318 hope songs available. Lyrics in Roman and Telugu script.
నీ పాదాలే నాకు శరణం / యేసయ్యా నీవే ఆధారము (2) / నా ఆశ్రయ పురము – ఎత్తైన కోటవి నీవేనయ్యా (2) / నా దాగు చాటు నీవే యేసయ్యా (2) ||నీ పాదాలే|| / అలసిన సమయములో ఆశ్రయించితి నీ పాద సన్నిధి (2) / నా ఆశ్రయుడా నీ కన్నా నాకు / కనిపించదు వేరొక ఆశ్రయము (2) / కనిపించదు వేరొక ఆశ్రయము / శరణం శరణం శరణం / నీవే శరణం యేసయ్యా (2) ||నీ పాదాలే|| / ఇరుకు ఇబ్బందులలో చూచుచుంటిని నీ వైపు నేను (2) / నా పోషకుడా నీ కన్న నాకు / కనిపించరే వేరొక పోషకుడు (2) / కనిపించరే వేరొక పోషకుడు / శరణం శరణం శరణం / నీవే శరణం యేసయ్యా (2) ||నీ పాదాలే|| / సాతాను శోధనలో పరుగెత్తితిని నీ వాక్కు కొరకు (2) / నా జయశీలుడా నీకన్న నాకు / కనిపించరే జయమును ఇచ్చే వేరొకరు (2) / కనిపించరే జయమునిచ్చే వేరొకరు / శరణం శరణం శరణం / నీవే శరణం యేసయ్యా (2) ||నీ పాదాలే||
వీనులకు విందులు చేసే యేసయ్య సు చరిత్ర / వేగిరమే వినుటకు రారండి / ఓ సోదరులారా.. వేగిరమే వినుటకు రారండి ||వీనులకు|| / రండి… విన రారండి / యేసయ్య ఎవరో తెలిసికొన రారండి (2) / నీ పాప భారమును తొలగించేది యేసయ్యేనండి / మోక్షానికి మార్గం చూపించేది యేసయ్యేనండి (2) / రండి… ||వీనులకు|| / రండి… వచ్చి చూడండి / యేసయ్య చేసే కార్యములు చూడండి (2) / నీ వ్యాధి బాధలు తొలగించేది యేసయ్యేనండి / శాంతి సుఖములు కలిగించేది యేసయ్యేనండి (2) / రండి… ||వీనులకు|| / సృష్టి కర్తను మరచావు నీవు / సృష్టిని నీవు పూజింప దగునా (2) / భూమ్యాకాశాలను సృష్టించింది యేసయ్యేనండి / నిను నూతన సృష్టిగా మార్చేది యేసయ్యేనండి (2) / రండి… ||వీనులకు||
మహోన్నతుడా నీ చాటున నే నివసించెదను / సర్వశక్తుడా నీ నీడలో నే విశ్రమించెదను / బలవంతుడా నీ సన్నిధినే / నే ఆశ్రయించెదా అనుదినము / యేసయ్యా యేసయ్యా / రాత్రివేళ కలుగు భయముకైనా / పగటిలో ఎగిరే బాణముకైనా / చీకటిలో సంచరించు తెగులుకైనా / దినమెల్లా వేధించు వ్యాధికైనా / నే భయపడను నే దిగులు చెందను / యెహోవా రాఫా నా తోడు నీవే / యేసయ్యా యేసయ్యా / వేయిమంది నా ప్రక్క పడిపోయినా / పదివేలు నా చుట్టు కాలినను / అంధకారమే నన్ను చుట్టుముట్టినా / మరణ భయమే నన్ను వేధించినా / నే భయపడను నే దిగులు చెందను / యెహోవా నిస్సి నా తోడు నీవే / యేసయ్యా యేసయ్యా / నిను ప్రేమించువారిని తప్పించువాడా / నిన్నెరిగిన వారిని ఘనపరచువాడా / నా యుద్ధము జయించి లేవనెత్తువాడా / కృప వెంబడి కృప చూపించువాడా / యేసయ్యా యేసయ్యా / నే భయపడను నే దిగులు చెందను / యెహోవా షాలోం నా తోడు నీవే
