (2) / అనాథనైనా నన్ను వెదకి వచ్చావు / ఆదరించి కౌగిలించి హత్తుకొంటివి (2) ||నీ ప్రేమ|| / అస్థిరమైన లోకములో తిరిగితినయ్యా / సాటిలేని యేసయ్య చేర్చుకొంటివి (2) ||నీ ప్రేమ|| / తల్లి గర్భమందు నన్ను చూచియుంటివి / తల్లిలా ఆదరించి నడిపించితివి (2) ||నీ ప్రేమ|| / నడుచుచున్న మర్గమంత యోచించగా / కన్నీటితో వందనములు తెలుపుదునయ్యా (2) ||నీ ప్రేమ|| / ప్రభువు చేయవలసినది ఆటంకం లేదు / సమస్తము మేలుకై చేసిన దేవా (2) ||నీ ప్రేమ||
సరి రారెవ్వరు – నా ప్రియుడైన యేసయ్యకు (2) / సర్వము నెరిగిన సర్వేశ్వరునికి / సరిహద్దులు లేని పరిశుద్ధునికి (2) ||సరి|| / నమ్మదగిన వాడే నలు దిశల – నెమ్మది కలుగ చేయువాడే (2) / నాజీరు వ్రతము జీవితమంతా అనుసరించినాడే (2) / నాకై నిలువెల్ల సిలువలో నలిగి కరిగినాడే (2) ||సరి|| / ఆరోగ్య ప్రదాతయే సంపూర్ణ స్వస్థత అనుగ్రహించువాడే (2) / ఆశ్చర్య క్రియలు జీవితమంతా చేయుచు తిరిగినాడే (2) / నాకై కొరడాల దెబ్బలను అనుభవించినాడే (2) ||సరి|| / పునరుత్థానుడే జయశీలి మృతిని గెలిచి లేచినాడే (2) / శ్రేష్టమైన పునరుత్థాన బలము ఇచ్చినాడే (2) / నాకై అతి త్వరలో మహిమతో రానైయున్నవాడే (2) ||సరి||
స్తుతించెదను స్తుతించెదను / నా యేసు ప్రభున్ కృతజ్ఞతతో అనుదినము ||స్తుతించెదను|| / ఉన్నత దేవుడు సర్వాధిపతియు – ఉర్వి పరిపాలక (2) / ఉన్నతం విసర్జించి నన్ను వెదకిన – ఉత్తమ స్నేహితుని (2) / ఉదయం సంధ్యా ఎల్లప్పుడును – ఉత్సాహ ధ్వనితో పాడెదను (2) ||స్తుతించెదను|| / నాశనకరమైన పాప గుంట నుండి – నరక వేదన నుండి (2) / నన్ను విడిపించి నిలిపిన దేవా – నిర్మల స్వరూప (2) / నీతి సమాధానం సంతోషముతో – నిత్య జీవము నాకిచ్చితివి (2) ||స్తుతించెదను|| / పాపము క్షమించి రోగము బాపి – భయమును దీర్చి (2) / పవిత్రదాయక పావన మూర్తి – పరిశుద్ధ మిచ్చిన (2) / పరమ పాదం శరణ్యం నాకు – పరమ రాజా పుణ్య దేవా (2) ||స్తుతించెదను|| / తల్లి గర్భమునకు ముందేర్పరచి – దేహము నమర్చియును (2) / దక్షిణ బాహుతో పట్టుకొనిన – దయా సంపూర్ణుడా (2) / దిక్కు జయము ఆదరణయు – దయతో అనుగ్రహించితివి (2) ||స్తుతించెదను|| / సిలువనెత్తి శ్రమలు సహించి – సేవకు పిలచిన (2) / స్నేహ దర్శక వీర యోధ – సంశయ హారకా (2) / శ్రమలు నింద ఆకలియైన – నీ స్నేహమునుండి ఎడబాపునా (2) ||స్తుతించెదను||
పరలోకంలో ఉన్న మా యేసు / భూ లోకమంతటికి వెలుగు నీవయ్యా (2) / బూర గానంలో యేసు రావాలా / యేసులో నేను సాగిపోవాలా (2) ||పరలోకంలో|| / స్తుతి పాటలే నేను పాడాలా / క్రీస్తు ఒడిలో నే సాగి పోవాలా (2) ||పరలోకంలో|| / మధ్యాకాశంలో విందు జరగాలా / విందులో నేను పాలు పొందాలా (2) ||పరలోకంలో|| / సూర్య చంద్రుల నక్షత్రాలన్నీ / నీ దయ వలన కలిగినావయ్యా (2) ||పరలోకంలో|| / సృష్టిలో ఉన్న జీవులన్నిటిని / నీ మహిమ కలిగినావయ్యా (2) ||పరలోకంలో|| / దూత గానంతో యేసు రావాలా / యేసు గానంలో మనమంతా నడవాలా (2) ||పరలోకంలో||
స్తోత్రబలి స్తోత్రబలి – మంచిదేవా నీకేనయ్యా / శుభవేళ ఆనందమే – నా తండ్రి నీ చిరుపాదమే (2) / నిన్నటి బాధలంతా నేటికి మాయమయ్యే (2) / నెమ్మది ఉదయించె అది శాశ్వతమైనదయ్యా (2) / కోటి కోటి స్తోత్రం డాడి (3) ||స్తోత్రబలి|| / రేయంతా కాచితివి మరు దినమిచ్చితివి (2) / మరువని నా స్నేహమా నీతో కలసి సంతోషింతును (2) / కోటి కోటి స్తోత్రం డాడి (3) ||స్తోత్రబలి|| / నీ సేవ మార్గంలో ఉత్సాహం నొసగితివి (2) / ఉరికురికి పనిచేయ నాకు ఆరోగ్యమిచ్చితివి (2) / కోటి కోటి స్తోత్రం డాడి (3) ||స్తోత్రబలి|| / వేదన దుఃఖమైన ఎన్నడు విడదీయదు (2) / యేసయ్య నీ నీడలో దినదినం జీవింతును (2) / కోటి కోటి స్తోత్రం డాడి (3) ||స్తోత్రబలి||