కదలకుందువు సీయోను కొండవలె / బెదరకుందువు బలమైన సింహం వలె (2) / యేసయ్య నీ చెంత ఉండగా / ఏ చింత నీకింక లేదుగా (2) / కష్టములెన్నో కలుగుచున్ననూ / నిట్టూర్పులెన్నో వచ్చియున్ననూ / దుష్ట జనములుపై దుమికి తరిమిన / భ్రష్ట మనుష్యులు నీ మీదికి వచ్చినా ||కదలకుందువు|| / నీటి వరదలు నిలువెత్తున వచ్చినా / నిండు సముద్రము నీళ్లు ఉప్పొంగి పొరలినా / ఆకాశము నుండి పై అగ్ని కురసినన్ / ఏనాడు ఏ కష్టం నష్టం నీకుండదు ||కదలకుందువు|| / నీరు కట్టిన తోటవలెను / నిత్యం ఉబుకుచుండు నీటి ఊటవలెను / నీటి కాల్వల యోరను నాటబడినదై / వర్ధిల్లు వృక్షం వలె నిక్షేపముగా నీవుందువ్ ||కదలకుందువు||
కరుణించుము మము పరమ పితా / శరణం నీవే ప్రభు యేసా (2) / హల్లెలూయా హల్లెలూయా / హల్లెలూయా హల్లెలూయా / యెరూషలేము చుట్టూను – పర్వతములు ఉంచిన దేవా / పరిశుద్ధుల చుట్టును నీవే – నిరతము నుందు నంటివిగా ||హల్లెలూయా|| / రాత్రిలో కలుగు భయమేమి – రాకుండ జేయుచుండెదవు / రాత్రిలో నీ హస్తముతో – రయముగ కప్పుము ప్రియ తండ్రి ||హల్లెలూయా|| / రథమును గుఱ్ఱము రౌతులను – రాత్రిలో చుట్టిరి సిరియనులు / రథమును అగ్ని గుఱ్ఱములన్ – రక్షణగా ఉంచిన దేవా ||హల్లెలూయా|| / అర్ధ రాత్రిలో యాకోబు – అడవిలో నిద్రించిన గాని / ప్రార్ధన చేయుట నేర్పితివి – పరలోక ద్వారము చూపితివి ||హల్లెలూయా||
కష్ట నష్టాలైనా కడగండ్ల బ్రతుకైనా / ఈ జీవి నీ తోడు ఎడబాసి పోదులే (2) / ఓ యేసయ్యా… / ఈ జీవి నీ తోడు ఎడబాసి పోదులే(2) / నిను ఎడబాసినపుడు – నా బ్రతుకే దండగా / బ్రతికున్న మూన్నాళ్ళ – నీతోనే పండుగా / యేసయ్య మార్గమే నడవర ఓరన్న (2) ||కష్ట|| / కొండగా అండగా – నీవుండగ లోకాన / ఎండిన ఎముకలయినా – ఉండుగా జీవంగా / యేసయ్య మార్గమే నడవర ఓరన్న (2) ||కష్ట|| / కారు మబ్బు కమ్మినా – కాలమెదురు తిరిగినా / నీ సిలువ నెత్తుకొని – నే సాగిపోతాను / నీ సిలువ నెత్తుకొని – నే సాగిపోతాను (2) ||కష్ట||
యేసు చాలును యేసు చాలును / యే సమయమైన యే స్థితికైన / నా జీవితములో యేసు చాలును / పరమజీవము నాకు నివ్వ తిరిగి లేచెను నాతో నుండ / నిరంతరము నన్ను నడిపించును మరల వచ్చి యేసు కొని పోవును ||యేసు|| / సాతాను శోధనలధికమైన సొమ్మసిల్లక సాగి వెళ్ళెదను / లోకము శరీరము లాగినను లోబడక నేను వెళ్ళెదను ||యేసు|| / పచ్చిక బయలులో పరుండజేయున్ శాంతి జలము చెంత నడిపించును / అనిశము ప్రాణము తృప్తిపరచున్ మరణ లోయలో నన్ను కాపాడును ||యేసు|| / నరులెల్లరు నన్ను విడిచినను శరీరము కుళ్లి కృశించినను / హరించినన్ నా ఐశ్వర్యము విరోధివలె నన్ను విడచినను ||యేసు||
నలుగకుండ గోధుమలు కడుపు నింప గలుగునా / కరగకుండ కొవ్వొత్తి కాంతి నివ్వగలుగునా (2) / ఆత్మీయ యాత్రలో నలుగుటయే విలువయా / ఇరుకైన బాటలో కరుగుటయే వెలుగయా (2) ||నలుగకుండ|| / పగలని బండనుండి జలములు హోరులు / విరుగని పొలము మనకు పంటలివ్వగలుగునా (2) / పరలోక యాత్రలో పగులుటయే ఫలమయా (2) / విశ్వాసి బాటలో విరుగుటయే పరమయా (2) ||నలుగకుండ|| / రక్తము చిందకుండ పాపములు పోవునా / కన్నీరు కార్చకుండ కలుషములు కరుగునా (2) / అంతిమ యాత్రలో క్రీస్తేసే గమ్యమయా (2) / ఏకాంత బాటలో ప్రభు యేసే శరణమయా / బహు దూర బాటలో ప్రభు యేసే శరణమయా ||నలుగకుండ||
అన్ని వేళల వినువాడు నీ ప్రార్ధనలన్నియు / ఏ బేధము లేకనే ఆలకింపనైయున్నాడు (2) / ప్రార్ధించుము అలయకనే / కనిపెట్టుము విశ్వాసముతో (2) / నీ ప్రార్ధనే మార్చును నీ స్థితి / నీ ఎదలో కన్నీరు తుడచును ||అన్ని|| / కుమిలిపోతూ నలిగిపోతూ / ఏమౌతుందో అర్ధం కాక (2) / వేదన చెందుతూ నిరాశలో మునిగావా (2) / ఒకసారి యోచించుమా / నీ మొఱ్ఱను వినువాడు యెసయ్యే (2) ||అన్ని|| / ఎవరికీ చెప్పుకోలేక / అంతగా బాధ ఎందుకు (2) / మొఱ్ఱపెట్టిన వారికి సమీపముగా యేసు ఉండును (2) / ఒకసారి యోచించుమా / నీ మొఱ్ఱను వినువాడు యెసయ్యే (2) ||అన్ని||
నా ప్రాణం తల్లడిల్లగా / భూదిగంతముల నుండి మొర పెట్టుచున్నాను / దేవా నా మొర ఆలకించుమా / నా ప్రార్థనకు చెవియొగ్గుమా (2) / నా ప్రాణం తల్లడిల్లగా / భూదిగంతముల నుండి మొర పెట్టుచున్నాను (2) / నేను ఎక్కలేనంత ఎత్తైన కొండ పైకి / ఎక్కించుము నను నడిపించుము (2) ||దేవా|| / నీవు నాకు ఆశ్రయముగ నుంటివి / శత్రువుల ఎదుట బలమైన కోటగా నుంటివి (2) / యుగయుగములు నేను నీ గుడారములో నుందును / నీ రెక్కల చాటున దాగి యుందును (2) / నీ రెక్కల చాటున దాగి యుందును ||దేవా|| / నా రక్షణ మహిమకు ఆధారము నీవే / నా ఆశ్రయ దుర్గం నా నిరీక్షణ మార్గము నీవే (2) / నీ ప్రేమ బాటలో నడిపించుమయ్యా / నీ పోలికగా నన్ను మలచుమయ్యా (2) / నీ పోలికగా నన్ను మలచుమయ్యా ||దేవా||
క్రీస్తులో జీవించు నాకు – ఎల్లప్పుడు జయముండును / జయముంది జయముంది – జయముంది నాకు (2) / ఎటువంటి శ్రమలొచ్చినా – నేను దిగులు పడను ఇలలో (2) / ఎవరేమి చెప్పిననూ – నేను సోలిపోనెప్పుడూ (2) ||జయముంది|| / నా రాజు ముందున్నాడు – గొప్ప జయముతో వెళ్లుచున్నాడు (2) / మట్టలను చేత పట్టి – నేను హోసన్నా పాడెదను (2) ||జయముంది|| / సాతాను అధికారమున్ – నా రాజు తీసివేసెను (2) / సిలువలో దిగగొట్టి – యేసు కాళ్లతో త్రొక్కి వేసెను (2) ||జయముంది||
నా దేవుని కృపవలన / సమస్తము సమకూడి జరుగును (2) / నాకు లేమి లేనే లేదు / అపాయమేమియు రానే రాదు (2) ||నా దేవుని|| / కరువులో కష్టాలలో / ఆయనే నన్ను బలపరుచును (2) / ఆయనే నన్ను బలపరుచును / ఆయనే నన్ను ఘనపరుచును (2) ||నా దేవుని|| / శ్రమలలో శోధనలో / ఆయనే నాకు ఆశ్రయము (2) / ఆయనే నాకు ఆశ్రయము / ఆయనే నాకు అతిశయము (2) ||నా దేవుని|| / ఇరుకులో ఇబ్బందిలో / ఆయనే నన్ను విడిపించును (2) / ఆయనే నన్ను విడిపించును / ఆయనే నన్ను నడిపించును (2) ||నా దేవుని||